Kivumbi za Mabingwa Ulaya kuendelea tena leo

Kocha wa Manchester United, Sir Alex Ferguson

KOCHA wa Manchester United, Alex Ferguson amesema hapatakuwa na marudio ya kutolewa mapema kama mwaka jana katika Ligi ya Klabu Bingwa Ulaya wakati wakijiandaa kucheza mechi yao ya ufunguzi wa Kundi H nyumbani dhidi ya Galatasaray leo.
Mabingwa hao mara tatu wa Ulaya walishindwa kusonga mbele kutoka katika hatua ya makundi msimu uliopita baada ya kipigo cha kustusha cha 2-1 kutokakwa klabu ya Uswisi ya FC Basel katika mechi yao ya mwisho.
"Tumefungwa katika fainali mbili dhidi ya Barcelona na tumeshinda fainali nyingine mbili katika miaka 10 iliyopita lakini tunataka kufanya vizuri zaidi," Ferguson aliiambia tovuti ya klabu hiyo (www.manutd.com). "Hakika tutafanya vyema kuliko msimu uliopita, hakuna maswali kuhusu hilo.
"Kombe la Ulaya ni bab'kubwa. Kuna hisia kali kuelekea katika fainali ya Ulaya.
"Pia, bila ya maswali, kombe linainua heshima yako mchezoni kama ilivyo kwa Real Madrid na AC Milan. Tunataka kufikia kule kwa idadi ya makombe katika soka la Ulaya."
Kuanzia kwenye kipigo kutoka kwa Barcelona katika fainali ya mwaka 2011, Man U imeshinda mechi tatu tu za Ulaya kati ya 11 na imefungwa nne kati ya tano zao za mwisho.
Kikosi cha Ferguson, kinachoshiriki michuano hiyo kwa mara ya 18, ambayo ni rekodi, kitakuwa bila ya majeruhi wa muda mrefu Wayne Rooney leo lakini timu inalo "jembe" Robin van Persie lililotayari kuanza kwa mara ya kwanza kuichezea timu yake mpya katika michuano hiyo ya Ulaya.
Van Persie amekuwa katika kiwango cha juu tangu alipowahama mahasimu Arsenal mwisho wa msimu na tayari anaongoza katika ufungaji wa Ligi Kuu ya England akiwa na magoli manne, sawa na Michu wa Swansea City.
Mchezaji huyo wa kimataifa wa Uholanzi aliachwa nje ya kikosi kilichoanza Jumamosi kabla ya kuingia kipindi cha pili na kuisaidia Man U kuifunga Wigan Athletic 4-0 katika ligi.
Mtokea benchi mwenzake Nick Powell alicheza mechi yake ya kwanza Man U na kufunga goli kali la shuti la mbali dhidi ya Wigan na mchezaji huyo wa zamani wa Crewe Alexandra alisema alikuwa na presha kubwa wakati alipoingia mbele ya mashabiki 75,142 kwenye Uwanja wa Old Trafford.
"Nilipoingia kwa mara ya kwanza ilinitisha kidogo kwa sababu nilizoea kucheza mbele ya mashabiki 5,000 tu," alisema kiungo huyo mwenye umri wa miaka 18. "Lakini ni mazingira mazuri na mashabiki walikuwa bab'kubwa.
"Najifunza kila siku kutoka kwa viungo Paul Scholes, Michael Carrick, Ryan Giggs. Wameshapitia hayo na kutwaa mataji na nataka kushinda mataji pia."
Galatasaray wanacheza mechi yao ya kwanza ya Ligi ya Klabu Bingwa Ulaya katika miaka sita.
Klabu hiyo ya Uturuki haijashinda mechi yoyote kati ya saba walizocheza dhidi ya timu za England lakini ilipata sare za kukumbukwa dhidi ya Manchester United, Liverpool na Leeds United katika rekodi zao.
Umut Bulut, ambaye amefunga magoli matano katika mechi nne za ligi msimu huu, anajiandaa kuwa patna wa mshambuliaji wa zamani wa Bolton Wanderers, Johan Elmander katika mashambulizi. Beki wa zamani wa Arsenal, Emmanuel Eboue, anatarajiwa kuanza katika ulinzi.

Ratiba ya mechi za leo Ligi ya Mabingwa Ulaya:

Kundi E
Shakhtar          v Nordsjaelland
Chelsea           v Juventus
  
Kundi F
Lille                  v BATE Borisov
Bayern Munich v Valencia
  
Kundi G
Barcelona        v Spartak Moscow
Celtic               v Benfica
  
Kundi H
Man U             v Galatasaray
Braga              v CFR Cluj

Arsenal, Real Madrid zaanza vema Ligi ya Mabingwa Ulaya

UEFA Champions League | RESULTS

18 September   Dinamo Zagreb 0 - 2 FC Porto   LO Gonzalez (40) S Defour (90) Maksimir Stadium Attendance (15000) Teams	18 September   PSG 4 - 1 Dynamo Kiev Z Ibrahimovic (pen 18) E Thiago Silva (28) Alex (31) J Pastore (90) MLP Veloso (85) Parc des Princes Attendance (48000) Teams
18 September   Montpellier 1 - 2 Arsenal Y Belhanda (pen 8) L Podolski (15) YK Gervinho (17) La Mosson Attendance (30000) Teams | Report	18 September   Olympiacos 1 - 2 Schalke 04 D Abdoun (57) B Howedes (40) K Huntelaar (58) Karaiskakis Stadium Attendance (28000) Teams
18 September   Malaga 3 - 0 Zenit St Petersburg AFR Isco (2) J Saviola (12) AFR Isco (75)   La Rosaleda Attendance (28000) Teams | Report	18 September   AC Milan 0 - 0 Anderlecht San Siro Attendance (20000) Teams | Report
18 September   Borussia Dortmund 1 - 0 Ajax R Lewandowski (86)   Signal Iduna Park Attendance (80500) Teams | Report	18 September   Real Madrid 3 - 2 Man City JVdS Marcelo (75) K Benzema (86) CdSA Ronaldo (89) E Dzeko (68) A Kolarov (84) Santiago Bernabeu Attendance (67000) Teams | Report

