Loic Remy achekelea kuwa Chelsea, lakini...!

MSHAMBULIAJI wa Chelsea,  Loic Remy amesema bado haelewi kwanini dili la kujiunga na Liverpool majira ya kiangazi lilivunjika.
Nyota huyo mwenye miaka 27 alitazamiwa kujiunga Anfield kwa dau la paundi milioni 8 kabla ya wekundu hao kulitupilia mbali dili hilo wakidai mchezaji huyo ameshindwa kufuzu vipimo vya afya.
Remy alishindwa kufuzu vipimo vya afya kutokana na matatizo ya moyo na goti, lakini alishangazwa na tangazo hilo.
“Binafsi sikuelewa. Tatizo wakati wa vipimo vya afya? sijui. Walitengenezea, lazima itakuwa hivyo,” aliwaambia Daily Star.
Mfaransa huyo alirejea QPR na alionekana katika mechi ya ligi kuu kabla ya kujiunga na Chelsea wiki ya mwisho ya usajili ambapo atacheza kumsaidia Diego Costa ambaye amepata majeraha ya nyama za paja katika majukumu ya kimataifa.

Remy, ambaye aliifungia Ufaransa bao la ushindi dhidi ya Hispania siku ya alhamisi, alisema; “Kichwani mwangu, nilitaka kuendelea kukaa QPR, lakini sikuogopa kwa sababu nyingi  nilizonazo: Kwa jinsi nilivyojiimarisha, kujiamini kwangu na kwa namna Chelsea walivyonihitaji, nilikubali kwasababu hii ni moja ya klabu kubwa duniani.
“Nina furaha ya kujiunga na klabu hii”

Yanga kuivaa Big Bullets bila Cannavaro, Ngassa Taifa leo

Yanga walipokuwa wakijifua ufukweni

YANGA itacheza mchezo wake wa mwisho wa kujipima ngumu kwa kuvaana na Big Bullets ya Malawi katika mechi ya kirafiki ya kimataifa itakayochezwa uwanja wa Taifa.
Hiyo ni mechi ya tano kwa Yanga chini ya Marcio Maximo ikiwa haijapoteza mchezo wowote na wa pili wa kimataifa baada ya katikati ya wiki kuilaza Thika United ya Kenya.
Katika mechi hiyo ya leo ambayo itakuwa ya mwisho kabla kujichimbia kambini kujiandaa na mechi ya kuwania Ngao ya Hisani dhidi ya Azam Jumapili ijayo kwenye uwanja huo huo.
Yanga hata hivyo itawakosa baadhi ya nyota wake katika mchezo wa leo akiwamo Nahodha Nadir Haroub Cannavaro,Kelvin Yondani, Mrisho Ngassa na Simon Msuva waliopo Burundi na kikosi cha Taifa Stars kinachocheza mechi ya kirafiki ya kimataifa leo mjini Bunjumbura.
Hata hivyo Yanga bado ina wakali wengine ambao waling'ara katika mechi yao iliyopita dhidi ya Thika akiwamo Andrey Coutinho kutoka Brazil.

TFF yarejesha Ligi Daraja la Pili, FDL kumekucha!

KAMATI ya Utendaji ya Shirikisho la Soka Tanzania (TFF) iliyokutana hivi karibuni imekubali mapendekezo ya Kamati ya Mashindano ya kurejesha michuano ya Ligi Daraja la Pili (SDL).
Lengo la kurejesha ligi hiyo ni kuongeza wigo wa mashindano kitaifa ambapo itasaidia kushirikisha kundi kubwa zaidi la wachezaji kwenye mashindano makini yanayozingatia viwango na vigezo ili kuwapa wachezaji maendeleo ya kiuchezaji ikiwemo kuendelezwa vipaji vyao kitaalamu.
Ligi hiyo yenye timu 24 itachezwa katika hatua ya makundi manne ya timu sita sita kwa mtindo wa nyumbani na ugenini ambapo mshindi wa kila kundi atapanda kucheza Ligi Daraja la Kwanza (FDL). Timu ya mwisho kila kundi itarudi kwenye ligi ya mkoa wake.
Hatua ya pili ni kutafuta bingwa wa SDL ambapo timu zilizoongoza makundi (nne) zitacheza kwa mtoano nyumbani na ugenini. Utakuwepo mchezo wa fainali ambapo mshindi atkuwa bingwa wa SDL msimu wa 2014/2015.
Timu zitakazocheza SDL kwa msimu huu ni zile zilizoshika nafasi ya pili hadi ya nane katika Ligi ya Mabingwa wa Mikoa (RCL) katika makundi yao msimu uliopita, na tatu zilizoshuka kutoka FDL msimu uliopita.
Kundi A litakuwa na timu za Milambo FC (Tabora), Mji Mkuu FC (Dodoma), Mpanda United (Mpanda), Mvuvumwa FC (Kigoma), Singida United (Singida) na Ujenzi (Rukwa). Kundi B ni Arusha FC (Arusha), Bulyanhulu FC (Shinyanga), Eleven Stars (Kagera), Mbao FC (Mwanza), Pamba FC (Mwanza) na Rwamukoma JKT (Mara).
Timu za kundi C ni Abajalo (Dar es Salaam), Kiluvya United (Pwani), Kariakoo FC (Lindi), Mshikamano FC (Dar es Salaam), Navy FC (Dar es Salaam) na Transit Camp (Dar es Salaam). Kundi D ni Magereza FC (Iringa), Mkamba Rangers (Morogoro), Njombe Mji (Njombe), Town Small Boys (Ruvuma), Volcano FC (Morogoro) na Wenda FC (Mbeya). Ligi itachezwa kuanzia Novemba mwaka huu.
Wakati huo huo; Ligi Daraja la Kwanza (FDL) msimu wa 2014/2015 itachezwa katika makundi mawili kwa mtindo wa nyumbani na ugenini kuanzia Oktoba 11 mwaka huu.
Kundi A lina timu za African Lyon, African Sports, Ashanti United, Friends Rangers, Kimondo SC, Kurugenzi Mafinga, Lipuli, Majimaji, Mlale JKT, Polisi Dar es Salaam, Tessema FC na Villa Squad.
Wakati kundi B lina timu za Burkina Faso, Geita Veterans SC, Green Warriors, Kanembwa JKT, Mwadui SC, Oljoro JKT, Panone FC, Polisi Dodoma, Polisi Mara, Polisi Tabora, Rhino Rangers na Toto Africans. Ratiba ya Ligi hiyo itatolewa hivi punde.

