BRELA kuboresha huduma zake kieletroniki

Na Suleiman Msuya

WAKALA wa Usajili wa Biashara na Leseni (BRELA) ipo katika mkakati wa kuhakikisha kuwa huduma zake zinapatikana kwa njia ya mtandao kieletroniki (online registration) ambapo kwa kuanzia imekwisha weka baadhi ya nyaraka za mafaili kwenye mfumo huo.

Hayo yamebainishwa na Kaimu Meneja Huduma, Utawala na Fedha Bosco Gadi wakati akizungumza na mwandishi wa habari hii leo jijini Dar es Salaam.

Alisema pamoja na kujipanga kuingia katika mkakati huo wa kieletroniki pia wapo mbioni kurahisisha njia za malipo kwa kutumia mabenki ambapo kwa sasa wamekubaliana na CRDB na NMB na mpango huo utaanza Julai 15 mwaka huu katika benki ya CRDB.

Gadi alisema mpango huo utasaidia wadau kulipa ada za usajili kwa njia ya benki popote walipo, pia mfumo huo utasaidia kuwahakikisha kuwa wadau kupata huduma zote ambazo zinasimamiwa na BRELA.

“Tupo kwenye mchakato wa kutoa huduma katika njia ya kieletroniki pamoja na wadau kulipia kupitia benki ambapo kwa sasa tumeanza na CRDB kuanzia Julai 15 mwaka huu,” alisema.

Aidha Kaimu Meneja huyo wa Huduma, Utawala na Fedha alisema BRELA katika kuhakikisha kuwa dhana ya ushirikiano na Sekta Binafsi yaani PPP inafanikiwa imeingia mkatapa wa ushirikiano na Chama Cha Wafanyabiashara na wenye Viwanga na Kilimo Tanzania (TCCIA) ili waweze  kutoa huduma saidizi za awali za kusajili makampuni na leseni za biashara katika ngazi ya Mikoa na Wilaya Tanzania Bara.

Gadi alisema kuchaguliwa na TCCIA kunatona na taasisi hiyo kuwa na mtandao mpana wa kieletroniki unaounganisha ofisi zao za Wilaya takribani nchi nzima kwa upande wa Bara.

Alisema wateja wa BRELA waliopo Wilayani na Mikoani wanaombwa kutumia ofisi za TCCIA kwani maombi yao yatawafikia makao makuu bila tataizo lolote.

Kaimu Meneja alisema mfumo huo ambao ulianza Desemba mwaka 2012  umeonyesha mafanikio makubwa ambapo hadi sasa maombi 500 yamefanikiwa kusajiliwa kupitia TCCIA.

Aidha alisema kupitia utaratibu huo unagharimu shilingi 6,000 za uasajili wa jina la biashara ambazo zinalipwa BRELA na shilingi 2,000 ambazo zinalipwa kwa ajili ya masuala ya utawala na kutumwa kwa maombi.

Pia aliweka bayana kuwa kwa upande wa makampuni ada ya usajili inayotakiwa kulipwa itategemea na kiasi cha mtaji cha mteja anachokiandika kwenye katiba ya kampuni anayotarajia kuisajili.

Kwa upande wake Naibu Msajili wa BRELA Andrew Mkapa alisema ofisi yao haitosita kuichukulia kampuni au biashara ambayo inaenda kinyume na sheria zinazoiongoza BRELA.

Alisema ni vyema watu na kampuni ambazo zinasajiliwa kufuata taratibu ziliopo katika katiba zao pamoja na zile za BRELA.

Mkapa alisema iwapo kampuni au leseni ya biashara itaonekana kuvunja sheria kuna taratibu za kumtaarifu muhusi ambapo itakuwa ni ya muda wa miezi mitata na iwapo hakutakuwa na majibu sahihi uamuzi wa kuifuta utafanyika.

