Mohammed Matumla amgaragaraza Nasibu Ramadhani na kubeba bodaboda

Bondia Mohamed Matumla (kushoto) akimwadhibu Nassibu Ramadhani wakati wa mpambano wao wa raundi kumi uliofanyika jana krismasi kugombea pikipiki. Matumla alishinda kwa pointi mpambano huo.

Bondia Mohamed Matumla (kushoto) akionyeshana kazi na Nassibu Ramadhani katika pambano lao lililofanyika ukumbi wa Friends Corner na Matumla kushinda kwa pointi

Bondia Lulu Kayage (kushoto) akipambana na Mariam Abdallah wakati wa mpambano wao wa kusherehekea sikukuu ya krismas. Lulue alishinda kwa KO

Lulu akitangazwa mshindi na mwamuizi

l

Bondia Lulu Kayage (kushoto) akipambana na Mariam Abdallah wakati wa mpambano wao wa kusherehekea sikukuu ya krismasi.

Bondia Hamis Ajari (kushoto) akipambana na Cosmas Cheka wakati wa mpambano wao uliofanyika jana na  Cheka kushinda kwa pointi

Bondia Sadiq Abdulazizi (kushoto) akichapana makonde na Juma Fundi wakati wa pambano baina yao ambapo Fundi alishinda kwa pointi

Baadhi ya mashabiki waliohudhuria mapambano ya ngumi yaliyochezwa jana kwenye ukumbi wa Friends Corner.

Na Badru Kimwaga
BONDIA machachari wa ngumi za kulipwa ambaye pia ni mtoto wa bingwa wa zamani wa dunia wa WBU, Rashid Matumla 'Snake Man, Mohammed Matumla 'Snake Boy Jr' juzi alifanikiwa kumchapa bingwa wa WB-Forum, Nasib Ramadhan na kunyakua zawadi ya pikipiki yenye thamani ya Sh. Mil. 1.9.
Matumla alishinda pambano hilo lililokuwa kali kwa pointi kwenye ukumbi wa Friends  Corner na kuhitimisha ahadi ya baba yake aliyetamba siku chache kabla ya pambano hilo kwamba mwanaye angemnyuka mpinzani wake.
Matumla mdogo ambaye hajapoteza pambano lolote tangu aanze kushiriki mashindano ya ngumi hizo, aliendeshana puta na mpinzani wake na mwishowe majaji kumpa ushindi ambao umemfanya kuisherehekea sikukuu ya Krismasi kwa raha zake akibeba bodaboda, iliyotolewa na muandaaji wa pambano hilo.
Katika pambano hilo lililochezeshwa na mwamuzi Anthony Rutta, jaji namba moja Robert Kasiga alimpa Matumla pointi 96-94 naye jaji namba mbili,  Agapeter Mnazareth alitoa 97-93 |na jaji wa tatu George Sabuni alimpa 96-94.
Pambano hilo lililoanmdaliwa na promota Kaike Siraju lilikuwa la 14 kwa Matumla ambapo rekodi zinaonyesha ameshinda michezo 11 (KO4) na kutoka droo tatu, huku akiwa hajapoteza pambano lolote.
Mpinzani wake hilo lilikuwa ni pambano la 17 akishinda mara 12 (KO 5) kupigwa mara 5 (KO 1) na hajatoka droo yoyote.
Katika michezo mingine ya utangulizi, bondia wa kike Lulu Kayage alimchakaza kwa KO mpizani wake Mariam Abdallah, huku Cosmas Cheka akipata ushindi wa pointi pia dhidi ya Hamis Ajali na bingwa wa zamani wa kimataifa wa WB Forum, Juma Fundi akimkung'uta kwa pointi Sadik Abdulaziz.