Tottenham yashindwa kufurukuta kwa Everton

TOTTENHAM Hotspur jioni hii imeshindwa kukwea kwenye nafasi ya pili katika msimamo wa Ligi Kuu ya England baada ya kulazimishwa suluhu na wenyeji wao Everton.
Spurs walikuwa na nafasi ya kushika nafasi ya pili kama ingeifunga Everton kwani ingefikisha pointi 22 ambazo zinepita pointi 20 ilizonazo timu za Liverpool na Chelsea ambazo jana zilichezea vichapo katika mechi zao za Ligi hiyo.
Kwa suluhu hiyo timu hizo zimegawana pointi ambapo Spurs imepanda hadi nafasi ya nne nyuma ya Chelsea na Liverpool zote zikiw na pointi 20, lakini zikitofautiana idadi ya mabao ya kufunga na kufungwa.
Ratiba ya ligi hiyo inaendelea hivi kwa pambano jingine jioni hii kati ya Cardiff City dhidi ya Swansea City.

Inatisha! Hivi ndivyo alivyojeruhiwa Dk Mvungi

Mtoto wa Dk. Sengodo Mvungi, Deogratius Mwarabu (kushoto) akiwa na baadhi ya wajumbe wa Tume ya Mabadiliko ya Katiba, Joseph Butiku (katikati), na Prof. Paragamba Kabudi walipofika MOI kumjulia hali Mjumbe wa Halmashauri Kuu ya Chama cha NCCR-Mageuzi ambaye amefikishwa MOI baada ya kuvamiwa na watu wasiojulikana na kukatwa mapanga. 

 Mjumbe wa Halmashauri Kuu ya Chama cha NCCR-Mageuzi, Dk. Sengodo Mvungi akitolewa katika chumba cha huduma za dharura MOI na kupelekwa katika hospitali ya Aga Khan jijini Dar es Salaam kwa ajili ya kufanyiwa vipimo.

Wauguzi wakimsaidia kuelekea katika gari la wagonjwa.

Wauguzi wakimsaidia kuelekea katika gari la wagonjwa. 

Dk. Sengodo Mvungi akipata matibabu ndani ya gari la kubeba wagonjwa wakati akipelekwa hospitali ya Aga Khan.

Dk. Sengodo Mvungi akiwa na majeraha kichwani na sehemu za paji la uso.

Na Hapiness Katabazi

MJUMBE wa Tume ya Mabadiliko ya Katiba nchini na mhadhiri mwandamzi wa Sheria wa Chuo Kikuu cha Bagamayo (UB), Dk. Sengondo Adrian Mvungi, saa saba usiku wa kuamkia leo amevamiwa na watu wasiyojulikana nyumbani kwake Kibamba nje kidogo ya jiji la Dar es Salaam na kumcharanga mapanga maeneo ya mwilini mwake ikiwemo sehemu za kichwani kwa madai kuwa watu hao wanaosadikiwa kuwa ni majambazi walikuwa wakimshinikiza awapatie fedha na Dk. Mvungi alipowaambia hana fedha ndipo walipoanza kumcharanga mapanga.

Mtoto mkubwa wa Dk. Mvungi, Dk. Natujwa Mvungi ambaye ni Mkuu wa Shule ya Sheria ya Chuo Kikuu cha Bagamoyo Dar es Salaam, saa nane usiku alimdhibitishia mwandishi wa habari hizi kuwa ni kweli baba yake ambaye aliwahi kuwa mgombea urais wa Jamhuri ya Muungano wa Tanzania,katika uchaguzi mkuu wa mwaka 2005 kwa tiketi ya Chama cha NCCR-Mageuzi, lakini kura kwa upande wake hazikutosha na hatimaye aliyekuwa mgombea mwenzie kwa tiketi ya CCM, Dk. Jakaya Mrisho Kikwete, ndiye aliyeshinda na kutangazwa kuwa ndiye Rais wa Jamhuri ya Muungano wa Tanzania hadi sasa alivamiwa na kujeruhiwa na mapanga na watu wasiyojulikana.

Dk. Natujwa anasema baada ya watu hao kumjeruhi baba yake na kufanikiwa kuondoka, walimchukua na kumkimbiza katika Hospitali ya Tumbi mkoani Pwani, na kupatiwa matibabu ya huduma ya kwanza na kisha kumkimbiza katika Hospitali ya Taifa ya Muhimbili ambapo alisema kwanza alipokelewa katika eneo la Emergence na kisha saa kumi na moja asubuhi aliingizwa kwenye wodi ya Taasisi ya Mifupa Moi kwa ajili ya kuanza kupewa matibabu.

HABARI MSETO

Yanga ni balaa Ligi Kuu, Mgambo mmh!