Waziri Kabaka abanwa na vijana

Waziri Kabaka

Na Suleiman Msuya

WAKATI mchakato wa kuundwa katiba mpya ukiwa umefikia hatua ya kupata maoni ya juu ya rasimu ya katiba Baraza la Vijana la Taifa (JUVITA) limeibuka na kumtaka Waziri wa Ajira na Vijana Gaudensia Kabaka na Mwenyekiti wa Tume ya Katiba Jaji Mstaafu Joseph Warioba kuhakikisha Baraza hilo linatajwa kwenye katiba.

Kauli hiyo imetolewa na Mwenyekiyi wa JUVITA Fahami Mastawilly wakati akizungumza na mwandishi wa habari hii jijini Dar es Salaam.

Alisema dhumuni la JUVITA ni kuhakikisha kuwa vijana wa Kitanzania wa kada zote bila kuangalia elimu zao wanakuwa na chombo ambocho kitakuwa kinawawakilisha katika vyombo vya maamuzi.

Mastawilly alisema wanaamini kupata nafasi ya kuonana na viongozi hao wawili kunaweza kusaidia ombi lao kufanyiwa kazi ili kuhakikisha kuwa vijana wanakuwa ni sehemu muhimu katika nchi na kuondokana na hali ilivyo sasa.

“Jamani ndugu zangu wanahabari kwa muda mrefu tumekuwa tukiomba baraza la vijana kutambulika rasmi katika katiba lakini tunaona kuwa hatusikilizwi hali ambayo hatuwezi kuivumilia tena kwani tunaamini ni haki yetu,” alisema.

Alisema wao kama vijana waanzishili wa harakati hizo wameshindwa ni kwa nini Tanzania haitaki kuweka baraza la vijana ndani ya katiba wakati ipo mifano ya nchi nyingine ambazo mabaraza yapo kama Kenya, Uganda, Urusi, Ujerumani, Uswisi, Costarica na zingine nyingi.

Mwenyekiti huyo wa JUVITA alisema ni vema maoni yatakayotolewa kupitia mabaraza ya Wilaya kwenye rasimu vijana wote bila kuangalia itikadi zao za kisiasa, kidini, kabila na welimu wanatakiwa kuungana na kuwataka wajumbe wa mabaraza kusisitiza kuwa ibara ya 43 ya rasimu kutaja wazi uwepo wa baraza la vijana katika katiba.

Alisema ibara hiyo inatamka kuwa kila kijana ana haki ya kushiriki kikamilifu katika shughuli za maendeleo ya Jamuhuri ya Muungano wa Tanzania pamoja na jamii kwa ujumla na kwa mantiki hiyo serikali itawawekea mazingira, hali ambayo vijana wanahitaji kuwa pasomeke kuwa serikali itahakikisha kuwa vijana wanawekewa chombo cha kuwaunganisha na kuwawakilisha katika vyombo vya maamuzi nchini bila kujali itikadi zao.

Mchungaji Mtikila aibuka na jipya sasa

 

Mchungaji Mtikila

Na Suleiman Msuya

MWENYEKITI wa Chama Cha Democratic Party (DP) Mchunga Christopher Mtikila amesema wapo katika hatua za mwisho za kisheria za kufuta mchakato mzima wa kuandaa katiba kwani ni kinyume cha sheria.

Mtikila alibainisha nia yake hiyo leo jijini Dar es Salaam wakati akizungumza na mwandishi wa habari hii.

Alisema jamii inaweza kumshaanga hasa kwa ile ambayo haijui kinachofanyika katika mchakato huo ila anaamini kwataweza kutambua baadae nini anachakifanya kwa maslahi ya Watanzania hasa wale wa Bara ambao yeye anawatambua kama Watanganyika.

Mwenyekiti huyo wa DP alisema iwapo Serikali inahitaji kuwepo kwa katiba mpya ni vema muungano ukavunjwa kwanza kwani muungano unaotajwa kuwepo haupo kisheria jambo ambalo limegharimu Taifa kupoteza fedha nyingi bila kujulikana sababu za msingi.

