Liverpool yamlima faini Suarez kwa kung'ata mtu uwanjani

Suarez na Ivanovic katika pambano lao la jana kabla ya kutiana meno

MSHAMBULIAJI nyota wa Liverpool, Luis Suarez ameadhibiwa na klabu yake kwa kitendo alichokifanya katika pambano lao la Ligi Kuu ya England dhidi ya Chelsea kwa kumng'ata Branislav Ivanovic.
Nyota huyo wa kimataifa wa Uruguay, kupitia akaunti yake ya Twitter alithibitisha kulimwa faini na klabu yake huku akimuomba radhi beki huyo wa Chelsea wakati wakichuana uwanjani katika mechi yao ya jana iliyoisha kwa kushindwa kutambiana kwa kutoka sare ya mabao 2-2.
Mchezaji huyo mwenye umri wa miaka 26 aliandika mapema leo kwenye akaunti yake hiyo ya Tweitter kwamba kwa kutoridhishwa na kitendoa lichokifanya jana, Liverpool imemtwanga faini na kuomba klabu fedha hizo zitumike kuwasaidia waliokumbwa na janga la Hillsborough. Nawaomba radhji mashabiki wa Liverpool na Ivanovic mwenyewe."
Liverpool kupitia mtandao wake umethibitisha juu ya kumtwanga faini Suarez japo haikuweka hadharani kiwango cha faini hiyo.
Suarez anajiandaa kukumbana na adhau ya muda mrefu kutoka kwa FA kwa kitendo hicho kilichoelezwa kwamba hakikubaliki. Mchezaji huyo alishwahi kufungiwa mechi 8 na FA na kutwangwa faini kubwa kwa kitendo cha kibaguzi alichomfanyia beki wa Manchester United, Patrick Evra.
Mchezaji huyo jana alikuwa mtu wa matukio kwani licha ya kufunga bao dakika za nyongeza za pambano hilo na kuisaidia Liverpool kuepuka kipigo, pia ndiye aliyesababisha penati iliyoipa Chelsea uongoi baada ya kuushika mpira langoni mwake wakati akiokoa kona.
Pia ndiye aliyesababisha bao la kwanza la Liverpool lililofungwa na Daniel Sturridge dakika za awali za kipindi cha pili kabla ya kufanya kituko cha kuung'ata mkono wa Mserbia, Ivanovic, ambaye katika pambano la jana alimbana vilivyo Suarez asilete makeke yake.
Hii siyo mara ya kwanza kwa Suarez kufanya kitendo hicho cha kuuma mtu uwanjani, kwani alishwahi kufungiwa mezi saba kwa kumuuma beda kiungo wa PSV Eindhoven, Otman Bakkal wakati akiichezea Ajax mwaka 2010.
Chama cha wachezaji soka wa kulipwa (PFA) kimetangaza kutoa ofa kwa Suarez ili asaidwe kukabiliana na hasira awapo uwanjani.

Tenga aaga TFF kwa staili ya aina yake agawa mipira ya Dola 30,000

Rais wa TFF, Leodger Tenga

Na Boniface Wambura
Rais wa Shirikisho la Mpira wa Miguu Tanzania (TFF), Leodegar Tenga ametoa mipira zaidi ya 1,200 yenye thamani ya dola 30,000 za Marekani kwa vyama vya mpira wa miguu vya mikoa ya Tanzania Bara na vituo 21 vilivyo hai vya kuendeleza vijana (academies).

Shirikisho la Kimataifa la Mpira wa Miguu (FIFA) lilimpa Rais Tenga fedha hizo ikiwa ni shukrani kwake kwa kushughulikia mgogoro wa uongozi wa mpira wa miguu nchini Kenya uliodumu kwa miaka miwili; ambapo nchi hiyo kutokana na mgogoro huo ilikuwa na vyama viwili (KFF na FKL).

Akizungumza katika hafla ya kukabidhi mipira hiyo kwenye ofisi za TFF, Dar es Salaam leo (Aprili 22 mwaka huu), Rais Tenga amesema amefanya hivyo kwa vile anaamini kuwa mipira ndiyo kitu muhimu katika kuinua mchezo huo mahali popote.

“Dhamira yangi si kushukuru kwa hafla hii, bali kutoa sababu kwa nini nimefanya hivi. Ninaamini kwa kuanzia mipira ndiyo muhimu, pili kwa kufanya hivi itaonekana kweli mipira imegawiwa,” amesema Rais Tenga.

