Usaili wa wagombea TFF, Bodi ya Ligi kukamilika leo

Na Boniface Wambura
USAILI wa waombaji uteuzi kwenye uchaguzi wa Shirikisho la Mpira wa Miguu Tanzania (TFF) na Bodi ya Ligi Kuu (TPL Board) unaendelea na unatarajia kukamilika leo (Septemba 1 mwaka huu).

Kamati ya Uchaguzi ya TFF chini ya Mwenyekiti wake Hamidu Mbwezeleni ilianza usaili juzi (Agosti 30 mwaka huu) ambapo matokeo ya usaili yanatarajiwa kutangazwa keshokutwa (Septemba 3 mwaka huu).

Kati ya Septemba 4 na 6 mwaka huu, Kamati ya Uchaguzi kupitia Sekretarieti ya TFF itawasilisha kwenye Kamati ya Maadili ya TFF mashauri yote ya maadili ili kujadiliwa na kutolewa uamuzi na kamati hiyo.

Vilevile kati ya Septemba 4 na 6 mwaka huu ni kipindi cha kukata rufani kwenye Kamati ya Rufani ya Uchaguzi kwa masuala yasiyo ya maadili. Kwa watakaokata rufani wanatakiwa kuambatanisha na ada ya rufani kwa Katibu Mkuu wa TFF kabla ya saa 10 kamili jioni ya Septemba 6 mwaka huu.

Kocha Kim amuongeza Jonas Mkude Stars

Jonas Mkude

Na Boniface Wambura
KIUNGO wa Simba, Jonas Mkude ameitwa kwenye kikosi cha Taifa Stars kinachojiandaa kwa mechi ya mchujo ya Kombe la Dunia dhidi ya Gambia itakayochezwa Septemba 7 mwaka huu jijini Banjul.

Kocha Mkuu wa Taifa Stars, Kim Poulsen amemuongeza mchezaji huyo ili kuimarisha sehemu ya kiungo. Taifa Stars inayodhaminiwa na Kilimanjaro Premium Lager imeingia kambini tangu Agosti 29 mwaka huu kwenye hoteli ya Accomondia jijini Dar es Salaam.

Timu hiyo imefanya mazoezi leo asubuhi kwenye Uwanja wa Kumbukumbu ya Karume wakati kesho Jumatatu (Septemba 2 mwaka huu) saa 10 jioni itafanya mazoezi kwenye Uwanja wa Taifa, Dar es Salaam.

Ibrahim Kamwe 'Big Right' ajitoa TPBO-Limited, kisa....!

KATIBU mkuu wa Tanzania Professional Boxing Organisation (TPBO), Ibrahim Kamwe ambaye anajulikana kwa jina la bigright amejitoa  katika uongozi wa chama cha ngumi kama kiongozi.

Bigright ambae ukiondoa mambo ya kichama mara nyingi amekuwa akiwaongoza maofisa wa chama hicho katika shughuli mbalimbali na mapambano mengi kama jaji mkuu ,mhifadhi rekodi za mabondia na mshauri katika shughuli za kiufundi.

Akizungumza na MICHARAZO, Kamwe amesema ameamua kupumzika shughuli za TPBO na kurudi kwenye ufundishaji wa vijana na kuendelea na kampuni yake ndogo ya bigright promotion ambayo inajihusisha na utayarishaji wa matamasha na uandaaji wa mapambano ya ngumi.

"Kwa kuwa naupenda mchezo wa ngumi  nimefanya shughuli hii kwa muda mrefu kukiwa   na utatautata wa hapa na pale   na yote hii kwa ajili ya kuuendeleza mchezo wa ngumi nchini lakini imekuwa ni ngumu kwangu kuendelea na wadhifa huo," alisema na kuongeza;

"Nawashukuru maofisa wenzangu wamekuwa wakinipa ushirikiano wa karibu. Ila kwa sasa najitoa katika uongozi na nitajihusisha na ngumi kivingine ikiwemo kuwaendeleza vijana na kuandaa mapambano madogomadogo ya kukuza vipaji," alisema.

Uzinduzi wa 'Foolish Age' wafana Dar, 'Anaconda' nouma!

