REDD'S MISS KIGAMBONI KWA MWAKA 2013 KUFANYIKA JUNI 7

REDD'S MISS KIGAMBONI KWA MWAKA 2013 KUFANYIKA JUNI 7

Miss Kigamboni 2012, Eda Sylvester (katikati) kushoto ni mshindi wa pili Agness Godluck (kulia) ni mshindi wa tatu Elizabeth Boniface, walipotangazwa washindi mwaka jana.

SHINDANO la kumtafuta mrembo wa kitongoji cha Kigamboni mwaka huu "Redd's Miss Kigamboni 2013" linatarajiwa kufanyika Ijumaa Juni 7 kwenye ukumbi wa Navy Beach kuanzia saa 2:00 usiku hapa jijini Dar es Salaam.

Tayari warembo wameshaanza mazoezi kwa ajili ya kujiandaa na shindano hilo ambapo wanajifua kwenye ukumbi wa Break Point (VIP) uliopo Posta hapa jijini.

  Mratibu wa shindano hilo, Somoe Ng'itu, alisema kuwa maandalizi ya shindano hilo yako katika hatua za mwisho na bado wanakaribisha warembo wenye sifa za kushiriki shindano hilo kufika mazoezini kutoka sehemu mbalimbali hapa nchini.

Mratibu huyo alisema kwamba lengo la kuweka wazi na kuwahamasisha warembo ni kutaka kutoa nafasi kwa wasichana wengi zaidi kujiandikisha na hatimaye kupata mshindi atakayekiwakilisha vyema kitongoji hicho katika mashindano ya ngazi ya Kanda yatakayofanyika baadaye mwezi ujao.

"Tumeshaanza maandalizi na tunawaomba wadau wa sanaa ya urembo wa hapa nchini kujiandaa kusubiri Kigamboni kutoa mrembo wa taifa mwaka huu, tunawashiriki wenye mvuto na sifa za ushindani," alisema Somoe.

Aliongeza kwamba fomu kwa ajili ya kushiriki shindano hilo zinapatikana bure na warembo wanafanya mazoezi chini ya Blessing Ngowi, ambaye mwaka juzi alishiriki fainali za taifa za Redd's Miss Tanzania na alitwaa taji la Kanda ya Elimu ya Juu.

Alisema pia makampuni na taasisi mbalimbali zinakaribishwa kudhamini shindano hilo ambalo mwaka jana lilitoa mshindi katika kinyang'anyiro cha Kanda ya Temeke ambaye ni Edda Sylivester.

Edda alifanikiwa kushika nafasi ya tatu kwenye fainali za taifa huku mshindi wa taifa ni Brigitte Alfred ambaye mwaka huu ataenda kupeperusha bendera ya nchi katika mashindano ya dunia.

HATIMAYE MAHAKAMA YAFUTIA LWAKATARE KESI YA UGAIDI

HATIMAYE MAHAKAMA YAFUTIA LWAKATARE KESI YA UGAIDI

MAHAKAMA Kuu ya Tanzania leo imetangaza kuyafuta mashtaka yote ya ugaidi yaliyokuwa yanamkabili Mkurugenzi wa Ulinzi na Usalama wa CHADEMA Wilfed Lwakatare.

Taarifa kutoka Mahakama Kuu zinasema Mahakama Kuu imebakiza shitaka moja tu, la utekaji ambalo kimsingi ni Jinai na lina dhamana.

Taarifa zilizoufikia mtandao huu zinasema kuwa baada ya kufutwa kwa kesi hiyo, ziliripuka shangwe na nderemo kutoka kwa wafuasi wa Chadema waliofika mahakamani hapo kwa ajili ya kusikiliza kesi hiyo.

Katika kesi hiyo, Lwakatare alikuwa akiwakilishwa na Jopo la mawakili nguli watano ambao ni Mabere Marando,Tundu Lissu,Professor Abdallah Safari, Peter Kibatala na Naronyo Kicheere. (33).

Sir Alex Ferguson abwaga manyanya Man Uneted

Kocha wa Man United, Sir Alex Ferguson

LONDON, England

KLABU ya Manchester United imethibitisha leo Jumatano kuwa Kocha Sir Alex Ferguson atastaafu kuinoa timu hiyo mwishoni mwa msimu huu.

Ferguson atastaafu Man United akihitimisha zaidi ya robo karne ya kufanya kazi Old Trafford, akisaidia kuipa mataji 20 ya Ligi Kuu ya England hivi  karibuni. 

Fergie, 71 ameiongoza klabu kwa mafanikio ndani na nje ya uwanja, akiingiza klabu hiyo katika soko la hisa la New York Stock Exchange, huku ikikusanya maaamilioni ya mashabiki duniani kote kuanzia mwaka 1986 aliposhika hatamu.

Katika miaka yake 26 ya kuinoa Man United, Ferguson raia wa Scotland ametwaa zaidi ya mataji 30, yakiwamo 13 ya Ligi Kuu ya England – pamoja na huu iliotwaa msimu huu.

Ferguson anatarajia kuaga mashabiki wa klabu hiyo baada ya mechi ya mwisho ya Ligi Kuu msimu huu, ugenini dhidi ya West Bromwich Albion, itakayopigwa Mei 19, taarifa ya klabu ya Manchester United ilisema.

The Sun

Mikoa yatakiwa kuchezesha Coca Coca Cola wilayani

Na Boniface Wambura

Vyama vya Mpira wa Miguu vya mikoa vinatakiwa kuendelea na mashindano ya Copa Coca-Cola yanayoshirikisha watoto wenye umri chini ya miaka 15 katika ngazi ya wilaya wakati vikisubiriwa vifaa na fedha za uendeshaji kutoka kwa mdhamini.

Kwa mujibu wa kalenda ya mashindano (roadmap), mashindano ya Copa Coca-Cola ngazi ya wilaya yanatakiwa kufanyika na kukamilika ndani ya mwezi Mei mwaka huu ili baadaye kuendelea na hatua inayofuata.

Hivyo, Shirikisho la Mpira wa Miguu Tanzania (TFF) linawataka wanachama wake (vyama vya mpira wa miguu vya mikoa) ambao wamejipanga kuendelea na mashindano wakati suala la vifaa na fedha likiendelea kufuatiliwa kwa mdhamini wa mashindano.

Vifaa na fedha zitapatikana wakati wowote baada ya taratibu husika kukamilika. Vifaa kwa ajili ya mashindano hayo vimeagizwa kutoka nje ya Tanzania.

Ni matumaini yetu kuwa tutakuwa na mashindano mazuri mwaka huu kulinganisha na msimu uliopita. Kampuni ya Coca Cola ilianza kudhamini mashindano hayo mwaka 2007, na tangu mwaka huo yamekuwa yakifanyika kila mwaka.

Simba, Mgambo hapatoshi leo Taifa

Mgambo JKT

Kikosi cha Simba

SIMBA yenye ari, nguvu na kasi mpya jioni ya leo inatarajiwa kuwakaribisha maafande wa Mgambo JKT toka Tanga pambano pambano pekee la Ligi Kuu TanzaniaBara litakalochezwa kwenye uwanja wa Taifa.
Mgambo ambao wameshatua jijini tangu majuzi imeshatangaza 'kiama' kwa 'Mnyama' kwamba wasitarajie mteremeko kama ilivyopata kwa Polisi Moro na Ruvu Shooting waliochezea vichapo na kuirejesha Simba katika nafasi ya tatu.
Kocha wa kikosi hicho cha Mgambo kilichoibania Yanga katika mechi yao ya mwisho iliyochezwa Mkwakwani, Mohammed Kampira ametamba kwamba wanachosaka leo ni pointi za kuwavusha kwenye janga la kushuka daraja.
Mgambo ina pointi 25 na inahitaji pointi moja tu ili kujihakikisha kusalia katika ligi hiyo wanayoicheza msimu huu kwa mara ya kwanza baada ya kupanda toka Ligi Daraja la Kwanza msimu uliopita.
Hata hivyo Simba imesisitiza kuwa dhamira yao ni kuhakikisha wanataka kushinda mechi zao zilizosalia kwa nia ya kulinda heshima yao baada ya kunyang'anywa ubingwa na Yanga kabla ligi haijamalizika.
Simba ambayo haina hata nafasi ya kuiwakilisha nchi mwakani katika michuano ya kimataifa, ipo nafasi ya tayu baada ya kufikisha pointi 42 na kuwaengua Kagera Sugar walioikalia nafasi hiyo kwa kipindi kirefu kidogo pale Simba ilipokuwa ikitetereka kabla ya kuamka na kurejea kwenye makali yake.
Maandalizi ya pambano hilo yamekamilika na TFF imesema mchezo huo utaanza majira ya saa 10.30 jioni na kuhimiza mashabiki kujitokeza kwa wingi kushuhudia mtanange huo wa aina yake.