Amesema amesema mpira wa miguu kwa Tanzania unahitaji sana watu wa kujitolea, na yeye amefanya hivyo kwa kujitolea kutokana na ukweli shughuli anazotumwa na FIFA ni za kujitolea.

Rais Tenga ambaye pia alitumwa na FIFA kutatua matatizo ya uongozi wa mpira wa miguu katika nchi za Uganda, Zambia na Sudan Kusini amesema anaamini anapata fursa hizo kutokana na kuwa kiongozi wa TFF, na kwa kuwakumbuka waliomchagua ndiyo maana hakusita kupeleka fedha hizo kwenye mipira.

Amesema moja ya ndoto zake wakati anaingia kuongoza TFF mwaka 2004 ameshindwa kutimiza ni kusaidia mipira, kwani uwezo wa kununua mipira kwa wanaocheza katika ngazi ya chini hasa watoto haupo.

“Hizi kelele zote za maendeleo ya mpira wa miguu ni kwa sababu shuleni hakuna vifaa. Nia yangu ilikuwa shule zote zipate mipira, lakini hiyo ni moja ya ndoto nilizoshindwa kutekeleza. Vipaji haziwezi kupatikana kama watoto hawachezi.

“Tunashukuru sana kwa Serikali kurejesha mpira shuleni. Hata nitakapoondoka madarakani nikipata nafasi nitaendelea kuomba mipira kwa ajili ya shule,” amesema Rais Tenga.

Vyama vya mikoa ambavyo jumla ni 32 (Tanzania Bara na Zanzibar) kila kimoja kimekabidhiwa mipira 25 (kumi saizi namba tano, 15 saizi namba nne kwa ajili ya vijana). Kwa academies ambazo ni 21 kila moja imepewa mipira 25 (minane saizi namba tano, na 15 saizi namba nne).

Viongozi waliohudhuria hafla hiyo ni Mwenyekiti wa Chama cha Mpira wa Miguu Mkoa wa Dar es Salaam (DRFA) Almasi Kasongo, Katibu wa Chama cha Mpira wa Miguu Mkoa wa Mwanza (MZFA) Nassib Mabrouk na Katibu wa Chama cha Mpira wa Miguu Mkoa wa Pwani (COREFA) Riziki Majala.

Kwa upande wa shule alikuwa Kanali mstaafu Idd Kipingu ambaye ni mmiliki wa shule ya Lord Baden ya Bagamoyo mkoani Pwani.

Coastal, Azam sasa kucheza Ijumaa, Kim Poulsen kuteta kesho

Na Boniface Wambura
Timu za Coastal Union ya Tanga na Azam zitapambana Aprili 26 mwaka huu katika mechi ya Ligi Kuu ya Vodacom (VPL) itakayofanyika kwenye Uwanja wa Mkwakwani jijini Tanga.

Awali mechi hiyo namba 168 ilikuwa ichezwe Aprili 27 mwaka huu, lakini imerudishwa nyuma kwa siku moja ili kuipa fursa Azam kujiandaa kwa mechi ya marudiano ya raundi ya pili ya Kombe la Shirikisho dhidi ya AS FAR Rabat ya Morocco.

Mechi hiyo itachezeshwa na Andrew Shamba kutoka mkoani Pwani akisaidiwa na Abdallah Mkomwa (Pwani), Vicent Mlabu (Morogoro) wakati mwamuzi wa mezani atakuwa Mohamed Mkono wa Tanga. Charles Komba wa Dodoma ndiye atakayekuwa Kamishna wa mechi hiyo ya raundi ya 24.

Baada ya mechi ya Tanga, Azam itarejea Dar es Salaam siku inayofuata tayari kwa safari ya kwenda Rabat itakayofanyika Aprili 28 mwaka huu. Mechi hiyo itachezwa wikiendi ya Mei 3, 4 au 5 mwaka huu.

Keshokutwa (Aprili 24 mwaka huu) kutakuwa na mechi ya Ligi Kuu ya Vodacom kati ya African Lyon na JKT Ruvu itakayochezwa Uwanja wa Azam Chamazi, Dar es Salaam.