 Elizabeth Michael 'Lulu' akitoa Shukrani kwaWadau wote waliojitokeza katika Usiku wake wa uzinduzi wa Filamu yake Mpya iitwayo Foolish Age uliofanyika katika Ukumbi wa Mlimani City Usiku wa Kuamkia jana

 Mkurugenzi mkuu wa kampuni ya Proin Promotions Limited Geofrey Lukaza (Kushoto) akiwa na Waifu wake Groly Lukaza (katikakati) pamoja na Pedeshee Mamaa Ng'onzi wakijiachia Mbele ya Kamera ya Lukaza Blog usiku wa kuamkia jana katika uzinduzi wa Filamu ya Lulu iitwayo Foolish Age katika Ukumbi wa Mlimani City chini ya kampuni ya Proin Promotions Limited

 Lady Jay Dee aka Anaconda akitoa Burudani katika Uzinduzi wa Filamu mpya ya Lulu iitwayo Foolish Age iliyotengenezwa na Kampuni ya Proin Promotions Limited, Lady Jay Dee akiwa pamoja na Machozi Band walitoa Bururdani Safi Sana katika Uzinduzi huo Uliofanywa na Kampuni ya Proin Promotions Limited katika Ukumbi wa Mlimani City usiku wa Kuamkia jana

Msanii Barnaba akitoa burudani katika uzinduzi wa Filamu mpya ya Lulu uliofanya na Kampuni ya Proin Promotions Limited katika ukumbi wa Mlimani City Usiku wa Kuamkia jana

 Katikati ni Mama Mzazi wa Marehemu STEVEN KANUMBA akiongea kwa furaha huku akitoa machozi na Msanii wa Filamu Tanzania Wema Abraham Sepetu(kushoto) na Rafiki yao katika Uzinduzi wa Filamu ya Lulu ulioandaliwa na kufanywa na Kampuni ya Proin Promotions Limited katika Ukumbi wa Mlimani City usiku wa Kuamkia jana

 Wema Sepetu (aliyepiga magoti) akikumbatiana na Mama mzazi wa marehemu Steven KANUMBA wakati wa Uzinduzi wa Filamu ya Mwanae Elizabeth Michael katika Ukumbi wa Mlimani City, uzinduzi uliokwenda sambamba na burudani kutoka Kwa Wasanii mbalimbali wa Muziki wa Bongo Fleva katika Ukumbi wa Mlimani City usiku wa Kuamkia jana

Wadau wakisakata Mduara katika uzinduzi huo wa filamu ya Lulu iitwayo Foolish Age uliofanyika katika Ukumbi wa Mlimani City Usiku wa kuamkia leo, Uzinduzi huo wa Kufa mtu uliofanywa na Kampuni ya Proin Promotions Limited ulifana kupita Kiasi

 Baadhi ya Wadau Mbalimbali waliojitokeza katika Uzinduzi huo uliofanyika katika Ukumbi wa Mlimani City chini ya Kampuni ya Pron Promotions Limited.

Meza ya Viongozi wa Kampuni ya Proin Promotions Limited Kuanzia Kushoto ni Mkurugenzi Mkuu wa Kampuni ya Proin Promotions Limited Bw Geofrey Lukaza, akifuatiwa na Pedeshee Mamaa Ng'onzi, Bwa Johnson Lukaza Mwenyekiti waa Makampuni ya Proin Tanzania, Gadna G Habash na Lady Jay Dee aka Anaconda wakiwa makini Kufuatilia Uzinduzi Mzima wa Filamu Mpya ya Lulu iitwayo Foolish Age uliofanyika katika Ukumbi wa Mlimani City chini ya Kampuni ya Proin Promotions Limited.

Paul SekaBoy Mkurugenzi Wa Sekaboyi Production akiwa na rafiki yake katika uzinduzi wa Filamu ya Lulu iitwayo Foolish Age katika Ukumbi wa Mlimani City Usikuwa kuamkia jana

Mmiliki wa Lukaza Blog Josephat Lukaza akiwa katika Picha ya Pamoja na Mmoja wa Watembeleaji wakubwa kabisa wa Lukaza Blog Maa Fetty katika Uzinduzi huo uliofanyika katika ukumbi wa Mlimani City Usiku wa Kuamkia leo

Msanii wa Muziki wa Kizazi Kipya Lady jay Dee akituzwa Mahela katika Uzinduzi wa Filamu Mpya ya LULU iitwayo Foolish Age ndani ya ukumbi wa Mlimani City Usiku wa Kuamkia jana