Askofu Pengo awatuliza Wakatoliki mlipuko wa bomu, vifo vyaongezeka

Askofu Pengo

Baadhi ya Majeruhi wa tukio hilo akihudumiwa

WATANZANIA wametakiwa kuwa watulivu na kuachana na hisia za kunyoosheana kidole kwamba wahusika wa shambulizi la kigaidi dhidi Kanisa Katoliki la Mtakatifu Josefu Mfanyakazi, Parokia ya Olasiti, jijini Arusha Jumapili iliyopita kuwa ni Waislamu kwa kuwa watuhumiwa waliokwisha kukamatwa pia kuna Wakristo.

Kauli hiyo ilitolewa na Askofu Mkuu wa Jimbo Kuu Katoliki la Dar es Salaam, Mwadhama Polycarp Kardinali Pengo, alipokuwa akizungumza kupitia kituo cha televisheni cha  Tumaini.

Askofu Pengo aliwataka wananchi kuacha hisia badala yake waache uchunguzi wa kubaini waliohusika uendelee ili kupata matokeo mazuri.
“Siamini kama waliofanya tukio hili baya ni Waislamu kwa kuwa watuhumiwa wanaoshikiliwa mpaka sasa wamo Wakristo, ni bora kuacha kuhisi,” alisema  Askofu Pengo.

Hii ni mara ya kwanza kwa Kardinali Pengo kuzungumzia shambulizi hilo baya la bomu ambalo limeibua hisia kali miongoni mwa jamii kwani ni kwa mara ya kwanza kanisa linapigwa bomu kwa mbinu zinazodhihirisha kuwa ni harakati za kigaidi.

WASAUDI WALIINGIA NCHINI MEI 4
Pengo akiweka msimamo huo, NIPASHE imefahamishwa kuwa raia wanne wa Saudi Arabia waliokamatwa kwa tuhuma za kuhusika ugaidi dhidi ya Parokia ya Olasiti, walilala katika hoteli moja iliyopo jirani na stendi kuu ya mabasi ya kwenda na kutoka mikoani.

Uchunguzi wa NIPASHE umebaini kuwa watuhumiwa hao waliingia nchini kupitia Uwanja wa Ndege wa Kimataifa wa Kilimanjaro (KIA) Mei 4, mwaka huu, na baada ya tukio la mlipuko wa bomu hilo walianza safari ya kutoroka nchini kupitia mpaka wa Tanzania na Kenya wa Namanga.

Habari zinasema kuwa watuhumiwa hao walikamatwa na vyombo vya usalama karibu na maeneo ya mzunguko wa Forida katika barabara itokayo Mianzini kwenda katikati ya jiji.

VIFO VYAFIKA WATU WANNE
Katika hatua nyingine, majeruhi mwingine wa mlipuko huo, Isabela Michael (19), amefariki dunia katika Hospitali ya Mtakatifu Elizabeth, maarufu kama ‘kwa babu’ jana.

Taarifa  hizo zilizotolewa na Mganga Mkuu wa Hospitali ya St. Elizabeth, Goodluck Kwayu mbele ya Naibu Waziri wa Maliasili na Utalii, Lazaro Nyalandu jana.

Kifo cha Isabela ambaye mama yake mzazi naye yupo mahututi hospitalini hapo, kinafanya idadi ya watu waliokufa kutokana na shambulizi kufikia wanne.

Juzi waliotajwa kufariki dunia ni Regina Longino Kurusei (45) na James Gabriel (16) pamoja na majeruhi mwingine ambaye jina lake halikutajwa.

Katika tukio hilo, zaidi ya watu 66 walijeruhiwa na kulazwa katika Hospitali ya Mkoa wa Arusha ya Mount Meru, Hospitali binafsi ya Selian na St. Elizabeth.

Akizungumza katika Hospitali ya Mount Meru baada ya kuwatembelea majeruhi, Makamu wa Pili wa Rais wa Zanzibar, Balozi Seif Ali Idd, alilaani tukio hilo na akawataka Watanzania kuwa tukio hilo lisiwagawe Wakristo na Waislamu.

Alisema Wakristo na Waislamu kwa miaka mingi wamekuwa wakishirikiana kama ndugu, hivyo ni vyema ushirikiano huo ukaendelea.

“Tukio hili lisitugawe Wakristo na Waislamu, tuna historia ya muda mrefu ya kushirikiana vizuri,” alisema.

Balozi Idd aliwataka Watanzani kuwa watulivu wakati vyombo vya ulinzi na usalama vikifanya kazi ya uchunguzi wa tukio hilo na kuwanasa wahusika.

MAALIM SEIF: TUMESIKITISHWA
Naye Makamu wa Kwanza wa Rais, Maalim Seif Sharrif Hamad, ambaye aliwatembelea majeruhi hao, alisema Serikali ya Mapinduzi ya Zanzibar (SMZ) na Chama cha Wananchi (CUF) wanalaani vikali tukio hilo.

“SMZ na CUF tumesikitishwa na kulaani tukio hilo la uhalifu na ugaidi wa hali ya juu kufanyika hapa nchini,” alisema.

Aliwaomba Watanzania kuwa watulivu na akawaomba wananchi ambao wana taarifa kuhusiana na watu waliohusika kwenye tukio hilo kutoa taarifa hizo kwa vyombo vya dola.

TAARIFA YA PINDA BUNGENI
Waziri Mkuu, Mizengo Pinda, amesema tukio hilo si jambo la kushabikiwa kisiasa.
Alitoa kauli hiyo jana bungeni mara baada ya kurejea kutoka Arusha alikokwenda kutembelea eneo la tukio, baada ya Spika wa Bunge, Anne Makinda, kumpa nafasi ya kutoa taarifa fupi ya safari yake.

Alisema kwa bahati mbaya wapo baadhi ya viongozi wachache wanapitapita eneo la tukio na badala ya kutumia wananchi kuzungumza nao wanaingiza visiasaisa. “Naomba sana jambo hili tusilitumie kwa namna hiyo.”

Pinda alisema uchunguzi bado unaendelea, wamekamatwa watu wanane, wanne ni watu wenye asili ya kutoka Uarabuni, watatu ni Watanzania ambao wameanza kuhojiwa katika vuguvugu la jambo hilo.

Alisema raia wanne wa Kenya ambao walikamatwa ni kwa sababu tu ya kutaka kujiridhisha kwa kuwa wako Arusha siku moja kabla na siku ya tukio ndipo walipoanza safari ya kwenda Nairobi.

“Kwa sababu barabara zile zilikuwa zimeshafungwa, isingewezekana wao kupita kiurahisi bila kuhojiwa kwa maana ya kujiridhisha. Ni matumaini yetu kuwa pengine taarifa itatoka mapema leo (jana) au kesho (leo) kwa sababu wameanza tangu jana kuzungumza nao kama wanahusika kwa namna moja au nyingine.

Wengine bado uchunguzi na mahojiano yanaendelea.” Alisema alipofika Arusha alikuta wananchi wameshatulia na eneo la tukio palikuwa na utulivu, ingawa watu walihamaki, lakini wamefarijika na hatua za serikali za kufanya uchunguzi mara moja.

Alisema hospitalini katika majeruhi 66, walioruhusiwa ni 24 waliobaki wanaendelea kuuguzwa katika hospitali mbalimbali, wengi wao wapo Mount Meru.

Alisema sehemu kubwa ya wale walioathirika wameshafanyiwa upasuaji kwa ajili ya kutoa vipande vya vyuma vilivyokuwa vimewaathiri.

“Wengi tumewakuta wako katika hali nzuri, wengine leo (jana) watapelekwa katika chumba cha upasuaji na wengine inawezekana kesho (leo).”