Iwapo Azam itafanikiwa kusonga mbele katika michuano ya Kombe la Shirikisho kutakuwa na marekebisho ya ratiba ya VPL. Hiyo ni kutokana na raundi inayofuata ya Kombe la Shrikisho kuchezwa wikiendi ya Mei 17, 18 na 19 mwaka huu ambapo bado haijajulikana Azam itaanzia wapi (nyumbani au ugenini) iwapo itavuka.

Katika hatua nyingine Kocha Mkuu wa Taifa Stars inayodhaminiwa na Kilimanjaro Premium Lager, Kim Poulsen atakuwa na mkutano na waandishi wa habari kesho (Aprili 23 mwaka huu).

Mkutano huo utafanyika saa 5 kamili asubuhi kwenye ukumbi wa mikutano wa Shirikisho la Mpira wa Miguu Tanzania (TFF).






Mechi nyingine za VPL mwezi ni Aprili 25 (Ruvu Shooting vs Simba- Uwanja wa Taifa), na Aprili 28 (Simba vs Polisi Morogoro- Uwanja wa Taifa).

Azam, Wamorocco wavuna Mil 50

Na Boniface Wambura
MCHEZO wa kwanza wa raundi ya pili ya Kombe la Shirikisho kati ya Azam na AS FAR Rabat ya Morocco uliochezwa juzi (Aprili 20 mwaka huu) umeingiza sh. 50,850,000.

Fedha hizo katika mechi hiyo iliyochezwa Uwanja wa Taifa, Dar es Salaam na kumalizika kwa timu hizo kutoka suluhu zimetokana na watazamaji 8,268 waliokata tiketi.

Viingilio vilikuwa sh. 5,000, sh. 10,000, sh. 10,000, sh. 15,000, sh. 20,000 na sh. 30,000 ambacho kilikuwa kiingilio cha juu kwa jukwaa la VIP A. Kiingilio cha sh. 5,000 ndicho kilichovutia watazamaji wengi ambapo walikuwa 7,354.

Mgawo ulikuwa kama ifuatavyo; gharama za tiketi sh. 5,575,500, asilimia 15 ya uwanja sh. 6,791,175, asilimia 10 ya Shirikisho la Mpira wa Miguu Tanzania (TFF) na Shirikisho la Mpira wa Miguu Afrika (CAF) sh. 4,527,450 na asilimia 75 iliyokwenda kwa klabu ya Azam ni sh. 33,955,875.

Mechi iliyopita ya Azam katika michuano hiyo dhidi  ya Barrack Young Controllers II ya Liberia iliingiza sh. 44,229,000 kutokana na watazamaji 17,128 waliokata tiketi. Viingilio vilikuwa sh. 2,000, sh. 5,000, sh. 10,000 na sh. 20,000 ambacho kilikuwa kiingilio cha juu kwa jukwaa la VIP A.

Pambano la Yanga, JKT Ruvu laingiza Mil 66

Yanga na JKT Ruvu zilizpokuwa zikiumana jana Taifa

Na Boniface Wambura
PAMBANO la Ligi Kuu ya Vodacom kati ya JKT Ruvu na Yanga iliyochezwa jana (Aprili 21 mwaka huu) Uwanja wa Taifa, Dar es Salaam imeingiza sh. 66,568,000 kutokana na watazamaji 11,864.

Viingilio katika mechi hiyo namba 106 iliyomalizika kwa Yanga kutoa dozi ya 3-0 kwa wenyeji wao vilikuwa sh. 5,000, sh. 8,000, sh. 15,000 na sh. 20,000 huku kila klabu ikipata mgawo wa sh. 15,702,752.45 wakati Kodi ya Ongezeko la Thamani (VAT) iliyolipwa ni sh. 10,154,440.68.

Mgawo mwingine wa mapato hayo ni asilimia 15 ya uwanja sh. 7,984,450.40, tiketi sh. 3,183,890, gharama za mechi sh. 4,790,670.24, Kamati ya Ligi sh. 4,790,670.24, Mfuko wa Maendeleo ya Mpira wa Miguu (FDF) sh. 2,395,335.12, Chama cha Mpira wa Miguu Mkoa wa Pwani (COREFA) sh. 931,519.21 na Chama cha Mpira wa Miguu Mkoa wa Dar es Salaam (DRFA) sh. 931,519.21.

Mashetani Wekundu kutangaza ubingwa leo EPL?