Hatma ya Emmanuel Okwi ni leo

Kusalia katika uzi huu wa Simba au wa Yanga kama anavyoonekana chini pichani?

HATMA ya Mganda Emmanuel Okwi inatarajiwa kufahamika leo wakati Kamati  ya Sheria na Hadhi ya Wachezaji ya Shirikisho la Soka Tanzania, TFF inayopongozwa na Mwanasheria Richard Sinamtwa itakapokutana kutoa maamuzi kamili dhidi ya kesi yake.
Okwi aliyekuwa akiiichezea Yanga anapingwa na klabu yake hiyo ya zamani kusajiliwa Simba kwa madai bado anao mkataba, hali iliyoleta utata kama alivyosajiliwa na Yanga msimu uliopita akitokea SC Villa.
Msimu uliopita hali kama hiyo ilijitokeza kwa mchezaji Mrisho Ngassa aliyekuwa akigombewa na Simba na Yanga na hatimaye, kufungiwa mechi sita na kulimwa faini. Je, ni Simba au Yanga watakaohalalishiwa Okwi? Tusubiri

FIFA kuendesha kozi ya Utawala Tanzania

 

SHIRIKISHO la Soka Tanzania (TFF) kwa kushirikiana na Shirikisho la Kimataifa la Mpira wa Miguu (Fifa) wameandaa kozi ya ukufunzi wa utawala itakayofanyika Desemba mwaka huu.

Kozi hiyo itakayoendeshwa na wakufunzi kutoka Fifa itafanyika jijini Dar es Salaam kuanzia Desemba 1 hadi 5 mwaka huu, ambapo sifa ya chini ya elimu kwa wanaotaka kushiriki ni kidato cha nne.

Kwa wanaotaka kushiriki kozi hiyo wanatakiwa kutuma maombi yao kwa Katibu Mkuu wa TFF. Mwisho wa kupokea maombi hayo ni Septemba 12 mwaka huu ambapo wanatakiwa pia kuwasilisha nakala za vyeti vyao vya kitaaluma.

Simba wawararua Wakenya 3-0 Taifa

Mshambuliaji mpya wa Simba SC, Mkenya Paul Kiongera akishangilia moja ya mabao yake mawili katika ushindi wa 3-0 jioni ya leo kwenye mchezo wa kirafiki dhidi ya Gor Mahia ya Kenya Uwanja wa Taifa, Dar es Salaam. Chini ni mashabiki wa timu hiyo wakifurahia raha za Kiongera, mkali mpya wa mabao wa Msimbazi.

Vigogo wa kundi la Friends Of Simba SC, kushoto Zacharia Hans Poppe kulia Crescentius Johm Magori wakila raha Taifa leo

Mtu hatari mbele ya lango; Paul Kiongera kushoto langoni mwa Gor Mahia leo

Kocha wa Yanga SC (picha ndogo chini kushoto), Marcio Maximo kulia akiwa Msaidizi wake, Mbrazil mwenzake, Leonardo Leiva wakifuatilia mchezo wa kirafiki kati ya Simba SC na Gor Mahia ya Kenya jioni ya leo Uwanja wa Taifa, Dar es Salaam. Simba imeshinda 3-0. picha kubwa ni wachezaji wa Simba wakishangilia moja ya mabao yao leo

AKIWA anaijua vyema timu yake ya zamani ya Gor Mahia ya Kenya, nyota mpya wa kimataifa wa Simba ya Dar es Salaam, Raphael Muigai Kiongera 'Modo' leo ameiongoza Simba kushinda goli 3-0  katika mchezo wa kirafiki uliopigwa uwanja wa Taifa jijini Dar es Salaa jioni ya leo.

Mabao ya Simba yamewekwa kimiani na nyota huyo aliyesajiliwa kutoka Gor mahia ya Kenya, Raphael Kiongera alkiingia kipindi cha pili akitokea benchi na bao moja kuwekwa wavuni na  Ramadhan Singano 'Messi'.

Simba imetoa kichapo hicho ikiongozwa na kocha wake wa mara ya tatu, Mzambia Patrick Phiri ambaye alikishusha kikosi hicho uwanja wa taifa jiji Dar es Salaam ikiwa ni takriban mwezi na siku kadhaa tangu ilipo pata kichapo cha goli 3-1 na kupelekea kutimuliwa kwa kocha Zdravko Logarusic kutoka kwa Zesco United.