Alisema wamewaomba madaktari vile vipande vya vyuma vikipatikana wasivitupe wakabidhi kwa vyombo vya dola ili waweze kubaini kama bomu lile la mkono limetengenezwa kienyeji au lililotengenezwa viwandani na kwa hiyo ni bomu linalotokana na jeshi. “Tutaweza kubaini chimbuko la bomu hilo ni nini.”

Wakati uchunguzi ukiendelea, Waziri Mkuu alisema wamewaomba wakazi wa Arusha yeyote mwenye taarifa ambazo zinaweza kusaidia za kubaini kwa uhakika juu ya nani kafanya jambo hilo na kwanini ajitokeze.

WABUNGE:  AMANI KWA GHARAMA YOYOTE
Baadhi ya wabunge wamewataka Watanzania kuungana, kuepuka tofauti zao za kiitikadi, dini na viongozi kunyoosheana vidole ili amani ilindwe kwa gharama yoyote.

Wakichangia mjadala wa hotuba ya Bajeti ya Wizara ya Mambo ya Ndani ya Nchi jana, wabunge wengi waliochangia mjadala huo walisema  tukio la Arusha limeishtua nchi na dunia na  kilichotokea huko si utamaduni, desturi na jambo lililozoeleka kwa Watanzania.

Waliwaomba Watanzania wajikumbushe yaliyotokea Rwanda kwani mgogoro ule kwa kiasi kikubwa ulisababishwa na kauli. Mbunge wa Kuteuliwa, James Mbatia (NCCR-Mageuzi), alisema ni mambo ya kusikitisha kwa kuwa taifa ni la Watanzania.

Alisema janga likitokea inabidi Watanzania wote bila kujali imani, dini wala itikadi wawe wamoja.

“Amani inabidi ilindwe kwa gharama yoyote ile. Chochoko zilizozama miongoni mwa Watanzania kwa kauli za baadhi ya viongozi na Watanzania,” alisema.

Alisema Serikali haina dini na kila mtu ana imani yake ya dini, lakini leo unaweza kumpigia kiongozi wa serikali, hata askari simu mlio wake ni wa nyimbo za dini.

“Ningeomba kuanzia leo milio ya simu ya dini tuiondoe inasambaratisha Watanzania. Tuko wapi na tunaipeleka wapi. Naomba kwa moyo wa dhati mihadhara ya kidini iliyodumu kwa zaidi ya miaka 20 tuseme basi imetosha,” alisema.

Alihoji serikali inashindwaje kufanya maamuzi huku akinukuu maneno ya falsafa yanayosema ukiona maovu yanatokea, kemea, zuia. Alisema ukumbi wa Bunge ni baraza, lakini limefanywa la matusi.

Alishauri Watanzania wawe na utulivu na watafakari pamoja.

“Watanzania, viongozi wa dini tusiwe wepesi kuonyesheana vidole, mauaji ya padre, viongozi wamekata tamaa, wamesema sasa tumechoka.

Tusiwaruhusu viongozi wetu watupeleke huko,” alisema na kuongeza: “Ndimi zetu kauli zetu zitaliangamiza taifa la Tanzania. Tumefika mahali Tanzania tuseme basi.”

Waziri wa Ulinzi na Jeshi la Kujenga Taifa, Shamsa Vuai Nahodha, akichangia mjadala huo alisema, ni kawaida kwa viongozi kulaumiana na kumtafuta mchawi.

Alisema viongozi wenye busara kama hawa hawapaswi kulaumu watu linapotokea tatizo kama hilo. Alisema ajenda iliyopo mbele ni tatizo la kuvurugika kwa amani.

“Huu si wakati wa kulaumiana ni wakati kujenga mshikamano wa kuwatafuta waliohusika na tukio hili.”

Alisema sifa ya uongozi ni kukubali ukweli hata kwa mambo ambayo hawayapendi. “Kuna mahali sisi viongozi tumekosea. Unaposikiliza mijadala ya wabunge, wakati mwingine kauli zetu haziashirii mema. Na hatuwezi kushangaa haya yanayotokea,” alisema.

Aliongeza kuwa kiongozi anaposema jambo ni lazima apime kwani Tanzania ni nchi changa ina miaka 50 tu na kutokana na kiwango cha elimu na uwezo wa kuchanganua mambo ni mdogo.

“Tujikumbushe yaliyotokea Rwanda. Mgogoro ule kwa kiasi kikubwa ulisababishwa na kauli.

Waswahili husema watu makini na wenye busara hujifunza. Najua ni ngumu sana mwanadamu kubadilika na kuacha mambo ambayo ameyazoea,” alisema.

Mbunge wa Rombo, Joseph Selasini (Chadema), alisema tukio la Arusha limeishtua nchi na kilichotokea Arusha siyo utamaduni, desturi na halijazoeleka kwa Watanzania.

“Nitoe wito kwa wabunge na Watanzania wote kuwa huu si wakati wa kutupiana lawama.

Katika jambo hili lazima tuhakikishe kwamba tunashirikiana kurejesha utulivu katika jiji la Arusha. Lazima tuchunge ndimi zetu, viongozi pamoja na sisi wananchi.

Tuanzie hapa bungeni. Hakuna sababu ya kuanza kunyoosheana vidole, kwamba jambo hili ni la kisiasa au la kidini. Mwenye kuhisi hivyo ashirikiane na tume ya uchunguzi kuwabaini,” alisema.

Alisema sheria zimetungwa na zipo, lakini kuna woga wa kuzitumia. Mtu mwenye uhakika kwamba ni la kidini au la kisiasa kwa nini asitoe ushahidi?”

Aliongeza kuwa jambo hili linafundisha kuwa nchi haiko salama, Watanzania wamegawanyika kwa sababu hiyo ni rahisi kutumiwa na maadui.

“Baadhi yetu tunasema jambo hilo limesababishwa na kundi fulani. Hatuko salama. Hakuna mashehe au maaskofu wanaotengeneza makundi kutukana wenzao.

Lakini naamini kuna kundi la wahuni wanaofanya hivyo. Sababu gani hawakamatwi, tunawaogopa nini. Nyinyi polisi ndiyo mnatoa vibali vya mikutano ya kutukana watu. Kwa nini watu hawa hawakamatwi?” alihoji.

Alisema watu wamefikia hatua ya kusimama hadharani na kushambulia kuwa chama hiki ni cha Waislamu, chama hichi ni cha Wakristo. Serikali ionyeshe ipo na weledi wake.
Aidha, alitaka Serikali itunge sheria ya kudhibiti lugha za uchochezi kwenye mikutano na majukwaa.

Mbunge wa Sumve (CCM), Richard Ndassa, alisema kutokana na matukio yanayotokea hivi sasa kuna haja ya kuimarisha ulinzi kwenye eneo la jengo la Bunge.

Alimwambia Spika wa Bunge kuwa asije kushangaa siku moja Bunge lake tukufu linavamiwa na wahuni.

“Arusha kusingekuwa na ulinzi wa kutosha hata wale waliohusika wasingekamatwa.
Kuanzia sasa huku nyuma (bungeni) mtu akirusha kitu kitafika ndani.

Watu kule nje wanatuona tunavyozungumza na tunavyosigana humu ndani. Lazima ulinzi uimarishwe,” alisema na kuongeza: “Tuzime moto kabla moto haujalipuka, anayechokozwa,  huchokozeka.”

Aidha, alipendekeza makomandoo wa Jeshi la Polisi, waongezewe muda wa kustaafu ili kutoa uzoefu kwa vijana.

Mbunge wa Viti Maalumu (Chadema), Chiku Abwao , alihoji kuhusu uchunguzi wa kutekwa kwa Mwenyekiti wa Jumuiya ya Madaktari Tanzania, Dk. Stephen Ulimboka na Mwenyekiti wa Jukwaa la Wahariri Tanzania (TEF), Absalom Kibanda, na kwamba serikali imefikia wapi kuhusiana na suala hilo.

Hamad Ali Hamad (CUF-Magogoni), alisema chama chake kimewagharimu muda mwingi kuwaambia Watanzania kuwa si chama cha kidini, lakini ilikuwa ikitumiwa kama propaganda ya kukiua.
Naibu Waziri wa Serikali za Mitaa, Tawala za Mikoa (Tamisemi), Aggrey Mwanry, alisema adui anaigawa Tanzania.