Full Squad ya Manchester United msimu huu

MASHABIKI wa soka wa vinara wa Ligi Kuu ya England, Manchester United wanasubiri masaa tu kuweza kushsrehekea ubingwa wao wa 20 wa ligi hiyo iwapo timu yao itaicharaza Aston Villa wanaokutana naoi usiku wa leo.
Pambano hilo litakalochezwa kwenye uwanja wa nyumbani wa Mashetani Wekundu wa Old Trafford, ndiyo utakaoamua kama Manchester United kama ndiyo mabingwa wa msimu huu au kusubiri mpaka mwishoni mwa wiki kuweza kufanya hivyo baada ya wapinzani wao Manchester City jana kupoteza mwelekeo.
Manachester City ambao ndiyo mabingwa watetezi wa ligi hiyo, jana walikumbana na kipigo cha aibu baada ya kunyukwa ugenini mabao 3-1 licha ya kuongoza kwa muda mrefu kwa bao 1-0 na kujikuta wakishindwa kupunguza pengo la pointi na mahasimu wao hao ambao wamekaa kileleni kwa muda mrefu.
Iwapo Manchester United itaishinda ASston Villa katika pambano hilo litakalochezwa majira ya saa 4 usiku kwa saa Afrika Mashariki itamaanisha kwamba itafikisha pointi 84 ambazo haziwezi kufikiwa na klabu yoyote wakiwemo watetezi hao waliosalia na pointi 68 na kusaliwa na mechi tano zinazoweza kuwafikishia pointi 53 tu iwapo watashinda mechi zao zilizosalia.
Pia ushindi huo utamaanisha kwamba Mashetani Wekundu hao watavunja rekodi ya kuwa klabu iliyotwaa mataji mengi ya ligi hiyo wakivunja rekodi ya Liverpool ya mataji 19 iliyokuwa ikiishikilia.
Vinara hao wataikaribisha Aston Villa wakitoka kwenye pambano lililoisha kwa sare ya mabao 2-2 dhidio ya West Ham United, wakiwa na tahadhari kuwa dhidi ya timu inayopigana kuepuka kushuka daraja kwani uzembe wowote utawacheleweshewa mbio zao za ubingwa huo.
United itakosa huduma za nyuota wa zamani wa Aston Villa, Ashley Young, lakini ikiwa na matumaini kwa kinara wake wa mabao, Robin van Persie atakuwa akipigana kumfukuzia Luis Suarez aliyemzidi kwa mabao mawili mpaka sasa katikamorodha ya wafungaji atakayeshirikiana na Wayne Rooney kuhakikisha wanaitia adabu Villa itakayomtegemea Christian Benteke na Gabriel Agbonlahor kuinusuru timu yao na kipigo.
Je washabiki wa Machester United watasherehekea ubingwa au watasubiri hadi mwishoni mwa wiki? Ni suala la kusubiri kuona, japo asilimia kubwa ya Mashetani Wekundu wanaamini leo ni RAHA TUPU kwao.

Mashindao ya Riadha U20 kufanyika Zenji

Katibu Mkuu wa RT,Suleiman Nyambui (Kulia)

NCHI 10 zinatarajia kushiriki mashindano ya riadha kwa vijana chini ya miaka 20 kwa nchi za Afrika Mashariki na Kati, yatakayofanyika Visiwani Zanzibar kuanzia Juni 8 hadi 9, mwaka huu.

Kwa mujibu wa Katibu Mkuu wa Shirikisho la Riadha Tanzania (RT), Suleiman Nyambui, wameamua kuyapeleka mashindano hayo Zanzibar kutokana na uwanja huo kutokutumika kwa muda mrefu tangu ulipofanyiwa ukarabati.

“Tumeamua mashindano haya yafanyike visiwani humo kutokana na uwanja huo kutokutumika kwa muda toka ufanyiwe marekebisho, na kujua kama una uwezo wa kuhimili mikikimikiki ya mashindano makubwa kama haya ya kimataifa,” alisema Nyambui.

Alizitaja nchi zinazotarajia kushiriki mashindano hayo kuwa ni Misri, Djibouti, Eritrea, Ethiopia, Somaria, Uganda, Sudan, Sudan Kusini ambayo itashiriki kama mgeni mwalikwa, Kenya, Tanzania na wenyeji Zanzibar.