SIMBA, YANGA MAJARIBUNI TENA LEO

KINYANG'ANYIRO Ligi Kuu Tanzania Bara inatarajia kuendelea leo kwa michezo ya raundi ya pili ambapo mabingwa watetezi, Simba na watani zao Yanga watakuwa kwenye viwanja viwili tofauti kujaribu tena bahati yao katika ligi hiyo.
Jumla ya mechi saba zinatarajiwa kuchezwa kwenye ambapo kwenye dimba la Taifa, jijini Dar 'Mnyama' Simba itaikaribisha JKT Ruvu ya Pwani, wakati Yanga iliyoanza ligi kwa suluhu na timu ilipoapanda daraja ya Prisons-Mbeya, itakuwa ugenini tena uwanja wa Jamhuri, Morogoro kuumana na  Mtibwa Sugar.
Simba itashuka dimbani ikiwa na kumbukumbu ya kuanza vyema katika ligi hiyo kwa ushindi wa magoli 3-0 iliopata dhidi ya African Lyon wakati mabingwa wa mashindano ya Klabu Bingwa Afrika Mashariki na Kati (Kombe la Kagame) Yanga wana pointi moja iliyotokana na suluhu dhidi ya Prisons mkoani Mbeya.
Kocha wa Simba, Milovan Cirkovic amenukuliwa akisema kuwa kikosi chake kiko tayari kwa mchezo huo na anachotaka kuona wanapata pointi tatu.
Cirkovic alisema kurejea kwa mshambuliaji wake Mzambia Felix Sunzu kumekifanya kikosi hicho kuwa na ushindani zaidi wa namba katika eneo la ushambuliaji kutokana na kila mmoja kuonyesha kiwango cha juu mazoezini.
"Hakuna mechi nyepesi, ninachohitaji ni kuona tunashinda na kupata pointi tatu katika mechi hizi za kwanza ili kuondoa wasiwasi katika mechi za mwishoni mwa ligi, kikosi changu kimekamilika," alisema kocha huyo raia wa Serbia.
Charles Kilinda, kocha wa JKT Ruvu, aliliambia gazeti hili kuwa timu yake imejiandaa vyema na mechi zote za ligi na si kwa ajili ya kuikabili Simba tu.
Kilinda alisema kwamba anafahamu mchezo huo utakuwa na ushindani huku akisikitika kumkosa mshambuliaji wake mpya, Mussa Hassan 'Mgosi' ambaye hajapata kibali chake cha Uhamisho wa Kimataifa (ITC) kutoka katika timu ya DC Motema Pembe ya Jamhuri ya Kidemokrasia ya Kongo ambayo ameichezea msimu mmoja uliopita.
Akiondoka bila ya mshambuliaji, Jerry Tegete na Rashid Gumbo, kocha wa Yanga, Tom Saintfiet, alisema kwamba mchezo wa leo dhidi ya Mtibwa Sugar utakuwa na upinzani mkubwa.
Hata hivyo, Saintfiet aliahidi kupata matokeo mazuri katika mchezo huo na kurejesha furaha kwa mashabiki wa Yanga.
Kocha huyo amemjumuisha kiungo wa kimataifa kutoka Rwanda, Haruna Niyonzima licha ya kuwa mgonjwa.
Kocha wa Mtibwa Sugar, Mecky Maxime aliliambia gazeti hili kwamba wachezaji wake wamejiandaa vyema kushinda na hatimaye kutorudia makosa yaliyojitokea wakati wanaivaa Polisi Morogoro katika mechi ya kwanza ya ligi iliyoisha kwa sare ya 0-0 pia.
Michezo mingine ya leo ni pamoja na pambano la African Lyon dhidi ya Polisi Moro utakaochezwa  kwenye Uwanja wa Chamazi jijini, Ruvu Shooting itashuka kwenye uwanja wa Mabatini, Mlandizi kuikabili Mgambo Shooting ya Tanga na  Prisons itaikaribisha Coastal Union ya Tanga kwenye dimba la Sokoine jijini Mbeya.
JKT Oljoro ya Arusha baada ya sare ya 1-1 dhidi ya Toto Afrika katika mechi yake ya awali itakuwa Kaitaba, Kagera kuumana na wenyeji wao Kagera Sugar, huku Azam iliyochanua katika pambano la fungua dimba mbele ya Kagera itaalikwa na Toto Afrika katika uwanja wa CCM Kirumba.
Kocha wa Toto, John Tegete ameapa kupata ushindi leo ili kujiongezea hazina ya pointi katika ligi hiyo aliyokiri ni ngumu kwa namna timu zilizvyojiandaa.

MSHINDI UCHAGUZI MGODO WA BUBUBU, VISIWANI ZANZIBAR

MSHINDI UCHAGUZI MGODO WA BUBUBU, VISIWANI ZANZIBAR

DEREVA wa treni ya mizingo ya Mamlaka ya Reli ya Tanzania na Zambia (Tazara) Ali Kilumanga (57), amefariki dunia huku askari 10 wa jeshi la Polisi nchini wakinusurika kifo kwenye ajali ya treni

 DEREVA wa treni ya mizingo ya Mamlaka ya Reli ya Tanzania na Zambia (Tazara) Ali Kilumanga (57), amefariki dunia huku askari 10 wa jeshi la Polisi nchini wakinusurika kifo kwenye ajali ya treni

Na AFISA HABARI WA TAZARA

DEREVA wa treni ya mizingo ya Mamlaka ya Reli ya Tanzania na Zambia (Tazara) Ali Kilumanga (57), amefariki dunia huku  askari 10 wa jeshi la Polisi nchini wakinusurika kifo  kwenye ajali ya treni  iliyotokea karibu na stesheni ya Makambako mkoani Iringa.

 Mkurugenzi Mtendaji wa TAZARA, Akashambatwa Mbikusita-Lewanika aliwaambia waandIshi wa habari  jijini Dar es Salaam jana kuwa ajali hiyo ilitokea juzi saa 11:40 jioni na kuhusisha Treni No 0755 ya shirika hilo, iliyokuwa ikiokea Dar es salaam kwenda Kapilimposhi  Zambia.

Alitaja chanzo cha ajali hiyo ni hitilafu iliyojitokeza kwenye mfumo wa breki na hivyo kushindwa kufunga breki na baadae kuacha njia na kisha kupunduka, ambapo  dereva wa akiba wa treni hiyo, Mashaka Bujilima alilipata majeraha na kupelekwa Hospitali ya Ilembula iliyopo wilayani Njombe na baadae kuruhusiwa baada ya kupata matibabu.

" Tumepokea kifo cha mpedwa wetu  Kalumanga kwa masikitiko na hazuni kubwa kwa kuwa amekuwa nasi kwa muda mrefu,lakinisasa kametutoka jina la bwana lihimidiwe,’’ alisema Akashambatwa.

Alisema Treni hiyo ilikuwa imebeba shehena ya mizigo mbalimbali ikiwa ni pamoja na injini za teni mbili, magari 16 ya mbolea, magari tisa ya mafuta ya treni na mengine ni magari ya vifaa mbalimbali,ambapo tathimini ya hasara ya mali, inaendelea  kufanyiwa uchunguzi.

"Timu ya wataalamu mbalimbali  na waandamizi, mara moja imenzisha uchunguzi kwa kina sababu ya ajali hii ya  kutisha , lakini ripoti ya awali imewasilishwa kwa serikali  mbili za Tanzania na Zambia," alisema Akashambatwa.

Aidha Akashambatwa, alisema kuwa kwa  huzuni kubwa wametuma  rambirambi zao kwa familia  ya marehemu na  kuwapa  pole kwa niaba ya familia nzima ya TAZARA.

Mwisho

PICHA INAONYESHA JINSI YA MABEHEWA YALIVYOSAMBARATIKA

MABOGI YA BEHWA

BAADHI YA MIZIGO ILIYOSAMBARATIKA

Jengo la shule ya sekondari ya kata ya kiwalani liko katika hali mbaya

Jengo la shule ya sekondari ya kata ya kiwalani liko katika hali mbaya jengo hilo ambalo lina muda wa miaka ipatayo minane toka lijengwe halijaingiwa wanafunzi picha inapnyesha jinsi lilivyo milango imeibiwa silbodi imebomoka kama picha inavyonyesha hivi sasa ndio geto wanafunzi wanaonekana ni wa shule za msingi zilizopo karibu na jengo hilo wakati wanafunzi wanafanya mitihani ya darasa la saba  jee watapelekwa wapi kaama hali ni hii wanafunzi wa darasa la saba shule zilizopo katika kata hiyo ya kiwalani awanafanya mtihani jee wale ambao watakao faulu watakwenda katika shule gani  wanafuzi wanaofaulu katika shule za msingi za kiwalani hupelekwa katika shule za sekondari sehemu za chanika ,mbondole pugu ,kibada shule wananchi wa eneo hilo wanaiomba serikali kufanya kila jitihada wamalize miaka minane toka ijengwe ni mingi.