Picha zote Na Josephat Lukaza Wa Lukaza Blog

Thamani ya SAkiba ya Wafanyakazi yafikia Bil. 178

 

Na Suleiman Msuya

THAMANI ya Mfuko wa Akiba ya Wafanyakazi Serikali imekuwa kutoka bilioni 72.55 mwaka 2008/2009 hadi kufikia bilioni 178.3 mwezi Juni mwaka 2013.08.30

Hayo yamebainishwa na Kaimu Mkurugenzi wa GEPF Festo Fute wakati akiongea na waandishi wa habari jijini Dar es Salaam.

Alisema ongezeko hilo limechangiwa na kuongezeka kwa wanachama pamoja na uwekezaji katika sekta mbalimbali kama amana  za serikali, makampuni yaliyo orodheshwa kwenye soko la mitaji (DSE), uwekezaji wa muda maalum kwenye mabenki ya biashara, mikopo, hati fungani na majengo.

Fute alisema hadi kufikia mwaka huu GEPF imefanikiwa kusajili wanachama 60, 030 ambapo kwa kipindi cha mwaka 2008/2009 walikuwa wanachama 30,227  hiyo ikitokana na jitihada zao za kuhakikisha kuwa watu wote wanafaidika na mfuko huo.

“Unajua katika mifuko hii ya hifadhi ya jamii moja ya malengo yake ni kuhakikisha kuwa thamani ya mfumo inaongezeka jambo ambalo tumeweza kulitekeleza kwani sasa mfumo una thamani ya shilingi bilioni 198.30,” alisema.

Kaimu Mkurugenzi huyo alisema vitegauchumi wa mfuko viliongezeka kutoka shilingi bilioni 64.94 mwaka 2009 hadi kufikia shilingi 179.68 mwaka 2013, ambapo na mapato yameongezeka  kutoka shilingi bilioni 5.48 mwaka 2009 hadi bilioni 18.25 mwaka 2013.

Alisema pamoja mafanikio hayo ya thamani ya mfuko ila pia wamekuwa wakiwalipa wanachama wao mafao kwa wakati ambao kwa kipindi cha mwaka 2012 hadi 2013 zaidi ya bilioni 5 zimelipwa kwa wanachama kama mafao.

Aidha akizungumzia kuhusu mpango wa hiari wa kujiwekea akiba ya uzeeni (VSRS) alisema mfuko huo umekuwa na mafanikio makubwa ambapo tangu mwaka 2009 hadi 2013 wameweza kusajili na wanachama 18,700 ambapo jumla ya akiba za wanachama zilifikia kiasi cha shilingi bilioni 3.05.

Fute alisema katika mfuko huo wanachama wamegawanyika katika makundi mbalimbali ambayo ni wafanyabiashara 7,480, kilimo ufugaji 6,545, ujasiriamali 1,683 na waajiriwa 2,992.

Pia alisema pamoja na mafanikio ambayo wameyapata pia mfumo huo unakabiliwa na changamoto mbalimbali kama kupitwa kwa sheria inayoongoza mfuko na ufahamu mdogo wa watu kuhusu mfuko.

TAHLISO nao watoa mapendekezo yao Katiba Mpya

 

Na Suleiman Msuya

WAKATI jamii ya Kitanzania ikiwa imeelekeza mitazamo, michango na mawazo juu ya aina ya Katiba ambayo wanaitaka Jumuiya ya Wanafunzi wa Taasisi za Elimu ya Juu Tanzania (TAHLISO) wamependekeza kuwepo kwa haki ya kupatiwa elimu bora, haki za wanaume pamoja na kuomba suala la muungano liwe la wananchi wote kutoa maoni.

Hayo yamebainshwa na Mwenyekiti wa TAHLISO Amon Chakushemeire wakati akizungumza na MICHARAZO, ambapo alisema mapendekezo hayo yametokana baraza wa wanachama wa TAHLISO ambao walikutana  Mkoani Mbeya kwa siku mbili ambapo waliweza kujadili rasimu ya Katiba wakiwa sehemu ya baraza.