Amissi Tambwe (kulia) Kinara wa mabao Ligi Kuu akiwa na bao 9

Hamis Kiiza 'Diego' anayefuata kwa magoli mengi

PAMOJA na kuporomoshwa kwenye msimamo wa Ligi Kuu Tanzania Bara mpaka nafasi ya tatu, mabingwa watetezi Yanga ndiyo timu yenye safu 'wembe' ya ushambuliaji katika ligi hiyo ikiwa imefunga mabao 28.
Mabao 10 kati hayo mabingwa hao walipata katika mechi zao tatu mfululizo zilizochezwa hivi karibuni dhidi ya timu za maafande.
Yanga ikiwa na magoli 28 ya kufunga yenyewe imeruhusu mabao 11 na kuwa na uwiano mzuri wa mabao ya kufunga na kufungwa 17 ikizizidi timu nyingine 13 zinazoshiriki ligi hiyo inayomaliza duru la kwanza wiki ijayo.
Simba walio kwenye nafasi ya nne katika msimamo huo ndiyo inayowafuata Yanga kwa kufumania nyavu mara nyingi ikiwa na mabao22 na kufuatiwa na Azam kisha Mtibwa Sugar zenye mabao 20 na 17.
Mabingwa wa zamani wa soka Tanzania, Coastal Union ndiyo timu yenye safu ngumu katika ligi hiyo ikiwa imeruhusu mabao sita mpaka sasa ikifuatiwa na timu za Azam na Mbeya City zenye kufungwa mabao 7 kila moja.
Timu yenye ukuta mwepesi katika ligi hiyo ni Mgambo JKT iliyofungwa mabao 21 na kufuatiwa na Ashanti United iliyoruhusu mabao 20.
Safu butu ya ushambuliaji katika ligi hiyo ni Mgambo yenye mabao matatu tu ikifuatiwa na Prisons Mbeya ambayo jioni hii inashuka dimbani kuwakaribisha Oljoro JKT katika mechi ya mwisho ya raundi ya 12.
Mpaka sasa ligi ikiwa imebakiza mzungumko mmoja kabla ya kumaliza duru la kwanza jumla ya mabao 182 yamefungwa na timu 14 zinazoshiriki ligi hiyo ambayo kwa sasa inaongozwa na Azam yenye pointi 26 sawa na Mbeya City zinazotofautishwa na uwiano wa mabao iliyonayo.
Mshambuliaji Amissi Tambwe wa Simba akiendelea kuongoza akiwa na mabao 9 akifuatiwa na Hamis Kiiza 'Diego' wa Yanga mwenye magoli 8.
Yanga iliyokuwa kileleni imerejea nafasi ya tatu ikiwa na pointi 25 kisha Simba wakifuatia na pointi zao 21,  wakifuatiwa na Mtibwa Sugar ambayo ushindi wa jana dhidi ya Rhino Rangers umewafanya wafikishe pointi 19.
Kagera Sugar yenye ipo nafasi ya 6 ikiwa na pointi 17 na Ruvu Shooting iliyofungwa na Azam jana imeporomoka toka nafasi ya sita hadi ya nane ikiwa na pointi 16 sawa na Coastal ambayo sare yake ya jana dhidi ya Mgambo imechupa hadi nafasi ya saba.
Mgambo imeendelea kuburuza mkia ikiwa na pointi sita ikifuatiwa na Oljoro yenye pointi 7 na Prisons yenye pointi 8, japo yoyote kati ya timu hizo inaweza kuchupa toka nafasi ilizopo kama moja wapo itashinda kwqenye uwanja wa Sokoine-Mbeya watakapoumana jioni hii.

Msimamo wa Ligi Kuu Tanzania Bara 2013-2014    
                                  P    W   D   L    F    A   GD   PTS
01.Azam                    12   7    5    0   20    7    13    26
02.Mbeya City           12   7    5    0   16    7     9     26
03.Yanga                    12   7    4    1   28   11   17    25
04.Simba                    12   5    6    1   22   11   11    21
05.Mtibwa Sugar        12   5    4    3   17   15    2     19
06.Kagera Sugar         12   4    5    3   12    9     3    17
07.Coastal Union        12    3    7    2   10    6     4    16
08.Ruvu Shooting        12   4    4    4   13   13     0    16
09.JKT Ruvu              12    4    0    8    9    16   -7    12
10.Rhino Rangers        12    2    4    6    9   16    -5   10
11.Ashanti                   12    2    4    6   10  20   -10  10
12.Prisons                   11    1    5    5     5   14   -9    8
13.Oljoro                    11    1    4    6     8    16  -8    7
14.Mgambo                12    1    3    8     3    21 -18   6