Mawaziri watatu wa Serikali ya Umoja wa Kitaifa Zanzibar, wanatarajiwa kutumika kama mashahidi katika kesi ya kupinga matokeo

Mawaziri watatu wa Serikali ya Umoja wa Kitaifa Zanzibar, wanatarajiwa kutumika kama mashahidi katika kesi ya kupinga matokeo

Na Mwinyi Sadallah, Zanzibar.
Mawaziri watatu wa Serikali ya Umoja wa Kitaifa Zanzibar, wanatarajiwa kutumika kama mashahidi katika kesi ya kupinga matokeo ya uchaguzi mdogo wa Bububu, itakayofunguliwa na aliyekuwa mgombea wa Chama hicho Issa Khamis Issa, katika Mahakama kuu ya Zanzibar.
Mawaziri hao watakaotoa ushahidi katika kesi hiyo, ni Waziri wa Katiba na Sheria, Abubakar Khamis Bakari, Waziri wa Biashara, Viwanda na Masoko Nassor Ahmed Mazrui na Waziri wa Afya, Juma Duni Haji, ambao walikuwa waangalizi wa uchaguzi kupitia Chama cha Wananchi CUF.
Akizungumza na waandishi wa habari mjini Zanzibar, Mkurugenzi wa habari, uenezi, haki za binadamu na mawasiliano na umma wa CUF, Salim Bimani alisema kwamba Mawaziri hao walishuhudia vitendo vya ukiukwaji wa taratibu na sheria za uchaguzi.
Bimani alisema hivi sasa jopo la wanasheria wanaendelea kukusanya vielelezo muhimu, kabla ya kufungua kesi wiki hii katika mahakama Kuu ya Zanzibar, na kuiomba kutengua ushindi wa mgombea wa CCM, Hussein Ibrahim Makungu, kwa madai kuwa ushindi wake haukutokana na maamuzi ya wananchi wa jimbo la Bububu.
"Katika kesi tutakayofungua, tutawatumia Mawaziri watatu kama mashahidi, kwa vile wameshuhudia kwa macho yao, vitendo vya udanganyifu, kuruhusiwa watu wasiohusika kupiga kura, na askari wa vikosi vya SMZ kutumia nguvu na kuwatisha wananchi katika zoezi hilo la uchaguzi mdogo wa Bububu.
Aidha, Bimani aliongeza kuwa kuna watu wawili wamejeruhiwa akiwemo Abdallah Haji Mmanga, anayedaiwa kupigwa risasi katika sehemu ya paja la mguu wake wa kulia, na Shah Haji Shah ambaye alijeruhiwa kwa kupigwa na vigae vya chupa, ambao walitibiwa katika hospitali ya Al Rahma.
"Safari hii tumeamua kupambana kuanzia Mahakama kuu, na kama haki haitotendeka, tutafika katika Mahakam ya Rufaa, hatuwezi kuachia misingi ya demokrasia na utawala bora ikiendelea kuvunjwa chini ya Serikali ya Umoja wa Kitaifa" alisema Bimani.
Alisema kwamba katika Serikali ya Umoja wa Kitaifa, kuna viongozi bado wana dukuduku la maridhiano yaliyozaa Serikali hiyo, lakini kinyongo chao hakitofanikiwa kuzorotesha Serikali ya Umoja wa Kitaifa au kuisambaratisha.
"Kuna viongozi katika Serikali ya Umoja wa Kitaifa, hawaungi mkono maridhiano, lakini Wazanzibari hatutaki kurejea katika malumbano ya kisiasa, hatua iliyofikiwa imeleta amani na utulivu katika nchi" alisema bimani
Hata hivyo, alisema kwamba uchaguzi wa Bububu hautopelekea Serikali ya Umoja wa Kitaifa kuvunjika, kwa vile imekuja kutokana na maamuzi ya wananchi, ambao asilimia 66 waliunga mkono kuanzishwa kwa mfumo huo kupitia kura ya maoni iliypigwa 2010.
Alisema kwamba uchaguzi wa Bububu, Jeshi la Polisi lilishindwa kusimamia vyema majukumu yake na badala yake lilikasimu madaraka kwa vikosi vya SMZ ambavyo vilitumia vibaya majukumu yao na kushiriki katika vitendo vya kuwatisha wananchi kuweza kujitokeza na kupiga kura katika uchaguzi huo.
Bimani alisema CUF inalaani kitendo cha kupigwa kwa Mwandishi wa kituo cha Televisheni cha Channel Ten, Munir Zakaria, kwa vile kimeingilia uhuru wake wa kikatiba wa kutekeleza majukumu yake ya kukusanya taarifa kwa ajili ya kuwahabarisha wananchi.
Alisema bahati mbaya tukio hilo limetokea siku chache tangu kuuwawa kwa Mwandishi wa Channel Ten mkoani Iringa, marehemu Daudi Mwangosi, ambapo hakuna kiongozi dhamana wa Jeshi la polisi aliyewajibika kutokana na mauaji hayo ya kikatili.
Aidha aliongeza kuwa CUF imesikitishwa na kitendo cha kupewa masharti magumu ya dhamana kwa watuhumiwa wanaodaiwa kuhusika na vurugu za uchaguzi huo, ambapo kila mmoja alitakiwa kuweka dhamana ya shilingi laki tano kama fedha taslimu na dhamana ya maandishi 500,000 kwa kila mmoja kwa watuhumiwa 10 waliofikishwa katika mahakama ya mwanzo ya Mwanakwerekwe.
Akizungumza katika mkutano huo, Mbunge wa jimbo la Mtoni ambaye ni mmoja kati ya watu waliopigwa katika vurugu hizo, Faki Haji Makame, alisema kwamba alipigwa mtama na kuanguka chini, wakati akiokota kiatu baada ya kumvuka alipokuwa akiwakimbia vijana waliomvamia na kumjeruhi.
"Mimi sijapigana hadharani, nimevamiwa na vijana wawili baadae akatokea mwengine, mnamhoji wa nini, wakati tumeagizwa apigwe, ndipo nilipoamua kukimbia na wakaanza kunifukuza na kunipiga" alisema Mbunge huyo wa jimbo la Mtoni.
Akielezea mukhtasari wa tukio lake, alisema kabla ya kushambuliwa wakati akitokea eneo la Kijichi, kukagua ujenzi wa nyumba yake, alipofika karibu na tawi la CCM eneo la Bububu, alimuona Naibu Katibu Mkuu wa CCm Zanzibar, Vuai Ali Vuai na kuamua kwenda kumsalimia, lakini alikataa kupokea salamu yake na kumshutumu kuwa CUF inazuia wafuasi wa CCM kwenda kupiga kura katika vituo.
"Alitahadharisha kuwa CCM haitokubali watu wake kunyimwa haki ya kupiga kura, na baada ya maneno yake, mimi nilianza safari ya kwenda kuwasalimia wakwe zangu katika eneo la Bububu, ndipo nilipokutwa na maswahiba ya kupigwa na kujeruhiwa kwa mwili wangu, kwa kunipiga kwa mipira ya mabomba ya maji na mateke na ngumi" alisema Mbunge huyo.
Alisema anakanusha taarifa ya Kamishna wa Polisi Zanzibar, Mussa Ali Mussa kuwa alikamatwa kwa madai ya kupigana hadharani, wakati Polisi ndio waliomuokoa alipokuwa akipigwa na kupelekwa katika kituo cha Bububu pamoja na watu waliokuwa wakimpiga.
Hata hivyo alisema jambo la kushangaza Polisi mpaka jana wameshindwa kumpa majina ya watu waliompiga, licha ya kuwa wamehojiwa, na vile vile wameshindwa kuwafikisha Mahakamani kutokana na makosa ya kumpiga na kumshambulia mwilini.
Kwa upande wake, aliyekuwa mgombea wa CUF, Issa Khamis Issa, alisema kwamba ameshindwa kufungua kesi yake jana kama ilivyopangwa awali, kwa vile wanasheria wake wanaendelea kukamilisha vielelezo vitalkavyotumika kama ushahidi katika kesi ya kupinga matokeo ya uchaguzi wa jimbo hilo.
Alisema sheria ya tume ya uchaguzi inaeleza kuwa ndani ya siku 14, mgombea yeyote ana haki ya kupinga matokeo mahakamani endapo atakuwa hajaridhika na anatarajia kufungua kesi hiyo mapema wiki hii.
Wakati huo huo Mwandishi wa Channel Ten, Munir Zakaria ambaye alipigwa katika vurugu hizo za uchaguzi, ameendelea kupata matibabu, na afya yake inaendelea vizuri, baada ya kupigwa ngumi sehemu ya mdomoni na mabegani, lakini pochi iliyopotea ikiwa na vitu muhimu bado haijapatikana.
Alisema kwamba, tayari amekamilisha taratibu za matibabu katika hospitali ya Mnazi Mmoja, na anaamini watu waliomfanyia shambulia hilo watachukuliwa hatua za kisheria kwa vile tukio hilo limeripotiwa katika kituo cha Polisi cha Mwembe Madema mjini Zanzibar.
uchaguzi mdogo wa jimbo la Bububu ulifanyika Septemba 16 mwaka huu, ambapo ulitawaliwa na vurugu, uharibifu wa mali za umma, na matumizi mabaya ya silaha, hatua ambayo wadadisi wa mambo wameitafsri kuwa ni mwanzo mbaya wa kuelekea katika uchaguzi mkuu wa mwaka 2015.