Alisema Baba wa Taifa, Hayati Mwalimu Julius Nyerere, aliposema nchi hii haina dini watu hawakumuelewa.

“Taifa hili likienda likateketea, sisi hatutaacha kulaumiwa. Hapa imezungumzwa habari za dola, hiki ni chombo cha kundi ni chombo kinachoangalia tabaka. Dola ni chombo cha mabavu, akifika anabamiza. Kiwango cha mabavu kinategemea na kiwango kitakachokutwa sehemu ya tukio,” alisema.

Alisema ikifika mahali kwamba nchi haitawaliki maana yake unafika kwenye shamba la mtu unavuna mahindi unaondoka, unaenda sokoni unachukua samaki wa watu unaondoka bila kulipa, hapo ndipo utasema nchi haitawaliki.

Waziri wa Nchi, Ofisi ya Makamu wa Rais (Muungano) Samia Hassan Suluhu, alisema vitabu vyote vya dini havina maamrisho ya kuvuruga imani ya mwenzie.  “Kinachozungumzwa ndani ya ukumbi wa Bunge ni kizuri, lakini kinachotokea nje kinasababishwa na sisi wenyewe,” alisema.

Alisema amani ni kama uzi wa hariri, hivyo Watanzania wasiukate, ukikatika vinginevyo watashindwa kuunga.

Waziri Nchi Ofisi ya Rais (Utawala Bora), George Mkuchika, alitaka polisi kuchapa kazi yao kwani hata nje ya nchi wanasifiwa. Alisema baadhi ya wanasiasa wanafanya kazi ya polisi kuwa ngumu.

“Kauli zetu wanasiasa tuchunge maslahi ya nchi hii, anayesema mtu huyu ni mhalifu tunamtia hatiani ni kazi ya mahakama,” alisisitiza.

Waziri wa Nchi Ofisi ya Waziri Mkuu (Sera, Uratibu na Bunge), William Lukuvi, alisema Jeshi la Polisi litatimiza wajibu wake pamoja na kufanyakazi katika mazingira magumu.
Alisema ukiona mtu anaichukia polisi, lazima ujiulize ana nini.


CHANZO:NIPASHE

Mussa Mgosi ajinadi Simba, Yanga, afurahi kuiokoa JKT Ruvu

Mussa Mgosi baada ya pambano la Simba na Yanga alipokuwa Simba

MSHAMBULIAJI nyota wa zamani wa timu za Simba na Taifa Stars, Mussa Hassani Mgosi anayeichezea kwa sasa JKT Ruvu, amesema yupo tayari kutua katika timu yoyote itakayomhitaji kwa msimui ujao hata kama ni Simba au Yanga, mradi aridhishwe na masilahi atakayoafikiana na klabu husika.
Aidha mshambuliaji huyo amesema amefurahi mno kuweza kuisaidia JKT Ruvu kunusurika kushuka daraja, licha ya kukiri klabu huyo haikuwa na msimu msimu safari hii kwa namna ilivyoyumba na kupoteza makali iliyokuwa nayo kwa misimu kadhaa ya nyuma.
Akizungumza na MICHARAZO mapema leo, Mgosi aliyewahi kucheza soka la kulipwa katika klabu ya D Motema Pembe ya DR Congo, alisema kwa vile mkataba wake wa mwaka mmoja na JKT Ruvu unaisha baada ya msimu huu kumalizika yupo huru kutua klabu yoyote itakayokuwa ikimtaka.
Mgosi, alisema hatajali ni timu gani inayomtaka kwa msimu ujao, mradi wakubaliane kimasilahi kwa kuwa yeye ni mwanasoka na ajira yake inategemea mchezo huo hivyo atakuwa tayari kutua kokote.
Aliongeza, hata kama JKT Ruvu itakuwa ikimhitaji kusalia katika timu hiyo hatakuwa na pingamizi kwa vile ni moja ya timu anayoipenda na alishawahi kuichezea siku za nyuma kabla ya kurejea safari hii na kuitumikia kwa duru la pili na kushukuru kuisaidia kuiokoa isishule daraja.
"Niko tayari kutua kokote kwa msimu ujao, sitabagua timu hata kama ni Mbeya City, Ashanti Utd, Simba au Yanga muhimu masilahi yaniridhishe," alisema.
Mfungaji Bora huyo wa zamani wa Ligi Kuu ya Tanzania Bara na michuano maalum iliyofanyika China mwaka jana, alikiri ligi ya msimu huu ilikuwa ngumu na isiyotabirika japo anasikitika vibali kumkwamisha kuishiriki tangu duru la kwanza baada ya kurejea toka Kongo.



BAADA YA MLIPUKO WA BOMU JUZI, FBI WATUA ARUSHA!

MAKACHERO wa FBI kutoka Marekani wamewasili nchini Tanzania kusaidia katika upelelezi wa shambulizi la bomu lililotekelezwa katika kanisa katoliki mjini Arusha siku ya jumapili.

Mwandishi wa BBC Baruan Muhuza akiwa mjini Arusha anasema makachero hao wa FBI wako Tanzania kusaidiana na Jeshi la wananchi wa Tanzania na Polisi kutafuta undani wa tukio hili ambalo limeishtua na kuiweka serikali ya Tanzania katika wakati mgumu.

Baruan Muhuza anaongezea hali inaonekana kuwa ngumu zaidi hasa kutokana na aina ya matukio ambayo yamekuwa yakitokea katika siku za hivi karibuni yakihusisha viongozi wa dini ambapo wengi ya wanaodhurika huwa ni wa imani ya kikristo.

Wakati huo huo wakuu wa serikali wakishirikiana na viongozi wa kidini wameandaa mkutano utakaojumuisha viongozi wapatao 200.

Mkuu wa mkoa wa Dar es Salaam Said Meck Sadiq amewaambia wanahabari kuwa wamelazimika kuandaa mkutano huo wa siku mbili kufuatia agizo la Rais Jakaya Kikwete.

Mkutano huo utajadili uhusiano bora baina ya wakrito na waislamu.

 Polisi nchini Tanzania inawashikilia watu wa nane kwa madai ya kuhusika na mlipuko wa siku ya jumapili katika kanisa Katoliki la Olasit viungani mwa mji wa Arusha.

Miongoni mwa washukiwa ambao wako mikononi mwa polisi ni raia wanne wa Saudi Arabia, na wengine wanne ni raia wa Tanzania.

Habari na bbc swahili.

Simba, Ruvu Shooting wavuna Mil 17, Ligi kuendelea kesho

 

Baadhi ya wachezaji wa Simba

Na Boniface Wambura

PAMBANO namba 111 la Ligi Kuu ya Vodacom kati ya Ruvu Shooting na Simba lililochezwa juzi (Mei 5 mwaka huu) kwenye Uwanja wa Taifa, Dar es Salaam na kumalizika kwa Simba kushinda mabao 3-1 limeingiza sh. 17,700,000.

Watazamaji 3,163 walikata tiketi kushuhudia mechi hiyo ambayo viingilio vilikuwa sh. 5,000, sh. 8,000, sh. 15,000 na sh. 20,000 huku kila klabu ikipata mgawo wa sh. 3,485,752.45 wakati Kodi ya Ongezeko la Thamani (VAT) iliyolipwa ni sh. 2,700,000.

Kiingilio cha sh. 5,000 ndicho kilichovutia watazamaji wengi ambapo waliokata tiketi hizo walikuwa 2,901 na kuingiza sh. 14,505,000 wakati idadi ndogo ya washabiki ilikuwa ya kiingilio cha sh. 20,000 kilichovutia washabiki 28 na kuingiza sh. 560,000.

Mgawo mwingine wa mapato hayo ni asilimia 15 ya uwanja sh. 1,772,416.50, tiketi sh. 3,183,890, gharama za mechi sh. 1,063,449.90, Kamati ya Ligi sh. 1,063,449.90, Mfuko wa Maendeleo ya Mpira wa Miguu (FDF) sh. 531,724.95, Chama cha Mpira wa Miguu Mkoa wa Dar es Salaam (DRFA) sh. 206,781.93 na Chama cha Mpira wa Miguu Mkoa wa Pwani (COREFA) sh. 206,781.93.