Mwenyekiti baada ya kuipitia kwa undani rasimu hiyo wajumbe waligundua mambo makuu matatu ambayo ni haki ya kupatiwa elimu, haki za wanaume na muundo wa muungano ndiyo yanahitaji kuwekwa kama mapendekezo baada ya kuona watu wengi wamekuwa wakiyajadili mambo mengine na kuyaacha.

“Unajua watu wengi waliochangia rasimu ile wameonekana kusauhau suala la haki ya kupatiwa elimu, haki za wanaume jambo ambalo linaonekana kuwa linaweza kufanya yakasahaulika na kuendelea kuleta athari kwa jamii,” alisema.

Alisema suala la elimu linahitaji kubainishwa kwenye katiba moja kwa moja ili kuhakikisha kuwa jamii inapatiwa elimu kuanzia msingi hadi mahali ambapo mfaidika ataweza kutumikia jamii.

Chakushemeire alisema suala la kuwepo kwa haki za wanaume linaonekana kama halina tija ila ukweli ni kwamba jamii ya wanaume imekuwa ikipata athari kubwa ila haina pahali pa kusemea.

Mwenyekiti huyo alisema suala la muundo wa muungano ni vema likarejeshwa kwa wananchi ili waweze kufanya maamuzi wao wenyewe na lisiwe ni suala la watu wachache.

Akizungumzia suala la TAHLISO kuhusishwa na kuwapigia kampeni baadhi ya wagombea nafasi za Urais Katibu wa TAHLISO Donati Salla alisema wao hawahusiki na mambo hayo na kuwataka wanachama wao kutotumia nembo yao kufanya mambo yao binafsi.

Salla alisema wanaotajwa kuwa walikuwa viongozi wa TAHLISO huko morogoro ni kweli kuwa ni wanachama TAHLISO ila hakutumwa na wao na ni watu wenye maslahi yao binafsi jambo ambalo wanalipinga.

Aidha alitoa angalizo kwa baadhi ya watu ambao wanajiita Taasisi ya Vijana Tanzania  (TAVITA) kuacha kuwashirikisha wanachama wa TAHLISO katika mikakkati yao ya kutumiwa na watu wenye mipango ya kugombea Urais mwaka 2015.

Alisema kundi hilo linatarajiwa kukutana Septemba 7 mwaka huu nyumbani kwa Waziri Mkuu aliyejiuzulu wilayani Monduli.

Cheka, Mashali, King Class watoa vipigo kwa wapinzani wake

Bondia Ibrahimu Class 'King Class Mawe' akioneshana umwamba wa kutupiana makonde na Simba Watunduru wakati wa mpambano wao uliofanyika siku ya ijumaa katika ukumbi wa Diamond Jubilee. King Class alishinda kwa pointi.

Bondia Ibrahimu Class 'King Class Mawe' akioneshana umwamba wa kutupiana makonde na Simba Watunduru wakati wa mpambano wao uliofanyika Ijumaa katika ukumbi wa Diamond Jubilee. King Class alishinda kwa pointi.

Bondia Ibrahimu Class 'King Class Mawe' akioneshana umwamba wa kutupiana makonde na Simba Watunduru wakati wa mpambano wao uliofanyika siku ya ijumaa katika ukumbi wa Diamond Jubilee. King Class alishinda kwa pointi.

Bondia Chipaki Chipindi  kushoto akionyeshana umwamba wa kutupiana makonde na Alphonce Mchumiatumbo katika mpambano wao Mchumiatumbo alishinda kwa TKO

Bondia Deo Njiku akioneshana kazi na Alain Kamote wakati wa mpambano wao wa utangulizi Kamote alishinda kwa Point

Bondia Mada Maugo akijikakamua kumpiga konde Thomasi Mashali wakati wa mpambano wao uliofanyika jana wa kugombania Ubingwa wa WBF-Afrika. Mashali alishinda kwa pointi mpambano huo.

Thomasi Mashali kushoto na Maa Maugo wakioneshana umwamba

Bondia Francis Cheka kushoto akioneshana umwamba na Phil Williams wa Marekani wakati wa kugombania  ubingwa wa WBF uliofanyika katika ukumbi wa Diamond Jubilee. Cheka alishinda kwa pointi.

Bondia Francis Cheka kushoto akioneshana umwamba na Phil Williams wa Marekani wakati wa kugombania  ubingwa wa WBF uliofanyika katika ukumbi wa Diamond Jubilee. Cheka alishinda kwa pointi.