“Ni jambo ambalo litawashangaza watu lakini nataka mtambue kuwa mimi nafanya vitu kwa umakini sana na ndio maanda kesi nyingi ninazofungua nashinda kutokana na ukweli kuwa najua nini nafanya kwa maslahi ya Watanzania naamini kwa hili pia nashinda,” alisema.

Alisema suala la katiba limechukuliwa kisiasa zaidi bila kuangalia uhalali wake hivyo hayuko tayari kuona jamii ikitengenezewa katiba yenye misingi ya watu wachache ambao wanahija kujijengea maslahi yao.

Mtikila alisema mchakato wa katiba alianzisha yeye mwaka 1986 hadi 1988 lakini alipata upinzania kwa kile anachodai kuwa ni upinzania kutoka kwa viongozi ambao walijua kuwa anachokifanya ni haki ya watu wengi.

Alisema ni vema jamii itakatambua kuwa suala la katiba sio la mtu kuunda tume anayoitaka kufanikisha zoezi hilo kwani ni dhahiri kuwa upo uwezekano wa kupata katiba ambayo itakuwa imeegemea katika maslahi yake.

Yanga kujiuliza kwa Rhino Rangers siyo Mtibwa tena

Chuji na Mbuyi Twite wakiwajibika uwanjani

BAADA ya kuchezea kichapo toka kwa Express ya Uganda, Mabingwa wa Ligi Kuu ya Tanzania Bara, Yanga kesho  Alhamis watashuka katika dimba la Ally Hassain Mwinyi mjini Tabora kupepetana na Rhino Rangers badala ya  Mtibwa Sugar ya Morogoro kama ilivyokuwa imetangazwa.

Huo utakuwa mchezo wa tatu kwa Yanga ambayo ipo katika ziara ya kimichezo Kanda ya Ziwa baada ya Jumamosi  kutoka suluhu ya bao 1-1 na Express ya Uganda jijini Mwanza, kabla ya  kufungwa 2-1 na Express katika mechi ya marudiano iliyochezwa jana mjini Shinyanga.

Hata hivyo ilielezwa kuwa Yanga ingecheza na Mtibwa Sugar, lakini mipango ya Mtibwa kutua mjini humo imeshindikana na hivyo kupewa nafasi hiyo Rhino Rangers ambao awali ilielezwa isingeweza kucheza mechi hiyio.
Mabingwa hao wanaitumia michezo hiyo iliyoandaliwa na kampuni ya Nationwide ni maalum kwa ajili ya kupeleka taji lao kwa mashabiki wao wa Kanda ya Ziwa na pia kujiandaa na michuano ya Ligi Kuu msimu mpya itakayoanza Agosti 24.

Utata juu ya kukatwa kwa Masogange

BAADA ya kuenea taarifa kwamba msanii Agnes Gerard 'Masogange' kakamatwa nchini Afrika Kusini akiwa na mwenzake, Mellisa Edward kwa kukutwa na dawa za kulevya 'ameibuka' kupitia Instragram na kutupia picha zake na maelezo kana kwamba yu uraiani.

Hata hivyo baadhi ya waliokuwa waki-comment wanahisi anayefanya hivyo si Masogange mwenyewe ila bwana wake au mtu wake wa karibu kwa lengo la kuzima taarifa hizo zilizotangazwa na Jeshi la Polisi kupitia Kamanda wa Kikosi cha Kuzuia na Kupamba na Dawa za Kulevya, Gofrey Nzowa. Kamanda Nzowa alithibitisha waliokamatwa Afrika Kusini na dawa hizo ni wasichana toka Tanzania na kutaja majina yao ambapo wengi wamekuwa wakinasibisha jina hilo na Masogange japo hapo chini kuna picha alitumia katika mtandao huo na kuweka maneno ambayo yanaonyesha alivyokuwa akichati na watu wa karibu akiwemo Jacklyne Wolper. Je ni kweli aliyekamatwa sio Masogange ambaye pia yupo Afrika Kusini kama aliyekamatwa ni yeye kwanini anayejifanya msanii huyo anafanya ghiliba hiyo kwa maana gani? Ebu pitia akaunti hiyo na maneno na picha hapo chini;