Nyambui alisema amependekeza katika Kamati ya Utendaji, wachezaji kumi watakaofikia viwango vya kushiriki mashindano ya Afrika, sita wa kiume na wanne wa kike kuchaguliwa kuiwakilisha Tanzania kwenye mashindano hayo baadaye mwaka huu.

NEC yatangaza uchaguzi mdogo wa Madiwani Arusha Mjini

Add caption

HATIMAYE Tume ya Taifa ya Uchaguzi (NEC) imetangaza uchaguzi mdogo katika kata nne za udiwani kwenye Jimbo la Arusha Mjini kutokana na waliokuwa wakishikilia nafasi hizo kuvuliwa uanachama na Chama cha Demokrasia na Maendeleo (CHADEMA).

Uchaguzi utafanyika Juni 16 katika kata 26 zilizoko katika halmashauri 21 tofauti nchini, zilizoachwa wazi kutokana na sababu mbalimbali zikiwemo kifo, kujiuzulu, kufukuzwa au kuhama chama kwa waliokuwa wakiziongoza.

Sambamba na hilo, pia NEC imetangaza uchaguzi mdogo wa ubunge katika Jimbo la Chambani-Pemba kufuatia kifo cha aliyekuwa mbunge wake, Salum Hemed Hamisi aliyefariki Machi 28, mwaka huu.

Hata hivyo, Kata ya Sombetini ambayo aliyekuwa diwani wake, Alphonce Mawazo (CCM) alihamia CHADEMA, haikuorodheshwa katika kata hizo zinazopaswa kufanya uchaguzi mdogo.

Kwa mujibu wa ratiba iliyotolewa kwa vyombo vya habari jana na Mkurugrnzi wa Uchaguzi wa NEC, Julius Mallaba, uteuzi wa wagombea katika uchaguzi wa ubunge utafanyika Mei 17 na kampeni zitaanza Mei 18 hadi Juni 15.

Kwa upande wa wagombea wa udiwani, uteuzi utafanyika Mei 14 na kampeni zitaanza Mei 15 hadi Juni 15.

Kata hizo na halmashauri zake kwenye mabano ni Stesheni (Nachingwea), Nyampu Lukano na Lugata (Sengerema), Genge Tingeni (Muheza), Ibugule (Bahi), Langiro (Mbinga) na Manchila (Serengeti).

Nyingine ni Iyela (Mbeya), Mbalamaziwa (Mufindi), Ruzewe Mashariki (Bukombe), Mianzini (Temeke), Dalai (Kondoa), Minepa (Ulanga), Makuyuni (Monduli) na Bashnet (Babati).

Mallaba aliongeza kuwa kata nyingine ni
Kimandolu, Elerai, Kaloleni na Themi (Arusha), Iseke (Singida), Dongobesh (Mbulu), Ng’ang’ang’e (Kilolo), Ifakara (Kilombero), Msanze (Kilosa) na Mnima (Mtwara).

Source TANZANIA DAIMA

Kanali Massawe kubariki tamasha la Shule ya Jitegemee

RC Kanali Fabian Massawe

MKUU wa Mkoa wa Kagera, Kanali mstaafu Fabian Massawe, anatarajiwa kuwa mgeni rasmi katika tamasha la wadau mbalimbali waliosoma Shule ya Sekondari Jitegemee ya jijini Dar es Salaam litakalofanyika Aprili 26 mwaka huu.

Akizungumza na waandishi wa habari shuleni hapo jana, Mkuu wa Shule hiyo, Kanali Martin Mkisi, alisema wamemwalika Kanali Massawe ambaye amewahi kuiongoza shule hiyo, ili aweze kupata fursa ya kukutana na wadau wa shule hiyo kujadili changamoto mbalimbali.

Alisema pamoja na mambo mengine, wataendesha harambee, ambayo wanatarajia kukusanya sh milioni 50 ili kuiendeleza shule hiyo na fedha zitakazopatikana zitasaidia kumalizia ujenzi wa ukumbi ambao umeanza kujengwa kama moja ya harakati za kukabiliana na changamoto zinazoikabili Jitegemee Sekondari.

Kanali Mkisi alisema hakutakuwa na kiingilio, hivyo amewaalika wadau na marafiki wa shule hiyo kuhudhuria kwa wingi, ili kuliwezesha kufana na huo utakuwa mwendelezo wa matamasha ya namna hiyo kila mwaka.