Wakati huo huo Timu za Simba na Mgambo Shooting ya Tanga zinaumana kesho (Mei 8 mwaka huu) katika mchezo pekee wa Ligi Kuu ya Vodacom utakaofanyika Uwanja wa Taifa, Dar es Salaam.

Viingilio katika mechi hiyo itakayoanza saa 10.30 jioni vitakuwa sh. 5,000 kwa viti vya bluu na kijani, sh. 8,000 viti vya rangi ya chungwa, sh. 15,000 kwa VIP C na B wakati VIP A ni sh. 20,000.

Ratiba ya RCL yatoka Kariakoo-Lindi, Red Cross kuanza nyumbani

Na Boniface Wambura

Upangaji ratiba (draw) ya Ligi ya Mabingwa wa Mikoa (RCL) umefanyika leo (Mei 7 mwaka huu) huku mabingwa wa mikoa ya Dar es Salaam (Red Coast), Lindi (Kariakoo) na Kigoma (Saigoni) wakianzia nyumbani katika ligi hiyo itakayoanza Mei 11 au 12 mwaka huu.

Ligi hiyo itachezwa kwa mtoano kwa mtindo wa nyumbani na ugenini ambapo mwenyeji atapanga tarehe ya mechi ambazo zinatakiwa kuchezwa kati ya Jumamosi au Jumapili. Mechi za marudiano katika raundi hiyo ya kwanza zitachezwa kati ya Mei 18 na 19 mwaka huu.

Katika upangaji huo ulioshuhudiwa na waandishi wa habari kwa niaba ya klabu husika, mabingwa wa Mkoa wa Shinyanga (Stand Ngaya FC) wamepita moja kwa moja hadi raundi ya pili itakayochezwa kati ya Mei 25 na 25 mwaka huu wakati mechi za marudiano ni kati ya Juni 1 na 2 mwaka huu.

Raundi ya tatu itachezwa kati ya Juni 8 na 9 mwaka huu wakati marudiano ni Juni 15 au 16 mwaka huu. Raundi ya nne itachezwa kati ya Juni 22 au 23 mwaka huu wakati marudiano ni Juni 29 au 30 mwaka huu. Raundi ya tano ni kati ya Julai 6 na 7 mwaka huu na marudiano ni Julai 13 au 14 mwaka huu.

Timu tatu ndizo zitakazopanda kucheza Ligi Daraja la Kwanza (FDL) msimu ujao, ambazo ni ya kwanza nay a pili wakati timu ya tatu itapatikana kwa timu zilizoshindwa hatua ya nusu fainali kucheza zenyewe kwa zenyewe. Washindi wa nusu fainali nao watacheza wenyewe kwa wenyewe ili kupata bingwa wa RCL ambaye atakabidhiwa kombe la ubingwa.

Ligi hiyo inashirikisha mabingwa kutoka mikoa 27 ya kimpira ambapo katika raundi ya kwanza wanaanza mabingwa 26, raundi ya pili ni mabingwa 14 wakijumuisha na bingwa wa Shinyanga ambaye katika draw ameingia moja kwa moja katika hatua hiyo.

Raundi ya tatu itashirikisha timu saba zilizosonga mbele pamoja na moja yenye uwiano mzuri wa matokeo ili kufanya jumla ya timu nane. Raundi ya nne itakuwa na timu nne. Wakati raundi ya tano itakuwa ni kumpata bingwa na mshindi wa tatu.

Katika upangaji huo wa ratiba mechi za raundi ya kwanza (timu ya kwanza ikianzia nyumbani) itakuwa kama ifuatavyo; Red Coast vs Abajalo, Kariakoo vs Mtwara, Friends Rangers vs Kiluvya United,  TECKFOLT FC vs African Sports, Machava FC vs Flamingo SC, Gunners United vs Manyara na Simiyu vs Magic Pressure FC.

Nyingine ni Polisi Jamii Bunda FC vs UDC FC, Geita vs Biharamulo SC, Saigoni SC vs Tabora, Katavi Warriors vs Rukwa United, Mji Njombe vs Mbinga United na Kimondo FC vs Iringa.

Mechi zitachezwa katika viwanja vya makao makuu ya mikoa, vinginevyo kuwepo na maombi rasmi ambayo yatakubaliwa na Shirikisho la Mpira wa Miguu Tanzania (TFF).

Said Mbelwa amtwanga mtu KO ya raundi ya 2

Bondia Omari Zungu akioneshana umwamba wa kutupiana makonde na Haruna Sinondo wakati wa mchezo wao uliofanyika Chanika mwishoni mwa wiki iliyopita Sinondo alishinda kwa K,O raundi ya pili picha na www.superdboxingcoach.blogspot.com

Bondia Said Mkonde kushoto akioneshana uwezo wa kurushiana makonde na Said Mbelwa wakati wa mpambano wao uliofanyika Chanika mwishoni mwa wiki iliyopita Mbelwa alishinda kwa K,o raundi ya pili picha na www.superdboxingcoach.blogspot.com

Bondia Said Mkonde kushoto akioneshana uwezo wa kurushiana makonde na Said Mbelwa wakati wa mpambano wao uliofanyika Chanika mwishoni mwa wiki iliyopita Mbelwa alishinda kwa K,o raundi ya pil picha na www.superdboxingcoach.blogspot.com

Bondia Chilambo Hemed kushoto akioneshana umwamba wa kutupiana masumbwi na Boniface Urasa wakati wa mpambano wao uliofanyika mwishoni mwa wiki Chanika Chilambo alishinda kwa point picha na www.superdboxingcoach.blogspot.com

Bondia Said Mbelwa akipambana

Bondia Omari Zungu akioneshana umwamba wa kutupiana makonde na Haruna Sinondo wakati wa mchezo wao uliofanyika Chanika mwishoni mwa wiki iliyopita Sinondo alishinda kwa K,O raundi ya pili picha na www.superdboxingcoach.blogspot.com

Refarii Saidi Chaku akimwinua mkono juu Bondia saidi Mbelwa kuashilia ni mshindi katika mpambano huo

Mgambo au Simba kucheka kesho Taifa?

Kikosi cha Simba

 

Kikosi cha Mgambo JKT

BAADA ya kupata ushindi wa mechi mbili mfululizo, Simba kesho inatarajiwa kushuka tena dimba la Taifa Dar es Salaam kuwakaribisha maafande wa Mgambo Shooting ya Tanga katika pambano pekee la Ligi Kuu Tanzania Bara.
 Mgambo iliyoizuia Yanga na kulazimisha sare ya bao 1-1 katika pambano lao la mwisho lililochezwa uwanja wa Mkwakwani, itakuwa inahitaji angalau sare tu ili kuweza kukwepa mstari ya kushuka daraja na kutoa baraka kwa timu za Toto African na Polisi Moro kuungana na African Lyon kurudi Ligi Daraja la Kwanza.
Maafande hao wana pointi 25 na wamesaliwa na mechi nyingine mbili mbali na huo wa Simba ambayo ushindi wake wa mabao 3-1 toka kwa Ruvu Shooting umewarejesha kwenye nafasi ya tatu katika msimamo wa ligi hiyo iliyokwishafahamika bingwa wake na wawakilishi wa nchi katika michuano ya kimataifa mwakani.
Simba itautumia mchzo huo wa kesho kama kipimo kizuri cha kuwakabili wapinzani wao wa jadi Yanga wiki ijayo katika pambano la kufungia pazia la msimu huu wa 2012-2013.
Wapinzani hao wataumana kwenye uwanja wa Taifa, Mei 18 wakati pia siku hiyo kutakuwa na pambano mengine sita ya kufungia msimu kabla ya klabu kwenda mapumziko kusubiri msimu mpya ambao utakuwa na timu tatu zilizopanda daraja la Mbeya City, Rhino Rangers na Ashanti United.
Simba ambayo imekuwa na mabadiliko makubwa katika ufanisi wake uwanjani tangu kocha Patrcik Leiwig kuamua kuwatumia kikosi cha vijana na kuwatema 'mafaza', imeapa kuendeleza malengo yao ya kulinda heshima yake baada ya kutemeshwa taji na Yanga kabla ya ligi kumalizika.
Kocha Msaidizi wa klabu hiyo, Jamhuri Kihwelu 'Julio' amekuwa akisisitiza kuwa wataendelea kutoa dozi mpaka msimu unafungwa ili kulinda heshima yao na kuzitahadharisha timu wapinzani wajiandae kwa hilo.
Julio alisema hawatakubali kufedheheshwa siyo na Mgambo tu bali hata Yanga watakaoumana nao Mei 18 akidai ni lazima watoe dozi na kuwatilia mchanga kitumbua cha sherehe za ubingwa za watani wao hao jadi.
Simba ipo kwenye nafasi ya tatu kwa sasa ikiwa na pointi 42 mbili zaidi ya Kagera Sugar ambayo itashuka dimbani Jumamosi, huku Yanga wakiendelea kukaa kileleni na pointi zao 57 wakifuatiwa na Azam wenye pointi 48 na waliosaliwa na mechi mbili ikiwamo ya Jumamosi ijayo ikitokea kwenye michuano ya kimataifa.
Je, Mgambo itatoa baraka kwa Toto na Polisi kushuka daraja au itaendelea kuzipa pumzi za kutumua katika ligi hiyo mpaka pazia litakapofungwa rasmi Mei 18? Tusubiri tuone!

