Bale, Ronaldo, Messi kuchuana tuzo ya FIFA's Ballon d'Or

Bale na Ronaldo

Zlatan Ibrahimovic

MCHEZAJI ghali kwa sasa Gareth Bale, ni miongoni mwa wachezaji 23 akiwamo Cristiano Ronaldo na Lionel Messi watakaowania Tuzo ya FIFA cha Mchezaji Bora Duniani  (FIFA's Ballon d'Or).
Aidha kocha wa Arsenal, Arsene Wenger, Jose Morinho wa Chelsea na Alex Ferguson ni kati ya makocha watakaowania tuzo ya Kocha Bora wa Dunia wa FIFA.
Winga huyo (23) amejumuisha katika orodha ya awali ya watakaowania tuoz hiyo inayotolewa kila mwaka ambayo kwa sasa inashikiliwa na Messi.
Mkali huyo aliteua Real Madrid msimu huu akitokea Tottenham Hotspur, alivunja rekodi ya kuwa mchezaji mwenye uhamisho ghali akipiku rekodi ya Ronaldo kwa kunyakuliwa na Madrid atapigana kumbo na Mchezaji Bora wa Ulaya, Franck Ribery.
Orodha kamili iliyotangazwa na FIFA kuwania tuzo hiyo ni kama ifuatavyo;
Gareth Bale (Real Madrid), Edinson Cavani (Paris Saint-Germain), Radamel Falcao (Monaco), Eden Hazard (Chelsea), Zlatan Ibrahimovic (Paris Saint-Germain), Andres Iniesta (Barcelona), Philipp Lahm (Bayern Munich), Robert Lewandowski (Borussia Dortmund), Lionel Messi (Barcelona), Thomas Muller (Bayern Munich), Manuel Neuer, (Bayern Munich), Neymar (Barcelona), Mesut Ozil (Arsenal), Andrea Pirlo (Juventus), Franck Ribery (Bayern Munich), Arjen Robben (Bayern Munich), Cristiano Ronaldo (Real Madrid), Bastian Schweinsteiger (Bayern Munich), Luis Suarez (Liverpool), Thiago Silva (Paris Saint-Germain), Yaya Toure (Manchester City), Robin Van Persie (Manchester United), Xavi (Barcelona).

Orodha kamili ya makocha watakaochuana katika tuzo hizo za FIFA ni pamoja na  Carlo Ancelotti (Paris Saint-Germain), Rafael Benitez (Napoli), Antonio Conte (Juventus), Vicente del Bosque (Spain), Alex Ferguson (formerly Manchester United), Jupp Heynckes (formerly Bayern Munich), Jurgen Klopp (Borussia Dortmund), Jose Mourinho (Chelsea), Luiz Felipe Scolari (Brazil), Arsene Wenger (Arsenal)