AVB azuga, eti hakuwa na presha yoyote Spurs

Tottenham manager Andre Villas-Boas has insisted he did not feel under any pressure before recording his first Spurs win at Reading.

The Portuguese was the subject of speculation about his future, having not won any of his first three games.
But Villas-Boas dismissed such talk after his team's impressive 3-1 Premier League success at the Madejski Stadium.
"I talk to the chairman Daniel Levy every day. I didn't feel under any pressure at all," he said.
He also refused to react to comments by his predecessor Harry Redknapp,  appearing to criticise modern managers in the mould of Villas-Boas who present players with "70-page dossiers".

Play media

Cannot play media. You do not have the correct version of the flash player. Download the correct version

Reading 'will learn from mistakes'

Villas-Boas said: "It is not about the manager, it is about the players. It is the players that take us to success. Different managers have different leadership styles and the way they go about their business.
"I don't know if Harry was mentioning that about Jose Mourinho but it seems strange. I don't use those situations but in the end the most important thing is for your team and your players to reach a level that is needed for success.
"It doesn't matter if a manager is modern, old-fashioned or old school. The most important thing is you have to feel what is right, feel your convictions. Then you can sell your ideas better and take your players to success."
Villas-Boas admitted there had been anxiety in the Spurs dressing room after a defeat and two draws in their opening three games, but he insisted: "I am extremely happy because the players showed tremendous responsibility, commitment and concentration.
"They have been working so hard and deserve to get this first win. We managed to mix the result and the performance and come out of Reading very satisfied."

Also related to this story

• Reading 1-3 Tottenham 16 Sep 2012 Premier League
• Villas-Boas eyes Spurs redemption 14 Aug 2012 Tottenham
• Sunday football as it happened 16 Sep 2012 Football
• Villas-Boas wants Spurs patience 01 Sep 2012 Premier League

Kivumbi cha Ligi ya Mabingwa Ulaya kuanza rasmi kesho

KINYANG'ANYIRO cha Ligi ya Mabingwa Barani Ulaya kinatarajiwa kuanza rasmi hatua ya makundi kesho kwa mechi kadhaa ambapo Mabingwa watetezi wa Ligi Kuu ya England wataanzia ugenini mjini Madrid, Hispania kuumana na mabingwa wa nchini, Real Madrid katika mechi ya kundi D.
Tayari timu hizo zimeanza kutoleana tambo kuhusiana na mechi hiyo inayosubiriwa kwa hamu kubwa na mashabiki wa kandandfa duniani kote kutaka kuona kikosi cha Manchester City itavuna nini mbele ya vijana wa Jose Mourinho ambayo timu yao imeanza na 'mwaka wa tabu' katika ligi ya nchini mwao.
Mechi nyingine zinazotarajiwa kuchezwa kesho itazikutanisha timu za Ac Milan inayoyumba ligi ya Seria A kwa kupokea vipigo mfululizo kama Real Madrid kwa kuumana na Anderlecht, mjini MIlan.
Vijana wa Arsene Wenger ambao imetoka kupata ushindi wa kishidno katika ligi ya nchini mwao kwa kuialaza Southampton kwa mabao 6-0, yenyewe nayo itakuwa ugenini kuumana na Montpellier ya Ufaransa.
Mechi nyingine kwa mujibu wa ratiba ya ligi hiyo hatua ya makundi ni kama ifuatavyo:

Tuesday, 18 September 2012

AC Milan v Anderlecht, GpC, 19:45

Borussia Dortmund v Ajax, GpD, 19:45

Dinamo Zagreb v FC Porto, GpA, 19:45

Malaga v Zenit St Petersburg, GpC, 19:45

Montpellier v Arsenal, GpB, 19:45

Olympiakos v Schalke 04, GpB, 19:45

Paris SG v Dynamo Kiev, GpA, 19:45

Real Madrid v Man City, GpD, 19:45

---

Wednesday, 19 September 2012

Barcelona v Spartak Moscow, GpG, 19:45

Bayern Munich v Valencia, GpF, 19:45

Braga v CFR 1907 Cluj-Napoca, GpH, 19:45

Celtic v Benfica, GpG, 19:45

Chelsea v Juventus, GpE, 19:45

Lille v BATE Borisov, GpF, 19:45

Man Utd v Galatasaray, GpH, 19:45

Shakhtar Donetsk v FC Nordsjaelland, GpE, 19:45

---

Tuesday, 2 October 2012

Spartak Moscow v Celtic, GpG, 17:00

BATE Borisov v Bayern Munich, GpF, 19:45

Benfica v Barcelona, GpG, 19:45

CFR 1907 Cluj-Napoca v Man Utd, GpH, 19:45

FC Nordsjaelland v Chelsea, GpE, 19:45

Galatasaray v Braga, GpH, 19:45

Juventus v Shakhtar Donetsk, GpE, 19:45

Valencia v Lille, GpF, 19:45

---

Wednesday, 3 October 2012

Zenit St Petersburg v AC Milan, GpC, 17:00

Ajax v Real Madrid, GpD, 19:45

Anderlecht v Malaga, GpC, 19:45

Arsenal v Olympiakos, GpB, 19:45

Dynamo Kiev v Dinamo Zagreb, GpA, 19:45

FC Porto v Paris SG, GpA, 19:45

Man City v Borussia Dortmund, GpD, 19:45

Schalke 04 v Montpellier, GpB, 19:45

---

Tuesday, 23 October 2012

Spartak Moscow v Benfica, GpG, 17:00

BATE Borisov v Valencia, GpF, 19:45

Barcelona v Celtic, GpG, 19:45

FC Nordsjaelland v Juventus, GpE, 19:45

Galatasaray v CFR 1907 Cluj-Napoca, GpH, 19:45

Lille v Bayern Munich, GpF, 19:45

Man Utd v Braga, GpH, 19:45

Shakhtar Donetsk v Chelsea, GpE, 19:45

---

Wednesday, 24 October 2012

Zenit St Petersburg v Anderlecht, GpC, 17:00

Ajax v Man City, GpD, 19:45

Arsenal v Schalke 04, GpB, 19:45

Borussia Dortmund v Real Madrid, GpD, 19:45

Dinamo Zagreb v Paris SG, GpA, 19:45

FC Porto v Dynamo Kiev, GpA, 19:45

Malaga v AC Milan, GpC, 19:45

Montpellier v Olympiakos, GpB, 19:45

---

Tuesday, 6 November 2012

AC Milan v Malaga, GpC, 19:45

Anderlecht v Zenit St Petersburg, GpC, 19:45

Dynamo Kiev v FC Porto, GpA, 19:45

Man City v Ajax, GpD, 19:45

Olympiakos v Montpellier, GpB, 19:45

Paris SG v Dinamo Zagreb, GpA, 19:45

Real Madrid v Borussia Dortmund, GpD, 19:45

Schalke 04 v Arsenal, GpB, 19:45

---

Wednesday, 7 November 2012

Bayern Munich v Lille, GpF, 19:45

Benfica v Spartak Moscow, GpG, 19:45

Braga v Man Utd, GpH, 19:45

CFR 1907 Cluj-Napoca v Galatasaray, GpH, 19:45

Celtic v Barcelona, GpG, 19:45

Chelsea v Shakhtar Donetsk, GpE, 19:45

Juventus v FC Nordsjaelland, GpE, 19:45

Valencia v BATE Borisov, GpF, 19:45

---

Tuesday, 20 November 2012

Spartak Moscow v Barcelona, GpG, 17:00

BATE Borisov v Lille, GpF, 19:45

Benfica v Celtic, GpG, 19:45

CFR 1907 Cluj-Napoca v Braga, GpH, 19:45

FC Nordsjaelland v Shakhtar Donetsk, GpE, 19:45

Galatasaray v Man Utd, GpH, 19:45

Juventus v Chelsea, GpE, 19:45

Valencia v Bayern Munich, GpF, 19:45

---

Wednesday, 21 November 2012

Zenit St Petersburg v Malaga, GpC, 17:00

Ajax v Borussia Dortmund, GpD, 19:45

Anderlecht v AC Milan, GpC, 19:45

Arsenal v Montpellier, GpB, 19:45

Dynamo Kiev v Paris SG, GpA, 19:45

FC Porto v Dinamo Zagreb, GpA, 19:45

Man City v Real Madrid, GpD, 19:45

Schalke 04 v Olympiakos, GpB, 19:45

---

Tuesday, 4 December 2012

AC Milan v Zenit St Petersburg, GpC, 19:45

Borussia Dortmund v Man City, GpD, 19:45

Dinamo Zagreb v Dynamo Kiev, GpA, 19:45

Malaga v Anderlecht, GpC, 19:45

Montpellier v Schalke 04, GpB, 19:45

Olympiakos v Arsenal, GpB, 19:45

Paris SG v FC Porto, GpA, 19:45

Real Madrid v Ajax, GpD, 19:45

---

Wednesday, 5 December 2012

Barcelona v Benfica, GpG, 19:45

Bayern Munich v BATE Borisov, GpF, 19:45

Braga v Galatasaray, GpH, 19:45

Celtic v Spartak Moscow, GpG, 19:45

Chelsea v FC Nordsjaelland, GpE, 19:45

Lille v Valencia, GpF, 19:45

Man Utd v CFR 1907 Cluj-Napoca, GpH, 19:45

Shakhtar Donetsk v Juventus, GpE, 19:45

Orodha ya makundi:
Kundi A: Porto, Dynamo Kiev, Paris St Germain, Dinamo Zagreb
Kundi B: Arsenal, Schalke, Olympiakos, Montpellier
Kundi C: AC Milan, Zenit St Petersburg, Anderlecht, Malaga
Kundi D: Real Madrid, Manchester City, Ajax, Borussia Dortmund
Kundi E: Chelsea, Shakhtar Donetsk, Juventus, FC Nordsjaelland
Kundi F: Bayern Munich, Valencia, Lille, BATE Borisov
Kundi G: Barcelona, Benfica, Spartak Moscow, Celtic
Kundi H: Manchester United, Braga, Galatasaray, CFR Cluj

Cheka kucheza mara ya mwisho na Nyilawila, kisa...!

Francis Cheka (kulia) alipokuwa 'akimsulubu' Karama Nyilawila katika pambano lao lililofanyika mapema mwaka huu na mjini Morogoro na Cheka kuibuka mshindi wa pointi dhidi ya mpinzani wake.

BONDIA nyota wa ngumi za kulipwa nchini, Francis Cheka 'SMG' amesema huenda pambano lake dhidi ya Karama Nyilawila 'Captain' ndilo likawa la mwisho kwake kupigana na mabondia wa Tanzania.
Cheka anatarajiwa kuzipigana na Nyilawila katika pambano la kuwania ubingwa wa UBO litakalofanyika Septemba 29 kwenye ukumbi wa PTA, jijini Dar es Salaam, ikiwa ni mara ya tatu kwa mabondia hao kukutana.
Katika michezo yao ya awali, wawili hao walitoka sare mechi moja na nyingine iliyochezwa mapema mwaka huu, Cheka aliibuka kidedea kwa kumpiga mpinzani wake kwenye uwanja wa Jamhuri, Morogoro.
Cheka alisema anaamini pambano hilo alilodai ana hakika ya kuibuka na ushindi mbele ya Nyilawila, huenda likawa la mwisho kwake kuzipiga na mabondia wa Tanzania.
Alisema, awali alishasema asingecheza tena nchini kwa kukosa mpinzani wa kweli kufuatia kuwachakaza karibu mabondia wote wakali akiwemo Rashid Matumla, Mada Maugo, Japhet Kaseba na hata Nyilawila mwenyewe.
"Iwapo nitaendeleza mkong'oto kwa Nyilawila, japo nina hakika kwa hilo kutokana na ubora nilionao na uwezo mkubwa katika ngumi, sitacheza tena na mabondia wa nchini, nitaelekeza nguvu zangu kwa mabondia wa nje ili kujenga zaidi jina," alisema.
Alisema kwa sasa anaendelea vema na maandalizi yake dhidi ya pambano hilo lililoandaliwa na Robert Ekerege na litakalosindikizwa na michezo kadhaa ya utangulizi na kutamba ataendelea kuwapa raha mashabiki wake.
"Naendelea vema kujifua chini ya kocha wangu Abdallah Saleh 'Komando', sitawangusha mashabiki wangu kwa namna nitakavyomchapa Nyilawila," alisema.
Pambano hilo la uzani wa Super Middle raundi 12, litaamuliwa na mwamuzi wa kimataifa wa Malawi Jerome Waluza na litasindikizwa na michezo ya utangulizi ambapo Juma Kihiyo dhidi ya Ibrahim Maokola, Seba Temba wa Morogoro dhidi ya Stam Kesi.
Michezo mingine ni kati ya Sadik Momba dhidi ya Amos Mwamakula, huku Anthon Mathias wa Morogoro atacheza na Shaban Kilumbelumbe na Deo Samwel akipambana na Hassan Kidebe.
          
Mwisho

Mbio za Uchaguzi Mkuu SPUTANZA zaanza rasmi

MBIO za kinyang'anyiro cha uchaguzi mkuu wa Chama cha Umoja wa Wacheza Soka Tanzania, SPUTANZA, zimeanza rasmi kwa fomu za uchaguzi huo kuanza kutolewa jijini Dar.
Uchaguzi huo wa SPUTANZA unatarajiwa kufanyika Oktoba 20 na fomu hizo zimeanza kutolewa leo ambapo wanamichezo wanaotaka kugombea nafasi za juu watapaswa kulipia kiasi cha Sh 100,000 na zile za ujumbe kwa sh 50,000.
Katibu Msaidizi wa chama hicho, Abeid Kasabalala aliiambia MICHARAZO nafasi zitazowaniwa kwenye uchaguzi huo ni Uenyekiti, Umakamu Mwenyekiti, Ukatibu Mkuu na Msaidizi wake, Mhazini na Msaidizi wake ambao gharama za fomu ni Sh 100,000.
Kasabalala aliyewahi kutamba zamani na timu za Plisners na Mecco ya Mbeya, alisema nafasi nyingine katika uchaguzi huo ni Ujumbe wa Mkutano Mkuu wa TFF na nafasi saba za Kamati ya Utendaji ambazo gharama zake ni sh. 50,000.
"Zoezi la uchukuaji na urudishaji wa fomu za uchaguzi mkuu wa SPUTANZA linaanza rasmi leo (jana) fomu zinapatikana eneo la Magomeni, " alisema.
Kasabalala alisema mwisho wa zoezi hilo la kuchukua na kurudisha fomu ni siku ya Ijumaa kabla ya zoezi la kuyapitia majina, pingamizi na usaili kufanyika takati kwa uchaguzi huo utakaoiwezesha SPUTANZA kupata viongozi wapya.
Katibu huyo alisema wakati zoezi hilo la uchaguzi wa taifa ukianza rasmi, chaguzi za vyama vya mikoa inaendelea kufanyika na kusema mikoa yote imetakiwa iwe imaliza chaguzi zao kabla ya Oktoba 10.
"SPUTANZA Taifa tumewashawaeleza vyama vyote vya mikoa iwe imeshafanya chaguzi zao kabla ya Oktoba 10 ili kuwawezesha viongozi wao kushiriki uchaguzi wa taifa utakaofanyika siku kumi baadae," alisema.