Wafungaji:
9- Tambwe Amisi (Simba)
8- Hamis Kiiza (Yanga)
7- Elias Maguri (Ruvu Shooting), Juma Luizio (Mtibwa Sugar), Kipre Tchetche (Azam)
5- Tumba Sued (Ashanti Utd), Themi Felix (Kagera), Didier Kavumbagu, Mrisho Ngassa (Yanga)
4-Peter Michael (Prisons), Jerry Santo (Coastal Union), Jerry Tegete (Yanga)
3- Haruna Chanongo, Jonas Mkude (Simba), Bakar Kondo (JKT Ruvu), Themi Felix (Kagera), Paul Nonga (Mbeya City), Salum Machaku (JKT Ruvu), Jerry Santo (Coastal Union),  Mcha Khamis (Azam)
2- Haruna Moshi, Crispian Odulla (Coastal Union), Saady Kipanga (Rhino Rangers), Mwagani Yeya, Jeremiah John, Peter Mapunda,(Mbeya City), Godfrey Wambura (Kagera Sugar), Shaibu Nayopa, Amir Omary (JKT Oljoro), Joseph Kimwaga (Azam), Shaaban Nditti (Mtibwa Sugar), Betram Mombeki, Ramadhani Singano (Simba), Said Dilunga (Ruvu Shooting)
1- Abdi Banda, Danny Lyanga (Coastal Union), Henry Joseph, Joseph Owino, Gilbert Kazze (Simba), Haruna Niyonzima, Nizar Khalfan, Simon Msuva, Frank Dumayo, Mbuyi Twitte, Oscar Joshua (Yanga), Iman Joel, Salum Majid, Mwalimu Musuku, Kamana Salum, Hussein Abdallah, Abbas Mohammed (Rhino Rangers), Gaudence Mwaikimba, Seif Abdallah,  Aggrey Morris,  John Bocco, Faridi Maliki, Hamphrey Mieno, Salum Abubakar, Erasto Nyoni (Azam), Steven Mazanda, Richard Peter, Deo Deus  (Mbeya City), Laurian Mpalile (Prisons-OG), Shaaban Susan, Jerome Lembeli, Cosmas Ader  (Ruvu Shooting), Masoud Ally, Shaaban Kisiga, Salim Mbonde (Mtibwa Sugar), Shaaban Juma, Anthony Matangalu, Paul Maono(OG), Samir Luhava (OG), John Matei, Mwinyi Ally (Ashanti Utd), Abdallah Bunu, Emmanuel Switta, Amos Mgisa (JKT Ruvu), Fully Maganga, Hamis Msafiri (Mgambo JKT), Seleman Kibuta, Daud Jumanne, Maregesi Marwa, Clement Douglas, Salum Kanoni (Kagera Sugar), Paul Malipesa, Expedito Kidulo, Nurdin Mohammed, Fikiri Mohammed (Oljoro JKT)

Ratiba ya kufungia duru la kwanza:
Nov 06, 2013
JKT Ruvu vs Coastal Union
Ashanti Utd vs Simba
Ruvu Shooting vs Mtibwa Sugar
Kagera Sugar vs Mgambo JKT

Nov 07, 2013
Azam vs Mbeya City
Rhino Rangers vs Prisons
Yanga vs Oljoro JKT 

Orlando yabanwa nyumbani na Al Ahly Fainali Afrika

Wachezaji wa Al Ahly na Orlando walipokutana katika hatua ya makundi

BAO la mapema la mkongwe wa Misri, Mohammed Aboutrika limeweka kuiweka katika nafasi nzuri klabu ya Al Ahly katika mbio zake za kutetea taji la Ligi ya Mabingwa Afrika baada ya kulazimisha sare ya bao 1-1 ugenini nchini Afrika Kusini dhidi ya wenyeji wao Orlando Pirates.'
Aboutrika alifunga bao hilo katika pambano la kwanza la Fainali za ligi hiyo kwenye dakika ya 14 na kudumu hadi kipindi cha kwanza kilipomalizika.
Hata hivyo wenyeji walikuja kuchomoa bao hilo kwenye dakika za nyongeza za pambano hilo (90+3) kupitia kwa Thabo Matlaba na kuwaokoa Orlando na kipigo nyumbani, ingawa sare hiyo inawapa wakati mgumu kuwawavua taji Al Ahly.
Timu hizo zitarudiana mwishoni mwa wiki ambapo Al Ahly itakuwa katikka nafasi nzuri ya kutetea taji hilo iwapo itapata hata suluhu tu, ingawa soka huwa halitabiriki.

Hawa ndiyo wanamichezo wenye wafuasi wengi katika Twitter

WAPO wanamichezo na mastaa kibao waliojiunga kwenye mitandao ya kijamii ambao huwa na Followers, wakishindana wenyewe kwa wenyewe.
Hapa chini ni orodha ya wanamichezo watano (Top 5) wenye followers wengi kwenye mtandao wa Twitter.