Yanga kuvuna nini kwa Mgambo JKT, kazi ipo jijini Mbeya

WAKATI watani wao wa jadi Simba ikipokea kipigo cha kwanza kwa msimu huu mbele ya Azam, mabingwa watetezi Yanga jioni ya leo inatarajiwa kuvaana na Mgambo JKT katika mfululizo wa Ligi Kuu.
Yanga yenye pointi 19 itahitaji ushindi kwa Mgambo ili kujiweka pazuri katika msimamo wa ligi hiyo baada ya jana wapinzani wao wa jadi kuboronga na kuruhusu kipigo cha kwanza, lakini bado itakuwa ikiiombea Mbeya City isiendeleze wimbi la ushindi itakapoumana na Prisons kwenye uwanja wa Sokoine-Mbeya.
Ushindi wowote wa Mbeya City utamaanishja Yanga itasalia kwenye nafasi ya tatu ikiiengua Simba tu ambayo kwa sasa ipo nafasi ya pili.
Mbeya City ina pointi 20 sawa na Simba ila inazidiwa uwiano wa mabao ya kufunga na kufunga na ushindi mbele ya Prisons iutaifanya walingane na Azam na kuendelea kukaa kileleni wakati Yanga ikishinda itafikisha pointi 22.
Hata hivyo Yanga tayari imetangaza wazi kuwa inachohitaji kwa sasa ni ushindi kwa mechi zake zilizosalia bila kujali kama itamaliza duru hilo katika nafasi ipi.
Mabingwa watetezi hao iliyosaliwa na mechi zake zote dhidi ya maafande wa JKT, ilikatishwa wimbi lake la ushindi Okti\oba 20 baada ya kulazimishwa sare ya mabao 3-3 na Simba.
Yanga pengine itataka kupata ushindi mnono kama ilivyofanya mtani wake wealipoitandika maafande hao mabao 6-0 huku Amissi Tambwe akitiupia kambani mabao manne pekee yake.
Ingawa kocha wa Mgambo, Mohammed Kampira alisema leo watashuka dimbani kwa nia ya kuidhibiti Yanga akiwategemea vijana wake wa U20.
Ukiondoa pambano la Dar, macho na masikio ya mashabiki wa soka yanaelekezwa jijini Mbeya kwenye pambano la kukata na nmundu baina ya wenyeji wa mkoa huo Mbeya City na Prisons.
Mbeya City iliyopanda daraja msimu huu inaonekana ndiyo kipenzi cha mashabiki wengi wa jiji hilo, huku Prisons ambao ni wazoefu wa ligi 'wakisuswa' kwa kile kinachoelezwa kuwa imezidi kulowea Dar, kitu ambacho leo inatarajiwa upinzani mkali baina ya timu hiyo na mgawanyo wa mashabiki.
Hiyo ni moja ya mechi tatu zinazochezwa leo nyingine ikiwa ni zile za maafande wa JKT Ruvu itakayokuwa ugenini dhidi ya Rhino Rangers kwenye uwanja wa Ali Hassan Mwinyi.
Baada ya matokeo ya mechi za jana zilizoshuhudia Mtibwa Sugar wakikandamizwa mabaop 3-0 na Coastal Uinon, Ruvu Shooting na Kagera Sugar zikitoshana nguvuya kufungana bao 1-1 na Ashanti United kudinda ugenini dhidi ya Oljoro JKT, kuna mabadiliko katika msimamo huo kama inavyoonekana hapo chini.
Pia Kipre Tchetche aliyekuwa mfungaji wa mabao yote ya Azam jana wakati wakiizamisha Simba amekwea hadi nafasi ya tatu ya wafungaji bora akiwa na mabao sita, mawili pungufu na ya kinara aliyedhibitiwa, Amissi Tambwe.
Msimamo wa Ligi Kuu Tanzania Bara 2013-2014    
                                   P    W   D   L    F    A   GD   PTS
01. Azam                    11   6    5   0   17   7    10    23
02. Simba                   11   5    5   1   21   10  11   20
03. Mbeya City          10   5    5    0   13   7   6     20
04. Yanga                   10   5    4    1   21  11  10   19
05. Ruvu Shooting      11   4    4    3    13  10  3    16
06. Kagera Sugar       11   4    4    3    11   8   3    16
07. Mtibwa Sugar       11   4    4    3   16  15  1    16
08. Coastal Union       11    3    6    2   10   6    4   15
09. JKT Ruvu             10    4    0    6     9   11 -2   12
10.Ashanti                  11    2    4    5    10  19 -9   10
11.Prisons                  10    1    5    4     5    12 -7    8
12.Rhino Rangers       10    1    4    5     8   15 -7     7
13.Oljoro                    11    1    4    6     8    16 -8    7
14.Mgambo                10    1    2    7     3    18 -15  5

Wafungaji:
8- Tambwe Amisi (Simba)
7- Elias Maguri (Ruvu Shooting), Juma Luizio (Mtibwa Sugar), Hamis Kiiza (Yanga)
6- Kipre Tchetche (Azam)
5- Tumba Sued (Ashanti Utd), Themi Felix (Kagera)
4- Didier Kavumbagu (Yanga), Peter Michael (Prisons), Jerry Santo (Coastal Union)
3- Jerry Tegete, Mrisho Ngassa (Yanga), Haruna Chanongo, Jonas Mkude (Simba), Bakar Kondo (JKT Ruvu), Themi Felix (Kagera), Paul Nonga (Mbeya City), Salum Machaku (JKT Ruvu), Jerry Santo (Coastal Union),
2- Haruna Moshi, Crispian Odulla (Coastal Union), Saady Kipanga (Rhino Rangers), Mwagani Yeya, Jeremiah John (Mbeya City), Godfrey Wambura (Kagera Sugar), Shaibu Nayopa, Amir Omary (JKT Oljoro), Khamis Mcha (Azam), Shaaban Nditti (Mtibwa Sugar), Betram Mombeki, Ramadhani Singano (Simba), Said Dilunga (Ruvu Shooting)
1- Abdi Banda, Danny Lyanga (Coastal Union), Henry Joseph, Joseph Owino, Gilbert Kazze (Simba), Haruna Niyonzima, Nizar Khalfan, Simon Msuva, Frank Dumayo (Yanga), Iman Joel, Salum Majid, Mwalimu Musuku, Kamana Salum, Hussein Abdallah (Rhino Rangers), Gaudence Mwaikimba, Seif Abdallah,  Aggrey Morris,  John Bocco, Joseph Kimwaga, Faridi Maliki, Hamphrey Mieno, Salum Abubakar, Erasto Nyoni (Azam), Steven Mazanda, Richard Peter, Peter Mapunda, (Mbeya City), Laurian Mpalile (Prisons-OG), Shaaban Susan, Jerome Lembeli, Cosmas Ader  (Ruvu Shooting), Masoud Ally, Shaaban Kisiga (Mtibwa Sugar), Shaaban Juma, Anthony Matangalu, Paul Maono(OG), John Matei, Mwinyi Ally (Ashanti Utd), Abdallah Bunu, Emmanuel Switta, Amos Mgisa (JKT Ruvu), Fully Maganga, Hamis Msafiri (Mgambo JKT), Seleman Kibuta, Daud Jumanne, Maregesi Marwa, Clement Douglas (Kagera Sugar), Paul Malipesa, Expedito Kidulo, Nurdin Mohammed, Fikiri Mohammed (Oljoro JKT)

