Binti wa Carren Mgonja apata Kipaimara cheki party yake

 

Carrenflora Mgonja wa kundi la wajasiliamali wa kikundi cha Habari Group akiwa na mumewe Patson Mlandali wakati wa kumfanyia part ya kipaimara bint yao Elizabet iliyofanyika katika ukumbi wa Abiola Buza Dar es salaam jana

Washereheshaji wa shughuli hiyo Anti Latifa kushoto na Sakina Lioka wakiwa na CArren Mgonja wakati wa sherehe ya mwanae

Elizabet

kutoka kushoto Hellen Mwango na Somoe N,gitu wafanyakazi wenzie

WAZAZI WAKICHEZA MZIKII

WAZAZI WAKITOA NENO LA KUWAKARIBISHA WAGENI

Carrenflora Mgonja

Angetile nje TFF, Wambura akaimu nafasi yake

Kaimu Katibu Mkuu wa TFF, Boniface Wambura

SAFU mpya ya uongozi wa Shirikisho la Soka Tanzania (TFF) iliyokutana jana kwa mara ya kwanza tangu waingie madarakani Oktoba 27, wamemtupa nje aliyekuwa Katibu Mkuu, Angetile Osiah na nafasi yake kukaimiwa na Afisa Habari wa shirikisho hilo, Boniface Wambura.
Kwa mujibu wa taarifa za ndani za kikao hicho kilichoendeshwa na Rais Jamal Malinzi ni kwamba Angetile amepewa likizo ya muda usiojulikana na wakati anasubiri hatima yake, Wambura ataendelea kusimamia kazi zake zote.
Hata hivyo TFF inatarajiwa kutoa taarifa rasmi juu ya suala hilo kutokana na ukweli kwa sasa safu hiyo 'inasafisha' shirikisho hilo ili kuanza upya chini ya uongozi wa Malinzi kwani tayari kamati zote zilizokuwepo enzi za rais aliyepita, Leodger Tenga zimevunjwa pia.

Hawa ndiyo Top 10 ya waigizaji visura- 2013

1. Elizabeth Michael Lulu(18)

Lulu is sexy and she knows it, she is confident with her natural beauty that is why we have seen this diva many times with no wigs or weaving, may be because she grew up onscreen. She is talented and very popular in the Tanzanian Swahili movie industry.

Elizabeth Michael

2.Omotola Jalade(35). 
The mother of four children is already known as Omosexy, she is very popular in Nollywood. She is an ageless beauty.

3.Jackie Appiah(29) 
Born in Canada but got huge popularity in the Ghananian movie industry, Jackie is sexy and talented.
She has appeared in many movies both in Ghana and Nigeria.

Jackie Appiah

4.Jackline Wolper(25)
Tanzanian Swahiliwood screen goddess, Wolper once said she makes sure she eats green vegetables, fruits and drinks lots of water every day to maintain her beauty. Wolper is a top actress in the Tanzanian movie industry and she has appeared in many movies this year.

Jacklyen Wolper

5.Genevieve Nnaji(34)
“Referred to as Julia Roberts of Africa” this Nollywood queen has maintained her beauty over years. She is simply beautiful and sexy.

Genevieve Nnaji

6.Nadia Buari(30)
Another Ghananian actress,Nadia is simply hot

Nadia Buari

 7.Yobnesh Yusuph “Batuli”(27)
Mother of two but she still looks hot leaving behind many of her contemporaries in the Tanzanian Swahili movie industry.

Batuli

8.Julieth Ibrahim(27)
Julieth is another Ghananian famous actress, early this year the bombshell actress said “The fact is and will always remain I, Juliet Ibrahim is 100 times hotter, prettier than Kim kardashian! I have every right to say so Coz I am an African woman without any surgeries and natural beauty is what I brag of”

Juliet

9.Ini Edo(31)
Edo is one of the hottest female stars in Nollywood whom their beauty can’t be hidden.

Ini Edo

10.Yvonne Cherryl”Monalisa”(32)
Despite being a mother of two Yvonne Cheryl popularly know as Monalisa has kept herself in shape over years. She is a true black beauty in Tanzanian Swahili movies.

Monalisa

source;djsekblog

Azam, Mbeya City yaziporomosha Yanga, Mtibwa yazinduka

Azam wakishangilia moja ya mabao yao ya jana

Mbeya City

BAO la kujifunga la beki wa Ashanti United, Samir Luhava, lilitosha kuifanya Mbeya City kuendeleza rekodi ya kushinda mechi mfululizo katika Ligi Kuu Tanzania Bara inayoicheza kwa mara ya kwanza na kurejea kwenye nafasi ya pili nyuma ya Azam waliorejea kileleni baada na wao kupata ushindi wa mabao 3-0.
Mbeya City, iliyokuwa nyumbani kwenye uwanja wa Sokoine inadaiwa haikuonyesha soka lake lilizoeleka kutokana na kubanwa na Watoto wa Jiji, Ashanti ambao walioinyesha walienda Mbeya kufuata ushindi.
Hata hivyo dakika ya 30 ya pambano hilo, Samir katika harakati za kuokoa mpira langoni kwake alijikuta akijifunga bao lililodumu hadi mwisho wa mchezo na kuwafanya Ashanti kurejea Dar kinyonge kusubiri kuumana na Simba siku ya JUmatano.
Nao Azam waliendelea kuonyesha dhamira yao ya kuwa mabingwa wapya nchini baada ya kuinyoa Ruvu Shooting mabao 3-0 na kuiporomosha Yanga hadi kwenye nafasi ya tatu katika msimamo wa Ligi Kuu kwa kurejea kileleni ikifikisha pointi 26.
Mabao ya Azam iliyokuwa uwanja wake wa nyumbani wa Chamazi yalifungwa na Kipre Tchetche, Joseph Kimwaga na Mcha Khamis 'Vialli'.
Mtibwa Sugar baada ya kukumbana na kipigo cha mbwa mwizi uwanja wa Mkwakwani, Tanga katika mechi iliyopita jana ilizinduka na kuinyoa Rhino Rangers kwa bao la Salim Mbonde huku, Coastal Union na Mgambo JKT zilishindwa kutambiana kwa kutoka suluhu.
Ligi hiyo itaendelea tena kwa pambano moja tu la kukamilisha mechi za raundi ya 12 kwa timu ya Prisons Mbeya kuialika Oljoro JKT kwenye uwanja wa Sokoine, Mbeya.