Naye Mwenyekiti wa Kamati ya tamasha hilo, Masemele Masemele, alisema tamasha hilo litahusisha michezo mbalimbali, ukiwemo mpira wa wavu, kikapu, kuvuta kamba pamoja na burudani kutoka kwa wasanii mbalimbali kama vile Mh. Temba na wengineo.

Wasanii chipukizi 300 waonyesha vipaji SHIWATA

MTANDAO WA WASANII TANZANIA (SHIWATA)

Peter Mwenda

WASANII chipukizi 300 kutoka vikundi 15 jijini Dar es Salaam wamejitokeza kushiriki maonesho ya kukuza vipaji yaliyoandaliwa na Mtandao wa Wasanii Tanzania (SHIWATA) Jumamosi ya Aprili 27 katika ukumbi wa hoteli ya StarLight ,Mnazi Mmoja Dar es Salaam.

              

Vikundi ambavyo vimethibitisha kushiriki pamoja na Kaole Sanaa Group,Splendid,Uyoga Boga na vingine katika fani ya Bongo Flava,Taarab,Maigizo,Ngoma,Mazingaombwe,Sanaa za Ufundi,Kung Fu,Sarakasi,Kusheki,Kwaya,na Ngonjera.

Maonesho kama haya yatafanyika kila mwezi na kiingilio ni bure na vikundi vingine ni Super Shine Morden Taarab,Zijiu,Edeneza Brass Band,Asili Africa,Mege Arts,Kintu,Army Kwanza,Wachapakazi,Tanhope,Tanz Arts,Mshikamano,Big House,Lutenga Boys,Kilimasta,Manuary.

Madhumuni makubwa ya tamasha hilo ni kuibua vipaji vya wasanii chipukizi ili kazi zao ziweze kupata soko hivyo mapromota, Majd,Maproducer wa filamu wasikoke kufika katika maonesho hayo ili kuona mastaa chipukizi ambao ambavyo vipaji vyao bado havijaonekana.

Vijana wa sanaa mbalimbali wanatakiwa kufika katika ofisi za SHIWATA zilizopo Bungoni Ilala ili kujisajili kwa ajili ya maonesho mengine yanayofuata .

Tanzania kuna wasanii wengi wenye vipaji lakini kazi zao hazisikiki wala kuonekana kwenye vyombo vya habari hivyo hiyo ni fursa kutumia maonesho hayo kama soko la kazi zao katika jiji la Dar es Salaam.

Wasanii mbalimbali ambao vipaji vyao vitakubalika sokoni watanufaika kupata ajira ya kuuza kazi zao pamoja na kushiriki katika matamasha mbalimbali ndani na nje ya nchi.

Peter Mwenda

Ofisa Habari wa SHIWATA

0715/0752 222677

MCHEZO WA NGUMI ULIPOHAMASISHWA CHALINZE, PWANI

Bondia Amos Thomas  kushoto akioneshana ufundi wa kutupiana makonde na Edrew Joseph wakati wa mpambano wa kuamasisha mchezo wa masumbwi Chalinze Mkoa wa pwani  Juzi mchezo huo ulitoka droo picha na www.superdboximgcoach.blogspot.com

Baazi ya mashabiki wakiwa na Diwani wao

Bondia Said Minyusi wa Chalinze kushoto akirusha konde ambalo alina madhala kwa Zumbe Kukwe wa Dar wakati wa mpambano wa kuamasisha masumbwi Chalinze mkoa wa Pwani juzi  Kukwe alishinda kwa TKO ya raundi ya kwanza picha na www.superdboximgcoach.blogspot.com

Baazi ya mashabiki waliojitokeza kuhamasisha mchezo wa masumbwi wakiangalia burudani hiyo

Mabondia walio itimisha mpambano huo wakati wa kuhamasisha masumbwi Chalinze

Diwani wa Kata ya Bwilingi Chalinze Ahmed Kalama Nassar akizungumza kabla ya mpambano wa mwisho kwa ajili ya kuhamasisha ngumi katika kata hiyo

Mwaite Juma wa Chalinze kushoto akimwangalia bondia Mussa Ali baada ya kupiga konde zito na kwenda chini

Na Mwandishi Wetu

ZAIDI ya mashabiki 300 wamejitokeza kuangalia mpambano wa Masumbwi kwa ajili ya kuhamasisha mchezo wa ngumi Chalinze  Mkoa wa Pwani pamoja na vitongoji vyake mashindano hayo ya masumbwi yaliyoandaliwa maalumu kuhamasisha mchezo uho katika vitongoji maarufu.