Mwanajeshi mwingine wa Tanzania auwawa DR Congo, ashambuliwa na Waasi wa M23

Mwanajeshi anayedaiwa kuuwawa DR Congo

WATANZANIA wameendelea kupoteza ndugu zao wanaolinda amani katika mataifa ya nje baada ya taarifa za kwenye mtandao kueleza mwanajeshi aliyekuwa akihudumu katika Jeshi la Kulinda Amani MANUSCO huko DR Congo kuuwawa na waasi wa M23.
Taarifa hizo zinamtaja mwanajeshi huyo kuwa ni Rajab Ahmad Mlima aliyeshambuliwa kwa risasi wakati akijaribu kuwalinda wakazi wa mji wa Kiwanja na Ratshruru Kaskazini mwa mji wa Goma dhidi jeshi la  waasi hao wa M23.
Kifo cha mwanajeshi huyo kimekuja wakati watanzania wakiwa bado hawajasahau mashujaa wao waliouwawa Sudan Kusini na DR Congo hivi karibuni katika harakati za kulinda amani katika nchi hizo.
Mwenyezi Mung Ailaze mahali pema Peponi Roho ya mwanajeshi huyo. Ameen

Chelsea, Spurs zang'ara, Sunderland ikiona mwezi EPL

 

UZEMBE uliofanywa na kipa Joe Hart kutoka golini bila kuwasiliana na beki wake, Nastasic aliyekuwa akimrudishia mpira kwa kichwa, uliiwezesha Chelsea kupata bao lililowapa ushindi dakika ya lala salama na kukwea hadi nafasi ya pili katika Ligi Kuu ya England.

Fernando Torres aliuwahi mpira uluioonekana kama unaelekea nje ya lango lililokuwa wazi la Man City na kuipatia timu yake bao muhimu na kushinda 2-1 kartika pambano lililokuwa kali lililochezwa uwanja wa Stamford Bridge.

Awali, Torres alitoa krosi nzuri kwa Schurrle aliyeifungia Chelsea bao la kuongoza katika dakika ya 32 lililodumu haidi mapumziko kabaal ya wageni kulirejesha dakika tatu baada ya kuanza kwa kipindi cha pili kupitia kwa Sergio 'kun' Aguero.
Katika mechi nyingine zilizochezwa jana, Tottenham iliendelea kufukuzia nafasi za juu baada ya kuinyuka 
Hull City kwa bao 1-0 lililofungwa na Roberto Saldado, nao wachovu wa ligi hiyo Sunderland waliwafunga wapinzani wao Newcastle United kwa mabao 2-1 ikiwa ndiyo ushindi wao wa kwanza msimu huu na timu za Swansea City na West Ham wakitoshana nguvu kwa kutoka 0-0.

Maskini Wema Sepetu! Afiwa na baba yake mzazi

STAA wa filamu na aliyewahi kuwa Miss Tanzania 2006, Wema Sepetu amepatwa na msiba mzito baada ya baba yake mzazi Balozi Issac Abraham  Sepetu kufariki dunia asubuhi ya leo katika Hospitali ya TMJ Mikocheni jijini.

Inaelezwa kuwa, Balozi Sepetu alikuwa amelazwa katika hospital ya TMJ akitibiwa ugonjwa wa Kisukari na kiharusi uliokuwa ukimsumbua kwa muda mrefu sasa.

Hadi umauti unamkuta, Balozi Isaac Sepetu alikuwa ni Mwenyekiti wa Bodi ya Wakurugenzi ya Mamlaka ya Uwekezaji wa Vitega Uchumi Zanzibar na taarifa zilizopo ni kwamba anatarajiwa kuzikwa visiwani Zanzibar siku ya kesho.

Mtandao huu wa MICHARAZO MITUPU unaungana na Wema waombolezaji wote kumpa pole Wema Sepetu na familia nzima, ndugu na jamaa wa marehemu Balozi Zepetu na kuwaomba kuwa na subira katika kipindi hiki kigumu kwa kukumbuka kuwa 'Sisi ni wa Mungu na kwake tutarejea. Mwenyezi Mungu, Aiweke Roho ya Marehemu Balozi Isaac Abraham Sepetu, Mahala Pema Peponi. Ameen

Vitali Klitschko aitamani Ikulu ya Ukraine

BINGWA wa uzito wa juu wa WBC raia wa Ukraine, Vitali Klitschko anataka kufuata nyayo za bondia mwenzake, Manny Pacquiao wa Ufilipino kwa kujiingiza kwenye siasa, ila yeye anautaka Urais wa nchi hiyo kwenye uchaguzi wa 2015.