Dk Mvungi avamiwa, acharangwa mapanga

Dk Sengondo Mvungi

MJUMBE wa Tume ya Mabadiliko ya Katiba ambaye pia ni Mhadhiri Mwandamzi wa Sheria wa Chuo Kikuu cha Bagamoyo (UB), Dk. Sengondo Mvungi, usiku wa kuamkia leo amevamiwa na watu wasiyojulikana na kukatwa mapanga maeneo mbalimbali mwilini ikiwemo sehemu za kichwani kwa madai ya kutaka wapatie fedha. 

Watu hao walitimiza lengo lao hilo baada ya Dk. Mvungi kuwaambia hana fedha ndipo walipoanza kumcharanga mapanga.
Mtoto mkubwa wa Dk. Mvungi aitwaye Dk. Natujwa Mvungi ameeleza kuwa baada ya watu hao kumjeruhi baba yake na kufanikiwa kuondoka, walimchukua na kumkimbiza katika Hospitali ya Tumbi mkoani Pwani ambapo amepatiwa huduma ya kwanza kisha kumkimbiza katika Hospitali ya Taifa Muhimbili ambapo baadaye alipelekwa kwenye wodi katika Taasisi ya Mifupa (MOI) kwa ajili ya matibabu.
Dk. Mvungi aliwahi kugombea urais katika Jamhuri ya Muungano wa Tanzania mwaka 2005 kwa tiketi ya Chama cha NCCR-Mageuzi

Arsenal yaizima Liverpool, Man City yaua EPL

Raha ya ushindi bana ni mabao

Ramsey akitumbukiza wavuni bao la pili la Arsenal

ASRENE Wenger kocha wa Arsenal ameendelea kudhihirisha huu ni msimu wake baada ya 'babu' mwenzake, Sir Alex Ferguson kustaafu kufundisha soka baada ya vijana wake kuwafumua wenzao wa Liverpool na kuimarisha uongozi wao wa Ligi Kuu ya England.
Mabao mawili ya kila kipindi yaliyotosha kuwapa ushindi muhimu Arsenal kwenye uwanja wake wa nyumbani wa Emirates.
Bao la kwanza liliwekwa kimiani na Santi Carzola katika dakika ya 19 kabla ya Aaron Ramsey kuongeza la pili kwenye kipindi cha pili na kuifanya Arsenal kuimarisha uongozi wake kwa kufikisha pointi 25, pointi tano zaidi ya wapinzani wao na Chelsea ambayo mapema jana ilinyukwa mabao 2-0 na Newcastle United.
Katika mechi nyingine za ligi hiyo Manchester City ikiwa nyumbani iliifumua Norwich City kwa mabao 7-0, huku Manchester United wakipata ushindi muhimu ugenini dhidi ya Fulham walipowatungua mabao 3-1, huku West Ham United na Aston Villa silishindw akutambiana kwa kutoka suluhu.
Sunderland iliendelea kuwa mtepeto baada ya kunyukwa bao 1-0 na Hull City, West Bromwich iliipata ushindi wa mabao 2-0 nyumbani dhidi ya Crystal Palace na Stoke City na Southampton walishindwa kupata mbabe baina yao kwa kutoka sare ya baoa 1-1.
Ligi hiyo itaendelea leo kwa michezo miwili, Everton watakuwa nyumbani kuikaribisha Tottenham ambapo mshindi wowote wa pambano hilo atakwea hadi nafasi ya pili baada ya Chelsea na Liverpool jana kuangukia pua katika mechi zao. Pambano jingine la leo litakuwa kati ya Cardiff City dhidi ya Swansea City.

MATOKEO MITIHANI DARASA LA SABA YATOKA...SOMA HAPA

Dar es salaam, Tanzania
MATOKEO ya Darasa la Saba yametangazwa  na mwaka huu huku ufaulu ukiwa umeongezeka kutoka asilimia 30.72 mwaka jana mpaka asilimia 50.61 mwaka huu kutokana na wanafunzi walio fanya mtihani mwaka huu wa darasa la saba wamefaulu zaidi ukilinganisha na wanafunzi wa mwaka jana Kaimu mtendaji wa Baraza la Mtihani Charles Msonda amesema ufaulu katika masomo yote umepanda kwa asilimia kati ya 6.01 na 28.06 ukilinganisha na mwaka 2012.
Mwaka huu watahiniwa wamefahulu zaidi katika somo la Kiswahili kwa asilimia 69.06 na somo walilio faulu kwa kiwango kidogo zaidi ni somo la Hisabati wamefaulu kwa asilimia 28.62.
 Msonda amesema jumla ya watahiniwa 427,606 kati ya 844,938 walio fanya mtihani huo wamepata alama ya 100 kati ya alama ya 250 idadi hiyo ni sawa na asilimia 50.61

BOFYA HAPA KUONA SHULE YA MWANAO

Unyama! Mwanamke abakwa, alawitiwa hadi kufa

Kamanda wa Polisi wa Kilimanjaro, Robert Boaz

WATU wasiojulikana, walimvamia mwanamke mmoja wa kijiji cha Mrimbo Uuwo, Mwika mkoani  Kilimanjaro nyumbani kwake wakambaka na kumlawiti hadi kupoteza maisha.