Mwisho

MKURANGA wapata viongozi wapya wa soka

CHAMA cha Soka Wilaya ya Mkuranga, MDFA, kimefanikiwa kupata viongozi wake wapya baada ya chama hicho kufanya uchaguzi wake mkuu jana Jumapili.
Kwa mujibu wa Mwenyekiti wa Kamati ya Uchaguzi ya Chama cha Soka Mkoa wa Pwani, COREFA, iliyosimamia uchaguzi huo wa Mkuranga, Masau Bwire, uchaguzi huo wa MDFA ulifanyika wilayani humo juzi Jumapili, ambapo Sudi Baisi alichaguliwa kuwa Mwenyekiti mpya wa chama hicho.
Bwire, alisema Baisi alipata jumla ya kura 41 kati ya wajumbe 46 kutoka klabu 19 walioshiriki kinyang'anyiro cha uchaguzi huo ambao baadhi ya nafasi zilikosa wagombea wenye sifa za kuziwania.
Mwenyekiti huyo alisem, aliyechaguliwa kuwa Katibu Mkuu ni Issa Kivyele aliyezoa kura 42, huku John Malata alichaguliwa kuwa Mjumbe wa Mkutano Mkuu wa COREFA na Mwakilishi wa Klabu nafasi hiyo ilitetewa vema na Rashid Selungwi.
Bwire, alisema nafasi nyingine katika uchaguzi huo hazikuwa na wagombea na hivyo chama hicho kitalazimika kuitisha uchaguzi mdogo kwa ajili ya kuziba mapengo hayo.
MDFA kimekuwa chama cha pili kufanya uchaguzi wake mkuu baada ya awali Chama cha soka Kisarawe, KIDAFA kuchaguana wiki mbili zilizopita, huku vyama vingine viwili vya Rufiji na Mafia vyenyewe zikitarajiwa kufanya Septemba 29 sambamba na kile cha Soka la wanawake mkoa wa Pwani, TWFA.
Chama cha soka Bagamoyo chenyewe kitaitisha uchaguzi wake Oktoba 8, siku chache kabla ya kufanyika kwa uchaguzi mkuu wa COREFA utakaofanyika Oktoba 14 wilayani Mafia.

Mwisho

Kipemba achezwa shere 'trela' la Injinia

Msanii Issa Kipemba

KATIKA hali ya kushangaza kabla filamu yenyewe haijaingizwa sokoni wala kutangazwa itatoka lini, tayari wajanja wachache wameanza kusambaziana 'trela' la filamu ya 'Injinia', kupitia simu za mikononi, huku mwenye filamu hiyo, Issa Kipemba akiwa hana taarifa zozote.
Mwandishi wa habari hizi alifanikiwa kuwaona baadhi ya abiria ndani ya daladala wakirushiana trela la filamu hiyo kupitia simu zao za mikononi na yeye kuomba arushiwe kwa nia ya kuwa na ushahidi wa kutosha kwa kile alichokishuhudia.
Walipododoswa walipoipata 'trela' hilo ambayo filamu yake inahaririwa kwa sasa, abiria hao walidai wamerushiwa na jamaa yao.
MICHARAZO liliwasiliana na Issa Kipemba ambaye ndiye mtunzi na mmoja wa waigizaji wa filamu hiyo kutaka kujua juu ya jambo hilo, alidai hata yeye ameshangazwa na taarifa hizo akidai amekuwa akipokea simu tangu wiki iliyopita juu ya kuonekana kwa trela la filamu hiyo.
Kipemba alisema japo ni kweli alitengeneza 'trela' la filamu hiyo ya Injinia kwa ajili yake mwenyewe na kumpa mmoja wa rafiki yake aliyoiona, cha ajabu limesambaa hata kwa watu ambao hawakuwa na habari juu ya filamu hiyo.
"Kwa kweli wewe ni mtu wa 10 kama sikosei kunipigia simu kuniuliza juu ya jambo hilo, sijajua nani anayesambaza hilo trela, ingawa nililitengeneza kwa ajili yangu binafsi na nikampa mmoja wa watu wangu wa karibu japo sijui kama ndiye aliyesambaza au imevujia wapi," alisema Kipemba.
Mchekeshaji huyo aliyevuma na kundi la Kaole kabla ya kutoweka katika fani miaka nane iliyopita, alisema atachunguza ajue aliyevujisha 'trela' hilo, ili kuweza kumchukulia hatua zinazostahili kwa kuhofia isije 'akaumizwa', hata kabla filamu hiyo haijatoka.
Filamu hiyo ya 'Injinia', iliyoongozwa na Leah Richard 'Lamata' imeshirikisha wakali kama Kipemba, Jacklyne Wolper, Lumole Matovolwa na 'stelingi' Castro Dickson.

Omari Matuta: Wanchope wa Mtibwa aliyeamua kutundika daluga kwa muda

Omar Matuta 'Wanchope'

Omar Matuta 'Wanchope' (kati) akishangilia bao lililoipa Mtibwa Ubingwa wa Kombe la Tusker lililofungwa na Rashid Gumbo (kulia), Kushoto yao ni Uhuru Seleman alipokuwa wakiichezea Mtibwa Sugar

UMAHIRI wake wa kuwasumbua mabeki na kuwatungua makipa hodari uwanjani, ilimfanya Omar Matuta abatizwe jina la 'Wanchope' akifananishwa na nyota wa zamani wa Costa Rica aliyetamba timu za West Ham na Manchester City, Paulo Wanchope.
Kwa wanaomkumbuka Wanchope aliyezichezea pia Derby County na Malaga alikuwa na kipaji kikubwa cha ufungaji kilichomfanya ashikilie nafasi ya pili ya wafungaji bora wa timu yake ya taifa akiifungia mabao 45 katika mechi 73 alizoichezea.
Kama ilivyokuwa kwa Wanchope, ndivyo ilivyokuwa kwa Matuta, ambaye katika timu zote alizozichezea kuanzia zile za Ligi daraja la nne mpaka za Ligi Kuu Tanzania  amekuwa akifungia mabao muhimu na kuwa tegemeo.
Nyota huyo aliyewahi kutamba na timu za Ndanda Republic, Vijana Ilala, AFC Arusha kabla ya kudakwa na Mtibwa Sugar tangu mwaka 2004 anakumbukwa na mashabiki nchini kwa mabao yake mawili yaliyoipa nafasi timu ya vijana 'Serengeti Boys' tiketi ya kucheza Fainali za Vijana Afrika za mwaka 2005.
Matuta alifunga katika ushindi wa 3-1 dhidi ya vijana wa Zimbabwe yaliyoifanya ifuzu kwa jumla ya mabao 4-1 baada ya kwenda kushinda 1-0 Harare kwa bao la Nizar Khalfan, hata hivyo waliondolewa fainali na kufungiwa na CAF kwa udanganyifu.
Bao lake la pili katika mechi hiyo, Matuta analitaja kama bao bora kwake kwa namna alivyolifunga, ingawa mechi isiyofutika kichwani mwake ilikuwa ni dhidi ya Ethiopia mwaka 2005 kwa namna walivyofanyiwa vimbwanga na kufungwa kwa hila.
Matuta, ameamua kupumzika soka msimu huu baada ya kumalizika kwa mkataba wake na Mtibwa klabu anayoitaja kuwa bora kwake na anayeishabikia.
"Nimeamua kupumzika ili nifanye mambo yangu binafsi, ila  nikiwahi kumaliza huenda  nikarejea tena dimbani kwenye duru la pili la ligi kuu, ingawa sijui itakuwa timu ipi."
Mkali huyo anayefurahia soka kumpa mafanikio kimaisha ikiwamo kujenga nyumba Kigamboni na kumiliki miradi kadhaa ya biashara, anasema hajawahi kuona klabu iliyo makini na inayojali wachezaji wake kama Mtibwa Sugar.
Anasema kama mfumo wa klabu hiyo wa kujali na kuwathamini wachezaji wake ndio unaomfanya aiheshimu Mtibwa iliyomuuguza goti lake kwa miaka miwili kitu alichodai kwa klabu nyingine nchini ni vigumu kufanya jambo hilo hata kama umeisaidia vipi.

