Tenga kufungua kozi ya beach Soccer, ratiba ya Stars hadharani

Na Boniface Wambura

RAIS wa Shirikisho la Mpira wa Miguu Tanzania (TFF), Leodegar Tenga atakuwa mgeni rasmi kwenye ufunguzi wa kozi ya mpira wa miguu wa ufukweni (beach soccer) itakayoanza kesho (Julai 9 mwaka huu) jijini Dar es Salaam.

Kozi hiyo itafanyika kwa wiki nzima kwenye klabu ya Escape iliyoko karibu na Safari Carnival, Mikocheni karibu na makao makuu ya Jeshi la Kujenga Taifa (JKT)- JKT Mlalakuwa. Uzinduzi utafanyika saa 3 kamili asubuhi.

Washiriki wa kozi hiyo itakayokuwa chini ya wakufunzi kutoka Shirikisho la Kimataifa la Mpira wa Miguu (FIFA) ni 60 ambapo 30 ni makocha wa mpira wa miguu na 30 wengine ni waamuzi wa mpira wa miguu.

Wakufunzi hao wa FIFA ni Angelo Schirinzi kutoka Uswisi kwa upande wa makocha wakati George Postmar kutoka Uholanzi ndiye atakayewanoa waamuzi.

PROGRAMU YA MAZOEZI YA TAIFA STARS

Taifa Stars chini ya Kocha Kim Poulsen inaendelea kujinoa jijini Dar es Salaam tayari kuikabili Uganda (The Cranes) katika mechi ya kufuzu kwa Fainali za Afrika kwa Wazhezaji wa Ligi za Nyumbani (CHAN) itakayochezwa Jumamosi (Julai 13 mwaka huu) Uwanja wa Taifa, Dar es Salaam.

Ratiba ya mazoezi kwa Taifa Stars ni kama ifuatavyo;

Jumanne- Julai 9 mwaka huu      Saa 9 alasiri        Uwanja wa Taifa

Jumatano- Julai 10 mwaka huu   Saa 9 alasiri        Uwanja wa Taifa

Alhamisi- Julai 11 mwaka huu         Mapumziko

Ijumaa- Julai 12 mwaka huu       Saa 10 jioni         Uwanja wa Taifa

Jionee picha ajali nzima ya basi la Sumry lililoua watu 9 Katavi

Baadhi ya majeruhi wakiwa wamelazwa hospitalini

Majeruhi wa ajali hiyo wakisikilizia maumivu baada ya kupatiwa matibabu

wengine wakiwa wodini wakiendelea na matibabu

Mganga mkuu wa wilaya ya Mpanda Mkoani Katavi, Dr Emanuely Kamgobe akifafanua jinsi walivyoweza kumudu kuwahudumia wahanga wa ajali

Baadhi ya picha ya basi hilo baada ya kuopolewa mtoni

Basi la Sumry lenye namba T909AZT mara baada ya kuondolewa mtoni Sitalike maarufu kama nyumba ya VibokoJulai 5, 2013 

Kijidaraja chembamba kinachodaiwa kusababisha ajali tisa tangu Januari 2013 hadi Juni 2013

Daraja jembamba ambalo pia alina hata kingo za usalama siyo kwa magari hata waenda kwa miguu