Afisa mtendaji wa kijiji hicho, Elizabert Mkonyi, alisema mama huyo alivamiwa juzi saa 3 usiku na kufanyiwa unyama huo na baadaye kufungwa mikono na miguu.

Alisema, mama huyo alikutwa ndani kwake akiwa amefanyiwa unyama huo, huku chakula chake cha jioni kikiwa mezani na watu huo kutokomea na magodoro mawili.
“Tulitoa taarifa kwa jeshi la polisi na mwili wake umehifadhiwa katika hospitali ya Kilema,” alisema Mkonyi.

Hata hivyo Kamanda wa Polisi mkoani Kilimanjaro, Robert Boaz alipoulizwa kuhusu kutokea kwa tukio hilo, hakupatikana na alipotafutwa kwa njia ya ujumbe mfupi kupitia simu yake ya kiganjani alijibu: "Nina dharura nitakutafuta."

CHANZO: NIPASHE

Azam, Mbeya City kuendeleza rekodi zao Bara kesho

Azam

Mbeya City

MECHI za raundi ya 12 ya Ligi Kuu ya Vodacom (VPL) zinatarajiwa kuendelea tena kesho kwenye viwanja vinne tofauti, huku mashabiki wa soka wakitaka kujua kama Azam na Mbeya City ambazo ndizo pekee hazijapoteza mchezo mpaka sasa zitavuna nini?

Mbali na kuendeleza rekodi pia iwapo timu hizo zitashinda mechi zake hizo zitaiengua Yanga kileleni na kuiporomosha hadi nafasi ya tatu na zenyewe kurejea kwenye uongozi huo wakisubiri mechi za kufungia dimba la duru la pili katikati ya wiki ijayo.

Azam waliokuwa wakiongoza msimamo wa ligi hiyo mpaka jioni hii kabla ya Yanga kuwashusha yenyewe itaikaribisha Ruvu Shooting kwenye uwanja wa Chamazi, huku wapinzani wao, Mbeya City nao watakuwa dimba la nyumbani Sokoine kuialika Ashanti United.
Michezo hiyo ni migumu kwa timu zote nne, lakini kwa kasi ya Azam na Mbeya City ni wazi Ashanti na Ruvu watakuwa na kibarua kizito cha kuweza kudhibitisha kuwa wao nao ni kiboko iwapo watazisimamisha timu hiyo katika viwanja hivyo.
Afisa Habari wa Ruvu Shooting, Masau Bwire aliiambia MICHARAZO kwamba kesho wanataka kuweka rekodi ya kuwa timu ya kwanza msimu huu 'kuwatengua udhu' Azam kwenye uwanja wa Chamazi, kwa madai wamejiandaa vya kutosha kupata ushindi.
Bwire alisema kikosi chao kipo imara japo itaendelea kumkosa kiungo mkabaji wao, Juma Seif Kijiko ambaye alionyeshwa kadi nyekundu katika pambano baina ya timu yao na Ashanti United lililoisha kwa sare.
Ruvu imesema wakali wao kama Elias Maguri, Cosmas Ader, Stephen Mwasyika, Said Dilunga na wengine wapo tayari kuwazima Azam ambao wenyewe wamenukuliwa kupiotia meneja wao Jemedari Said kwamba wanataka kumaliza mechi za duru la kwanza wakiwa kileleni mwa msimamo ili kutimiza ndoto za kuja kuwa mabingwa wapya nchini.
Mechi nyingine za kesho ni kati ya Mgambo JKT itakayoumana na 'majirani' zao Coastal Union katika pambano linalosubiriwa kwa hamu litakalochezwa kwenye uwanja wa  Mkwakwani, Tanga huku Mtibwa Sugar ya Morogoro itaialika Rhino Rangers ya Tabora katika dimba la Manungu, Morogoro.
Siku ya Jumapili kutakuwa na mechi moja tu itakayowakutanisha 'Wajelajela' Prisons ya Mbeya itakayoikaribisha timu ya Oljoro JKT kwenye Uwanja wa Kumbukumbu ya Sokoine jijini Mbeya.
Katika mechi zao mwisho, Prisons ililala mabao 2-0 mbele ya Mbeya City wakati Oljoro ililazimishwa suluhu na Ashanti United.
Mechi za kufungia duru la kwanza zitaanza kuchezwa Novemba 6 kwa pambano kati ya Jkt Ruvu dhidi ya Coastal Union, Ashanti United dhidi ya Simba, Kagera Sugar kuwa wenyeji wa Mgambo JKT na Ruvu Shooting kuumana na Mtibwa Sugar.
Siku inayofuata yaani Novemba 7, Azam itacheza na Mbeya City uwanja wa Chamazi, huku mabingwa watetezi Yanga itaikaribisha Oljoro JKT na Rhino Rangers itakuwa dimba la nyumbani kuikaribisha Prisons ya Mbeya.

Simba, Kagera Sugar zavuna Mil 32 Taifa

Na Boniface Wambura

MECHI ya Ligi Kuu ya Vodacom kati ya Simba na Kagera iliyochezwa jana (Oktoba 31 mwaka huu) Uwanja wa Taifa, Dar es Salaam imeingiza sh. 32,726,000.

