Fella athibitisha YP kufariki dunia, mazishi yake yasubiri ndugu

YP enzi za uhai wake

Said Fella

MENEJA wa kundi la TMK Wanaume Family aliye pia mkurugenzi wa MKubwa na Wanae, Said Fella 'Mkubwa' amethibitisha kuwa msanii YP amefariki dunia usiku wa kuamkia leo.
Akizungumza na MICHARAZO hivi punde, Fella alisema YP amefariki akiwa katika Hospitali ya Temeke na siyo nyumbani kwao kama taarifa za awali zilizokuwa zimetufikia na kwamba alikuwa akisumbuliwa na maradhi ya Kifua.
'Ni kweli YP amefariki akiwa Temeke Hospitali alikokuwa amelazwa kwa siku kadhaa, alikuwa akisumbuliwa na Kifua, kwa kweli ni pigo kwetu na tasnia nzima ya muziki kwani ni hivi karibuni tumetoka kumpoteza pia Side Mnyamwezi," alisema Fella mmoja wa wadu wa muziki waliosaidia kukuza muziki wa kizazi kipya kwa kuibua vipaji kila uchao. 
Fella alisema kwa sasa wanasubiri kuwasiliana na ndugu na familia ya marehemu YP kwa ajili ya kujua mazishi yake yatafanyika lini na wapi, japo alisema huenda atazikwa kesho pande za TMK.
Enzi za uhai wake YP alitamba na wimbo wake mkali wa 'Binadamu Visa' alioimba na swahiba wake, Y Dash na pia alishiriki kwenye wimbo wa Dar Mpaka Moro na wasanii wenzake wa TMK, Chegge na Mheshimiwa Temba.
Nyimbo nyingine alizowahi kuimba ni 'Ulipenda Pesa', 'Pumzika', 'Shemsha' akiwa na Y Dash pia alitamba na 'Twende Zetu' ya Chege,  'Kichwa kinauma', 'Tufurahi' na nyimbo nyingi za TMK Wanaume Family.
Mwenyezi Mungu Ailaze Roho ya Marehemu Mahali Pema Peponi.

Inspekta Harun kuachia mpya akisherehekea miaka 10 ya ndoa yake

Babu akiwa katika pozi tofauti

MKONGWE wa muziki wa kizazi kipya nchini, Haruna Kahena 'Inspekta Harun' a.k.a Babu anatarajiwa kusherehekea miaka 10 ya ndoa yake kwa kutambulisha wimbo mpya wa 'Hali Bado Tete'.
Wimbo huo alioimba na Luteni Karama ni utambulisho wa ujio mpya wa kundi lililowahi kutamba nchini miaka kadhaa iliyopita ya Gangwe Mob.
Akizungumza na MICHARAZO, Babu alisema sherehe hizo zitakazopambwa na burudani zitafanyika siku ya Jumamosi kwenye ukumbi wa Mpo Afrika, Tandika Davis Corner, jijini Dar es Salaam.
Babu alisema katika sherehe hizo atasindikizwa na wasanii kama TID, Mabaga Fresh, LWP, Scorpion Girls, Dogo Mfaume na wengine na yeye na Luteni Karama watatambulisha wimbo wa 'Hali Bado Tete'.
"Oktoba 25 nitakuwa naadhimisha miaka 10 tangu nifunge ndoa na siku hiyo nitatambulisha kazi zangu mpya ukiwamo wimbo wa 'Hali Bado Tete' unaotangaza ujio wa kundi la Gangwe Mob'," alisema.
Mkongwe huyo alisema mbali na wimbo huo pia atatambulisha nyimbo zake zikiwamo 'Bado Hujachelewa', 'Mungu Ndiye Anayepanga' alioimba na Sir Juma Nature' na nyingine.

Newz Alert! Msanii YP wa TMK Wanaume Family Hatunaye!

YP nyuma akiwa na Y-Dash

YP kulia akiwa na Dogo Aslay na Stico enzi za uhai wake

HABARI zilizotufiki hivi punde zinasema kuwa aliyekuwa msanii wa kundi la TMK Wanaume Family na memba wa Mkubwa na Wanae, Yessaya Ambikile YP amefariki dunia usiku wa kuamkia leo.
Kwa mujibu wa taarifa hizo ni kwamba YP aliyekuwa mmoja wa wasanii waliojiengua TMK Wanaume na kuunda kundi moja na wenzake Y-Dash na Jebby alifariki nyumbani kwao Keko, jijini Dar es salaam bila kuelezwa kama alikuwa akiumwa au la!
MICHARAZO inaendelea kufuatilia kujua undani wa taarifa hizo na mipango mziima ya mazishi na itawaletea kila kitakachokuwa kikiendelea.
Kadhalika inatoa pole kwa ndugu, jamaa, na familia ya marehemu YP aliyekuwa akitamba na wimbo wa Binadamu Visa alioimba na swahiba wake, Y-Dash.

Mashetani Wekundu chupuchupu England mechi ya sita bila ushindi ugenini

Delay Blind akishangilia bao la Fellaine aliyefunmga pia jana

Fellaine akishangilia bao la kusawazisha la kwanza la Manchester United

Stephane Sessegnon akishangilia bao la kuongoza la West Brom

MABINGWA wa zamani wa England, Manchester United usiku wa kuamkia leo wameponea chupuchupu kulala ugenini baada ya kuchomoa bao dakika za lala salama na kuambulia sare ya 2-2 dhidi ya West Bromwich Albion katika pambano la Ligi Kuu ya nchi hiyo.
Bao lililofungwa dakika tatu kabla ya kumalizika kwa mchezo huo lililofungwa na Daley Blind, liliowaokoa Mashetani Wekundu na kuwapa pointi moja.
Hilo lilikuwa pambano la sita kwa vijana wa Luis Van Gaal kucheza ugenini bila kupata ushindi katika ligi hiyo na kuifanya timu hiyo ishindwe kuingia kwenye Nne Bora tangu ilipoporomoka 'kisoka' msimu uliopita chini ya kocha David Moyes.
Mara ya mwisho Manchester United kukumbana na hali hiyo ya kucheza mechi sita ugenini bila ushindi ilikuwa msimu wa mwaka 1996-1997.
Wenyeji waliandika bao la kuongoza dakika ya nane tu tangu kuanza kwa pambano hilo kupitia Stephane Sessegnon aliyeshindwa kufurukuta mbele ya mabeki wa timu ya taifa ya Tanzania, Taifa Stars akiwa na timu yake ya taifa ya Benin iliyolala kwenye uwanja wa Taifa kwa mabao 4-1.
Kiungo mtokea benchi, aliisawazishia Manchester United dakika mbili tangu awe uwanjani katika dakika ya 48 akimalizia pasu nzuri ya Angel di Maria kabla ya Saido Berahino kuiongezea West Brom bao la pili katika dakika ya 66 akimalizia pasi ya Chris Brunt.
Wengi wakiamini Mashetani Wekundu wamelala baada ya kupata ushindi mfululizo katika mechi zake zilizopita, ndipo Blind alipofunga bao lake la kwanza tangu ajiunge na klabu hiyo msimu huu.