Picha hii aliitupia siku chache kabla ya msala wa kukamatwa kwa wasichana wawili Bondeni

Hii ndiyo aliyoanza nayo kabla ya kuongeza nyingine

 na baadae kupost pichaa hii yenye caption hiyo hapo chini

jessolomon@renatusleonard naomba nijuze kunani??

tarinawhtIn my prayers doll,fanya yko darling let them talk❤@aggnesfineassgirl

carlozvellaWataongea sana ila yako yanafika utakapoooo

aggnesfineassgirlHahahah si umeitwaa unagoma bby @mattynemo

aggnesfineassgirl@wemalicious hahahaha bby usiniuee uwiiiiii

aggnesfineassgirl@minashabani nipo sauzi

carlozvellaAchana nao RESPECT KWAKO @aggnesfineassgirl

aggnesfineassgirl@chaggabarbie ��������

albertmgangajrAkili za wabongo bhana,achen unafiki jaman!!!wait n see

asmakarimPole no kweli umekatwa dear

hasnajalangoMh muulize wewe maana kang'ang'ana keshasema keshasema......amesea wapi nini ama udaku 2...@jessolomon

msafirijoab123Daaaaaaa wambea wanyamaze kabsa@aggnesfineassgirl

shinda2013Everybody can update the pics..

mattynemoNakuja soon... ngoja too mizigo iishe dar panachosha...@aggnesfineassgirl

minashabaniMumy nimekuwazia mengi nakukusikitikia sana@aggnesfineassgirl mwenyezi mungu akusaidi kama nikweli upo pouwa na afute hizi husda za midomo yawatu waliyo kuchuria mumy wangu

mariyumiisaidOhghogh***

leahna1112Pole sana mumyto kwanini wanakusingizia hivyo? Pls ukirudi wafungulie kesi haiwezekani wakuchafulie Jina kiasi hichi

achunbaaSasa hawa watu wanazusha maneno ya kisenge manake nn lkn

wolpergambenipgie ma bby plz @aggnesfineassgirl

aggnesfineassgirlSawa bby @wolpergambe

mpolesam@wolpergambe akupigii ngoo sababu sio yeye na ukimwambia ukweli anakublock ni mumewe anawazuga watu wanyamaze

nishabebee88Tunasemaga BUH BUH BUH likimpata mtuu timua vumbiiiiiii BUHHHHHHHHHHHH .. love u bby boo

biancaselishaYaani nasema wakukome My bebe

aggnesfineassgirlAs usual we present home city @linahbaby

nurathymanchusakuruWaeweeeeeedada la mie @aggnesfineassgirl

salmakbarbinadamu haswa watz tumezoea kuona wenzetu wasiendelee wakuache mumy wng @aggnesfineassgirl , miss kisses

dadizgalJmn baby am glad ur back missed u booboo@aggnesfineassgirl

dminajmamy nlikumic nmeskia nkajua kwel wacha inpain

cutebeathaDaah pipo r bad.....mmxwhiii.....lov u kipenz

ladyhossyDuh pole kwa kuzushiwa

sandytemumungu mkubwa jamani.dah..nicheki pliz@aggnesfineassgirl

zhussein777hata ingekuwa kweli its non pipoz bussnes .... unatafuta zako huwa tafutii wao kula zako maisha @aggnesfineassgirl