Washabiki waliohudhuria mechi hiyo namba 81 iliyomalizika kwa timu hizo kutoka sare ya bao 1-1 walikuwa 5,541 ambapo viingilio vilikuwa sh. 5,000, sh. 8,000, sh. 15,000 na sh. 20,000.

Mgawo wa mapato hayo ulikuwa kama ifuatavyo; Kodi ya Ongezeko la Thamani (VAT) sh. 4,992,101.69, gharama za kuchapa tiketi sh. 3,183,890 wakati kila klabu ilipata sh. 7,242,252.45.

Wamiliki wa uwanja walipata sh. 3,682,501.25, gharama za mchezo sh. 2,209,500.75, Bodi ya Ligi sh. 2,209,500.75, Mfuko wa Maendeleo ya Mpira wa Miguu (FDF) sh. 1,104,750.37, Chama cha Mpira wa Miguu Mkoa wa Dar es Salaam (DRFA) sh. 859,250.29.

Yanga 'yachinja' tena maafande Taifa, Ngassa dah!

 Mfungaji wa mabao mawili ya timu ya Yanga dhidi ya JKT Ruvu katika mchezo wa Ligi Kuu ya Soka Tanzania Bara, Mrisho Ngasa akishangilia bao lake la kwanza katika mchezo uliofanyika leo kwenye Uwanjawa Taifa jijini Dar es Salaam.

 Mshambulijia wa Yanga, Hamis Kiiza akiwa katika harakati za kufunga.

Wachezaji wa Yanga wakishangilia.

Beki wa JKT Ruvu akiokoa moja ya hatari langoni mwake.

Kiungo wa JKT Ruvu, Nashon Naftal akimtoka Mrisho Ngasa.

Simon Msuva akichuana na Kessy Mapande wa JKT Ruvu.

Mashabiki wa Yanga wakishangilia timu yao.

Wachezaji wa Yanga wakishangilia bao la tatu lililofungwa na Oscar Joshua. (Picha zote: Francis Dande)

JANGWANI wanacheka! Ndivyo unavyoweza kusema kutokana na Mabingwa watetezi wa Ligi Kuu Tanzania Bara, Yanga kuendelea kutoa dozi kwa timu za majeshi baada ya jioni hii kuivurumusha JKT Ruvu kwa mabao 4-0 na kukalia kiti cha uongozi wa ligi hiyo.
Mabao mawili ya mapema ya Mrisho Ngassa 'Uncle' na mengine ya kipindi cha pili yaliyofungwa na beki wa kushoto, Oscar Joshua na jingine la Jerry Tegete yameifanya Yanga kufikisha pointi 25 kutokana na kucheza mechi 12, huku Ngassa akifikisha jumla ya mabao matano katika orodha ya wafungaji na Tegete kufikisha manne.
Ushindi huo wa Yanga ni wa tatu mfululizo kwa maafande wa Jeshi baada ya awali kuitafuna Mgambo mabao 3-0 kisha kuisulubu Rhino Rangers kwa idadi kaka hiyo kabla ya leo kuisasambua JKT Ruvu.
Mabingwa hao watetezi watamaliza mechi zao za duru la kwanza kwa kuvaana tena na maafande wengine Oljoro JKT pambano lityakalochezwa Alhamis ijayo kwenye uwanja wa Taifa.
Ligi hiyo inatarajiwa kuendelea tena wikiendi hii katika viwanja viwanja vitano kuamliza mechi za raundi ya 12 kabla ya Jumatano na Alhamis kuhitimishwa kwa ligi hiyo ambayo msimu huu imekuwa na msisimko na ushindani mkubwa.


Msimamo wa Ligi Kuu Tanzania Bara 2013-2014                                         P    W   D   L    F    A   GD  PTS
01. Yanga                   12    7    4    1   28  11   17    25
02. Azam                    11    6    5    0   17   7    10    23
03. Mbeya City           11    6    5    0   15   7     8     23
04. Simba                   12    5    6    1   22  11    11    21
05. Kagera Sugar        12    4    5    3   12    9    3     17
06. Ruvu Shooting       11    4    4    3   13   10   3     16
07. Mtibwa Sugar        11    4    4    3   16  15    1     16
08. Coastal Union        11    3    6     2   10   6    4     15
09. JKT Ruvu              12    4    0    8    9   16  -7     12
10.Rhino Rangers         11    2    4    5    9   15  -6     10
11.Ashanti                    11    2    4    5    10  19 -9     10
12.Prisons                    11    1    5    5     5   14 -9      8
13.Oljoro                     11    1    4    6     8    16 -8     7
14.Mgambo                 11    1    2    8     3    21 -18   5