No.5- Shaquille O'neal-Milioni 8

Shaquille O'Neal

No. 4- Neymar- Milioni 9

Neymar

No.3- Lebron James-Milioni 10

Lebron James

No.2- Ricardo Kaka- Milioni 17
 

Ricardo Kaka

 No.1-Cristiano Ronaldo-Milioni 22

Cristiano Ronaldo

Binti wa Carren Mgonja apata Kipaimara cheki party yake

 

Carrenflora Mgonja wa kundi la wajasiliamali wa kikundi cha Habari Group akiwa na mumewe Patson Mlandali wakati wa kumfanyia part ya kipaimara bint yao Elizabet iliyofanyika katika ukumbi wa Abiola Buza Dar es salaam jana

Washereheshaji wa shughuli hiyo Anti Latifa kushoto na Sakina Lioka wakiwa na CArren Mgonja wakati wa sherehe ya mwanae

Elizabet

kutoka kushoto Hellen Mwango na Somoe N,gitu wafanyakazi wenzie

WAZAZI WAKICHEZA MZIKII

WAZAZI WAKITOA NENO LA KUWAKARIBISHA WAGENI

Carrenflora Mgonja

Angetile nje TFF, Wambura akaimu nafasi yake

Kaimu Katibu Mkuu wa TFF, Boniface Wambura

SAFU mpya ya uongozi wa Shirikisho la Soka Tanzania (TFF) iliyokutana jana kwa mara ya kwanza tangu waingie madarakani Oktoba 27, wamemtupa nje aliyekuwa Katibu Mkuu, Angetile Osiah na nafasi yake kukaimiwa na Afisa Habari wa shirikisho hilo, Boniface Wambura.
Kwa mujibu wa taarifa za ndani za kikao hicho kilichoendeshwa na Rais Jamal Malinzi ni kwamba Angetile amepewa likizo ya muda usiojulikana na wakati anasubiri hatima yake, Wambura ataendelea kusimamia kazi zake zote.
Hata hivyo TFF inatarajiwa kutoa taarifa rasmi juu ya suala hilo kutokana na ukweli kwa sasa safu hiyo 'inasafisha' shirikisho hilo ili kuanza upya chini ya uongozi wa Malinzi kwani tayari kamati zote zilizokuwepo enzi za rais aliyepita, Leodger Tenga zimevunjwa pia.

Hawa ndiyo Top 10 ya waigizaji visura- 2013

1. Elizabeth Michael Lulu(18)

Lulu is sexy and she knows it, she is confident with her natural beauty that is why we have seen this diva many times with no wigs or weaving, may be because she grew up onscreen. She is talented and very popular in the Tanzanian Swahili movie industry.

Elizabeth Michael

2.Omotola Jalade(35). 
The mother of four children is already known as Omosexy, she is very popular in Nollywood. She is an ageless beauty.

3.Jackie Appiah(29) 
Born in Canada but got huge popularity in the Ghananian movie industry, Jackie is sexy and talented.
She has appeared in many movies both in Ghana and Nigeria.

Jackie Appiah

4.Jackline Wolper(25)
Tanzanian Swahiliwood screen goddess, Wolper once said she makes sure she eats green vegetables, fruits and drinks lots of water every day to maintain her beauty. Wolper is a top actress in the Tanzanian movie industry and she has appeared in many movies this year.

Jacklyen Wolper

5.Genevieve Nnaji(34)
“Referred to as Julia Roberts of Africa” this Nollywood queen has maintained her beauty over years. She is simply beautiful and sexy.

Genevieve Nnaji

6.Nadia Buari(30)
Another Ghananian actress,Nadia is simply hot

Nadia Buari

 7.Yobnesh Yusuph “Batuli”(27)
Mother of two but she still looks hot leaving behind many of her contemporaries in the Tanzanian Swahili movie industry.

Batuli

8.Julieth Ibrahim(27)
Julieth is another Ghananian famous actress, early this year the bombshell actress said “The fact is and will always remain I, Juliet Ibrahim is 100 times hotter, prettier than Kim kardashian! I have every right to say so Coz I am an African woman without any surgeries and natural beauty is what I brag of”

Juliet

9.Ini Edo(31)
Edo is one of the hottest female stars in Nollywood whom their beauty can’t be hidden.

Ini Edo

10.Yvonne Cherryl”Monalisa”(32)
Despite being a mother of two Yvonne Cheryl popularly know as Monalisa has kept herself in shape over years. She is a true black beauty in Tanzanian Swahili movies.