 

Manny Pacquiao pamoja na kuwa mbunge lakini pia anajishughulisha siasa ni mbunge wa Bunge la Ufilipino, hali ambayo imemvutia Klitschko ambaye mwezi Agosti alisema lengo kubwa ni kuifanya Ukraine kuwa nchi ya kisasa yenye maisha ya kiulaya.

Anasema ataamua na watu wenye mtazamo mmoja, ndoto zinazofanana na kuingia kwenye siasa na kutokea ndani kufanya mabadiliko.

Bondia huyo mwenye elimu ya udaktari kwa kusomea ambapo ana masta yake  ambayo alichukua baada ya kupata elimu ya juu ua utabibu wa binadamu.

King Class Mawe alivyomnyuka mpinzani wake Dar

Bondia Ibrahimu Class 'King Class Mawe' kulia akioneshana umwamba wa kutupiana makonde na Hassani Bandani wakati wa mpambano wao usio na ubingwa uliofanyika katika ukumbi wa Panandi Panandi Ilala Dar es salaam King Class Mawe alishina kwa pointi mpambano uho uliofanyika siku ya jumamosi 

Bonia Ibrahimu Class 'King Class Mawe' kulia akimshambulia kwa makonde Hassani Bandani wakati wa mchezo wao usio na ubingwa uliofanyika katika ukumbi wa panandi panandi King Class Mawe alibuka na ushindi wa point mpambano uho uliofanyika siku ya jumamosi

Ibrahimu Class akioneshwa mshindi baada ya mpambano kumalizika mpambano uho uliofanyika siku ya jumamosi 

KING CLASS MAWE AKIWA NA MMOJA YA MASHABIKI WAKE BAADA YA KUSHUKA ULINGONI

KING CLASS MAWE KWENYE POZI

Bondia Chalo Issa kulia akipambana na Amour Mzungu wakati wa mpambano wao uliofanyika katika ukumbi wa panandi panandi ilala bungoni Mzungu alishinda kwa pointi mpambano uho uliofanyika siku ya jumamosi 

Bondia Shabani Kaoneka kulia akioneshana umairi wa kutupiana makonde na Halid Makwega wakati wa mpambano wao uliofanyika jumamosi katika ukumbi wa panandi panandi Kaoneka alishinda kwa pointi mpambano uho uliofanyika siku ya jumamosi 

Bondia Shabani Kaoneka kushoto akioneshana umwamba wa kutupiana makonde na Halidi Makwega wakati wa mpambano wao Kaoneka alishinda mpambano huo mpambano uho uliofanyika siku ya jumamosi 

REFARII AKIMUONESHA MKONO JUU BONDIA SHABANI KAONEKA BAADA YA KUMDUNDA HALIDI MAKWEGA KWA POINT WAKATI WA MPAMBANO ULIOFANYIKA KATIKA UKUMBI WA PANANDI PANANDI ILALA BUNGONI DAR ES SALAAAM

Jamal Malinzi amrithi Tenga TFF, ambwaga Myamlani

KATIBU Mkuu wa zamani wa Yanga, Jamal Emil Malinzi, usiku wa kuamkia leo ameshinda Urais wa Shirikisho la Soka Tanzania (TFF) akimrithi uongozi Leodger Tenga baada ya kupata kura 72, dhidi ya 52 za mpinzani wake Athumani Jumanne Nyamlani.
Katika uchaguzi huo uliofanyika kwenye ukumbi wa NSSF Water Front, Dar es Salaam, Walace Karia alifanikiwa kushinda nafasi ya Makamu wa Rais kwa kupata kura 67 akiwashinda Nassib Ramadhani kura 52 na Imani Madega sita.

Raia anayemaliza muda wake, Leogder Tenga aliwa na Rais Mpya Mteule, Jamal Malinzi

Kwenye kinyang'anyiro hicho upande wa nafasi za Ujumbe; Kanda ya 13 ilienda kwa kiungo wa zamani wa Simba Wilfred Kidau aliyepata kura 60 na kuwashinda Muhsin Said kura 50, Omar Abdulkadir kura 10 na Alex Kabuzelia kura nne.
Kanda 12; Khalid Mohamed Abdallah amepata kura 69 na kumshinda Davis Mosha aliyepata kura 54.

Kanda ya 11 Geoffrey Nyange 'Kaburu' amepata kura 78 na kuwashinda Riziki Majala kura tano, Twahir Njoki kura mbili, Juma Pinto kura 26 na Farid Mbaraka kura 14, Kanda ya 10 ameshinda Hussein Mwamba aliyepata kura 63, huku Charles Komba akipata nne na Stewart Nasima 58.
Kanda ya tisa Othman Kambi aliyepata kura 84 yeye amewashinda Francis Bulame kura 30, wakati James
Mhagama aliyepata 93 amemshinda Zafarani Damoda aliyepata kura 11 na Kanda ya nane, Ngube Kiondo amepata kura 73 amemshinda Ayoub Nyaulingo kura 52.
Kanda ya Tano, Ahmed Iddi Mgoyi aliyepata kura 92 amemshinda Yussuf Kitumbo aliyepata kura 34, wakati Kanda Omar Walii Ali amepata kura 53 dhidi ya 19 za Ally Mtumwa. Eley Mbise amepata kura 51 dhidi ya 53 kura 57 za Lamanda Swai.
Mbasha Matutu aliyepata kura 63, amembwaga Vesastis Ligano aliyepata kura 61, wakati Vedastus Lufano aliyepata kura 51, amewashinda Jumbe Odesa Magati kura 11, Mugisha Galibona kura 24 na Samuel Nyalla kura 39 na Kanda namba moja, Karilo Samson hakuwa na mpizani akapita moja kwa moja.