Sumiampanda

Arsenal nayo yamnyatia Suarez wa Liverpool

Luis Suarez

IKIWA katika hatua ya mwisho ya kumnyakua Gonzalo Higuani, klabu ya Arsenal imetajwa kuwa mbioni kumfukizia mshambuliaji nyota wa Liverpool na Uruguay, Luis Suarez kwa ajili ya kuimarisha kikosi chao.
Klabu hio ya Arsenal ambayo ina misimu kadhaa haijanyakua taji lolote, imeomba kumnunua Suarez kwa paundi milioni 30.
Hata hivyo duru za kisoka zinasema kuwa  maombi yamekataliwa na Liverpool ikitaka wakali hao wa London ya Kaskazini kuongeza mkwanja zaidi iwapo wana nia ya kweli ya kumnyakua 'mtukutu' huyo wenye shabaha ya magoli.
Mshambuliaji huyo amekuwa na wakati mgumu nchini England kutokana na kuandamwa na vyomvo vya habari hasa kutokana na matukio kadhaa ya hivi karibuni aliyoyafanya kiasi cha kufungiwa kucheza soka kwa nyakati tofauti.
Tukio la awali lilikuwa ni la kibaguzi alilodaiwa kumfanyia beki wa Manchester United kabla ya kuonekana akimng'ata kiganja beki wa Chelsea. Branislav Ivanovic na kufungiwa kucheza mechi nane wakati tukio la kwanza alikosa mechi 109 na faini juu.
Suarez ameshaweka wazi dhamira yake ya kutaka kuondoka Liverpool, huku Real Madrid ilijaribu bahati yake kwa kutuma maombi ya kumsajili mshambuliaji huyo kabla ya Chelsea na Arsenal kuingia kwenye mbio hizo za kunasa saini yake.

Watu 42 waripotiwa kuuwawa vurugu za Misri

Maafisa wa Afya Misri wamesema takriban watu 42 wameuawa kwa kupigwa risasi mjini Cairo nje ya kambi ya kijeshi ambapo wafuasi wa Rais aliyeondolewa madarakani Mohammed Morsi walikua wamekusanyika na wanaamini anazuiliwa hapo. Watu wengine 300 wamejeruhiwa. Kundi la Muslima Brotherhood limewataka raia wa Misri kuwapinga wale linawaita wanaopokonya raia uhuru na demokrasia. Brotherhood imelaumu jeshi kwa kuwaua raia wake.

Katika kikao na waandishi wa habari, wafuasi hao walimlaani vikali mkuu wa jeshi Abdel Fattah Al-Sisi na kumtaja kama muuaji aliyewashambulia raia wenzake.

Haya yanajiri huku ghasia zikiendelea baada ya kuondolewa mamlakani kwa aliyekuwa rais Mohammed Morsi.

Waandamanaji hao wanasema vikosi maalum viliwafyatua risasi baada ya swala ya fajir huku wengine wakishambuliwa walipokusanyika nje ya makao ambako bwana Morsi anadhaniwa kuzuiliwa wakitaka watawala kumwachilia huru.

Msemaji wa chama cha Muslim brotherhood amesema kuwa idadi ya waliofariki katika ghasia hizo imefikia 30 huku zaidi ya watu 500 wakijeruhiwa.

Lakini katika taarifa yake, jeshi la nchi hiyo limesema kuwa kundi moja la kigaidi lilikuwa likijaribu kuingia katika kambi hiyo na kumuua mwanajeshi mmoja.

Limeongezea zaidi ya watu 200 walitiwa mbaroni wakimiliki silaha kama vile visu.

Duru kutoka wizara ya afya zilisema kuwa afisaa mmoja wa jeshi aliuawa.

Bwana Morsi, aliyekuwa rais wa kwanza wa kiisilamu kuchaguliwa kidemopkrasia Misri, aling'olewa mamlakani na jeshi, siku ya Jumatano baada ya kufanyika maandamano makubwa.

Mmoja wa waandamanaji Mahmud al-Shilli, aliambia shirika la habari la AFP kuwa wanajeshi waliwarushia gesi ya kutoa machozi lakini kikundi cha wanaume waliokuwa wamevalia mavazi ya kiraia ndio waliwafyatulia risasi.

Katika taarifa iliyosomwa kwenye vyombo vya yhabari vya serikali, jeshi lililaumu kikundi cha watu wlaiokuwa wamejihami ambao limesma ni mgaidi waliokuwa na njama ya kuvamia kambi ya jeshi.