Monalisa

source;djsekblog

Azam, Mbeya City yaziporomosha Yanga, Mtibwa yazinduka

Azam wakishangilia moja ya mabao yao ya jana

Mbeya City

BAO la kujifunga la beki wa Ashanti United, Samir Luhava, lilitosha kuifanya Mbeya City kuendeleza rekodi ya kushinda mechi mfululizo katika Ligi Kuu Tanzania Bara inayoicheza kwa mara ya kwanza na kurejea kwenye nafasi ya pili nyuma ya Azam waliorejea kileleni baada na wao kupata ushindi wa mabao 3-0.
Mbeya City, iliyokuwa nyumbani kwenye uwanja wa Sokoine inadaiwa haikuonyesha soka lake lilizoeleka kutokana na kubanwa na Watoto wa Jiji, Ashanti ambao walioinyesha walienda Mbeya kufuata ushindi.
Hata hivyo dakika ya 30 ya pambano hilo, Samir katika harakati za kuokoa mpira langoni kwake alijikuta akijifunga bao lililodumu hadi mwisho wa mchezo na kuwafanya Ashanti kurejea Dar kinyonge kusubiri kuumana na Simba siku ya JUmatano.
Nao Azam waliendelea kuonyesha dhamira yao ya kuwa mabingwa wapya nchini baada ya kuinyoa Ruvu Shooting mabao 3-0 na kuiporomosha Yanga hadi kwenye nafasi ya tatu katika msimamo wa Ligi Kuu kwa kurejea kileleni ikifikisha pointi 26.
Mabao ya Azam iliyokuwa uwanja wake wa nyumbani wa Chamazi yalifungwa na Kipre Tchetche, Joseph Kimwaga na Mcha Khamis 'Vialli'.
Mtibwa Sugar baada ya kukumbana na kipigo cha mbwa mwizi uwanja wa Mkwakwani, Tanga katika mechi iliyopita jana ilizinduka na kuinyoa Rhino Rangers kwa bao la Salim Mbonde huku, Coastal Union na Mgambo JKT zilishindwa kutambiana kwa kutoka suluhu.
Ligi hiyo itaendelea tena kwa pambano moja tu la kukamilisha mechi za raundi ya 12 kwa timu ya Prisons Mbeya kuialika Oljoro JKT kwenye uwanja wa Sokoine, Mbeya.

Dk Mvungi avamiwa, acharangwa mapanga

Dk Sengondo Mvungi

MJUMBE wa Tume ya Mabadiliko ya Katiba ambaye pia ni Mhadhiri Mwandamzi wa Sheria wa Chuo Kikuu cha Bagamoyo (UB), Dk. Sengondo Mvungi, usiku wa kuamkia leo amevamiwa na watu wasiyojulikana na kukatwa mapanga maeneo mbalimbali mwilini ikiwemo sehemu za kichwani kwa madai ya kutaka wapatie fedha. 

Watu hao walitimiza lengo lao hilo baada ya Dk. Mvungi kuwaambia hana fedha ndipo walipoanza kumcharanga mapanga.
Mtoto mkubwa wa Dk. Mvungi aitwaye Dk. Natujwa Mvungi ameeleza kuwa baada ya watu hao kumjeruhi baba yake na kufanikiwa kuondoka, walimchukua na kumkimbiza katika Hospitali ya Tumbi mkoani Pwani ambapo amepatiwa huduma ya kwanza kisha kumkimbiza katika Hospitali ya Taifa Muhimbili ambapo baadaye alipelekwa kwenye wodi katika Taasisi ya Mifupa (MOI) kwa ajili ya matibabu.
Dk. Mvungi aliwahi kugombea urais katika Jamhuri ya Muungano wa Tanzania mwaka 2005 kwa tiketi ya Chama cha NCCR-Mageuzi

Arsenal yaizima Liverpool, Man City yaua EPL

Raha ya ushindi bana ni mabao

Ramsey akitumbukiza wavuni bao la pili la Arsenal

ASRENE Wenger kocha wa Arsenal ameendelea kudhihirisha huu ni msimu wake baada ya 'babu' mwenzake, Sir Alex Ferguson kustaafu kufundisha soka baada ya vijana wake kuwafumua wenzao wa Liverpool na kuimarisha uongozi wao wa Ligi Kuu ya England.
Mabao mawili ya kila kipindi yaliyotosha kuwapa ushindi muhimu Arsenal kwenye uwanja wake wa nyumbani wa Emirates.
Bao la kwanza liliwekwa kimiani na Santi Carzola katika dakika ya 19 kabla ya Aaron Ramsey kuongeza la pili kwenye kipindi cha pili na kuifanya Arsenal kuimarisha uongozi wake kwa kufikisha pointi 25, pointi tano zaidi ya wapinzani wao na Chelsea ambayo mapema jana ilinyukwa mabao 2-0 na Newcastle United.
Katika mechi nyingine za ligi hiyo Manchester City ikiwa nyumbani iliifumua Norwich City kwa mabao 7-0, huku Manchester United wakipata ushindi muhimu ugenini dhidi ya Fulham walipowatungua mabao 3-1, huku West Ham United na Aston Villa silishindw akutambiana kwa kutoka suluhu.
Sunderland iliendelea kuwa mtepeto baada ya kunyukwa bao 1-0 na Hull City, West Bromwich iliipata ushindi wa mabao 2-0 nyumbani dhidi ya Crystal Palace na Stoke City na Southampton walishindwa kupata mbabe baina yao kwa kutoka sare ya baoa 1-1.
Ligi hiyo itaendelea leo kwa michezo miwili, Everton watakuwa nyumbani kuikaribisha Tottenham ambapo mshindi wowote wa pambano hilo atakwea hadi nafasi ya pili baada ya Chelsea na Liverpool jana kuangukia pua katika mechi zao. Pambano jingine la leo litakuwa kati ya Cardiff City dhidi ya Swansea City.