Miss Utalii Tanzania 2013 kwenda Equatorial Guinea Sept 28

Top 3 ,Miss Tourism Tanzania 2012/13

nchini

Tanzania tunashiriki kwa mara ya tano katika Miss Tourism World, mara ya kwanza ikiwa ni mwaka 2005. Katika fainali zote tulizo shiriki tumeshinda mataji ya Dunia , mataji hayo ni :

Miss Tuourism World 2005- Africa (Witness Manwingi – Tanzania),

MISS TOURISM TANZANIA & MISS TOURISM WORLD 2005- AFRICA- Witness Manwingi

Miss Tourism Tanzania & Miss Tourism World 2006 – SADC (Killy Janga Left),

Miss Tourism Tanzania & Miss Tourism World 2007 – Africa (Lillian Cyprian ),

Miss Tourism Tanzania & Miss Tourism World 2008- Internet (Lilly Kavishe 1ST Left)

Miss Tourism Tanzania ,the Miss Tourism World 2005- Africa witness Manwingi

Miss Tourism Tanzania ,the Miss Tourism World 2005- Africa witness Manwingi (right)

Miss Tourism Tanzania ,the Miss Tourism World 2005- Africa witness Manwingi

 Miss Tourism Model Of The World 2006 –Personality ( Witness Manwingi).

Miss Tourism Tanzania ,the Miss Tourism World 2005- Africa witness Manwingi

Miss Tourism Tanzania ,the Miss Tourism World 2005- Africa witness Manwingi

Miss Tourism Tanzania ,the Miss Tourism World 2005- Africa witness Manwingi

 

MISS TOURISM TANZANIA 2013 ,Hadija Saidi Mswaga

Hadija saidi alishinda Taji la Miss Utalii Tanzania 2013, baada ya kuwashinda washiriki wengine 24 kutoka mikoa yote ya Tanzania, katika fainali zaTaifa zilizo fanyika Tanga Mei 19, 2013. Hajija Saidi Juma Mswaga, mwanafunzi wa Diploma ya Mahusiano ya Umma na Matangazo katika Chuo cha DSJ. 

MISS TOURISM TANZANIA 2013

TOP 5 MISS TOURISM TANZANIA 2013

Anawaomba watanzania kumpa ushirikiano wa hali na mali ikiwemo sala na Dua katika kufanikisha maandalizi, safari na kutwaa taji hilo la Dunia.

“ Kwakuwa nakwenda kuwakilisha Taifa, anaye shiriki sio Hadija tena bali ni Tanzania, najua jukumu kubwa la kuifanya Tanzania kushinda , najua pia kazi niliyo nayo ya kutangaza Utalii na Utamaduni wa Tanzania na  kulinda heshima ya  Miss Utalii Tanzania , ya kushinda kila mwaka na siyo kushindwa , nikifuata nyayo za walionitangulia. Naomba Dua na sala zenu

David Mwantika amrithi Kelvin Yondani Taifa Stars, kocha Kim Poulsen amuita kikosini

Beki David Mwantika (kulia) aliyeitwa Taifa Stars kuchukua nafasi ya Kelvin Yondani

Na Boniface Wambura

KOCHA Mkuu wa Taifa Stars, Kim Poulsen ameongeza kwenye kikosi chake beki wa Azam, David Mwantika kwa ajili ya mechi ya Kombe la Dunia dhidi ya Gambia itakayochezwa Septemba 7 mwaka huu jijini Banjul.

Mwantika ameitwa kwenye kikosi hicho kuziba nafasi ya beki Kelvin Yondani ambaye ni majeruhi. 

Mbali na Yondani Stars ina wachezaji majeruhi watatu ambao kocha Kim amewaondoa kwenye kikosi hicho ni waweze kushughulikia matibabu yao. 

Wachezaji hao ni Athuman Idd 'Chuji' , Shomari Kapombe na John Bocco 'Adebayor'.

Taifa Stars imeingia kambini jana (Agosti 29 mwaka huu) na imeanza mazoezi leo jioni kwenye Uwanja wa Kumbukumbu ya Karume. 

Timu hiyo inayodhaminiwa na Kilimanjaro Premium Lager pia itakuwa ikifanya mazoezi kwenye Uwanja wa Taifa.