BBC Swahili

Masoko Veterani watwaa Kombe la Mbunge wa Kilwa Kusini

Kombe walilonyakua kwenye michuano hiyo likionekana kwa karibu

Mgeni rasmi wa fainali hizo, DED Adoh Mapunda akijiandaa kumkabidhi 'mwali' nahodha wa Masoko Veterani baada ya timu yake kuilaza Transpoter kwa bao 1-0

Dole Tupu! Rahaa ya ushindi Meneja Pius Cheche akichekelea timu yake ya Masoko Veterani kunyakua ubingwa wa Jimbo la Kilwa Kusini

Transpoter wakikaguliwa na mwamuzi kabla ya kuanza kwa kipute kilichopelekea kulala bao 1-0

washindi wakikabidhiwa seti ya jezi

Washindi wakifurahia baada ya kukabidhiwa zawadi yao ya Mbuzi mnyama

Hureee! nahodha wa Masoko akiinua kombe la ubingwa wa michuano hiyo sambamba na mgeni rasmi, DED Adoh Mapunda

Hata watasha nao walikuwapo uwanjani kushuhudia fainali hiyo

Kikosi cha mabingwa wa michuano hiyo wakiwa katika picha ya pamoja kabla ya fainali hiyo

 
TIMU ya soka ya Masoko Veterani ya Kilwa Kusini, juzi imefanikiwa kutawazwa kuwa mabingwa wa michuano ya kuwania Kombe la Mbunge wa Kilwa Kusini baada ya kuinyamazisha Transpoter kwa kuilaza bao 1-0 katika pambano kali la fainali ya michuano hiyo.
Bao pekee lililoipeperusha sherehe zilizoandaliwa na Transpoter katika ukumbi wa Kilwa By Night kulikokuwa kuangushwe Kiduku mwanzo mwisho, lilitupiwa kimiani katika dakika ya 75 na Salum Teru akimalizia kazi nzuri ya Yusuph Polisi aliyeingia dimbani badala ya Shaaban Kassali.
Kabla ya kupatikana kwa bao hilo timu zote zilikuwa zikishambuliana kwa zamu kusaka mabao tangu kipindi cha kwanza ambacho kiliishia kwa suluhu ya 0-0 hali iliyoendelea hata kipindi cha pili mpaka Masoko ilipofanikiwa kujipatia bao hilo la pekee kwenye pambano hilo.
Ushindi huo ulioshuhudiwa wa Mbunge wa Jimbo hilo, Said Bungari 'Bwege' na Mkurugenzi Mtendaji wa Halmashauri ya Wilaya ya Kilwa aliyekuwa mgeni rasmi, Adoh Mapunda, imewafanya Masoko Veterani kunyakua zawadi ya kombe, jezi na mnayama mbuzi.

DC Ilala ahimizwa uwekezaji ktk soka wakati Stakishari ikinyakua Kombe la Diwani wa Kipawa

Mkuu wa Wilaya ya Ilala, Raymond Mushi akimkabishi nahodha wa Staki Shari taji la ubingwa wa michuano ya Bonnah Cup, huku Diwani wa Kata ya Kipawa Bonnah Kaluwa akishuhudia katikati.

MKUU wa wilaya ya Ilala, Raymond Mushi amewasisitiza wadau mbali mbali kuwekeza katika mpira wa miguu kwani hutoa ajira nyingi kwa vijana na kuwafanya wajipatie kipato.

Akiongea na waandishi wa habari baada ya kufunga mashindano ya Bonnah Cup yaliyoandaliwa na diwani wa kata ya Kipawa Bonnah Kaluwa, Mkuu wa wilaya alisema kuwa kwa miaka ya sasa mpira umekuwa kimbilio kubwa la ajira kwa vijana kwani huweza kuwasaidia kujiingizia kipato.

Mushi alisema kuwa pamoja na wadau kuwekeza katika mpira wa miguu, Tanzania itaweza vile vile kukuza vipaji ambavyo huwa vinapotea.

“Tanzania tuna vipaji vingi sana vya mpira wa miguu, tatizo ni vipaji hivyo kuvumbuliwa hivyo nawaombeni wadau mbali mbali kutoka sekta zote kujitokeza kuweza kuwekeza katika tasnia hii, ambapo tutawezesha vijana wetu kujipatia ajira,” alisema

Timu ya Stakishari kutoka Mogo iliifunga timu ya Vipaji Halisi kutoka eneo la Airport katika fainali na kukabidhiwa kombe pamoja na kiasi cha sh. 500,000 huku mshindi wa pili alipata Sh. 300,000 na mpira moja na mshindi wa tatu alipata sh. 100,000 na mpira.