MATOKEO MITIHANI DARASA LA SABA YATOKA...SOMA HAPA

Dar es salaam, Tanzania
MATOKEO ya Darasa la Saba yametangazwa  na mwaka huu huku ufaulu ukiwa umeongezeka kutoka asilimia 30.72 mwaka jana mpaka asilimia 50.61 mwaka huu kutokana na wanafunzi walio fanya mtihani mwaka huu wa darasa la saba wamefaulu zaidi ukilinganisha na wanafunzi wa mwaka jana Kaimu mtendaji wa Baraza la Mtihani Charles Msonda amesema ufaulu katika masomo yote umepanda kwa asilimia kati ya 6.01 na 28.06 ukilinganisha na mwaka 2012.
Mwaka huu watahiniwa wamefahulu zaidi katika somo la Kiswahili kwa asilimia 69.06 na somo walilio faulu kwa kiwango kidogo zaidi ni somo la Hisabati wamefaulu kwa asilimia 28.62.
 Msonda amesema jumla ya watahiniwa 427,606 kati ya 844,938 walio fanya mtihani huo wamepata alama ya 100 kati ya alama ya 250 idadi hiyo ni sawa na asilimia 50.61

BOFYA HAPA KUONA SHULE YA MWANAO

Unyama! Mwanamke abakwa, alawitiwa hadi kufa

Kamanda wa Polisi wa Kilimanjaro, Robert Boaz

WATU wasiojulikana, walimvamia mwanamke mmoja wa kijiji cha Mrimbo Uuwo, Mwika mkoani  Kilimanjaro nyumbani kwake wakambaka na kumlawiti hadi kupoteza maisha.

Afisa mtendaji wa kijiji hicho, Elizabert Mkonyi, alisema mama huyo alivamiwa juzi saa 3 usiku na kufanyiwa unyama huo na baadaye kufungwa mikono na miguu.

Alisema, mama huyo alikutwa ndani kwake akiwa amefanyiwa unyama huo, huku chakula chake cha jioni kikiwa mezani na watu huo kutokomea na magodoro mawili.
“Tulitoa taarifa kwa jeshi la polisi na mwili wake umehifadhiwa katika hospitali ya Kilema,” alisema Mkonyi.

Hata hivyo Kamanda wa Polisi mkoani Kilimanjaro, Robert Boaz alipoulizwa kuhusu kutokea kwa tukio hilo, hakupatikana na alipotafutwa kwa njia ya ujumbe mfupi kupitia simu yake ya kiganjani alijibu: "Nina dharura nitakutafuta."

CHANZO: NIPASHE

Azam, Mbeya City kuendeleza rekodi zao Bara kesho

Azam

Mbeya City

MECHI za raundi ya 12 ya Ligi Kuu ya Vodacom (VPL) zinatarajiwa kuendelea tena kesho kwenye viwanja vinne tofauti, huku mashabiki wa soka wakitaka kujua kama Azam na Mbeya City ambazo ndizo pekee hazijapoteza mchezo mpaka sasa zitavuna nini?

Mbali na kuendeleza rekodi pia iwapo timu hizo zitashinda mechi zake hizo zitaiengua Yanga kileleni na kuiporomosha hadi nafasi ya tatu na zenyewe kurejea kwenye uongozi huo wakisubiri mechi za kufungia dimba la duru la pili katikati ya wiki ijayo.