OWINO
Matuta asiyekumbuka idadi ya mabao aliyoyafunga kwa kutoweka kumbukumbu,  anasema licha ya umahiri wake dimbani, kwa beki wa kimataifa wa Azam, Mganda Joseph Owino ndiye ananayemnyima raha kwa uwezo wake mkubwa kisoka.
"Ni bonge la beki, anacheza kwa akili na ndiye anayenisumbua dimbani tangu nianze kukutana nae katika mechi za kimataifa na zile za Ligi Kuu Tanzania Bara."
Matuta anayependa kula ugali kwa samaki au nyama choma na kunywa vinywaji laini, anasema uwezo wake uwanjani na mwili na nguvu alizojaliwa huwa hapati shida kwa  mabeki wenye papara na wanaotumia nguvu, tofauti akutanapo na Owino.
Matuta, ambaye hajaoa ila ana mtoto mmoja aitwae Zuma, anayesoma darasa la tatu katika Shule ya msingi Bunge, anasema soka la Tanzania licha ya kusifiwa kukua ukweli  limedumaa kwa muda mrefu kutokana na sababu kadhaa.
Anadai moja ya sababu hizo ni u-Simba na u-Yanga uliowaathiri karibu wadau wote wa soka, kufutwa kwa mfumo wa ligi ya madaraja kama ilivyokuwa zamani na kupewa kisogo kwa michezo ya Yosso.
"Usimba na uyanga na kubadilishwa kwa mfumo wa ligi ya madaraja kama ilivyokuwa zamani ni sababu ya kukwama kwetu sawa na kupuuzwa kwa soka la vijana wenzetu wamekuwa wakilitegemea kupatia mafanikio yao," anasema.
Anasema ni muda wa wadau wa soka kubadilika japo anakiri huenda ikawa ngumu kwa namna ushabiki huo ulivyowathiri watu, pia akiwaomba viongozi wa FA na klabu kuwekeza nguvu kwa vijana sawia na kuwaruhusu kucheza soka nje ya nchi.

MIKWAJU
Matuta, mwenye ndoto za kufika mbali kisoka na kuwa mfanyabiashara mkubwa hapo baadae, anasema wakati akiibukia kwenye soka alipata wakati mgumu kwa baba yake ambaye ni marehemu kwa sasa aliyekuwa hapendi acheze soka badala yake asome.
Anadai baba'ke alilazimika wakati mwingine kumcharaza bakora ili kumzuia kucheza soka na kukazinia masomo, lakini haikusaidia kitu kwani alijikuta akikacha hata masomo ya sekondari ili ajikite kwenye soka.
"Nilikacha masomo ya sekondari pale JItegemee kwa ajili ya soka, wakati mwingine huwa najuta, lakini nafarijika kwa mafanikio niliyonayo," anasema.
Matuta aliyemudu pia nafasi za kiungo, anawashukuru makocha Mussa Stopper, Mzee Panju na Abdallah Kibadeni waliogundua na kukikiendeleza kipaji chake, pia akiwataja wazazi wake na uongozi mzima wa Mtibwa kumsaidia kufika hapo alipo.
Mkali huyo, aliyezaliwa mwaka 1988, akiwa mtoto wa nne kati ya watano wa Mzee Othman Matuta, anadai alivutiwa kisoka na nyota wa zamani wa RTC Kagera, Msabah Salum, licha ya kukiri kukunwa na soka la Ronaldo de Lima na Romario wa Brazil.
Matuta alianza safari yake kisoka tangu akisoma Shule ya Msingi Uhuru Mchanganyiko, akiichezea timu ya yosso ya Vijana Ilala na baadae kupandishwa timu B na baadae kutua Ndanda kuichezea Ligi Daraja la Nne wilayani Ilala kabla ya kurudishwa Vijana Ilala alioisaidia kuipandisha Ligi Kuu Tanzania Bara mwaka 2002.
Bao pekee aliloifungia Vijana dhidi ya Pallsons ya Arusha ndilo lililoipandisha daraja timu hiyo jambo ambalo anadai anajivunia mpaka sasa kabla ya kuichezea AFC Arusha katika michuano ya Nane Bora ya Ligi Kuu na mwaka 2004 kutua Mtibwa aliyoichezea mpaka msimu uliopita akiisaidia kuiwezesha kushika nafasi ya nne katika Ligi Kuu.
Akiwa Mtibwa, Matuta anayechizishwa na rangi zote isipokuwa zenye mng'ao mkali,

alitwaa nao ubingwa wa Kombe la Tusker- 2008, akiwa mmoja wa walioifungia mabao akishirikiana na Uhuru Seleman, Monja Liseki na Rashid Gumbo.
Kuhusu timu ya taifa aliyoichezea kuanzia timu za vijana tangu mwaka 2004, anasema inaweza kufuzu fainali za kimataifa iwapo TFF na wadau wote wataipa maandalizi ya kutosha.
Anasema chini ya kocha Kim Poulsen anamatumaini makubwa licha ya kutaka wadau kumpa nafasi kocha huyo na kuepukwa kubadilishwa kila mara kwa kikosi cha timu hiyo ili kuwafanya wachezaji wazoeane.
Pia anataka timu za taifa za vijana zipewe kipaumbele zikitafutiwa wadhamini wake ili kuwa na maandalizi mazuri, huku akiitaka TFF irejeshe mfumo wa ligi ya madaraja na kuwa wakali kwa wavunjaji wa kanuni za sheria za soka.

Omar Matuta 'Wanchope' akiwa ameshikilia kombe la Tusker la mwaka 2008 alilotwaa na Mtibwa Sugar

Vazi la taifa miaka 51 ya Uhuru wa Tanganyika

Waziri wa Habari Utamaduni Vijana na Michezo Dk Fenella Mukangara

VAZI rasmi la Taifa linatarajia kuanza kuvaliwa siku ya kilele cha sherehe za miaka 51 ya Uhuru wa Tanzania zitakazofanyika Desemba 9, mwaka huu imeelezwa.
Akizungumza jana jijini Dar es Salaam, Waziri wa Habari, Utamaduni, Vijana na Michezo, Dk. Fenella Mukangara, alisema vazi hilo litavaliwa baada ya mchakato mzima wa kulipata vazi hilo utakapokamilika ambapo umepitia hatua mbalimbali.
Waziri Fenella alisema wizara yake inatarajia kuchukua michoro minne kati ya tisa iliyopitishwa na Kamati ya Vazi la Taifa iliyoundwa ambapo pia mchakato huo unahusisha kupata aina ya kitambaa kitakachotumika kutengenezea vazi hilo.
Waziri huyo alisema kuwa michoro hiyo minne (miwili ya vazi la kitenge na mingine ya khanga) itachukuliwa na kuwasilisha kwa sekretariati ya Baraza la Mawaziri ambalo litatakiwa kufanya maamuzi kabla ya Oktoba 31 mwaka huu.
"Baada ya kupata vazi hilo,kila mtu atakuwa na uhuru wa kuvaa mtandio, kushona gauni, shati au kuvaa kitambaa cha kichwani ambacho kitakuwa kinaonyesha vazi la taifa," alisema Fenella.
Katibu wa Kamati ya Vazi la Taifa, Angella Ngowi alisema kuwa kamati yake ilipokea maoni kutoka katika sehemu mbalimbali nchini na kuongeza kwamba mchakato wa kupata vazi hilo ulianza mwaka 2003.
Alisema kuwa michoro yote iliyopo katika mchakato huo ina rangi za bendera ya taifa na alama mbalimbali kama picha ya mlima Kilimanjaro, mwenge wa Uhuru, ala za muziki na picha za wanyama (Twiga na Pundamilia).