Msondo kuwa-'surprise' mashabiki wao

Baadhi ya wanamuziki wa Msondo wakifanya vitu vyao

BENDI ya Msondo Ngoma inatarajiwa kuwafanyia 'surprise' mashabiki wao kwa kutambulisha nyimbo mpya kabisa katika maonyesho yao ya wiki hii.
Msemaji wa bendi hiyo, Rajabu Mhamila 'Super D' alisema nyimbo hizo mpya zilikuwa zikifanyiwa mazoezi na kikosi chao na kwamba watazitambulisha rasmi kwa mashabiki wao katika maonyesho yao yanayoanzia leo Jumatano mpaka Jumapili.
Super D, alisema nyimbo hizo mpya zitapigwa kwa mara ya kwanza katika onyesho lao litakalofanyika kwenye ukumbi wa Equator Grill eneo la Mtoni kwa Aziz Ali kabla ya Ijumaa kufanya hivyo katika viwanja vya Leaders, Kinondoni kisha kukamua Jumamosi TCC-Chang'ombe Temeke kabla ya kumalizia Jumapili TZF Kigogo.
"Katika kuwadhihirishia Msondo Ngoma kweli ni Baba ya Muziki, wiki hii tutawafanyia 'Surprise' mashabiki wetu kwa kuwatambulishia nyimbo mpya kabisa ambazo zilikuwa jikoni zikipikwa, zipo mbili na zote ni kali pengine kuliko zilizowahi kutolewa na bendi yetu," alisema.
Msemaji huiyo alikataaa kuzitaja majina nyimbo hizo kwa madai angependa mashabiki waje kuzisikia na kuzijulia majina yake ukumbi, ili 'surprise' waliyokusudia kuwafanyia ithibitike, japo alisema nyimbo hizo zitaimbwa sambamba na nyimbo za albamu ya ya Suluhu na zile za nyuma.
Super D, alisema sambamba na kupiga nyimbo mpya na za zamani, pia Msondo itatambulisha rapu mpya kutoka kwa rapa wao ambaye pia ni mpuliza tarumbeta, Roman Mng'ande a.k.a Romario.

Kapombe aitwa Uholanzi kujaribiwa

Shomar Kapombe akiwa na tuzo ya Mwanasoka Bora aliyotwaa mwaka jana

BEKI tegemeo wa Simba na timu ya soka ya Tanzania (Taifa Stars), Shomary Kapombe, anatarajia kuondoka nchini mwezi ujao kwenda Uholanzi kwa ajili ya kufanya majaribio na timu mbalimbali zinazoshiriki Ligi Kuu ya nchini huko na Ligi Daraja la Kwanza.

Akizungumza na gazeti hili jana, Katibu Mkuu wa Simba, Evodius Mtawala, alisema kuwa amepokea barua kutoka kwa wakala anayetambuliwa na Chama cha Soka cha Uholanzi na Shirikisho la Soka la Dunia (FIFA) aitwaye, Dionis Kadito, akisema kwamba Kapombe atagharamiwa kila kitu akiwa huko kwa muda wa wiki moja.

Mtawala alisema kuwa katika barua ya wakala huyo wameeleza kwamba majaribio hayo ya Kapombe yanatakiwa yaanze Juni 16 mwaka huu na atakuwa chini ya mafunzo maalum kutoka kwa makocha wazoefu wa mchezo huo.

Alisema kuwa pia akiwa huko atafanyiwa vipimo maalum vya afya kabla ya kuanza mazoezi.
Aliongeza kwamba katika majaribio hayo, Kapombe anatarajia kuwa na wachezaji wengine kutoka nchi za Afrika na Ulaya ambao watakuwa wameitwa na mawakala mbalimbali.

"Simba hatuna tatizo na mwaliko huo, na ukiangalia muda huo ligi itakuwa imemalizika, tutamruhusu na akirudi ataungana na wenzake kwa ajili ya kujiandaa na mashindano ya Kombe la Kagame," aliongeza Mtawala.

Kapombe aliiambia NIPASHE kwamba hiyo ni nafasi nzuri kwake na atakapofanikiwa kwenda Uholanzi atajifunza mambo mengi na endapo wataridhika na uwezo wake atachangamkia ofa ya kusajiliwa huko kwa sababu kucheza Ulaya ndiyo ndoto yake na ya wachezaji wengi duniani.

Kapombe aliyesajiliwa na Simba akitokea Polisi Morogoro anamaliza mkataba wake mwezi Desemba mwaka huu na kumekuwapo na uvumi kwamba anajiandaa kuondoka bure Msimbazi na kujiunga Azam ambayo iko tayari kumpa dau la Sh. milioni 90.

Chanzo:NIPASHE

Mkwasa aiponda Simba kwa Yanga Mei 18

Kocha Charles Boniface Mkwasa

Baadhi ya wachezaji 'yosso'wa Simba

KOCHA mkuu wa Ruvu Shooting, Charles Mkwasa, amesema kikosi cha sasa cha Simba kilichosheheni wachezaji chipukizi ni dhaifu mno dimbani na ni ndoto kuweza kuibuka na ushindi dhidi ya mahasimu wao Yanga, Mei 18.

Mkwasa nyota wa zamani Yanga na Taifa Stars, aliyasema hayo juzi baada ya kumalizika kwa mechi ya Ligi Kuu Tanzania Bara dhidi ya Simba, iliyoisha kwa vijana wake kulala mabao 3-1, kwenye Uwanja wa Taifa jijini Dar es Salaam.

Alisema licha ya ukweli kuwa kiwango cha mchezo hubadilika kutoka mechi moja hadi nyingine, lakini alichokishuhudia kwa Simba katika siku za karibuni, hakimpi matumaini ya ubora wa kikosi hicho kuweza kuifunga Yanga.

“Kwa kiwango cha Simba cha leo na siku za karibuni, nikiri wazi kwamba kuifunga Yanga ni ngumu, japokuwa katika soka hakuna lisilowezekana ndani ya dakika 90,” alisema Mkwasa ambaye pia aliwahi kuinoa timu hiyo na Twiga Stars.

Aidha, Mkwasa alisema katika mchezo wao wa juzi, anamtupia lawama Mwamuzi Athuman Lazi kwa madai aliwatoa mchezoni vijana wake na kuonekana kuibeba Simba katika maamuzi yake.

Naye Kocha Mkuu wa Simba, Patrick Liewig, aliwapongeza vijana wake hususan chipukizi kwa jinsi ambavyo walijituma hadi kuibuka na ushindi huo na kudai kuwa ataendelea kuwatumia nyota hao endapo atafanikiwa kuendelea kukinoa kikosi hicho.

Simba kwa sasa inashika nafasi ya tatu kwa point 42, nyuma ya Azam FC pointi 47 na mabingwa Yanga pointi 57.
Chanzo:Tanzania Daima

Lauryn Hill ahukumiwa kifungo kwa ukwepaji kodi

Mwanahip-hop, Lauryn Hill

By David Jones

NEWARK, New Jersey (Reuters) - A U.S. magistrate judge sentenced Grammy-winning hip hop artist Lauryn Hill to three months in prison, three months in home confinement and a $60,000 fine on Monday for federal tax evasion.