Azam waliokuwa wakiongoza msimamo wa ligi hiyo mpaka jioni hii kabla ya Yanga kuwashusha yenyewe itaikaribisha Ruvu Shooting kwenye uwanja wa Chamazi, huku wapinzani wao, Mbeya City nao watakuwa dimba la nyumbani Sokoine kuialika Ashanti United.
Michezo hiyo ni migumu kwa timu zote nne, lakini kwa kasi ya Azam na Mbeya City ni wazi Ashanti na Ruvu watakuwa na kibarua kizito cha kuweza kudhibitisha kuwa wao nao ni kiboko iwapo watazisimamisha timu hiyo katika viwanja hivyo.
Afisa Habari wa Ruvu Shooting, Masau Bwire aliiambia MICHARAZO kwamba kesho wanataka kuweka rekodi ya kuwa timu ya kwanza msimu huu 'kuwatengua udhu' Azam kwenye uwanja wa Chamazi, kwa madai wamejiandaa vya kutosha kupata ushindi.
Bwire alisema kikosi chao kipo imara japo itaendelea kumkosa kiungo mkabaji wao, Juma Seif Kijiko ambaye alionyeshwa kadi nyekundu katika pambano baina ya timu yao na Ashanti United lililoisha kwa sare.
Ruvu imesema wakali wao kama Elias Maguri, Cosmas Ader, Stephen Mwasyika, Said Dilunga na wengine wapo tayari kuwazima Azam ambao wenyewe wamenukuliwa kupiotia meneja wao Jemedari Said kwamba wanataka kumaliza mechi za duru la kwanza wakiwa kileleni mwa msimamo ili kutimiza ndoto za kuja kuwa mabingwa wapya nchini.
Mechi nyingine za kesho ni kati ya Mgambo JKT itakayoumana na 'majirani' zao Coastal Union katika pambano linalosubiriwa kwa hamu litakalochezwa kwenye uwanja wa  Mkwakwani, Tanga huku Mtibwa Sugar ya Morogoro itaialika Rhino Rangers ya Tabora katika dimba la Manungu, Morogoro.
Siku ya Jumapili kutakuwa na mechi moja tu itakayowakutanisha 'Wajelajela' Prisons ya Mbeya itakayoikaribisha timu ya Oljoro JKT kwenye Uwanja wa Kumbukumbu ya Sokoine jijini Mbeya.
Katika mechi zao mwisho, Prisons ililala mabao 2-0 mbele ya Mbeya City wakati Oljoro ililazimishwa suluhu na Ashanti United.
Mechi za kufungia duru la kwanza zitaanza kuchezwa Novemba 6 kwa pambano kati ya Jkt Ruvu dhidi ya Coastal Union, Ashanti United dhidi ya Simba, Kagera Sugar kuwa wenyeji wa Mgambo JKT na Ruvu Shooting kuumana na Mtibwa Sugar.
Siku inayofuata yaani Novemba 7, Azam itacheza na Mbeya City uwanja wa Chamazi, huku mabingwa watetezi Yanga itaikaribisha Oljoro JKT na Rhino Rangers itakuwa dimba la nyumbani kuikaribisha Prisons ya Mbeya.

Simba, Kagera Sugar zavuna Mil 32 Taifa

Na Boniface Wambura

MECHI ya Ligi Kuu ya Vodacom kati ya Simba na Kagera iliyochezwa jana (Oktoba 31 mwaka huu) Uwanja wa Taifa, Dar es Salaam imeingiza sh. 32,726,000.

Washabiki waliohudhuria mechi hiyo namba 81 iliyomalizika kwa timu hizo kutoka sare ya bao 1-1 walikuwa 5,541 ambapo viingilio vilikuwa sh. 5,000, sh. 8,000, sh. 15,000 na sh. 20,000.

Mgawo wa mapato hayo ulikuwa kama ifuatavyo; Kodi ya Ongezeko la Thamani (VAT) sh. 4,992,101.69, gharama za kuchapa tiketi sh. 3,183,890 wakati kila klabu ilipata sh. 7,242,252.45.

Wamiliki wa uwanja walipata sh. 3,682,501.25, gharama za mchezo sh. 2,209,500.75, Bodi ya Ligi sh. 2,209,500.75, Mfuko wa Maendeleo ya Mpira wa Miguu (FDF) sh. 1,104,750.37, Chama cha Mpira wa Miguu Mkoa wa Dar es Salaam (DRFA) sh. 859,250.29.

Yanga 'yachinja' tena maafande Taifa, Ngassa dah!

 Mfungaji wa mabao mawili ya timu ya Yanga dhidi ya JKT Ruvu katika mchezo wa Ligi Kuu ya Soka Tanzania Bara, Mrisho Ngasa akishangilia bao lake la kwanza katika mchezo uliofanyika leo kwenye Uwanjawa Taifa jijini Dar es Salaam.

 Mshambulijia wa Yanga, Hamis Kiiza akiwa katika harakati za kufunga.

Wachezaji wa Yanga wakishangilia.

Beki wa JKT Ruvu akiokoa moja ya hatari langoni mwake.

Kiungo wa JKT Ruvu, Nashon Naftal akimtoka Mrisho Ngasa.

Simon Msuva akichuana na Kessy Mapande wa JKT Ruvu.

Mashabiki wa Yanga wakishangilia timu yao.

Wachezaji wa Yanga wakishangilia bao la tatu lililofungwa na Oscar Joshua. (Picha zote: Francis Dande)