Hosea Mgohachi: Mpiga besi wa Extra afurahie muziki kumwezesha kimaisha

Hosea Mgohachi akiwa kwenye pozi kwenye ukumbi wa White House, Kimara

Moja ya nyumba za mwanamuziki Hosea Mgohachi

Hosea Mgohachi akicharaza gitaa kwenye mazoezi ya bendi yake ya Extra Bongo

Hosea akionyesha manjonjo yake kwenye moja ya maonyesho ya Extra Bongo nchini Finland hivi karibuni ilipoenda kwa ziara maalum nchi za Scandinavia

WAKATI wasanii na wanamuziki wengine wakilia kwamba fani zao zimekuwa zikishindwa kuwanufaisha kimaisha kwa sababu hizi na zile, kwa mkung'uta gitaa la besi wa Extra Bongo, Hosea Mgohachi 'Fukuafuku' kwake ni tofauti. Mgohachi, anasema anashukuru Mungu muziki aliouanza tangu akiwa kinda akiimba na kupiga ala shuleni na kanisa la Anglican-Kurasini, umemsaidia kwa mengi kiasi hajutii kujitosa kwke kuifanya fani hiyo. "Sio siri muziki umenisaidia mengi kiasi najivunia fani hii kwani, imeniwesha kumiliki nyumba mbili zilizopo Mbagala Kilungule na Mbagala Kuu, pia nina mradi wa 'Bodaboda' wenye pikipiki kadhaa," anasema. Mbali na hayo, Mgohachi anasema muziki umemwezesha pia kutembea nchi kadhaa duniani, kupata rafiki na kuitunza familia yake kwa pato la fani hiyo. Mgohachi, mwenye ndoto za kuja kuwa mfanyabiashara mkubwa, anasema siri ya mafanikio yake imetokana na nidhamu yake katika matumizi ya fedha na kiu kubwa aliyonayo ya kuwa mfanyabiashara atakapostaafu muziki. "Mtu hupata mafanikiokwa kujituma kwa bidii, ila kubwa ni suala la nidhamu hasa kwa matumizi ya fedha, kitu ambacho nimekuwa nikizingatia kwa muda mrefu hadi kufika hapa nilipo," anasema. Anasema hata kwa wasanii na wanamuziki wenzake ni vema wakazingatia hilo iwapo wanataka kufika mbali licha ya ukweli pato litokanalo na sanaa kukiri kuwa dogo kulinganisha na ukubwa wa kazi. MDUDU Mpiga gitaa huyo aliyesoma darasa moja na nyota wa muziki wa kizazi kipya anayetamba kundi la Wanaume Halisi, Sir Juma Nature, anasema wakati akichipukia kwenye muziki alivutiwa na kwaya za St James na Kristo Mfalme. Ila kwa sasa anadai anakunwa na wapiga gitaa Minicha na Kapaya waliopo pamoja na nyota wa DR Congo, Werrason Ngiama Makanda na mpiga solo nyota wa Extra Bongo, aliyewahi kutamba na bendi kadhaa nchini Ephrem Joshua 'Kanyaga Twende'. "Hawa jamaa nawazimia sana kwa ucharazaji wao wa magitaa, hasa Joshua, yaani tukiwa kundi moja utashangaa vitu tunavyotoa," anasema. Mkali huyo, anayeitaja Extra Bongo kama bendi bomba kwake kwa namna inavyomtunza na kumlipa dau kubwa kuliko bendi zote alizowahi kuifanyia kazi, anasema hakuna chakula anachopenda kula nyama ya nguruwe maarufu kama 'Kitimoto' au 'Mdudu'. "Aisee katika vyakula ninavyopenda kula hakuna kama 'mdudu' yaani ukitaka kunifurahisha we nipe nyama hii kwa ndizi za kuchoma ," anasema. Mgohachi, ambaye hajaoa kwa sasa ingawa yu mbioni kufanya hivyo kwa mwanamke anayeishi naye, anasema pia anapenda kunywa soda na siku moja moja kusuuza roho yake kwa kugida bia. OKWI Akiwa na watoto watatu, Wilson, 7 anayesoma darasa la pili Shule ya Msingi Mwananyamala, Mery, 7, anayesoma darasa la pili Shule ya Msingi Mtoni na Junior, 3, Mgohachi anasema japo soka halicheza sana utotoni mwake, lakini ni shabiki mkubwa wa mchezo huo. Anasema yeye ni shabiki mkubwa wa Simba na Manchester United akimtaja Emmanuel Okwi anayichezea Simba kama anayemkuna kwa umahiri wake wa kufumania nyavu uwanjani. "Kati ya nyota wanaonipa raha katika soka Emmanuel Okwi ndiye kinara wao, huyu jamaa ana akili ya kufunga, mjanja na ana kipaji cha kipekee hata Yanga wanamjua," anasema kwa utani huku akicheka. Mgohachi anayepiga magitaa yote na kupapasa kinanda, anasema hakuna tukio la furaha maishani mwake kama alipomaliza kujenga nyumba yake ya Mbagala Kuu na kusitikishwa na kifo cha dada yake kilichotokea mwaka 1999. Juu ya muziki wa Tanzania, Mgohachi anayeiomba serikali iitupie macho fani ya sanaa ili kuwainua wasanii, anasema umepiga hatua kubwa tofauti na miaka ya nyuma, ingawa anataka wanamuziki kubadilika na kuwa wabunifu zaidi./ Anasema ubunifu utaweza kuutangaza muziki huo kimataifa kama ilivyokuwa ikifanywa na makundi kama Tatu Nane, InAfrica Band na wengine. "Lazima tuwe wabunifu tuweze kutamba kimataifa, tuachane na kasumba na kupenda kuwaiga wakongo tunawatangaza zaidi wao badala ya muziki wetu," anasema. ALIPOTOKA Hosea Simon Mgohachi, alizaliwa Aprili 14, 1978 jijini Dar es Salaam akiwa mtoto wa nne kati ya watano wa familia yao, alisoma Shule ya Msingi Kurasini alipoanza kuonyesha kipaji chake cha sanaa akiimba kwaya na kupiga ala. Mbali na shuleni, Mgohachi pia alikuwa akiimbia kwaya ya kanisa lao la Anglican chini ya walimu Charles na Yaredi Disanura kabla ya kupitia makundi ya Chikoike Sound na Mwenge Jazz. Bendi yake ya kwanza kuifanyia kazi kama mwanamuziki kamili ni African Beat mnamo mwaka 1998 kabla ya kutua Mchinga Sound 'Wana Kipepeo' akiwa na rafikie Ibrahim Kandaya 'Profesa' aliyepo Msondo Band kwa sasa. Bendi nyingine alizofanyia kazi mwanamuziki huyo anayewaasa wasanii wenzake na watanzania kwa ujumla kujiepusha na Ukimwi kwa kujenga utamaduni wa kuwa waaminifu na kupima afya zao sawia na kutumia kondomu inaposhikana ni Double M Sound, Double Extra, Chipolopolo na African Vibration. Pia amewahi kufanya kazi za muziki Umangani kwa zaidi ya mara mbili wakati akiipigia bendi ya African Stars 'Twanga Pepeta' kabla ya mwaka jana kuhamia Extra Bongo alionao mpaka sasa akiwa amerejea nao kutokea nchi za Skandinavia. Mgohachi anayependa kutumia muda wake kuangalia vipindi vya runinga na kusikiliza muziki wa Bongofleva akimzimia Sir Juma Nature anasema atakuwa mchoyo wa fadhila kama hatawashukuru wazazi wake, Mama Shuu, Mudhihir Mudhihir na Ally Choki kwa namna walivyomfikisha hapo alipo.

Hosea Mgohachi akiwa katika pozi

Hosea Mgohachi akiwa na mwanae Junior