Hill pleaded guilty last year to three counts of failing to file tax returns on more than $1.8 million of income between 2005 and 2007 and faced up to three years in prison.

Hill has attributed her failure to pay taxes to years of pressure she experienced as a recording star while raising six children, forcing her to go underground and stay out of the public eye.

On the eve of her scheduled sentencing, Hill paid $504,000 in back taxes to the Internal Revenue Service and another $420,000 to the state of New Jersey, her attorney told the court. She still owes another $285,000 in interest and penalties.

"When the government is asking for 36 months and the judge gives three months, I think the judge gave a fair and reasonable sentence," Hill's attorney Nathan Hochman told reporters.

Prosecutors had asked for a sentence of 30 months to the maximum of 36 months.

U.S. Magistrate Judge Madeline Cox Arleo cited Hill's lack of a criminal record, her six children and her repayment of the back taxes as mitigating factors in the sentence.

Hill must report on or before July 8. Her attorney asked the court to assign the native of South Orange, New Jersey, to a facility close to home. The three months of home confinement following the prison stay is part of one year of supervised probation.

Hill told the court she pulled away from society because her life was in crisis, received veiled threats and was blacklisted because she did not conform to the norms of the music industry.

"I was being perceived as a cash cow, not a person," Hill said.
A new single by Hill, her first in several years, called "Neurotic Society," was posted on iTunes on Friday.
"Here is a link to a piece that I was 'required' to release immediately, by virtue of the impending legal deadline," her Tumblr social media page said on Saturday.
Her lawyers confirmed that she signed a new contract with Sony Worldwide Entertainment and was working on her first album of new material in more than a decade.
Hill's seminal 1998 solo album "The Miseducation of Lauryn Hill" won the singer, a former member of the Fugees rap trio, five Grammy awards.

Source:Reuters

WAISLAM WALAANI TUKIO LA MLIPUKO WA BOMU KANISANI

Sheikh Mkuu wa Tanzania, Muft Issa bin Shaaban Simba

 

 

BARAZA Kuu la Waislam Tanzania (BAKWATA) limelaani tukio la kulipuliwa kwa bomu kanisa la Katoliki mjini Arusha.

Jumapili iliyopita watu wasiojulikana walirusha kitu kinachosadikiwa kuwa bomu katika uzinduzi wa jengo la kanisa la la Parokia ya Mtakatifu Joseph Mfanyakazi na kusababisha vifo vya watu watatu na wengine kadhaa kujeruhiwa. 

Kutokana na kitendo hicho BAKWATA kama chombo kikuu cha Waislam wametoa tamko lao juu ya tukio hilo kama inavyosomeka hapo chini. Tamko hilo lilitolewa na Sheikh Mkuu wa Tanzania, Mufti Sheikh Issa Bin Shaaban Simba.

 

TAMKO LA BARAZA KUU LA WAISLAMU WA TANZANIA BAKWATA JUU YA MLIPUKO WA BOMU - ARUSHA

Assalaam alaykum warahmatullahi wabarakaatuh.
Baraza Kuu la Waislamu wa Tanzania BAKWATA, limepokea kwa masikitiko makubwa tukio la kurushwa bomu Kanisani na kusababisha upotevu wa maisha na majeraha kwa watu wengi wakati wa sherehe ya uzinduzi wa jengo la Kanisa la Parokia ya Mtakatifu Joseph Mfanyakazi, Orasiti, Arusha.

Kimsingi hili ni jambo la kusikitisha, kukera na kufadhaisha sana kutokea hapa nchini. 

 

Watanzania kwa miaka mingi, tumezoea hali ya utulivu na amani na tukio kama hili ni changamoto kwa usalama wa Watanzania wote nchi nzima Baraza Kuu la Waislamu wa Tanzania BAKWATA linalaani kitendo hicho cha kikatili na inaviomba vyombo vya dola kufanya jitihada zote kuhakikisha wahusika wanakamatwa na wanachukuliwa hatua, kwani msiba huu ni wetu sote, Wakristo na Watanzania wote.

Kwa niaba ya Baraza Kuu la Waislamu wa Tanzania mimi Sheikh Issa Bin Shaaban Simba Mufti wa Tanzania nawapa pole wafiwa wote katika tukio hilo na kuwaombea dua majeruhi na Mwenyezi Mungu (SW) awape tahfif na wapone haraka na kurudi katika shughuli zao za kila siku.
Wabillahi Tawfiiq.

SHEIKH ISSA BIN SHAABAN SIMBA.
MUFTI NA SHEIKH MKUU WA TANZANIA BARA.

IBF yampongeza Francis Cheka kutetea taji

SHIRIKISHO la Ngumi la Kimataifa (IBF) limempongeza bondia maarufu wa kitanzania Francis Cheka kwa juhudi zake za kuwa bondia mzuri mwenye viwango vya kimataifa katika uzito wa Super Middleweight.

Francis Cheka aliweza kutetea mkanda wake wa IBF Africa uzito wa Super Middle baada ya kumshinda kwa KO bondia Thomas Mashali aka “Simba asiyefugika” tarehe 1 Mei, 2013 katika ukumbi wa PTA jijini Dar Es Salaam.

IBF inachukua fursa ya kumpongeza Francis Cheka baada ya ushindi huo ambao umedhihirisha kuwa yeye kweli ni bingwa wa bara la Afrika. Francis Cheka atarudiana na bondia wa Malawi Chimwemwe Chiotcha mwezi wa Agusti katika mpambano la kutetea mkanda wake.

Mpambano wao wa marudiano utafanyika katika jiji la Blantyre nchini Malawi na tayari majadiliano ya mpambano huo yanaendelea vizuri. Kampuni ya “Mawenzi Boxing Promotion” ya nchini Malawi chini ya bwana Stephen Mawezni ndiyoitakayoandaa mpambano huo.

Pambano hili linakuja baada ya wadau kadhaa wa ngumi kuomba mabondia hao warudiane walipoonyesha ujuzi mkubwa na ushindani katika mpambano wao Desemba 26 mwaka jana katika uwanja wa Sheikh Amri Abeidi jijini Arusha siku ya Boxing Day.

Baada ya mpambano huo, IBF itampatia Francis Cheka nafasi ya kugombea mkanda wa IBF wa Kimataifa (IBF International Super Middleweight) na mabondia wa Ulaya au Marekani. Hii ni kudhihirisha kuwa Francis Cheka hana tena mpinzanai nchini Tanzania na kumpambanisha na mabondia wa kitanzania ni kumpotezea muda na uwezekano wake wa kutengeneza jina na pesa.

Wakati huo huo bondia Thomas Mashali bado ni bingwa wa Afrika ya Mashariki na Kati (ECAPBF) katika uzito wa Middle kwani mkanda wake haukuwa kati ya mikanda iliyogombewa kwenye mpambano uliomalizika Mei mosi.



Zola D naye atangaza kuwania ubunge 2015

Zola D katika pozi

MSANII nyota wa muziki wa Hip hop nchini, Michael Mlope 'Zola D' ametangaza nia yake ya kujitosa kwenye siasa ili awanie Ubunge katika uchaguzi mkuu ujao wa mwaka 2015.
Zola D, aliiambia MICHARAZO kuwa, anataka kujitosa kwenye siasa ili kuendeleza harakati zake za kuwazindua na kuwakomboa wananchi kama afanyavyo kwenye fani ya muziki akiwa mmoja wa wanaharakati za kijamii.
Hata hivyo, Zola D ambaye pia ni mwanamasumbwi wa uzito wa juu nchini, hajaweka bayana atawania katika Jimbo gani kupitia chama kipi, licha ya kukiri kwamba atajitosa kwenye mkoa wa Dar es Salaam.
"Natarajia kuwania Ubunge katika Uchaguzi Mkuu wa 2015 katika moja ya majimbo ya jijini Dar es Salaam ila suala la chama na jimbo gani naomba niweke kwanza kwenye mabano mpaka muda muafaka ukifika," alisema Zola D.
Aliongeza kuwa, mpaka sasa vyama vitatu vikuu nchini vimekuwa vikimshawishi kujiunga nao, ingawa alisema chama atakachowani ni kile ambacho kina sera zinazotekelezeka na zitakazowanufaisha wananchi.
"Kiu yangu ni kuona wananchi wanyonge wakipata ukombozi wa kweli wa matatizo waliyonayo, maisha yamekuwa magumu na hakuna wa kuwaonea huruma hivyo nadhani kupitia chama chenye sera zinazotekelezeka naweza kuwasaidia kwani kabla ya kujitosa nimekuwa nikijitolea kwa jamii," alisema.
Kujitangaza kwa Zola D, kumekuja siku chache baada ya msanii mahiri wa filamu, Jacob Stephen 'JB' naye kuweka bayana kuwa atawania ubunge katika moja ya majimboi ya Dar es Salaam akifuata nyayo za Afande Sele aliyeweka bayana tangu mwaka jana na Karapina aliwahi kuwania udiwani Kinondoni.