latty3941Na mi nahc

aggnesfineassgirl@nishabebee88 lov u moo bby akeee

aggnesfineassgirl@nassorosalma ����������

aggnesfineassgirl@sandytemu nimewipe fone chek m on insta nkupe no yg ya huku

aggnesfineassgirlMis u moo bby bby @dadizgal

tarinawhtAm hapi������,watasonyajeeeeee!!do ur thing hun achana na wazushi Kama nawaona hii hii ���� dats y I lov u@aggnesfineassgirl

mamyluqMimi midomo yangu bado iko wazi uku kungekuwa na nzi ningemeza nzi nilivyoshaangaa wabongo tumefikia apa mtu anaropoka tu duuu pole mdada ila du

msafirijoab123Wanafiki walie2

levimkush@aggnesfineassgirl y pipo wanakusaka hvo mamii! Temana nao. Lov ya muuuuuuuch!

Waliochaguliwa kujiunga Kidato cha 5 na Vyuo hawa hapa!

Naibu Waziri wa Elimu na Mafunzo ya Ufundi, Philipo Mulugo akitoa taarifa leo juu ya wanafunzi waliochaguliwa kujiunga na kidato cha tano kwa shule ya serikali na vyuo vya ufundi, kulia kwake ni Mkurugenzi wa Utawala Rasilimali Watu

Maelekezo kwa waliochaguliwa kujiunga na kidato cha tano, vyuo ufundi na chuo cha 'manegement' na maendeleo ya maji

• Wanafunzi Kuripoti katika shule walizopangwa.Muhula wa kwanza kwa wanafunzi wa Kidato cha Tano kuanzia mwaka huu 2013 itaanza mwezi Julai. Wanafunzi wamepangwa katika shule zenye miundombinu na walimu kwa masomo husika. Aidha, kama baadae upungufu utajitokeza, wakuu wa shule wameelekezwa kufanya taratibu za kuazima walimu wa muda na kutoa taarifa kwa uongozi wa halmashauri husika kuhusu upungufu wa walimu uliopo.

Kwa nafasi hii, ninaagiza wanafunzi wote kuripoti katika shule walizopangwa tarehe 29 Julai, 2013. Kama kutakuwa na sababu yoyote ya msingi ya kuhamia shule nyingine, uhamisho wa kawaida utafanywa baada ya kuripoti shuleni kupitia kwa mkuu wa shule husika, Mkurugenzi wa Halmashuri/Manispaa na Katibu Tawala wa Mkoa. (Wizara haitabadilisha shule walizopangwa wanafunzi)

• Wanaporipoti wanatakiwa kuwa na:Original Result slip na Living Cerificate

wavulana hapa

wasichana hapa

Uganda The Cranes kutua kesho kuivaa Stars

Uganda The Cranes katika picha ya pamoja

Na Boniface Wambura

KIKOSI cha timu ya taifa ya Uganda (The Cranes) inatarajiwa kuwasili nchini kesho (Julai 11 mwaka huu) tayari kwa mechi ya kwanza ya mchujo kusaka tiketi ya Fainali za Afrika kwa Wachezaji wa Ligi ya Ndani (CHAN) dhidi ya Taifa Stars itakayochezwa Jumamosi kwenye Uwanja wa Taifa, Dar es Salaam.

The Cranes itatua Uwanja wa Ndege wa Kimataifa wa Julius Nyerere (JNIA) saa 5.30 asubuhi kwa ndege ya Air Uganda ambapo itafikia hoteli ya Sapphire iliyoko maeneo ya Kariakoo.

Waamuzi wa mechi hiyo ambao wanatoka Burundi nao watawasili kesho saa 9.35 kwa ndege ya Kenya Airways. Naye Kamishna wa mechi hiyo Tesfaye Gebreyesus kutoka Eritrea atatua nchini keshokutwa alfajiri kwa ndege ya EgyptAir.

Maofisa wote hao wa mechi hiyo watafikia hoteli ya New Africa. Mkutano wa maandalizi ya mechi utafanyika Ijumaa saa 10 jioni Uwanja wa Taifa, na utakuwa chini ya Gebreyesus.