Kiongera alipachika goli dakika ya 55 wakati goli la pili likifungwa dakika ya 74 na Messi na Kiongera tena kufunga hesabu katika dakika ya 78.
CRD: HABARI24

Vurugu zaibuka Kilosa, Polisi watumia mabomu kutuliza hasira wannchi

VURUGU kubwa zimezuka katika tarafa ya Magole wilayani Kilosa jana ambapo polisi ililazimika kutumia mabomu ya machozi na risasi za moto ili kuwatawanya wananchi.
Vurugu hizo zilisababishwa na wananchi wa  vijiji vitatu vya  Mabana, Mateteni na Mbigili  baada ya kuvamia eneo la Mahakama ya  Magole na kutaka kuichoma moto wakishinikiza kuachiwa kwa wenzao waliokuwa wamekamatwa.
Vurugu hizo zilitokea majira ya saa 5 asubuhi wakati wananchi hao walipokusanyika na kufanya maandamano hadi katika mahakama hiyo wakitaka wakulima wenzao 12  waliokamatwa kwa madai ya kuvamia na kulima shamba lililotengwa na serikali.
Mmoja wa mashuhuda wa tukio hilo aliyejitambulisha kwa jina moja la Rajabu, alisema kuwa chanzo cha tukio hilo ni askari polisi katika mji wa Dumila kwenda kuwakamata wakulima hao katika shamba hilo  eneo la Mkongeni ambalo zamani lilikuwa likilimwa na waliokuwa wapigania uhuru wa Afrika Kusini.
Alisema kuwa katika siku za hivi karibuni wakulima wa vijiji hivyo waliamua kuvamia na kuanza kulima bila kufanya mawasiliano na serikali wakati eneo hilo tayari lilikuwa limetengwa kwa ajili ya ujenzi wa Chuo kikuu cha Sayansi.
Alisema kuwa polisi ilifika katika eneo la shamba hilo na kukuta makundi hayo ya wakulima na ndipo likafanikiwa kuwakamata baadhi yao na kuwapeleka mahakamani kwa ajili ya kuwasomea mashtaka baada ya wengine kukimbia.
Ilidaiwa kuwa waliokimbia walienda kujikusanya katika vijiji hivyo vitatu na kufanya maandamano hadi katika mahakama hiyo na kuanza kufanya vurugu za kutaka kuchoma moto na kurushia mawe baadhi ya askari wakishinikiza kuachiwa wenzao.
Mtoa habari huyo alidai kuwa polisi walizidiwa nguvu na kulazimika kuomba msaada wa askari wengine kutoka wilaya ya Mvomero ambao walifika na kuanza kutawanya wananchi hao kwa kuwarushia mabomu ya machozi pamoja na kupiga risasi za moto hewani.

Waziri Dk Magufuli awauma sikio Wahandisi

Suleiman Msuya

WAZIRI wa Ujenzi Dk. John Magufuli amewataka wahandisi kujenga ushirikiano ili kuhakikisha kuwa wanafanikiwa katika kupata miradi mbalimbali ya ujenzi ambayo inatolewa na Serikali.

Magufuli ametoa rai wakati akifunga Mkutano wa Mwaka wa Bodi ya Wasajili ya Wahandisi (ERB)  uliofanyika jana katika ukumbi wa Mlimani City Jijini Dar es Salaam.

Alisema ni vema wahandisi wote ambao wamepata usajili baada ya kula kiapo kuwa na umoja ili kuhakikisha kuwa miradi inayotolewa na serikali wanaipata kwa kutokufanya hivyo kutachangia kuikosa.

Katika mkutano huo zaidi ya wahandisi 250, wataalamu na washauri waliapa katika mkutano huo ikiwa ni baada ya kupata usajili kupitia ERB.

Waziri Magufuli alisema Serikali inaangalia uwezekano wa kuhakikisha kuwa fedha zote ambazo zinapatikana katika mfuko wa barabara zinatumika kwa kuwapatia wahandisi wa ndani ambao watapata miradi.

“Napenda kutumia nafasi hii ya kufunga mkutano huu kwa kuwaomba muungane katika baadhi ya miradi ambayo inatangazwa na serikali kama wenzenu wanaofanya kule katika daraja la Mmbutu Igunga Tabora ambao umeonyesha mafanikio makubwa”,alisema.

Dk. Magufuli alisema Wizara yake itaendelea kutoa ushirikiano wa aina yoyote ili kuhakikisha kuwa wahandisi wa Kitanzania wanafaidika na kodi zao kwa kupata zabuni ambazo watakuwa na sifa nazo.

Kwa upande wake Msajili wa (ERB) Mhandisi Stephen Mlote alisema kwa sasa jumla ya wahandisi wataalamu na washauri 13826 wamesajiliwa na makapuni 261pamoja na kula kiapo cha kazi hiyo.

Mlote alisema pia hadi kufikia sasa jumla ya wahadisi 330 wamefutiwa usajili pamoja na kampuni 32 ambazo zimeonekana kukiuka kanuni za ERB na kiapo walichoapa.

Alisema pamoja na idadi hiyo bado nchi ina kabiliwa na uchache wa wahandisi wataalamu na washauri ambapo kwa sasa ni sawa na 0.2 asilimia ya watanzania wote hali ambayo ni kinyume na nchi zilizoendelea.

Alitolea mfano nchi ya Australia ambayo ni asilimia0.4, Malaysia 0.13, Uingereza 0.8 na Japani ni asilimia 1 hivyo juhudi zinahitajika zaidi ili kuakukisha kuwa vijana wengi wanahamasishwa kusoma masomo ya sayansi.

Msajili huyo alisema ERB pia inajitahidi kuwatafutia vijana waliosoma fani ya uhandisi ajira ambapo hivi karibuni vijana 448 wameajiriwa katika taasisi mbalimbali hapa nchini.

Aidha Mlote alisema changamoto nyingine ni wahandisi kukimbia fani hiyo na kujihusisha na fani nyingine kwasababu ya kufuata maslahi mazuri ambayo yanapatikana katika sekta zingine.

Changamoto nyingine ni kuwepo kwa utamaduni wa watanzania walio wengi kutotaka kutumia wahandisi katika ujenzi jambo ambalo linawakatisha tama wahandisi kwani wajenzi hutumia mafundi wamitaani.