Wafungaji:
9- Tambwe Amisi (Simba)
8- Hamis Kiiza (Yanga)
7- Elias Maguri (Ruvu Shooting), Juma Luizio (Mtibwa Sugar)
6- Kipre Tchetche (Azam)
5- Tumba Sued (Ashanti Utd), Themi Felix (Kagera), Didier Kavumbagu, Mrisho Ngassa (Yanga)
4-Peter Michael (Prisons), Jerry Santo (Coastal Union), Jerry Tegete (Yanga)
3- Haruna Chanongo, Jonas Mkude (Simba), Bakar Kondo (JKT Ruvu), Themi Felix (Kagera), Paul Nonga (Mbeya City), Salum Machaku (JKT Ruvu), Jerry Santo (Coastal Union),
2- Haruna Moshi, Crispian Odulla (Coastal Union), Saady Kipanga (Rhino Rangers), Mwagani Yeya, Jeremiah John, Peter Mapunda,(Mbeya City), Godfrey Wambura (Kagera Sugar), Shaibu Nayopa, Amir Omary (JKT Oljoro), Khamis Mcha (Azam), Shaaban Nditti (Mtibwa Sugar), Betram Mombeki, Ramadhani Singano (Simba), Said Dilunga (Ruvu Shooting)
1- Abdi Banda, Danny Lyanga (Coastal Union), Henry Joseph, Joseph Owino, Gilbert Kazze (Simba), Haruna Niyonzima, Nizar Khalfan, Simon Msuva, Frank Dumayo, Mbuyi Twitte, Oscar Joshua (Yanga), Iman Joel, Salum Majid, Mwalimu Musuku, Kamana Salum, Hussein Abdallah, Abbas Mohammed (Rhino Rangers), Gaudence Mwaikimba, Seif Abdallah,  Aggrey Morris,  John Bocco, Joseph Kimwaga, Faridi Maliki, Hamphrey Mieno, Salum Abubakar, Erasto Nyoni (Azam), Steven Mazanda, Richard Peter, Deo Deus  (Mbeya City), Laurian Mpalile (Prisons-OG), Shaaban Susan, Jerome Lembeli, Cosmas Ader  (Ruvu Shooting), Masoud Ally, Shaaban Kisiga (Mtibwa Sugar), Shaaban Juma, Anthony Matangalu, Paul Maono(OG), John Matei, Mwinyi Ally (Ashanti Utd), Abdallah Bunu, Emmanuel Switta, Amos Mgisa (JKT Ruvu), Fully Maganga, Hamis Msafiri (Mgambo JKT), Seleman Kibuta, Daud Jumanne, Maregesi Marwa, Clement Douglas, Salum Kanoni (Kagera Sugar), Paul Malipesa, Expedito Kidulo, Nurdin Mohammed, Fikiri Mohammed (Oljoro JKT)

Yanga kurejea kileleni kwa mgongo wa JKT Ruvu?

Yanga wataendelea kushangilia leo kama hivi

MABINGWA watetezi wa Ligi Kuu Tanzania Bara, Yanga leo ina nafasi kubwa ya kurejea kileleni iwapo itapata ushindi mbele ya JKT Ruvu katika mfululizo wa mechi za raundi ya 12 itakayochezwa uwanja wa Taifa.
Yanga yenye pointi 22 kutokana na kucshuka dimbani mara 11, iwapo itaiangusha JKT ambayo imepoteza yale makali yake iliyopanza nayo ligi ilipoanza miezi mitatu iliyopita, itafikisha jumla ya pointi 25 na kuziengua Azam na Mbeya City waliotangulia kileleni ambao wana piinti 23.
Hata hivyo Yanga, haipaswi kuwadharau JKT Ruvu inayonolewa na kocha mahiri, Mbwana Makatta kwani huenda isikubali kugeuzwa ngazi na mabingwa hao kwenye uwanja wa Taifa.
Kocha Msaidizi wa Yanga, Fred Felix Minziro, alisema kikosi chao kipo imara kwa ajili ya pambano hilo japo kuna baadhi ya majeruhi na kiungo wao nyota, Haruna Niyonzima aliyeenda kwao Rwanda kwa matatizo ya kifamilia watakosekana kwenye pambano hilo la leo.
Wachezaji watakaoungana na Niyonzima kulikosa pambano hilo kutokana na kuwa majeruhi ni beki wa kushoto, David Luhende na kiungo mshambuliaji Nizar Khalfan'.
Minziro alisema pamoja na kuwakosa wachezaji hao, lakini wamejiandaa kuendeleza wimbi la ushindi kwa sababu wachezaji waliosalia bado ni imara na wana ari kubwa ya kuipa ushindi Yanga iliyopo nafasi ya tatu kwa sasa ikitangulia watani zao Simba ambao jana walilazimishwa sare ya 1-1 na Kagera Sugar.
Upande wa JKT Ruvu, kocha wake Mbwana Makatta alinukuliwa na kituo cha redio kwamba wanahisi uchovu wa safari waliokuwa nao ukawagharimu baada ya gari lao kuharibika njiani juzi wakirejea jijini toka mjini Tabora walipoenda kucheza na Rhino Rangers na kunyukwa bao 1-0.
Mbwana alisema hata hivyo watapigana kiume kuhakikisha hawapotezi pambano hilo, japo maafande hao kwa siku za karibuni wamekuwa mdebwedo kwa kufungwa mfululizo baada ya awali kushinda mechi tatu mfululizo.
Vijana hao wa JKT kwa sasa wana pointi 12 tu baada ya kucheza mechi 11, wakishinda nne na kufungwa saba na kuleta hisia kilichoikumba msimu uliopita iliponusurika kushuka daraja huenda ikarejea tena msimu huu japo ni mapema wakati duru la kwanza likiisha wiki ijayo.