Uliwakutanisha mabondia wa Dar es salaam na Chalinze na mabondia wanaotamba katika kitongoji hicho mpambano huo wa masumbwi ulioanza saa tatu ya usiku na kumalizika saa nne na nusu uliwakutanisha bondia Amos Thomas aliye toka sare na Edrew Joseph uku mpambano mwingine ukiwakutanisha Zumbe Kukwe wa Dar es salaam aliye mgalagaza bila huruma Said Minyusi wa chalinze

Mpambano mwingine ni Alex Kado wa chalinze alishindwa kuhimili mikiki mikiki ya Nassoro Khatibu na kupigwa kwa ponti

Pambano lililokuwa likisubiliwa na watu wengi zaidi ni mpambano uliowakutanisha Mwaite Juma wa Chalinze na Mussa Ali ambapo mwaite aliweza kumsambalatisha ali kwa TKO ya raundi ya kwanza na kupeleka shwangwe kwa wapenzi waliojitokeza katika mpambano huo

Baada ya kumalizika kwa mpambano huo Diwani wa Kata ya Bwilingi Chalinze Ahmed Kalama Nassar ambaye alikuwa mgeni rasmi wa mpambano huo alisema yupo tayali kuwanunulia vifaa vya mchezo huo ili kuendeleza masumbwi katika kata hiyo

Ambapo ame haidi kuongeza ushirikiano wa wataalamu wa masumbwi kwa kushilikiana na viongozi ili chalinzi kiwe kitovu cha masumbwi nchini

Golden Bush Fc yawazima Veterani x2

vijana wa Golden Bush Fc waliotoa kipigo kwa Veterani

WAKALI wa soka la veterani jijini Dar es Salaam, Golden Bush Veterani juzi ilishindwa kutamba mbele ya vijana wao Golden Bush Fc baada ya kukubali kipigo cha mabao 2-1 katika pambano la kujipima nguvu kujiandaa na pambano lao dhidi ya wapinzani wao, Wahenga Fc litakalochezwa Ijumaa.
Timu ya Golden Bush vijana wanaoongoza kundi lao katika Ligi ya TFF Kinondoni iliwazima wazee wao hao licha ya kucheza nyota wa zamani wa Simba na Yanga, akiwemo Shaaban Kisiga, Athuman Machuppa, Said Swedi 'Panucci' na wengine kwa kupata mabao yake kupitia kwa Mrisho na Zola.
Wazee wa soka, Golden Veterani walipata bao lao la kufutia machozi kupitia kwa Shaaban Kisiga.
Pamoja na kipigo hicho Mlezi wa Golden Bush, Onesmo Waziri 'Ticotico' amesema wapo tayari kutoa pigo kwa wapinzani wao Wahenga siku uya Ijumaa katika pambano linalosubiriwa kwa hamu.
Ticotico alisema kikosi chao kipo imara na kwamba wameridhia pia ombi la wapinzani wao kumtaka Noel Katepa kuichezea Wahenga katika pambano lao la Ijumaa.

"Aidha Golden Bush wamekubali kwa Kauli moja ombi la Wahenga kutaka mchezaji wao Noel Katepa arudi kwao haraka iwezekavyo kwani tunacho kikosi kikali ambacho tumeshakiweka wazi," alisema Ticotico.

Mlesi huyo ambaye pia ni mmoja wa washambuliaji mahiri wa timu hiyo ya veterani, alikitaja kikosi kitakachoshuka dimbani Ijumaa wakati wa kuadhimisha miaka 49 ya Muungano kuwa golini atakuwepo;

Aman Simba, beki wa kulia Said Swedi, akisaidiana na Faraj, Steve na mkoba atasimama Salum Swedi 'Kussi', Godfrey Bonny atasimama dimba la kati huku winga wa kulia atakuwa yeye mwenyewe Ticotico, huku katyi ya Kisiga na Shija Katina watamiliki dimba la kati kwa mbele, na mshambuliaji wa kati atakuwa 

Herry Morris, na namba 10 atacheza Athuman Machuppa na winga wa kushoto atakuwa Sadik Muhimbo.