Naye Mwenyekiti wa Bodi ya ( ERB) Profesa Ninatubu Lema aliwataka wahandisi kuzingatia misingi ya kazi yao ili wawe watu wenye kuchangia uchumi wan chi kwa kazi ambazo wanazifanya.

Lema aliwataka kuzingatia mambo yafuatayo ambayo ni kuchagua, kupanga, kipaumbele, kutekeleza, kufuatilia na kutathimini wakati wanatekeleza miradi mbalimbali ya hapa nchini ili kufikia lengo la Matokeo Makubwa Sasa (BRN).

Michuano ya Walawala Cup kutimua vumbi Muheza

MASHINDANO ya kuwania Kombe la Walawala wilayani Muheza linatarajia kuanza mapema mwezi huu katika uwanja wa Jitegemee.

Mratibu wa Mashindano hayo, Omari George (OG)akizungumza mjini Dar es Salaam jana alisema maandalizi ya mashindano hayo yamekamilika ambayo ni pamoja na kuandaa vifaa vya michezo.

Alisema mashindano hayo ambayo hufanyika kila mwaka yamelenga kuibua vipaji vya wachezaji watakaochukua nafasi ya wachezaji waliowahi kuwika zamani na kujenga heshima ya wilaya Muheza kama vile Kasongo Athumani, ISsa Athumani Mgaya na James Kisaka.

OG alisema mashindano hayo ambayo hufanyika kila mwaka kutoka mwaka 2010 kila timu shiriki hupatiwa jezi na washindi hupata zawadi mbalimbali kama vile vikombe, mipira na sare za michezo.

Alisema katika mashindano ya mwaka huu kila timu imepewa jezi seti moja, sare  kwa ajili ya makocha wa timu 18 zinazoshiriki mashindano hayo, sare kwa viongozi wa Chama cha Soka Wilayani (TFF) na waamuzi watakaochezesha mashindano hayo.


Mratibu huyo alisema amekuwa akishirikiana na Kampuni ya Isere kuandaa vifaa vinabyotumika katika mashindano hayo Kutoka mashindano ya Walawala Cup yaanzishwe timu zilizowahi kutwaa ubingwa ni Polisi (2011), City Boys (2012) na Bambino (2013).

Cameroon yaua ugenini, Nigeria yafa nyumbani Afrika

Nigeria hawaamini kama walefungwa nyumbani

Cameroon wakishingailia moja ya mabao yao mjini LUbumbashi

MABAO mawili kutoka kwa wachezaji chipukizi Clinton Njie na Vincent Aboubakar walitosha kuiwezesha Cameroon kuanza kampeni zao za kuwania kwenye katika Fainali za Afrika 2015 nchini Morocco kwa kuwalaza wenyeji wa DR Congo mjini Lubumbashi katika mechi ya kundi D.
Visiting Cameroon posited a 2-0 win over DR Congo in their Group D clash on Saturday in Lubumbashi.
Mabingwa hao wa mara nne wa Afrika walipata mabao hayo katika kila kipindi na kuwapa pointi tatu muhimu ugenini katika mechi hizo za kuwania kufuzu fainali za Morocco.
Katika mechi ya kundi A Nigeria ikiwa nyumbani ilianza vibaya kampeni zake za kutetea taji lake kwa kukubali kipigo cha mabao 3-2 toka kwa Congo Brazaville na kuungaana na Sudan walionyukwa mabao 3-0 nyumbani kwao na Afrika Kusini kuburuza mkia katika kundi hilo.
Katika kundi B mechi kati ya Mali na Malawi ilishindwa kufanyika jana na kuahirishwa mpaka leo kutokana na mvua kubwa, huku Algeria ikiwa ugenini ikipata ushindi wa mabao 2-1 dhidi ya wenyeji wao Ethiopia.
Guinea ikiwa nyumbani iliishinda Togo mabao 2-1 katika mechi ya kundi E wakati Ghana ikiwa uwanja wa nyumbani ikilazimisha sare ya 1-1 na Uganda The Cranes.
Kundi C Burkina Faso iliinyoa Lesotho waliowafuata nyumbani kwaoi Ouagaoudougou na Gabon ikiilaza Angola kidude kimoja (1-0) katika mechi iliyochezwa uwanja wao wa nyumbani.
Katika mechi nyingine ya kundi D, Ivory Coast ikiwa nyumbani kwao iliisasambua majira zao Sierra Leone kwa mabao 2-1, huku katika mechi za kundi F Zambia ilitoshana nguvu na majirani zao Msumbiji kwa kutofungana na Cape Verde ikiwa ugenini iliisambaratisha Niger kwa mabao 3-1.
Mechi za kundi G, ilishuhudiwa Senegal ikiilaza Misri mabao 2-0 na  Tunisia ikiwa nyumbani ikiibuka na ushindi wa mabao 2-1 dhidi ya wageni wao Botswana.
Kipute cha mechi hizo za makundi zitaendelea tena siku ya Jumatano kwa kushuhudia nchi mbalimbali zikionyeshana kazi kuwania fainali hizo za mwaka 2015 zinazosubiriwa kwa hamu ni zile za Misri dhidi ya Tunisia, Cameroon na Ivory Coast na Togo na Ghana.
Ratiba kamili ya siku hiyo ni kama ifuatavyo:

Kundi A
Rwanda     v   Sudan  
Afrika Kusini vs Nigeria
Kundi B
Malawi v Ethiopia
Algeria v Mali
Kundi C
Angola v Burkina Faso
Lesotho  v Gabon
Kundi D
Cameroon v Ivory Coast
Sierra Leone v DR Congo
Kundi E
Togo v Ghana
Uganda v Guinea
Kundi F
Cape Verde v Zambia
Msumbiji v Niger
Kundi G
Misri v  Tunisia
Botswana vs Senegal

Mnyika, Makonda Polepole wawasha Moto Katiba Mpya

Vijana kama hawa wanapaswa kuamka kupigania haki zao

Suleiman Msuya

VIJANA wametakiwa kuwa na ushirkiano ili kuhakikisha kuwa Baraza la Vijana linatambulika katika Katiba ambayo itapatikana kwani kutawajengea kupata fursa za kiuchumi, kisiasa, kijamii na kitamaduni.