Jumla ya timu 20 kutoka Kata ya Kipawa zilishiriki katika mashindano hayo.

Muandaaji wa mashindano hayo diwani wa kata hiyo Bonnah Kaluwa  alisema “Lengo kubwa ya kuandaa mashindano haya ni kuwaleta vijana pamoja iliwaweze kufahamiana na kushirikiana lakini pia kuinua vipaji vya vijana katika mchezo wa mpira wa miguu. Vijana wengi wanaocheze katika ligi hapa nchini wamechipukia katika kata ya Kipawa.  “ Napenda kuendeleza na kukuza vipaji wa vijana iliwaweze kufikia kiwango cha juu zaidi katika mchezo huu”, alisema

Said Mkuwa, Mwenyekiti wa mashindano hayo aliongeza: 

“Tunamshukuru sana diwani kuandaa mashindano haya kwa ajili ya vijana, alisema  

“Nimefurahi kwamba mashindano yamekwenda vizuri tangu mechi za mwanzo hadi fainali na vijana wameshirikiana vizuri katika michezo yote”

Uganda Cranes kutua nchini Alhamisi

Mabingwa wa Kombe la Kagame, The Cranes wanaokuja kuivaa Stars

TIMU ya soka ya taifa ya Uganda (The Cranes) inatarajia kutua nchini Alhamisi Julai 11 kwa ajili ya mechi yao ya kwanza dhidi ya wenyeji timu ya taifa ya Tanzania (Taifa Stars) itakayofanyika Jumamosi kwenye Uwanja wa Taifa jijini Dar es Salaam.
Stars na Cranes zinakutana katika mchezo wa kusaka tiketi ya kushiriki fainali zijazo za Kombe la Mataifa ya Afrika kwa wachezaji wa ndani (CHAN) zitakazofanyika mwakani nchini Afrika Kusini.
Afisa Habari wa Chama cha Soka cha Uganda (FUFA), Rogers Mulindwa, alisema kuwa kikosi cha timu hiyo kitawasili kikiwa chini ya kocha wake mpya, Mserbia Sredojovic Milutin 'Micho'.
Mulindwa alisema kuwa wana imani na kikosi hicho ambacho kimefanya maandalizi ya muda mrefu licha ya kukosa mchezo wa kirafiki kama walivyotarajia awali.
"Mipango ya kucheza dhidi ya Iraq ilipotea baada ya kukosa kibali kutoka FIFA, ila tuko tayari kuivaa Tanzania na wakati huu tutakuja tofauti," alisema Mulindwa.
Aliongeza kuwa kila mchezaji na shabiki wa soka wa Uganda anafahamu kwamba mashindano ya CHAN ndiyo yaliyobakia kwao baada ya kushindwa kufuzu kwa fainali zilizopita za AFCON na Kombe la Dunia 2014 ikiwa ni kazi kubwa.
"Tumechoka kuwa wasindikizaji, tumejiandaa ili kushiriki mwakani, tunakuja kupambana na tutamalizia kazi katika mchezo wa pili nyumbani (Kampala)," Mulindwa aliongeza.
FUFA ilifanya mazungumzo na Iraq na kama wangepata ruhusa mchezo huo wa kirafiki wa kimataifa kati ya Cranes na wenyeji wao Iraq ulipangwa kufanyika kesho.
Cranes haijawahi kushiriki fainali hizo zinazofanyika kwa mara ya tatu ambapo mwaka 2007 katika mashindano hayo ilitolewa na Taifa Stars iliyokuwa chini ya kocha Mbrazil Marcio Maximo kwa jumla ya magoli 3-2.
Stars iliyocheza fainali hizo zilizofanyika Ivory Coast, ilishinda magoli 2-1 katika mchezo wa kwanza uliofanyika kwenye Uwanja wa CCM, Kirumba jijini Mwanza na katika mechi ya marudiano iliyochezwa Kampala walimaliza kwa sare ya 1-1.
Wakati huo huo, kikosi cha Stars kilichoko chini ya kocha Kim Poulsen, kinaendelea na mazoezi yake kama kawaida kwenye Uwanja wa Karume, Ilala jijini Dar es Salaam.
NIPASHE