TFF, AZAM MEDIA ZASAINI MKATABA WA BIL. 5.5/-

Na Boniface Wambura

SHIRIKISHO la Mpira wa Miguu Tanzania (TFF) na kampuni ya Azam Media leo (Agosti 30 mwaka huu) wamesaini mkataba wa haki za kipekee za televisheni (exclusive rights) utakaoiwezesha Azam TV kuonesha mechi za Ligi Kuu ya Vodacom (VPL).

Mkataba huo wa miaka mitatu wenye thamani y ash. 5,560,800,000 umesainiwa kwenye hoteli ya Serena jijini Dar es Salaam. 

Makamu wa Rais, Athuman Nyamlani amesaini kwa niaba ya TFF wakati aliyesaini kwa upande wa Azam Media ni Ofisa Mtendaji Mkuu wa kampuni hiyo Thys Torrington.

Ligi Kuu ya Tanzania sasa itakuwa ikipatikana kupitia kisimbuzi (decorder) cha Azam TV kitakachokuwa na chaneli zaidi ya 50. Mechi hizo zinatarajiwa kuoneshwa moja kwa moja wakati wowote kuanzia mwezi ujao.

Makamu wa Rais wa TFF, Nyamlani amesema udhamini huo wa televisheni ni fursa pana kwa klabu kwani zitaweza kujitangaza zaidi huku wachezaji nao wakipata soko zaidi za mpira wa miguu.

Gervinho achekelea kuhama Arsenal

MSHAMBULIAJI wa Ivory Coast, Gervinho (26) amebainisha kwamba alifurahi sana kuondoka Arsenal.
Nyota huyo amesema alikuwa na maisha magumu London Kaskazini na kwamba ilipotokea ofa ya kuondoka aliichangamkia haraka.
Gervinho alishuka kiwango na akashindwa kuonyesha makali yake Arsenal baada ya kujiunga na klabu hiyo kwa paundi milioni 10.8 akitokea Lille mwaka 2011.
Alikamilisha uhamisho wake wa kutua Roma mapema katika kipindi hiki cha usajili chini ya kocha wake wa zamani wa Ufaransa, Rudi Garcia na amesema atatisha chini ya kocha huyo.
Nyota huyo aliyesajiliwa kwa paundi milioni 8 alisema: "Ilikuwa ni faraja kubwa kwangu kuchezea Arsenal, lakini baada ya miaka miwili ya kupanda na kushuka ilikuwa ni wakati mwafaka wa mabadiliko.
"(Arsene) Wenger, nadhani ni kocha mkubwa. Ni mtu ambaye namheshimu sana na nina furaha kubwa kupata fursa ya kucheza katika timu yake. Nadhani washambuliaji wanahitaji kuaminiwa na kocha wao na kupewa muda mwingi wa kucheza. Nilitamani nami iwe hivyo. Lakini ukurasa huo umepita mambo yamebadilika. Naweka akiliyangu yote Roma.
"Roma ni timu kubwa yenye kocha mkubwa. Sikujiuliza kukubali ofa yao.
"Daima nina mahusiano mazuri na Garcia - amekuwa akinijengea kujiamiani daima, na alikuwa ndiye kocha wa kwanza kunichezesha kwenye wingi.
"Nataka kuonyesha naweza kuisaidia timu. Siko katika hali nzuri kimwili kwa sasa, lakini Garcia ananifahamu vyema, nina kazi ya kufanya ili niwe fiti tena."
(Talksport)

Diamond nouma, amzawadia Mzee Gurumo gari...wengine mpo...!

Msanii mkongwe wa muziki wa dansi, Muhidin Gurumo akijaribu gari dogo alilokabidhiwa na mwanamuziki wa bongo fleva, Nasibu Abdul ‘Diamond ‘ kutokana na kutambua mchango wake baada ya kustaafu kazi ya muziki.

Show.

Muhidin Gurumo akipokea funguo ya gari kutoka kwa Diamond

Gari alilozawadiwa mzee Gurumo.

STAA wa nyimbo za 'Kesho', 'Nataka Kulewa', 'Mawazo' na vingine, Naseeb Abdul ameonyesha mfano kwa wadau wa muziki nchini baada ya kumzawadiwa gari mwanamuziki mkongwe wa muziki wa dansi aliyetangaza kustaafu, Muhidini Gurumo.