Nimeteseka vya kutosha, nisaidieni jamani ili niishi kama watoto wengine

Mtoto Honrina akionyesha kinyama kilichoota kwenye ulimi wake na kumfanya awe na ndimi mbili

 KWA namna maradhi yanayomsumbua 'yalivyoutafuna' mwili wake hasa maeneo ya usoni, kichwani na mgongoni ni vigumu kwa mtu mwenye roho na moyo mwepesi kumtupia jicho mara mbili kumuangalia.
Muonekano wake unatisha na kuogofya mbali na kutia simanzi na kuonyesha namna gani mtoto Honorina Christian (11)  anavyoumia na kuishi katika hali ya MATESO na MAUMIVU.
Kwa kinywa chake mwenyewe mtoto huyo kwa sauti ya upole anasema kuwa AMECHOKA kuishi kwa MATESO na anahitaji asaidiwe ili naye aishi kwa furaha kama watoto wengine.
Anasema maumivu anayoyapata kupitia vidonda alivyonavyo yanayotafuna ngozi yake yanamnyima raha na kumpa mateso makubwa na kwamba hana analoweza kukiokoa katika hali hiyo kama siyo serikali, watu wenye uwezo na wasamaria wema ambao wataguswa na hali yake.
"Naumia...Nateseka na sijui niseme nini. Nawaomba Watanzania kuanzia Rais, Wabunge, Mawaziri na watu waliojaliwa uwezo wanisaidie niweze kupata matibabu, nimeteseka vya kutosha, ninateseka sana na ugonjwa huu..." Honorina alisema huku akianza kulia kwa simanzi.
Anasema anapenda kurudi darasani kusoma baada ya kukwama akiwa darasa la pili baada ya kushindwa kuona kufuatia kupasuliwa jicho lake la kushoto.
"Nataka kusoma....Naomba nisaidieni...naumia sana ...."Honorina anaomboleza huku akiwa amejifunika kofia pana inayokinga kichwa chake ambacho kimetafunwa na kuacha madonda ya kuogofya.
Mama yake mzazi aliyebeba jukumu la kuhangaika na Honorina baada ya mzazi mwenzie Christian kufariki kwa ajali ya gari mwaka 2007, Grace John anasema hali ya mwanaye inamsikitisha na kumliza kila mara kwani anaamini inapa mateso makubwa mtoto wake huyo wa kwanza kati ya watatu aliyezaa na mzazi mwenzake.
Grace anasema tangu kuzaliwa kwa mwanaye kulikuwa na mambo ya kushangaza, lakini hakujua kama yangefikia hapo walipo sasa.
Akisimulia kwa simanzi, Grace anasema Honorina alizaliwa Juni 12 mwaka 2002 katika Hospitali ya Morogoro akiwa na afya njema, isipokuwa mwili wake mzima ukiwa umekaa nywele kama mwili wa mnyama.
"Hali hii ilinitisha mno kwa namna mwili mzima wa mtoto kujaa nywele, lakini nilielezwa hiyo haina tatizo na hivyo kuruhusiwa kurudi na mwanangu nyumbani nikiwa na furaha na mwenzangu (mwanaume aliyezaa naye),
Grace anasema na kuongeza kuwa, baada ya mwezi mmoja nywele hizo zote zilipukutika na kuiacha ngozi ya mtoto wake ikiwa na madoa madoa kama ngozi ya Chui jambo lililowatisha na kulazimika kurejea tena hospitali ya Morogoro na kupewa mafuta ya kumpaka kusaidia kurekebisha tatizo hilo.
"Kingine cha ajabu ni kwamba kadri alivyokuwa akikuwa ndivyo mtoto wake alivyokuwa akizidi kubadilika ikiwemo  kugundua ana ndimi saba na pia kuna vitu vigumu vilivyojitokeza pembeni ya kichwa chake kama pembe za mbuzi," anasema.
Anasema hali hiyo iliwatisha na kuhangaika kutafurta matibabu, lakini wakati wakitafuta namna ya kumsaidia baba wa mtoto huyo aliyekuwa amezaa naye mtoto mwingine wa pili aitwaye Dickson ambaye kwa sasa ana miaka 9 na kumuachia mimba ya miezi saba alipata ajali na kufa mwaka 2007.
Anadai baada ya kujifungua mwanae wa tatu akiwa anaishi katika nyumba aliyojenga na mwenzake, alienda hiospitali kumtibia mwanae baada ya jicho lake la kushoto kupoteza kiini cheusi na kushauriwa kwenda CCBRT waliomfanyia upasuaji katika jicho hilo mwaka 2008 wakati Honorina akiwa darasa la pili.