Rai hiyo imetolewa na vijana wenzao Humphrey Polepole, John Mnyika, Paul Makonda na Maria Sarungi ambao walikuwa katika kongamano lilioandaliwa na Shirika la Tanzania Youth Vision Association (TYVA) kwa kushirikiana na Umoja wa Azaki za vijana mbalimbali.

Watoa mada hao kwa pamoja walionekana kusisitiza uwepo wa ushirikiano baina yao bila kujali dini, itikadi za vyama na sifa zingine za uongozi kwa lengo la kutetea haki za vijana wa leo na kesho wa Tanzania.

Akizungumza katika kongamano hilo aliyewahi kuwa Mjumbe wa Tume ya Rasimu ya Katiba Hamphrey PolePole alisema pamoja na kuwa na msimamo na ushirkiano ni vema vijana wakahoji ni kwa nini Zanzibar inatengeza sheria dhidi ya baraza la vijana wakati rasimu inayojadiliwa kwa sasa imetaja baraza hilo.

PolePole alisema ni wazi kuwa vijana wa Tanzania hasa Tanzania Bara wanahitaji ila jambo la msingi ni kuangalia kwa makini kwa kusoma rasimu vizuri ili waweze kujianda kifkra iwapo rasimu hiyo itapita kuwa itafanya kazi katika mazingira gani.

“Nashukuru kupata nafasi hii ila ni vema kila kila kijana wa Tanzania Bara akajiuliza ni kwa nini Zanzibar inatengeneza sheria yake wakati inatambua kuwa rasimu imeweka kipengele hicho katika ibara ya 44 ya rasimu”, alisema

Naye Mbunge wa Bunge la Katiba John Mnyika aliwataka vijana kupigania haki zao ila akawataka kujiandaa pia kwa kutokuwepo kwa katiba kwani kinachoendelea huko Dodoma ni uchakachuaji wa rasimu iliyopendekezwa na Tume ya Katiba.

Kwa upande wake Maria Sarungi aliwataka vijana kujifunza uvumilivu na kuheshimiana pamoja na kuzingatia demokrasia kwani bila kufanya hivyo hata hayo ambayo wanayalilia yanaweza yasiwe na tija kwa na kwa Taifa.

Aidha Sarungi aliomba vijana kuhakikisha kuwa haki ya ubunifu inatambulika kikatiba kwa kuzingatia kuwa iwapo wabunifu watatambulika kikatiba watapata maendeleo kama walivyofanikiwa watu mbalimbali akimtolea mfano tajiri wa kimarekani Bill Gates.

Akizungumza katika kongamano hilo Paul Makonda ambaye pia ni mjumbe wa Bunge la Katiba alisisitiza iwapo suala la kuwepo kwa Baraza la Vijana kutazingatia mitazamo ya vyava ni wazi kuwa vijana wengi ambao hawana uhusiano na vyama hawatakuwa tayari kujiunga na kushiriki.

Makonda aliwataka vijana kuacha kutumika katika sula hilo kwa kile alichodai kuwa wahitaji wakubwa ni wao na ni wajibu wao kupigania uwepo wake kwa kutumia njia sahihi ili kuepusha migongano.

Arturo Vidal awajibu waliompakazia

BAADA ya kupakaziwa kuwa ni majeruhi wa goti, Kiungo wa Juventus,  Arturo Vidal amejibu mapigo juu ya taarifa hiyo ya kupata majeraha  akiwa katika majukumu ya kimataifa na Chile.
Ripoti zilieleza kuwa Vidal, ambaye alihusishwa kujiunga na Manchester United majira ya kiangazi mwaka huu, aliondoka mazoezini mjini Miami baada ya kuumia goti kwa mara nyingine.
Hata hivyo, Vidal kupitia akaunti yake ya Twitter amekanusha taarifa hizi akisema alikuwepo muda wote katika mazoezi ya timu hiyo.
“Goti langu liko sawa,” Vidal aliandika katika akaunti yake ya mtandao wa kijamii. “Tafadhali acheni kuzusha taarifa. Njooni Chile”.
Nyota huyo mwenye miaka 27 alifanyiwa upasuaji wa goti mwishoni mwa msimu uliopita na alionekana kutokuwa fiti sana katika fainali za kombe la dunia.
Majeruhi imemuathiri Vidal katika haraka zake za kujijenga kuwa miongoni mwa viungo bora wa dunia.

Coastal Union kutambulisha wapya Coastal Day

KLABU ya Coastal Union ya Tanga kesho inatarajiwa kutambulisha wachezaji wote waliosajiliwa kwa ajili ya msimu mpya wa Ligi kuu ya Vodacom Tanzania Bara unaotazamiwa kuanza Septemba 20 mwaka huu.

Utambulisho huo utafanyika kwenye uwanja wa Mkwakwani Tanga katika siku maalum ya Coastal 'Coastal Union Day' ambayo hufanyika kila mwaka inapofika Septemba 7.

Katika utambulisho huo Coastal maarufu kama Wagosi wa Kaya wataumana na timu iliyorejea Ligi Kuu Polisi Morogoro.
Ofisa Habari wa Coastal Union, Oscar Assenga amesema kuwa maandalizi ya kuelekea utambulisho huo yamekamilikwa kwa asilimia kubwa.

Assenga amesema katika kuelekea siku hiyo maalumu kwa timu hiyo wataangalia uwezekano wa kucheza na timu itakayotajwa baadae baada ya mazungumzo kumalizika.