Je wewe ni msomi jisome uende kwenye usaili wa Polisi

Jeshi la Polisi Tanzania linawaita kwenye usaili wahitimu walioorodheshwa hapa chini wa vyuo vya Elimu ya Juu na  vya Ufundi  Stadi. 
Usaili utafanyika kuanzia tarehe 11/11/2003 hadi tarehe 15/11/2013 saa mbili asubuhi hadi saa kumi jioni kila siku kwa taaluma na maeneo yafuatayo;

•  Fani za Menejimenti  ya Rasilimali Watu, Utawala, Uchumi, Usimamizi wa Sheria na Utekelezaji(BaLe), Ualimu, Sosholojia, Saikolojia na Ushauri Nasihi, Sheria, Takwimu, Lugha, Uhusiano wa Kimataifa, Uandishi wa habari na Mawasiliano ya Umma, Maendeleo ya Jamii, Ukutubi na Utunzaji Kumbukumbu. Usaili  wa fani hizi  utafanyika katika chuo cha Taaluma ya Polisi Dar es salaam(DPA) kilichopo kando kando ya barabara ya Kilwa Kurasini Dar es salaam .
• Fani ya Udereva ,Ufundi rangi za magari(spray and Painting /Panel Beating ), Ufundi wa matengenezo ya Magari Makubwa(Auto-Mechanics-Heavy Duty) na Ufundi wa Matengenezo ya Umeme wa Magari(Auto Elecrical ). Usaili wa  fani hizi utafanyika Kikosi cha Polisi Ufundi kilichopo kando kando ya barabara ya Kilwa Kurasini Dar es salaam.
• Fani za Kompyuta. Usaili wao utafanyika nyuma ya kikosi cha Ufundi yaani  TEHAMA KEKO chini.
• Fani ya Uhandisi Mitambo(Mechanical Engineering ). Usaili wao utafanyika Kikosi cha Polisi Anga kilichopo Uwanja wa Ndege JK Nyerere DSM.
• Waataalam wa masuala ya Afya/Wauguzi usaili wao utafanyika katika kikosi cha afya kilichopo kando kando ya barabara ya Kilwa Kurasini Dar es salaam.
• Orodha  ya majina inapatikana  pia katika Gazeti la habari Leo la tarehe  04/11/2013.

   Muhimu: 

1. (i)Mwombaji afike kwenyeakiwa na nakala  halisi  pamoja na kivuli cha  vyeti vyote vya masomo/Taaluma [Academic Transcript (s)/Certificate(s)]yaani  kidato cha nne, sita ,Chuo na cheti cha kuzaliwa.Hati ya kiapo cha kuzaliwa haitakubalika. 

1. (ii)Mwombaji aliyeitwa kwenye usaili atalipia gharamaupimaji afya  shilingi elfu kumi(10,000), usafiri, chakula na malazi kwa muda wote wa zoezi la usaili.

 (iii)Kwa kuwa  muda ni mchache  anaekuja kwa usaili ajiandae baada ya usaili atakaechaguliwa  atapelekwa katika Chuo cha Taaluma ya Polisi Moshi siku nne baada ya usaili kwisha yaani tarehe 19/11/2013.

 Orodha ni kama ifuatavyo;

BOFYA HAPO CHINI UDOWNLOAD MAJINA

ORODHA YA GRADUATE, DIPLOMA NA MAFUNDI WALIOCHAGULIWA KWENYE USAHILI  2013

SOURCE: http://www.policeforce.go.tz

Maskini Mzee huyu afa ghafla mahakamani

Tiger Mwaigomole (70) Mkazi wa kata ya Masukulu wilayani Rungwe amefariki dunia ghafla akiwa katika chumba cha Mahakama ya Wilaya ya Rungwe akifuatilia mwenendo wa kesi inayomkabili mtoto wake wakati Mahakama ikiendelea.

MTU mmoja aliyefahamika kwa jina la Tiger Mwaigomole (70) Mkazi wa kata ya Masukulu wilayani Rungwe amefariki dunia ghafla akiwa katika chumba cha Mahakama ya Wilaya ya Rungwe akifuatilia mwenendo wa kesi inayomkabili mtoto wake wakati Mahakama ikiendelea.

Tukio hilo la aina yake lilitokea hivi karibuni majira ya saa 9 alasiri ndani ya Mahakama hiyo ambapo Marehemu alifika mahakamani hapo akiwa na mwanaye aliyejulikana kwa jina la Lusajo Tiger (40) wakiwa na lengo la kumwekea dhamana ndugu yao Gwakisa Tiger ambaye alifikishwa mahakamani hapo akituhumiwa kwa kosa la kupigana na kujeruhi katika ugomvi uliotokea kijijini kwao.

Kwa mujibu wa mtoto wa Marehemu aliyekuwa ameongozana nae Mahakamani hapo Lusajo Tiger alisema wakati kesi ikiendelea chini ya Hakimu wa Mahakama ya Wilaya ya Rungwe, Kingwele, ndugu yao alipandishwa kizimbani kusomewa mashtaka yanayomkabili ndipo marehemu alipoanza kutetemeka kwa madai kuwa anajisikia baridi kali sana.

Alisema kutokana na marehemu kulalamikia baridi aliamua kumnunulia chai ya moto ili anywe na kupunguza baridi ambapo baada ya kufanya hivyo marehemu alikata roho muda mfupi baada ya kumaliza kunywa chai aliyokuwa amepelekewa huku akiwa amekaa ndani ya chumba cha mahakama hiyo.

Kutokana na tukio hilo Askari polisi waliokuwepo mahakamani hapo waliuchukua mwili wa marehemu na kuukimbiza katika Hospitali ya Wilaya ya Rungwe Makandana kwa ajili ya vipimo lakini hata hivyo mwili ulikabidhiwa kwa ndugu kwa ajili ya taratibu za mazishi ingawa ripoti ya kifo chake haikutolewa mapema.

Wakati huo huo Hukumu ya kesi ya mauaji dhidi ya aliyekuwa Mwenyekiti wa Halmashauri ya Rungwe, John Mwankenja inayowakabili Hakimu Mwakalinga na wenzie watatu huenda ikatolewa Novemba 11 mwaka huu baada ya Mahakama kuu kanda ya Mbeya chini ya Jaji Samwel Karua kumaliza kusikiliza ushahidi wa upande wa mashtaka pamoja na utetezi kwa upande wa watuhumiwa.