"Bahati mbaya upasuaji huo ulisababisha mwanangu kupoteza uwezo wa kuona na hivyo kurudi nyumbani na kuanza kumlea kama asiyeona kwani jicho lake jingine pia halikuwa na uwezo mzuri wa kuona mpaka sasa," anasema na kuongeza hata hivyo mwaka mmoja na ushei mwanae alianza kuota pembe.
Anadai alimpeleka hospitali ya KCMC ambapo alifanyiwa upasuaji, lakini ikamuacha mwanaye akiwa matundu wazi katika mifupa iliyokatwa na kuwalazimisha madaktari kukata nyama za paja kuziba eneo hilo na puani kulikokuwa kukimomonyoka kila uchao.
"Yaani sijui mpaka sasa mwanangu amekuwa na kitu gani kwani nyama za pua zilikuwa pia zikimomonyoka na kumdondoka na pia kuota ndimi za ziada na kufukia saba, ambazo hata hivyo zilikatwa na kubakishwa moja ambayo hata hivyo kwa sasa imeongezeka nyingine," anasema Grace kwa huzuni.
Anasema baada ya kuwauliza madaktari kwa kuwabembeleza sana juu ya ugonjwa wa mwanae walimueleza kuwa alizaliwa kama mlemavu wa ngozi (Albino Mweusi).
"Walinieleza mwanangu ni Albino Mweusi na kwamba hawana cha kumsaidia ila kumpa dawa za kupaka kabla ya kushauriwa nije Dar es Salaam kwa ajili ya matibabu zaidi Hospitali ya Muhimbili ambapo hata hivyo hakuna cha maana alichofanyiwa mwanangu zaidi ya kuambiwa nirudi naye nyumbani," anasema.
Anasema  kwa kifupi amesumbuka na mwanaye na kukata tamaa asijue nini hatima ya Honolina, ambaye kwa hali yake imemfanya asiweze kufanya kazi yoyote ili kuhangaika naye kumtafutia matibabu, huku wanawe wengine wakiishi kwa mateso Mgeta-Morogoro kwani yeye mwenyewe (mama) hana ndugu wa kumsaidia.
"Sina mtu wa kunisaidia, baada ya nyumba niliyojenga na mzazi mwenzangu kuuzwa na mama mkwe kwa madai ni mali ya mtoto wao, nimekuwa natangatanga nimepanga mara mbili nyumba ya kwanza nilifukuzwa kwa kukosa kodi ya kuendelea kuishi kabla y kujipigapiga na kupata hapo Mgeta nilipowaacha watoto," anasema.
Anasema kwa jijini Dar es Salaam amekuwa akiishi kama ombaomba eneo la Ubungo ili kukidhi mahitaji yake na ya mwanaye na kudai hali hiyo imemchosha na kuungana na mwanae kuililia serikali na watu wengine wenye uwezo kumsaidia fedha za matibabu ili mwanaye atibiwe na kupona naye apumue.
"Kama mtoto anavyokueleza, nawaomba wasamaria wema, serikali na watu wenye uwezo watusaidie.. wanichangie nimuokoe mwanangu...miaka 11 ya mateso nadhani inatosha, sitaki kumpoteza mwanangu nampenda katika hali aliyonayo," anasema Grace akilengwalengwa na machozi.
Anasema hajui mwanaye alipatwaje na matatizo hayo ilihali wanae wengine waliomfuata wapo vyema kiafya bila tatizo lolote.
"Huyu ni mtoto wangu wa kwanza kuzaa na Christian niliyezaa naye watoto watatu, wengine ni Dickson (9) na mwisho aliniacha nikiwa mjamzito wa mimba yake ni Francis (6), ambao wote hawana tatizo kama dada yao, hili ndilo linalonishangaza na kuendelea kuwalilia wasamaria wema wanisaidie kumuokoa mwanangu," anasema.
Grace anayedai wapo baadhi ya watu wamekuwa wakimnyanyapaa kwa hali ya mwanae ambaye amejaa vidonda ambavyo vinatoa harufu kali, lakini akawakumbusha kuwa hayo ni matatizo ambayo hakuna aliyeyaomba pia akirejea usemi kwamba 'Hujafa Hujaumbika'.
Anamalizia kwa kumuomba yeyote atakayeguswa na tatizo la mwanae anaweza kumsaidia kwa kuwasilisha michango yao kupitia MICHARAZO MITUPU ama simu za mkononi za mama huyo za 0719-749542, 0687-402694 na 0762-425973. kwa huduma za Tigo-Pesa, M-Pesa au Airtel Money.