Kikosi hicho jioni ya leo kilitarajiwa kushuka dimbani kuvaana na timu ya vijana ya U20 ya nchi hiyo baada ya kushindwa kuzipata timu za Sudan na Rwanda kwa mechi za kirafiki za kujiandaa na pambano hilo dhidi ya Stars..

CAF yabadilisha mwamuzi wa Stars na The Cranes

Baadhi ya nyota wa Stars

Na Boniface Wambura
SHIRIKISHO la Mpira wa Miguu Afrika (CAF) limefanya mabadiliko ya mwamuzi wa mechi ya mchujo kusaka tiketi ya Fainali za Afrika kwa Wachezaji wa Ligi ya Ndani (CHAN) kati ya Tanzania (Taifa Stars) na Uganda (The Cranes) itakayochezwa Jumamosi kwenye Uwanja wa Taifa, Dar es Salaam.

Mwamuzi aliyeondolewa kutokana na sababu za kiufundi ni Jean Claude Birumushahu aliyekuwa mwamuzi msaidizi namba moja. Nafasi yake sasa inachukuliwa na Herve Kakunze pia kutoka Burundi.

CAF imemuondoa mwamuzi huyo baada ya kufeli katika mtihani wa waamuzi (Cooper Test) kwa waamuzi wa Burundi wanaotambuliwa na Shirikisho la Kimataifa la Mpira wa Miguu (FIFA) uliofanyika nchini humo siku tatu zilizopita.

Waamuzi hao na Kamishna wa mechi hiyo Gebreyesus Tesfaye kutoka Eritrea wanatarajiwa kuwasili nchini kesho (Julai 11 mwaka huu) kwa ndege za Kenya Airways na EgyptAir kwa muda tofauti.

Nayo Uganda Cranes inatarajiwa kuwasili nchini kesho (Julai 11 mwaka huu) na itafikia hoteli ya Sapphire. Shirikisho la Mpira wa Miguu Uganda (FUFA) bado halijatuma taarifa rasmi juu ya ujio wa timu hiyo.

Wakati huo huo, makocha wa Taifa Stars, Kim Poulsen na wa Uganda, Milutin Micho pamoja na manahodha wao watakuwa na mkutano na Waandishi wa Habari utakaofanyika keshokutwa (Julai 12 mwaka huu) saa 5 asubuhi kwenye ofisi za TFF kuzungumzia mechi ya Jumamosi.

Friends kujiuliza kwa Polisi Mara J'pili

Na Boniface Wambura
Mechi ya marudiano ya Ligi ya Mabingwa wa Mikoa (RCL) kati ya Friends Rangers ya Dar es Salaam na Polisi Jamii ya Mara iliyokuwa ichezwe Jumamosi (Julai 13 mwaka huu) imesogezwa mbele kwa siku moja.

Timu hizo sasa zitacheza Jumapili (Julai 14 mwaka huu) kwenye Uwanja wa Azam ulioko Chamazi. Polisi Jamii ilishinda bao 1-0 mechi ya kwanza iliyochezwa Julai 6 mwaka huu Uwanja wa Kumbukumbu ya Karume mjini Musoma.

Refa Hans Mabena kutoka Tanga ndiye atakayechezesha mechi akisaidiwa na E. Mkumbukwa na Hajj Mwalukuta wote kutoka Tanga. Mwamuzi wa akiba (fourth official) ni Kessy Ngao wa Dar es Salaam.

Mechi kati ya Stand United FC ya Shinyanga na Kimondo SC ya Mbeya itachezwa Jumamosi (Julai 13 mwaka huu) kwenye Uwanja wa Kambarage mjini Shinyanga. Mwamuzi atakuwa Daniel Warioba kutoka Mwanza. Kimondo SC ilishinda mechi ya kwanza bao 1-0.