Kwa mujibu wa Jaji Karua alisema baada ya kumaliza kusikiliza pande zote mbili atatumia muda wa siku mbili kwa ajili ya kuandika hukumu ambayo itaitoa Novemba 11, Mwaka huu, kesi ambayo inasimamiwa na Mwanasheria wa Serikali Archiles Mulisa huku watuhumiwa wakitetewa na Mawakili wawili wa kujitegemea ambao ni Simon Mwakolo na Victor Mkumbe.

Na Mbeya yetu

Simba yavutwa mkia jioni, mashabiki wang'oa viti FFU yawafurumusha kwa mabomu ya machozi

Kagera walioinyima raha Simba leo Taifa

BAO la mkwaju wa penati lililofungwa dakika za majeruhi na beki Salum Kanoni limeisaidia Kagera Sugar kunusurika kipigo toka kwa Simba baada ya kulazimisha sare ya 1-1 katika pambano la Ligi Kuu Tanzania Bara.
Mwamuzi Mohammed Theophile wa Morogoro alitoa penati hiyo baada ya mabeki wa Simba kumuangusha Jumanne Daudi katika lango lao na kusababisha vurugu kubwa kutoka kwa mashabiki wa Simba ambao wanadaiwa walikuwa waking'oa viti na kulazimisha FFU kuvurumusha mabomu ya machozi.
Kabla ya penati, Simba ilionekana kuelekea kuibuka washindi katika pambano hilo lililokuwa kali kwa bao la dakika za majeruhi ya kipindi cha kwanza lililofungwa na Mrundi Amissi Tambwe.
Tambwe alifunga bao hilo kwa shuti kali na kuifanya Simba iende mapumziko ikiwa mbele kwa bao 1-0 ambalo liliendelea mpaka ilipofika dakika nne za nyongeza wakati Kagera waliposhambulia lango na wekundu hao wa msimbazi na kumchezea vibaya Daud.
Kitendo cha kutolewa kwa penati hiyo ilionekana kuwakera benchi nzima la Simba pamoja na mashabiki wao, lakini mwamuzi alisimamia msimamo wake na Kanoni aliyewahi kuichezea Simba kufunga bao hilo na kufanya mashabiki wa Msimbazi kuanza kung'oa viti kwa hasira.
Kwa matokeo hayo ya sare hiyo, Simba imeshindwa kurejea kileleni kwa kufikisha pointi 21 inayowafanya wasalie katika nafasi yao ya nne waliokuwa wakiishikilia nyuma ya Yanga ambayo kesho itashuka kwenye uwanja huo kuvaana na JKT Ruvu.
Azam na Mbeya City zinaendelea kubaki kileleni zikiwa na pointi 23 na Yanga wakifuatia nafasi ya tatu wakiwa na pointi 22 na kama kesho watashinda wanaweza kukaa kileleni mpaka Jumamosi wakati Azam itakaposhuka dimbani kuvaana na Ruvu Shooting.

Gareth Bale aanza mambo Real Madrid, Ronaldo aweka rekodi

Bale na Ronaldo wakipongezana

Bale akishangilia moja ya mabao yake ya jana

 WINGA nyota wa Wales, Gareth Bale ameanza kuonyesha cheche zake baada ya usiku wa kuamkia leo kufunga mabao mawili na kutengeneza mengine wakati Real Madrid wakishinda mabao 7-3 dhidi ya Sevilla.

Wakati Bale akionyesha uhalisia wa thamani ya donge nono alilosajiliwa na klabu hiyo ya Hispania, Mreno Cristiano Ronaldo alitupia kambani mabao matatu na kuweke rekodi.

Kocha Carlo Ancelotti aliwachezesha kwa pamoja washambuliaji hao na kuifanyia maafa makubwa Sevilla iliyomaliza mchezo ikiwa pungufu.

Bale lilikuwa pambano lake la kwanza kucheza kwa muda wote wa dakika 90 tangu aliposajiliwa na timu hiyo hivi karibuni.

Winga huyo alifunga mabao yake katika dakika za 13 na 27, huku Ronaldo akifunga hat trick yake kwa mabao ya dakika ya 32 lililokuwa la penati na mengine ya dakika za 60 na 71,\ na kumfanya awe mchezaji wa nne aliyefunga mabao mengi katika La Liga kwa wachezaji wa Real Madrid alimpiku gwiji Ferenc Puskas.

Ronaldo amefikisha jumla ya mabao 157 moja zaidi la Puskas, nyota wa zamani wa klabu hiyo na nchi ya Hungary.

Mabao mengine wa washindi hao yaliwekwa kimiani na Mfaransa, Karim Benzema katika dakika za 53 na 80.

Wageni wa Real Madrid walipata mabao yao matatu kupitia kwa Rakitic  aliyefunga mawili moja likiwa la penati katika dakika ya 38 na lingine dk ya 63 huku Bacca akifunga pia.

Katika mechi nyingine ya ligi hiyo ya Hispania, Ososuna iliishindilia Rayo Vallecano kwa mabao 3-1 na usiku wa leo kutakuwa na michezo miwili itakayozikutanisha timu za Villarreal dhidi ya Gitafe na Granada itakayovaana na Atletico Madrid.

Hii ndiyo ratiba ya 8 Bora Capital One

MABINGWA watetezi wa Ligi Kuu ya England Manchester United imepangiwa kucheza ugenini dhidi ya Stoke City katika pambano lake la Robo Fainali ya Kombe la Ligi (Capital One) baada ya FA kutangaza ratiba ya Nane Bora.
Kwa mujibu wa ratiba hiyo ilivyo ni kwamba Manchester City nayo itacheza ugenini dhidi ya timu ya Daraja la Kwanza Leichester City, huku Tottenham Hotspur watakuwa nyumbani kuvaana na 'Wagonga Nyundo wa London' West Ham United.
Chelsea wenyewe wamepangiwa kuumana na mshindi wa mechi ya mwisho ya hatua ya nne ya michuano hiyo kati ya Sunderland na Southampton.