Msanii Bongo Movia anusurika 'kuliwa Kiboga', kisa pombe

MUIGIZAJI wa flamu za kibongo anayejulikana kwa jina la Danny Cloud maarufu kama Danny mtoto wa mama ambaye alipata umaarufu wa jina hilo kupitia filamu ya mtoto wa mama amenusurika kubakwa ( kuliwa kiboga )
Akizungumza na mwandishi wetu, rafiki wa karibu wa msanii huyo alidai kwamba Danny alikuwa maeneo ya Bilcanas ambapo alipewa ofa ya pombe na jamaa zake...
Rafiki huyo alidai kuwa, baada ya kupewa ofa hiyo adimu, msanii huyo alianza kuiparamia pombe mfano wa mtu mwenye kiu kali ya maji, hali iliyomfanya asijitambue na kuanza kuvua nguo...
"Kuna wakati Danny alinyanyuka na kuelea chooni huku akipepesuka...Alipofika huko alidondoka na kulala huko huko chooni, hali iliyowafanya vibaka watake kumla kiboga"...Alisema huyo rafiki yake na kuongeza:
"Baada ya kimya kirefu, ilibidi tukamwangalie ambapo tuliwakurupusha vijana watatu wakiwa wameshamvua nguo"
Source: Vituko Vya Mtaa

Wapinzani wa Twiga Stars U20 kutua nchini leo

TIMU ya Taifa ya wanawake kwa vijana wenye umri chini ya miaka 20 inawasili nchini leo (Ijumaa, Oktoba 25 mwaka huu) saa 8.30 mchana tayari kwa mechi ya kwanza ya raundi ya kwanza ya Kombe la Dunia dhidi ya Tanzania itakayofanyika kesho Jumamosi (Oktoba 26 mwaka huu). 

Msumbiji itatua Uwanja wa Ndege wa Kimataifa wa Julius Nyerere (JNIA) kwa ndege ya LAM ikiwa na msafara wa watu 25 wakiwemo wachezaji, benchi la ufundi na viongozi. Timu hiyo itafikia kwenye hoteli ya Sapphire iliyopo maeneo ya Gerezani, Dar es Salaam. 

Mara baada ya kuwasili JNIA, kocha na nahodha wa timu hiyo watazungumza na waandishi wa habari juu ya mechi hiyo itakayochezwa Uwanja wa Taifa, Dar es Salaam kuanzia saa 10 kamili jioni. 

Kwa upande wa U20 chini ya Kocha Rogasian Kaijage imejiandaa vizuri kwa ajili ya mechi hiyo, na leo saa 10 jioni itafanya mazoezi yake ya mwisho Uwanja wa Taifa, Dar es Salaam. 

Viingilio kwa mechi hiyo ni sh. 1,000 kwa viti vya rangi ya kijani, bluu na rangi ya chungwa. Viingilio vingine ni sh. 2,000 kwa VIP C, sh. 5,000 kwa VIP B wakati VIP A itakuwa sh. 10,000. 

Kamishna wa mechi hiyo Evelyn Awuor kutoka Kenya tayari amewasili nchini wakati waamuzi kutoka Burundi waliwasili jana saa 1 usiku kwa ndege ya Kenya Airways wakiunganishia safari yao Nairobi, Kenya. Maofisa wote wa mechi hiyo wanafikia hoteli ya New Africa.

Uchaguzi wa Bodi ya Ligi Kuu kufanya asubuhi hii

Uchaguzi wa Bodi ya Ligi Tanzania (Tanzania Professional League- TPL Board) unafanyika asubuhi ya leo (Oktoba 25 mwaka huu) kwenye ukumbi wa mikutano uliopo Golden Jubilee Tower kuanzia saa 3 asubuhi. 

Mgeni rasmi katika mkutano huo wa Bodi ya TPL ambao unafanyika kwa mara ya kwanza atakuwa Rais wa Shirikisho la Mpira wa Miguu Tanzania (TFF), Leodegar Tenga. 

Kwa mujibu wa Kamati ya Uchaguzi ya TFF, wajumbe wanaounda Mkutano wa Uchaguzi ni wenyeviti kutoka klabu 24 za Ligi Daraja la Kwanza (FDL), na 14 wa klabu za Ligi Kuu ya Vodacom (VPL). 

Viongozi wa klabu za FDL wamefikia hoteli ya Royal Valentino iliyoko Barabara ya Uhuru wakati wale wa VPL ambao pia watashiriki Mkutano Mkuu wa Shirikisho la Mpira wa Miguu Tanzania (TFF) wamefikia hoteli ya Landmark iliyopo Ubungo. 

Wagombea kwenye uchaguzi huo ni Hamad Yahya Juma (Mwenyekiti), Said Muhammad Said Abeid (Makamu Mwenyekiti) wakati wanaoumba ujumbe wa Kamati ya Uendeshaji ni Khatib Omari Mwindadi na Kazimoto Muzo.