Diamond alimkabidhi Gurumo gari hilo kuonyesha kujali na kuthamini mchango wa mwanamuziki huyo, baada ya hivi karibuni kunukuliwa 'akilia' kwamba kwa miaka zaidi ya 50 ya kuwa mwanamuziki anastaafu akiwa hana hata baiskeli.

Alichokifanya Diamond ni jambo la kupongezwa na kuigwa na wadau wengine wa muziki kama alivyowahi kunukuliwa mwenyewe (Gurumo) kwamba angependa ale jasho na kupewa pongezi zake angali hai badala ya watu kumsubiri afe ndipo watu wajitokeze kumwagia sifa na kujifanya kumuenzi wakati akiwa hao walimtelekeza.

MICHARAZO inakupa pongezi Diamond na tunawaomba wengine wamsadie mkongwe huyo ambaye amestaafu siyo kwa sababu ya kuishiwa kimuziki, bali hali yake ya kiafya akisumbuliwa na maradhi na wenye kutaka kumchangia watume fedha kwa njia ya TiGO Pesa katika simu yake ya mkononi 0655-401383.

Frank Ribery ndiye Mchezaji Bora Barani Ulaya awabwaga Messi na Ronaldo

Frank Ribery ambaye kiimani ni Muislam akiomba dua kabla ya kuanza pambano la soka la timu yake ya Bayern Munich

NYOTA wa Kifaransa anayeichezea klabu ya Bayern Munich, Frank Ribery amewagaragaza wakali wa Hispania, Lionel Messi wa Barcelona na Cristiano Ronaldo kwa kunyakua tuzo ya Mchezaji Bora wa Ulaya 2012-2013.
Mkali huyo aliyeisaidia Bayern Munich kunyakua taji la Ligi ya Mabingwa ya Ulaya na mengine mawili ya Ligi ya Ujerumani alitangazwa kunyakua tuzo hiyo leo barani humo.
Ribery amenyakua tuzo hiyo akimpokea Iniesta wa Barcelona aliyenyakua msimu uliopita akitanguliwa na Messi aliyetwaa mwaka 2010-2011.
Nafasi ya pili katika kimyang'anyiro hicho ilienda kwa Messim kisha Ronaldo aliyeshina nafasi ya tatu, ingawa hjakuweza kuhudhuria sherehe hizo zilizoenda sambamba na kutangazwa kwa makundi ya Ligi ya Mabingwa Ulaya msimu wa 2013-2014.

Rais Kikwete amteua Kamishna Mkuu Idara ya Uhamiaji

Rais Jakaya Kikwete

RAIS wa Jamhuri ya Muungano wa Tanzania, Mheshimiwa Jakaya Mrisho Kikwete amemteua Ndugu Sylvester Ambokile Mwakinyule kuwa Kamishna Mkuu, Idara ya Uhamiaji.
 

Taarifa iliyotolewa leo, Alhamisi, 29 Agosti, 2013 mjini Dar es Salaam na Katibu Mkuu Kiongozi Balozi Ombeni Y. Sefue inasema kuwa uteuzi huo umeanza jana, Agosti 28, mwaka huu, 2013.
Ndugu Mwakinyule anachukua nafasi ya Ndugu Magnus Ulungi ambaye atapangiwa kazi nyingine.
 

Kabla ya uteuzi wake, Ndugu Sylvester Ambokile Mwakinyule, alikuwa Naibu Kamishna wa Uhamiaji na Mwambata wa Uhamiaji katika Ubalozi wa Tanzania, London, Uingereza
 

Rais pia amemteua Dkt. Nyamajeje Calleb Weggoro kuwa Msaidizi wa Rais, Masuala ya Ushirikiano wa Kikanda.
 

Taarifa iliyotolewa leo, Alhamisi, 29 Agosti, 2013 mjini Dar es Salaam na Katibu Mkuu Kiongozi Balozi Ombeni Y. Sefue inasema kuwa uteuzi huo umeanza jana Agosti 28, mwaka huu, 2013.
 

Kabla ya uteuzi huu, Dkt. Nyamajeje Calleb Weggoro alikuwa Mkurugenzi wa Sekta za Uzalishaji (Productive Sectors) katika Sekretarieti ya Jumuiya ya Afrika Mashariki (EAC).