Tottenham, Manchester City zaifuata Chelsea, Man Utd Capital One League

Manchester City wakipongezana

Wachezaji wa Spurs wakipongeza baada ya kufuzu Roibo Fainali ya Capital One L:eague jana

TIMU za Tottenham Hotspur na Manchester City usiku wa kuamkia leo nazo zimefanikiwa kutinga hatua ya Robo Fainbaliu ya Kombe la League (Capital One) baada ya kupata ushindi kwa mbinde dhidi ya wapinzani wao kwenye mechi za raundi ya nne ya michuano hiyo.
Spurs ililazimika kusubiri mikwaju ya penati kuwavusha hatua hiyo mbele ya Hull City baada ya kumaliza dakika 120 zikiwa nguvu sawa ya kufungana mabao 2-2.
Ikicheza nyumba Spurs ilitangulia kupata bao la kuongoza dakika ya 16 kupitia kwa Gylfi Sigurdsson na kudumu hadi kipindi cha kwanza kinamalizika.
Kipindi cha pili kilianza kwa kipa wa Spurs, 'Babu' Brad Friedel kujifunga bao dakika ya 53 na kuisafanya Hull kupumua na kumaliza dakika 90 zikiwa bao 1-1 na katika dakika za 30 za nyongeza, McShane aliiandikia wageni bao dakika ya 99 kabla ya wenyeji kuchomoa dakika ya 108 baada ya Harry Kane kufunga bao na kuingia kwenye matuta ya penati.
Katika hatua hiyo Spurs ilifanikiwa kutumbukiza penati 8 na Hull City 7 na kufanya Spurs kuungana na vigogo vya Manchester United, Chelsea na Manchester City iliyopata ushindi wa mbinde ugenini dhidi ya  Newcastle United kucheza hatua ya Robo Fainali.
Man City iliishinda Newcastle 2-0 katika muda wa nyongeza baada ya awali kumaliza dakika 90 zikiwa nguvu sawa kwa kutofunagana.
Katika muda huo wa nyongeza mabingwa hao wa zamani wa Ligi Kuu ya England walipata mabao yao dakikka za 99 na 105 kupitia kwa Negredo na Eden Dzeko.
Timu nyingine zilizofuzu hatua hiyo ya Robo Fainali ya Capital One ni Stoke City, West Ham United na Leicester City, huku timu ya mwisho kumalizia nafasi moja iliyosalia itasubiri matokeo ya wiki ijayo kati ya Sunderland dhidi ya Southampton itakayochezwa Novemba 6.

Serikali kuondoa kodi vifaa vya michezo

Waziri Makalla

SERIKALI imeahidi kulifanyia kazi suala la kuondolewa kodi kwa vifaa vya michezo vinavyoingizwa nchini, hususani kwa matumizi ya shule na taasisi ya michezo.
Kauli hiyo ilitolewa juzi bungeni na Naibu Waziri wa Habari, Vijana, Utamaduni na Michezo, Amosi Makalla alipokuwa akijibu swali la nyongeza la Mbunge wa Tabora Mjini, Ismail Rage (CCM).
Mbunge huyo alitaka kujua serikali ina mpango gani wa kuhakikisha vifaa vya michezo vinafutiwa kodi.
Akijibu swali hilo, Makalla alisema serikali imechukua hoja hiyo kama changamoto na kwamba itawasilishwa kwa wanahusika, ili ione kama vifaa hivyo vinavyoagizwa kutoka nje ya nchi kama vinaweza kufutiwa kodi, wakati wa kuingizwa kwake.
Awali, katika swali la msingi Mbunge wa Singida Magharibi, Mohamed Missanga (CCM), alitaka kujua serikali imefikia hatua ipi katika kuendeleza mchezo wa riadha nchini, ikiwa ni pamoja na kupelekwa kwa wataalamu kwenye nchi za Ethiopia na Kenya ili kujifunza mchezo huo.
"Nchi za Kenya na Ethiopia zinafanya vizuri katika mchezo wa riadha wakati Tanzania haifanyi vizuri, je, serikali imefikia wapi katika kutekeleza ushauri wangu niliotoa mwaka 2011 wa kupeleka wataalamu katika nchi hizo hili kujifunza mbinu na mikakati ya kukuza mchezo huu nchini?" alihoji Missanga
Akijibu swali hilo, Makalla alisema wizara hiyo imebaini kuwa nchi hizo zina mafanikio katika mchezo huo kwasababu ya kuzingatia mambo mbalimbali muhimu.
Makalla alisema miongoni mwa mambo hayo ni uhamasishaji na msingi wa kushiriki mchezo huo kuanzia katika umri mdogo katika ngazi za shule za msingi ikiwa ni pamoja na serikali sekta binafsi kuwekezaji katika mchezo huo.
Aliongeza kuwa mambo mengine muhimu yafanywayo na nchi hiyo katika kukuza mchezo huo ni uwapo wa vituo na shule maalum za kuendeleza mchezo huo, pamoja na uongozi thabiti wa mashirika ya mchezo huo.
Makalla alisema kwa kuzingatia mambo hayo, serikali imeanza kuyafanyia kazi kwa kadri ya uwezo wake kwa kushirikiana na Chama cha Riadha Tanzania.