Majina ya mikopo ya wanavyuo 2013-2014 yatoka Bil 306 zatengwa

NOTICE TO SUCCESSFUL LOAN APPLICANTS FOR 2013/2014 ACADEMIC YEAR

The Higher Education Students’ Loans Board is hereby announcing names of successful first time loan applicants for 2013/2014 Academic Year who applied and were eligible for student loans.

The list includes the Institution to which the student is admitted to and the amounts of loans allocated to a particular student in all or part of the loanable items as per Guidelines and Criteria for Issuance of Loans and Grants for 2013/2014 Academic Year.

Loan applicants can access their loan status by keying in their Form Four Index Numbers to view the results. Loan applicants are reminded that the loan money will be sent to their respective institutions where they will be required to sign to acknowledge receipt of the loans, after registration processes.

Issued by:

The Executive Director
Higher Education Students’ Loans Board
P. O. Box 76068

Ebu Chungulia hapa http://olas.heslb.go.tz/  

Source:JF

Miss Tanzania 2012 afanya kweli Miss World, kivipi?

Miss Tanzania 2012, Brigitte Alfred

  MWAKILISHI wa Tanzania katika shindano la dunia (Miss World), Brigitte Alfred, amefanya kweli baada ya kufanikiwa kutwaa nafasi ya tatu katika shindano dogo la Beauty with a Purpose.

Mrembo huyo, anatarajiwa kupanda jukwaani leo huko Bali, Indonesia kuwania taji la Miss World.

Taji la Beauty with a Purpose limetwaliwa na Ishani Shrestha wa Nepal na kilichomfanya Brigitte ashike nafasi hiyo ni kutokana na video aliyoiwasilisha kuhusu kazi alizofanya kwa jamii hapa nchini.

Video aliyoiwasilisha Brigitte ilionyesha kazi ya jamii aliyoifanya kuwasaidia watu wenye ulemavu wa ngozi.

Nafasi ya pili ilichukuliwa Erin Holland wa Australia, huku lile la ‘Top Model’ likitwaliwa na Megan Young wa Ufilipino, Jacqueline Steenbeek wa Uholanzi akatwaa la michezo, Sancler Frantz wa Brazil akachukua la ‘Beach Fashion’, Vania Larissa wa Indonesia alitwaa la Miss World Talent na Navneet Dhillon wa India akatwaa la Multimedia.

Washindi watano katika mashindano hayo madogo wana uhakika wa kuingia hatua inayofuata, huku Brigitte kwa nafasi hiyo ikiwa imemsaidia kwa kiwango kikubwa kujiamini kwa kusonga mbele.

Brigitte anashiriki fainali leo, huku akiwa na kazi kubwa ya kuhakikisha anafuata nyayo za Nancy Sumari aliyefanikiwa kutwaa taji la Afrika katika mashindano ya Miss World ya mwaka 2005.

Akizungumza kutoka Indonesia, Brigitte alisema, wengi walifurahi kazi yake aliyopeleka ambayo ilionyesha pia kwa kiasi kikubwa jinsi watu wenye ulemavu wa ngozi wanavyohitaji msaada, hasa kutokana na kuwindwa na baadhi ya watu.

“Waliipenda kazi yangu, lakini kwa shindano la kesho (leo) nina uhakika mkubwa wa kufanya vizuri, kwani vigezo vyote ninavyo na nimejiandaa kwa muda mrefu mno.

“Niseme wazi nimejiandaa kwa muda mrefu mno na nashukuru wote walionisaidia kwa njia moja au nyingine na hii inanipa moyo wa kufanya vizuri zaidi,” alisema.

Wakati akimuaga Waziri wa Habari, Utamaduni, Vijana na Michezo, Dk. Fenella Mukangara, alimtaka ahakikishe anaipeperusha vizuri bendera ya Tanzania na kufanya vyema katika mashindano hayo.

“Fahamu fika kwamba unakwenda Indonesia kama Miss Tanzania na si Brigitte, hivyo unatuwakilisha Watanzania wote, sisi tuko nyuma yako unachotakiwa ni kujiamini tu na utafanikiwa.”

Mrembo huyo alifanikiwa kulitwaa taji la Redd’s Miss Tanzania mwishoni mwa mwaka jana, akitokea kitongoji cha Sinza na Kanda ya Kinondoni.

Taji la Miss World linashikiliwa na mrembo Wenxia Yu kutoka China, ambaye tayari alikuwa Indonesia kwa ajili ya kulivua taji hilo.

Redd’s Miss Tanzania kwa sasa inadhaminiwa na kinywaji cha Redd’s Original kinachozalishwa na kusambazwa na Kampuni ya Bia Tanzania (TBL)

Mrisho Ngassa amaliza ubishi, Ruvu Shooting waapa

Mrisho Ngassa

KIUNGO Mrisho Ngassa ameamua kukata mzizi wa fitina baada ya kulipa jkiasi cha Sh. Mil. 45 kwa Shirikisho la Soka Tanzania (TFF) ikiwa ni sehemu ya malipo ya deni alilotakiwa kulipa ili aweze kuitumikia klabu yake ya Yanga

Mkali huyo amelipa deni hilo kama sehemu ya adhabu aliyokuwa amepewa na TFF kwa kosa la kusaini mkataba wa kuichezea Simba kisha kuitosa na kukimbilia Yanga, adhabu nyingine kusimamishwa kucheza mechi sita ambazo alishazimaliza.

Nyota huyo anayeichezea pia timu ya taifa, Taifa Stars baada ya leo kulipa deni hilo sasa Ngassa anaruhisiwa kuanza kuichezea timu yake.

Ngassa anatarajiwa kuanza kuonekana kesho uwanja wa Taifa katika mchezo dhidi ya Ruvu Shooting, ambao wameapa kesho kuendeleza machungu kwa wanajangwani.

Pambano hilo litachezwa kesho ikiwa ni kati ya mechi nne zitakazochezwa katika mfululizo wa Ligi kuu Tanzania Bara.

Tetesi: Kigogo wa CCM aliyenaswa na 'unga' China ahofiwa kunyongwa

Mfano wa Dawa za Kulevya

ZIPO tetesi zinazodai kwamba kigogo mmoja wa Chama Cha Mapinduzi (CCM) mkoani Mbeya kupitia Jumuiya ya wanawake, anayedaiwa kukamatwa nchini China akiwa na kinachodhaniwa kuwa ni dawa za kulevya hivi karibuni, anahofiwa kunyongwa.

Hofu hiyo imekuja kutokana na kilichoelezwa kuwa sheria ya nchi hiyo kuhusu dawa za kulevya ni kali na kwamba juhudi zinafanywa kufuatilia tetesi hizo kama zina ukweli na tutaweka hadharani mpaka jina la mhusika.

 

 Kalulunga media