"Siku hii itakuwa ni maalumu sana kwa timu yetu tunatarajia tutaweza kufanya jambo hilo kwa wanachama,wapenzi na mashabiki wetu ili waweze kufahamu kikosi chao kabla ya kuanza msimu mpya wa ligi kuu Tanzania bara"

Akizungumzia maandalizi ya kuelekea msimu mpya wa ligi kuu, Assenga amesema kuwa maandalizi kwa timu hiyo yanaendelea vizuri kwa wachezaji kufanya mazoezi asubuhi na jioni.

Balotelli alizua Liverpool mechi ya kirafiki

MSHAMBULIAJI wa Liverpool, Mario Balotelli alitolewa nje katika mchezo wa kirafiki ambao mashabiki hawakuhudhuria dhidi ya Wolves baada ya kuanza kuzozana na refa Chris Foy.

Balotelli, 24, aliyehamia Anfield kutoka AC Milan kwa Pauni Milioni 16 mwezi uliopita, alizuiwa na Kolo Toure wakati Foy akizungumza naye kwenye mchezo huo Melwood.

Chanzo cha mzozo huo ni baada ya Mtaliano huyo kugongana na mchezaji wa Wolves. Baada ya mzozo huo tu, Balotelli alitolewa nje mara moja.

Hana furaha: Kolo Toure (kushoto) akimzuia Balotelli asiendelee na mzozo

Balotelli akielekea nje baada ya mzozo huo

Toure aliweka bega lake kumdhibiti mchezaji mwenzake huyo wa zamani wa Manchester City asiendelee kuzozana na Foy juu ya tukio hilo kabla ya Balotelli kutolewa aingie mchezaji mwingine.

Nyota huyo wa zamani wa Inter Milan alianza pamoja na wachezaji kama Adam Lallana, Jose Enrique na Lucas Liverpool ikishinda 1-0 dhidi ya timu ya Daraja la Kwanza, bao pekee la Lallana.

Balotelli alichukua mpira kwenye himaya ya kipa wa Wolves katika mchezo huo

Mchezaji huyo wa zamani wa Manchester City aliisumbua mno ngome ya Wolves katika mchezo huo

Yanga kuwavaa Wamalawi, Simba kupimana na Gor Mahia leo

Yanga

Simba

WAKATI watani zao wa jadi wakishuka dimbani leo kuvaana na Gor Mahia ya Kenya, timu ya Yanga inatarajiwa kushuka uwanjani kesho kuwavaa Wamalawi wa timu ya Big Bullets (zamani Bata Bullets).

Mechi zote mbili zitachezwa kwenye uwanja wa Taifa, Dar es Salaam zikiwa ni za kirafiki za kimataifa kujiandaa na Ligi Kuu itakayoanza wiki mbili zijazo.

 Yanga itashuka dimbani kesho ikiwa ni siku chache baada ya kutoka kuwagonga, Thika United bao 1-0 katika mechi nyingine ya kirafiki iliyochezwa kwenye uwanja wa  Taifa.

Mechi hiyo itachezwa kuanzai saa 10 jioni na viingilio vyake vitakuwa kama ifuatavyo:

VIP A Tshs 30,000/=

VIP B & C Tshs 20,000/=

Orange Tshs 10,000/=

Blue & Green Tshs 5,000/=

Wakati huo huo Simba itashuka dimbani leo kuvaana na Gor Mahia katika mechi ya kirafiki kwenye uwanja wa Taifa, na Wakenya hao tayari wameshatua Bongo tangu jana tayari kwa mechi hiyo.

Hiyo itakuwa mechi ya kwanza ya kocha Patrick Phiri kwenye uwanja wa Taifa akitoka kumrithi Zdravkov Logarusic aliyetimuliwa siku moja baada ya kipigo cha mabao 3-0 toka kwa ZESCO siku ya Simba Day.

Simba waliokuwa wameweka kambi ya mazoezi ya kujiandaa na Ligi Kuu visiwani Zanzibar imeshatua jijini Dar es Salaam tayari kuwavaa Wakenya hao na kuwaonyesha mashabiki wao baadhi ya vifaa vipya vilivyosajiliwa wakti timu ikiwa kambini.

Simanzi! Ajali yachinja 39, wengine 75 hoi

AJALI ya kutisha iliyohusisha magari matatu yakiwamo mabasi mawili ya abiria na gari ndogo yamesababisha vifo vya zaidi ya watu 39 huku wengine zaidi ya 70 wakiwa majeruhi.

Mabasi ya J4 Express na Mwanza Coach yaligongana uso kwa uso na kuumia vijana katika eneo la Sabasaba, Musoma mjini na kusababisha simanzi katika eneo la tukio kutokana na miili ya abiria na madereva pamoja na makondakta wa magari hayo kukatikakatika vibaya.

Mabasi hayo moja lenye nambaza usajili T 677 CYC lililokuwa likitoka Musoma kuelekea Sirari, Mara na Mwanza Coach lenye nambari za usajili T 736 AWJ yaligongana uso kwa uso. Kwa mujibu taarifa toka eneo la tukio na kuthibitisha na Polisi Mkoa wa Mara, zinasema kuwa chanzo cha ajali hiyo Basi la J4 ambalo lilikuwa likijaribu kuipita gari ndogo aina ya Nissan Terano lenye nambari za usajili T 332 AKK katika sehemu ambayo mbele kuna daraja linaloweza kupitisha gari moja kwa wakati huo, kutokana na kuwa basi hilo lilikuwa kwenye mwendo kasi liliweza kuisukuma kwa ubavuni gari hiyo ndogo ambayo haikuweza kuhimili nguvu ya Basi hilo na kutoka kwenye njia na kwenda kuingia mtoni.