JANGWANI wanacheka! Ndivyo unavyoweza kusema kutokana na Mabingwa watetezi wa Ligi Kuu Tanzania Bara, Yanga kuendelea kutoa dozi kwa timu za majeshi baada ya jioni hii kuivurumusha JKT Ruvu kwa mabao 4-0 na kukalia kiti cha uongozi wa ligi hiyo.
Mabao mawili ya mapema ya Mrisho Ngassa 'Uncle' na mengine ya kipindi cha pili yaliyofungwa na beki wa kushoto, Oscar Joshua na jingine la Jerry Tegete yameifanya Yanga kufikisha pointi 25 kutokana na kucheza mechi 12, huku Ngassa akifikisha jumla ya mabao matano katika orodha ya wafungaji na Tegete kufikisha manne.
Ushindi huo wa Yanga ni wa tatu mfululizo kwa maafande wa Jeshi baada ya awali kuitafuna Mgambo mabao 3-0 kisha kuisulubu Rhino Rangers kwa idadi kaka hiyo kabla ya leo kuisasambua JKT Ruvu.
Mabingwa hao watetezi watamaliza mechi zao za duru la kwanza kwa kuvaana tena na maafande wengine Oljoro JKT pambano lityakalochezwa Alhamis ijayo kwenye uwanja wa Taifa.
Ligi hiyo inatarajiwa kuendelea tena wikiendi hii katika viwanja viwanja vitano kuamliza mechi za raundi ya 12 kabla ya Jumatano na Alhamis kuhitimishwa kwa ligi hiyo ambayo msimu huu imekuwa na msisimko na ushindani mkubwa.


Msimamo wa Ligi Kuu Tanzania Bara 2013-2014                                         P    W   D   L    F    A   GD  PTS
01. Yanga                   12    7    4    1   28  11   17    25
02. Azam                    11    6    5    0   17   7    10    23
03. Mbeya City           11    6    5    0   15   7     8     23
04. Simba                   12    5    6    1   22  11    11    21
05. Kagera Sugar        12    4    5    3   12    9    3     17
06. Ruvu Shooting       11    4    4    3   13   10   3     16
07. Mtibwa Sugar        11    4    4    3   16  15    1     16
08. Coastal Union        11    3    6     2   10   6    4     15
09. JKT Ruvu              12    4    0    8    9   16  -7     12
10.Rhino Rangers         11    2    4    5    9   15  -6     10
11.Ashanti                    11    2    4    5    10  19 -9     10
12.Prisons                    11    1    5    5     5   14 -9      8
13.Oljoro                     11    1    4    6     8    16 -8     7
14.Mgambo                 11    1    2    8     3    21 -18   5

Wafungaji:
9- Tambwe Amisi (Simba)
8- Hamis Kiiza (Yanga)
7- Elias Maguri (Ruvu Shooting), Juma Luizio (Mtibwa Sugar)
6- Kipre Tchetche (Azam)
5- Tumba Sued (Ashanti Utd), Themi Felix (Kagera), Didier Kavumbagu, Mrisho Ngassa (Yanga)
4-Peter Michael (Prisons), Jerry Santo (Coastal Union), Jerry Tegete (Yanga)
3- Haruna Chanongo, Jonas Mkude (Simba), Bakar Kondo (JKT Ruvu), Themi Felix (Kagera), Paul Nonga (Mbeya City), Salum Machaku (JKT Ruvu), Jerry Santo (Coastal Union),
2- Haruna Moshi, Crispian Odulla (Coastal Union), Saady Kipanga (Rhino Rangers), Mwagani Yeya, Jeremiah John, Peter Mapunda,(Mbeya City), Godfrey Wambura (Kagera Sugar), Shaibu Nayopa, Amir Omary (JKT Oljoro), Khamis Mcha (Azam), Shaaban Nditti (Mtibwa Sugar), Betram Mombeki, Ramadhani Singano (Simba), Said Dilunga (Ruvu Shooting)
1- Abdi Banda, Danny Lyanga (Coastal Union), Henry Joseph, Joseph Owino, Gilbert Kazze (Simba), Haruna Niyonzima, Nizar Khalfan, Simon Msuva, Frank Dumayo, Mbuyi Twitte, Oscar Joshua (Yanga), Iman Joel, Salum Majid, Mwalimu Musuku, Kamana Salum, Hussein Abdallah, Abbas Mohammed (Rhino Rangers), Gaudence Mwaikimba, Seif Abdallah,  Aggrey Morris,  John Bocco, Joseph Kimwaga, Faridi Maliki, Hamphrey Mieno, Salum Abubakar, Erasto Nyoni (Azam), Steven Mazanda, Richard Peter, Deo Deus  (Mbeya City), Laurian Mpalile (Prisons-OG), Shaaban Susan, Jerome Lembeli, Cosmas Ader  (Ruvu Shooting), Masoud Ally, Shaaban Kisiga (Mtibwa Sugar), Shaaban Juma, Anthony Matangalu, Paul Maono(OG), John Matei, Mwinyi Ally (Ashanti Utd), Abdallah Bunu, Emmanuel Switta, Amos Mgisa (JKT Ruvu), Fully Maganga, Hamis Msafiri (Mgambo JKT), Seleman Kibuta, Daud Jumanne, Maregesi Marwa, Clement Douglas, Salum Kanoni (Kagera Sugar), Paul Malipesa, Expedito Kidulo, Nurdin Mohammed, Fikiri Mohammed (Oljoro JKT)