MSAIDIE MTOTO HUYU, MATESO YA MIAKA 11 IMETOSHA KWAKE

Ndivyo mtoto Honolina Cristian anavyoonekana kwa karibu

Kama umejaliwa uwezo kwa nini usitoe kwa mtoto huyu akatibiwe upate Thawabu

Hivi ndivyo mtoto huyu anavyoteseka na madonda

Mtoto akionyesha ulimi ulioota tena baada ya awali kukatwa

HUJAFA Hujaumbika! Mtoto Honolina Christian (11) yupo kwenye mateso makubwa na amewalilia Watanzania wote kuanzia Rais Jakaya Kikwete, serikali yake nzima na wanajamii akiwaomba msaada wa kumwezesha apate matibabu yatakayookoa maisha yake.
Mtoto huyo ambaye huwezi kumuangalia mara mbili bila kutokwa na machozi alisema tumaini lake ni kwa watu watakaoguswa na kilio chake akidai ameteseka vya kutosha na hivyo anadhani umefika muda na yeye afurahie maisha kama watoto wengine.
Akizungumza na MICHARAZO akiwa ameongozana na mama yake, mtoto Honolina alisema maumivu anayopata kwa madonda yanayoitafuna ngozi yake yanamnyima raha na angeomba asaidiwe aweze kwenda kufanyiwa matibabu nje ya nchi ili na yeye apumue.
"Naumia...Nateseka na sijui niseme nini. Nawaomba Watanzania kuanzia Rais, Wabunge, Mawaziri na watu waliojaliwa uwezo wanisaidie niweze kupata matibabu, nimeteseka na ninateseka sana na ugonjwa huuu..." Honolata alisema huku akianza kulia kwa simanzi.
Mama yake mzazi aliyeambatana na mtoto huyo, Grace John alisema tangu mwanaye azaliwa Juni 12, 2002 hajawahi kufurahia maisha kutokana na maradhi yaliyomuandama katika namna ya ajabu kabisa.
"Kwanza alizaliwa akiwa amejaa nywele mwili mzima na baadaye nywele hizo kupukutika kisha mwili mzima kuwa kama ngozi ya chui na kumkimbiza hospitali ya Morogoro alipopewa mafuta ya ngozi kumtibia," alisema.
Mkazi huyo wa mkoani Morogoro, anasema tangu hapo mwanaye amekuwa akiteseka na kuharibika ngozi ikiwemo kuota pembe mbili kichwani na kuwa na ndimi saba zilizofanyiwa upasuaji KCMC kabla ya mapembe hayo kumuacha na mashimo kichwani yaliyolazimisha azibwe kwa ngozi ya pajani.
"Kifupi ni kwamba nimehangaika sana na mwanangu huyu, tangu akiwa mchanga mpaka leo, bahati mbaya ni kwamba baba yake mzazi alifariki mwaka 2007 na kuniachia mzigo ambao kwa hakika nimeuvumilia na kushindwa kujua mwishowe utakuwaje," alisema Grace.
Grace aliongeza alikuja jijini Dar mwezi uliopita kwa ajili ya matibabu ya mtoto wake huyo katika Hospitali ya Muhimbili, lakini aliambiwa arejee nyumbani na mwanaye akielezwa mwanae ni mlemavu wa ngozi mweusi (Albino Mweusi).
"Kama mtoto anavyokueleza, nawaomba wasamaria wema, serikali na watu wenye uwezo watusaidie.. wanichangie nimuokoe mwanangu...miaka 11 ya mateso nadhani inatosha, sitaki kumpoteza mwanangu nampenda katika hali aliyonayo," alisema Grace akilengwalengwa na machozi.
Alisema huyo ni mmoja wa watoto wake watatu aliozaa na mwanaume ambaye bahati mbaya hakufunga naye ndoa kabla ya kufa kwa ajali ya gari wakati wakiendelea kuhangaikia kwa pamoja matibabu ya Honolina.
"Huyu ni mtoto wangu wa kwanza kuzaa na Christian niliyezaa naye watoto watatu, wengine ni Dickson (9) na mwisho aliniacha nikiwa mjamzito wa mimba yake ni Francis (6), ambao wote hawana tatizo kama dada yao," alisema.
Alisema watoto wake hao kwa sasa wanaishi pekee yao Mgeta, Morogoro wakati yeye akihangaika na Honolina apate matibabu, akidokeza pia nyumba aliyokuwa amejenga na 'mumewe' imeuzwa na mama mkwe wake na hivyo kumfanya kuwa na wakati mgumu kwa vile ana pa kuishi na hana shughuli ili kumtibia mwanae.
Aliongeza kwa yeyote atakayeguswa na tatizo la mwanae anaweza kumsaidia kwa kuwasilisha michango yao ama kwa MICHARAZO MITUPU au kupitia simu zake za mkononi kwa huduma za Tigo-Pesa, M-Pesa au Airtel Money kwa namba 0719-749542, 0687-402694 na 0762-425973.

NB:Makala ndefu ya mtoto huyu itawajia baadaye kidogo, unaweza kulia kwa jinsi inavyosikitisha