Hali iliyoipelekea basi hiyo kuamini kuwa itawahi kupita katika daraja hilo bila kufahamu kuwa Basi lingine linalokuja mbele nalo liko kwenye mwendo kasi huku nalo likitaka kuwahi kupita kwenye daraja hilo.

Ndani ya gari hiyo ndogo kulikuwa na watu watatu, ambapo wawili wamefariki na mmoja amejeruhiwa.

Basi la Kampuni ya MWANZA COACH lililokuwa likitokea Musoma kwenda Mwanza linavyoonekana baada ya kugongana uso kwa uso na Basi la Kampuni ya J4 EXPRESS.

Umati wa Watu ukiwa umekusanyika kwenye eneo hilo ilikotokea ajali hiyo mbaya na kusababisha watu 39 kupoteza maisha pamoja hapo wakishuhudia tukio hilo la ajali.

Buldoza likifanya kazi ya kuichomoa gari ndogo aina ya Nissan Terano lenye nambari za usajili T 332 AKK lililoshukumwa na basi hilo mpaka kuingia mtoni. Gari hii ilikuwa na watu watatu,ambapo wawili wamefariki dunia na mmoja kujeruhiwa.

Sehemu ya waokoaji waliofika kwenye tukio hilo.

Wanausalama wakijadiliana jambo kwenye eneo hilo la tukio.

Baadhi ya Mizigo ya abiria wa mabasi hayo wakiwepo waliopoteza maisha.

Uokozi ukiendelea.

Askari Polisi wakitoa miili ya watu wawili waliokuwemo kwenye gari hiyo.

RONALDO AFUNGUKA, ADAI ATAREJEA TENA OLD TRAFFORD

MSHAMBULIAJI nyota wa klabu ya Real Madrid, Cristiano Ronaldo amesisitiza shauku yake ya kurejea katika klabu ya Manchester United katika siku zijazo. 
Nyota huyo wa kimataifa wa Ureno alifurahia kipindi cha mafanikio wakati akiwa Old Trafford kati ya mwaka 2003 na 2009 kabla ya kuondoka United na kwenda Madrid kwa kitita kilichovunja rekodi cha paundi milioni 94. 
Hata hivyo, Ronaldo, 29 bado amekuwa na kumbukumbu nzuri kwa klabu yake hiyo ya zamani na anatamani siku moja kurudi huko alipojitengenezea jina lake. 
Akihojiwa Ronaldo amesema anaipenda United na kila mtu anajua hilo amelisema mara nyingi sababu kubwa inayomfanya asiisahau klabu ni marafiki aliowaacha na mashabiki ambao walikuwa wakimpa ushirikiano wa kipekee. 
Nyota huyo aliendelea kudai kuwa kwasasa ana furahia kuwepo Madrid na bado ana mkataba wa miaka minne lakini amedai kuwa hawezi kujua kinachoweza kutokea huko mbele.
Mkali huyo anaamini kuna siku atarejea tena kukipiga Old Trafford kulikomwezesha kuitendea haki namba 7 ambayo hivi karibu imepewa Muargentina, Angel di Maria aliyekuwa akicheza nae Santiago Bernabeu.

Astaghafirullah! Boko Haram wazuia watu kuzika Nigeria?!

 

TAARIFA za kutisha zimeibuka kutoka mjini Bama moja ya miji ambayo ilitekwa na wapiganaji wa kiislamu wa Boko Haram Kaskazini Mashariki ya Nigeria

Seneta mmoja wa eneo hilo,Ahmed Zanna, aliambia BBC kwamba wakazi hawaruhusiwi kuwazika jamaa wao waliouawa na wapiganaji hao.

Inaarifiwa miili imetapakaa katika barabara za mji huo ambao Boko Haram imeuteka.

Kundi hilo linasemekana kuuteka mji huo huku wapiganaji wa kundi hilo wakishika doria katika barabara zake.

Maelfu ya watu wametoroka huku idadi kubwa ya wengine wakiuawa.

Seneta huyo ameitaka serikali ya Nigeria kupeleka wanajeshi mjini Maiduguri ambao ni mji mkuu wa jimbo hilo ili kuulinda dhidi ya wapiganaji hao.

Mnamo siku ya Jumatano serikali ya jimbo hilo ilikanusha madai kuwa jimbo hilo limetekwa na wapiganaji hao.

Maafisa wakuu wanakisia kuwa watu 26,000 wameachwa bila makao kutfuatia mapigano katika mji wa Bama.

Bwana Zanna anasema kuwa barabara za mji huo zimejaa miili ya watu na Boko Harama imewakata wakazi kuwazika jamaa wao. ''Kwa hivyo hali ni mbaya na inaendelea kuzorota,'' asema bwana zANNA

Boko Haram wameteka miji kadhaa Kaskazini Mashariki ya Nigeria, katika miezi ya hivi karibuni na kusababisha hofu kuwa huenda wakaufikia mji mkuu Maiduguri.

Bwana Zanna amesema kuwa itakuwa janga kubwa ikiwa Boko Haram wataushambulia mji wa Maidiguri ambao una watu zaidi ya milioni mbili.