Shaaban Dihile akiri Ligi Kuu msimu huu kiboko

Kipa Shaaban Dihile akiwa mazoezini na Taifa Stars

KIPA namba moja wa zamani wa Tanzania, Shaaban Dihile anayeidakia JKT Ruvu, amekiri Ligi Kuu Tanzania Bara msimu wa 2012-2013 ulikuwa mgumu kupita kiasi na kushukuru kutoshukwa kwao daraja.
Dihile, alisema kwa hali waliyokuwa nayo msimu huu na ugumu wa ligi ulivyokuwa, anaona ni kama miujiza kwa kikosi chao kusalia kwenye ligi hiyo kwa msimu ujao.
Akizungumza na MICHARAZO, Dihile aliyewahi kutamba na timu za Micco Villa, Everet ya Temeke, Dar Newala na Pan Afrika kabla ya kutua JKT mwaka 2005 alisema maandalizi yaliyofanywa na klabu zilizoshiriki ligi ya msimu huu ndiko kulikofanya ligi iwe ngumu na isiyotabirika kirahisi.
"Msimu huu ligi imekuwa ngumu na timu kutotabirika kwa klabu zilizofanya uzembe kwenye maandalizi yake zimejikuta kwenye wakati mgumu, ndiyo maana mpaka sasa siamini kama tumepoina kushuka daraja kutokana na hali tuliyokuwa nayo tangu tunaanza duru la kwanza mwaka jana," alisema Dihile.
Kipa huyo machachari ambaye msimu huu amekuwa akisumbuliwa na majeraha, alisema anaamini JKT watajipanga upya kwa msimu ujao ili warejee kwenye ligi ijayo wakiwa wapya na kuendeleza cheche zao.
Kuhusu kushindwa kufurukuta kwa wazawa msimu huu na kufunikwa na wageni, Dihile alisema ni kitu kinachotokea katika soka, japo alikiri kuyumba kwa wachezaji wa Kibongo kunachangia kufanya Stars nayo iyumbe kwa kukosa wachezaji wa kuaminika kikosi licha ya kuimwagia sifa kocha Kim Poulsen.
"Kung'ara kwa 'mapro' ni msiba wa kikosi cha Stars, kwani wachezaji wengine wanaotegemewa kwenye timu hiyo ni wale wanaotamba kwenye ligi, hata hivyo jambo la kuvutia ni kwamba Tanzania tumebahatika kuwa na kocha mzuri na mwenye kutambua kazi yake," alisema Dihile.
Katika orodha ya wafungaji mabao ya ligi hiyo inayomalizika Mei 18, kinara ni Kipre Tchetche, akifuatiwa kwa mbali na wachezaji kama akina Mcha Khamis Vialli, Paul Nonga, Hussein Javu, ambao wanabanana na akina Didier Kavumbagu, Haruna Niyonzima na Hamis Kiiza.

Thomas Mashali ataka kuzipiga tena na Francis Cheka

 

Cheka na Mashali walipopambana wiki iliyopita ukumbi wa PTA

BONDIA Thomas Mashali amekiri kwamba mpinzani wake Francis Cheka alimzidi ujanja na kumnyuka katika pambano lao la kuwania ubingwa wa IBF-Afrika, lakini akiapa ni lazima arudiane naye ili kulipiza kisasi.
Hata hivyo Cheka amejibu rai ya Mashali kwa kusema kuwa hawezi kurudiana na bondia huyo kwa madai imekuwa desturi kwa kila bondia anayepingwa naye kutaka kurudiana na kuendelea kuwanyuka, hivyo kiu yake ni kucheza na mabondia wa nje ya nchi.
Mashali alichezea kichapo na kusalimu amri katika raundi ya 10 kwa kupigwa KO katika pambano ambalo, Cheka alikuwa akitetea taji lake la IBF kwa mara ya tatu.
Bondia huyo aliyekuwa na rekodi ya kutopigika nchini, alisema anakubali Cheka alizimdi ujanja na kumtwanga, lakini haina maana yeye ni mbaya kwani ni kati ya mabondia wachache walioweza kukaribia kumaliza raundi zote kabla ya kuteleza raundi hiyo ya kumi.
"Nakubali kanizidi ujanja, Cheka ana nguvu mno na ndipo nilipokosea sikufikiria hilo, lakini kwa vile nimeshagundua makosa ninajipanga ili nirudiane naye tena mkoani Morogoro ili nilipize kisasi," alisema Mashali.
Cheka alipoulizwa juu ya tambo za Mashali, alisema hata kama atatokea promota wa kuandaa pambano hilo la pili hatakuwa radhi kupigana na Mashali kwa kuamini atampiga tu kama ilivyuotokea kwa mabondia wengine aliowadunda na kuomba kurudiana nao.
"Naona ni kupoteza muda, alitamba kabla ya kupigana nami kwamba yeye ndiye jibu la kuzuia vipigo kwa mabondia nchini mbele yangu, sasa nimempiga unadhani hata nikirudiana naye atafanya nini, itakuwa ni sawa na wenzake waliomtangulia, nataka kucheza mechi za kimataifa zaidi serikali inasaidie, nyumbani nimeshamaliza kazi," alisema Cheka.

Simba yampa presha King Kibadeni Tatu Bora Ligi Kuu Tanzania Bara

 

Kocha wa Kagera Sugar, King Abdallah Kibadeni

USHINDI wa mabao 3-1 iliyopata Simba jana kwenye pambano lao dhidi ya Ruvu Shooting, imewapa presha Kagera Sugar ambao wameenguliwa katika nafasi ya tatu waliyokuwa wanaishikilia mpaka jana.

Kocha wa Kagera Sugar, Abdallah Kibadeni, alisema ushindi wa Siomba umekuwa mwiba kwao kwa vile wanatishia ndoto zao za kuwepo kwenye Tatu Bora msimu huu.

Kagera wamelazimika kuwapisha Simba kutokana na kuzidiwa pointi mbili, Simba kwa ushindi wa jana imefikisha pointi 42, wakati Kagera wamesaliwa na zao 40.

Timu zote zimesaliwa na mechi mbilimbili kabla ya kufunga msimu, ambapo Kibadeni alisema watapigana kuhakikisha wanashinda zote, huku wakiiombea mabaya Wekundu wa Msimbazi.

"Kipigo cha Polisi na ushindi wa Simba jana umetuvurugia mipango yetu, lakini bado hatujakata tamaa na kumaliza katika Tatu BOra kwani tuna michezo miwili kama Simba, tutahakikisha tunashinda,:" alisema Kibadeni nyota wa zamani wa Simba, Majimaji Songea na Taifa Stars.

Katika mechi ya jana Wekundu wa Msimbazi, alipata ushindi kwa mabao ya Amri Kiemba aliyeanza kuifungia dakika ya 14 na kudumu hadi wakati wa mapumziko.

Kipindi cha pili Ruvu walisawazisha dakika ya saba tu ya kuanza kipindi hicho kupitia kwa Abdulrahman Mussa kabla ya  Edward Christopher  na Ismail Mkoko kuiongezea Simba mabao mengine baadaye.
Kikosi cha Simba kitashuka dimbani tena keshokutwa kwa kuumana na Mgambo Shooting ya Tanga inayohitaji pointi moja tu kuzishusha rasmi daraja Toto African na Polisi Moro.

Timu hiyo ya Mgambo ndiyo inayoshikilia roho za timu hizo mbili ambazo zina uwezo wa kufikisha pointi 25 ambazo maafande hao wa Mgambo wanazo mkononi kwa sasa.