BBC

Zlatan Ibrahimovic cabadra aweke rekodi ya mabao Sweden

MFUMANIA nyavu mahiri wa PSG ya Ufaransa,  Zlatan Ibrahimovic ameweka rekodi ya kuwa mfalme wa ufungaji wa mabao wa wakati wote wa Sweden.
Nyota huyo mwenye miaka 32 alifunga mabao safi katika mechi ya kirafiki baina ya Sweden dhidi ya Estonia na kuipa ushindi wa mabao 2-0 nchi yake na kumfanya afikishe mabao 50, akivunja rekodi ya Sven Rydell ambaye kwa mara ya mwisho alifunga mabao 49 dhidi ya Finland mwaka 1932.
Baada ya kuvunja rekodi, Ibrahimovic alivua jezi yake kutoa ujumbe kwa mashabiki. Ilisomeka: ‘Ni gjorde det mojligt,’ au: ‘You made it all possible.’ kwa tafsiri isiyo rasmi; “mumefanikisha hili kuwezekana”.
WAFUNGAJI 10 BORA WA SWEDEN
1. Zlatan Ibrahimovic - Magoli 50 katika mechi 99
2. Sven Rydell – Magoli 49 katika mechi 43
3. Gunnar Nordhal -Magoli  43 katika mechi 33
4. Henrik Larsson – Magoli 37 katika mechi 106
5. Gunnar Gren - Magoli 32 mechi 57
6. Kennet Andersson - Magoli 31 mechi 83
7. Marcus Allback - Magoli 30 mech 74
8. Martin Dahlin - Magoli 29 mechi 60
9. Tomas Brolin – Magoli 27 mechi 47
10. Agne Simonssen - Magoli 27 katika mechi 51
Baada ya kucheza mechi ya kwanza ya kimataifa mwaka 2001, Ibrahimovic alifunga bao la kwanza katika mechi yake ya kwanza ambayo walishinda mabao 3-0 dhidi ya Azerbaijan katika fainali za kombe la dunia.
Katika michuano ya Ulaya mwaka 2004, wakati huo akiwa Ajax, mshambuliaji huyo alifunga bao la mashindano.
Juhudi zake pia zilimfanya afunge bao dhidi ya Italia na kuongeza ukali wake na hatimaye kusajiliwa na Juventus.
Lakini bao lake kali la kimataifa linalokumbukwa sana alifunga mwaka 2012 wakati wakiipa adhabu England.
Akiwa ameshafunga mabao matatukatika mechi hiyo Ibrahimovic alifunga bao kali akiwa umbali wa mita 35 kwa tik tak matata na kumuacha Joe Hart akizubaa langoni na alishinda tuzo ya FIFA ya 2013 ya bao bora la mwaka.

Kivumbi Afrika, mbio za kuwania tiketi ya Morocco zaanza rasmi

Mabingwa Watetezi, Nigeria

MBIO za kuwania kucheza Fainali za Kombe la Mataifa ya Afrika, AFCON 2015 hatua ya makundi zinatarajiwa kuanza kutimua vumbi leo ambapo nchi 28 zitakuwa zikitafuta nafasi 15 kwa ajili ya kujiunga na mwenyeji Morocco katika michuano hiyo Januari mwakani. 
Kuelekea katika michuano hiyo suala kubwa lililokuwa limetawala ni juu ya viwanja vitakavyotumika kwa baadhi ya mechi kutoka na wasiwasi wa ugonjwa hatari wa Ebola. 
Shirikisho la Soka barani Afrika-CAF limeziamuru nchi za Guinea na Sierra Leone kuhamisha mechi zao za nyumbani katika viwanja huru kwasababu ya mlipuko wa ugonjwa huo kwenye nchi hizo. 
Guinea wao wamehamishia mechi yao ya kundi E dhidi ya Togo huko Casablanca nchini Morocco huku wakikabiliwa na majeruhi kadhaa katika kikosi chao akiwemo Florentin Pogba ambaye ni kaka mkubwa wa nyota wa kimataifa wa Ufaransa Paul Pogba. 
Pogba alipata majeruhi wakati klabu ya ya Saint Etienne ilipochabangwa kwa mabao 5-0 na mabingwa wa Ufaransa Paris Saint Germain Jumapili iliyopita. 
Guinea pia itawakosa kiungo wa Lorient Abdoulaye Sadio Diallo na mshambuliaji wa Lyon Mohamed Lamine Yattara wakati wapinzani wao Togo wao watakuwa na ahueni baada ya mshambuliaji Emmanuel Adebayor kurejea katika majukumu ya kimataifa baada ya kukosekana kwa miezi 18. 
Mechi nyingine itakayochezwa baadae leo utakuwa mchezo wa kundi E utakaozikutanisha Senegal na Misri jijini Dakar. 
Washindi wawili kutoka katika kila kundi watafuzu na kuungana na Morocco katika fainali za Afcon Januari mwakani.
RATIBA YA LEO
Sudan    vs   South Africa 
Guinea   vs   Togo
Senegal  vs   Egypt 

KESHO:
DR Congo vs  Cameroon 
Ethiopia  vs   Algeria
Zambia    vs  Mozambique 
Niger    vs  Cape Verde
Nigeria vs  Congo
Burkina Faso  vs  Lesotho
Gabon  vs   Angola   
Ghana   vs  Uganda 
Côte d'Ivoire vs Sierra Leone
Mali vs Malawi 
Tunisia vs  Botswana

Rasmi! Marcos Rojo sasa ruksa kukipiga Manchester United

 

WANACHEKAAA! Ndivyo unavyoweza kusema kwa mashabiki wa Manchester United, baada ya beki wao mpya Marcos Rojo kupata kibali cha kuanza kuitumikia timu hiyo.

Beki huyo  anaweza kuichezea kwa mara ya kwanza klabu yake hiyo katika mchezo wa Ligi Kuu ya England dhidi ya Queens Park Rangers Uwanja wa Old Trafford Septemba 14 baada ya kupatiwa hati ya kufanya kazi.

Rojo alisafiri hadi Lisbon Alhamisi ili kukamilisha taratibu za kupata hati hiyo ya kufanyia kazi England.

Kufanikiwa kwa mchezaji huyo kupata hati hiyo ya kufanyia kazi ni faraja kwa kocha Louis van Gaal, ambaye kikosi chake mina tatizo la safu ya ulinzi.