Kombe la Chalenji lakwama Ethiopia, sasa huhamishiwa Sudan

RAIS wa CECAFA, Leodgar Tenga akiwa na Katibu wake, Nicolaus Musonye

Baraza la vyama vya soka Afrika mashariki na kati (CECAFA) kwa sasa linaangalia uwezekano wa kupata muandaaji mpya wa michuano ya mwaka huu 2014 ya chalenji kufuatia Ethiopia kujitoa.

Katibu mkuu wa Cecafa Nicholas Musonye amenukuliwa toka Nairobi, Kenya kuwa Ethiopia imejitoa kuandaa michuano hiyo.

“Ethiopia imetuandikia na kusema hawako katika nafasi ya kuandaa michuano hiyo,” Musonye amesema na kuongeza kuwa CECAFA imekubali kujitoa kwao

“Hatuna la kufanya zaidi ya kukubali ombi la lakini tayari tumeanza kazi ya kusaka mwenyeji mpya.”

Musonye amethibtisha hilo licha ya shirikisho la soka la Ethiopia EFF kuwaandikia wakiwa wamechelewa, lakini amesema kuwa michuano hiyo itafanyika kwa tarehe iliyotajwa kati ya Novemba na Desemba na kwamba mwenyeji mpya atatangazwa wiki iyayo.

"Sudan yuko tayari akingojea hivyo michuano inaweza kuelekea Khartoum, lakini tutatangaza baadaye wiki ijayo"

Mwaka uliopita 2013 michuano hiyo ilifanyika nchini Kenya ambapo wenyeji walitwaa taji hilo baada ya kuifunga Sudan katika mchezo wa fainali uliopigwa katika dimba la Nyayo jijini Nairobi.

Hatimaye Senzo Meyiwa akiwa kwa heshima zote Afrika Kusini

Maafisa wa polisi nchini Afrika kusini wakipiga saluti jeneza la marehemu Senzo Meyiwa wakati umati wa wananchi wa Afrika kusini wakifuatilia.

Maafisa wa pilisi wakiwa wamebeba jeneza lililofunikwa kwa bendera ya taifa ya Afrika kusini katikati ya uwanja.

Pichani anaonekana mjane wa Meyiwa Mandisa Meyiwa (kulia), baba yake Sam (wapili kutoka kushoto) na mama yake Ntombifuthi (watatu kutoka kushoto)

Meyiwa, akiwa katika picha wakati akiitumikia timu ya taifa dhidi ya Congo Oktoba 15. Mlinda mlango huyo ameagwa na wachezaji wenzake na mshabiki

Picha iliyochukuliwa January 2013 ikionyesha Rais wa Afrika kusininPresident Jacob Zuma (kushoto) akipiga picha na Senzo Meyiwa wakati alipotembelea timu ya taifa mjini Soweto

Mjane wa Meyiwa

MAELFU ya waombolezaji waliofurika kwenye mazishi ya aliyekuwa Nahodha na Kipa tegemeo wa timu za Orlando Pirates na ile ya taifa, Bafana Bafana walionekana wakibubujikwa na machozi huku macho yao yakiwa na rangi nyekundu wakiwa wamevalia jezi nyeusi na wengine nyekundu wakisema buriani Senzo Meyiwa katika mji wa Durban.

Huzuni ilitawala watu wakilia kwa uchungu wakimlilia mlinda mlango huyo aliye uwawa akiwa na umri wa miaka 27 ambapo jeneza lake lilizungushwa uwanjani huku watu wakipuliza vuvuzela na kuimba nyimbo za kisoka.

Wengi waliohudhuria mazishi hayo waliungana kwa pamoja ndani ya uwanja wa Moses Mabhida akiwemo mjane wa Meyiwa, wanasiasa,wachezaji wa mpira wa miguu, watu mashuhuri na maarufu na kutoa salamu zao za mwisho kwa mpendwa wao.

Meyiwa, alipigwa risasi Jumapili iliyopita, baada ya majambazi kuingia nyumbani mwa mpenzi wake karibu na Johannesburg.

Mtuhumiwa wa mauaji ya Meyiwa alifikishwa mahakamani Ijumaa na alishitakiwa kwa mauaji dhidi ya mlinda mlango huyo maarufu nchini Afrika Kusini.

Kifo cha Meyiwa kilisababisha mshituko mkubwa nchini Afrika Kusini na yameonyesha kiwango cha juu cha uahlifu wa kutumia nguvu nchini humo.

Mazishi yanafanyika katika uwanja wa mpira wa miguu wa Moses Mabhida Stadium katika mji wa Durban nyumbani kwa Meyiwa.

Senzo Meyiwa alionekana kama kivutio katika mchezo wa mpira miongoni mwa wananchi wa Afrika Kusini.

Wengi wa waombolezaji wamevaa fulana zenye picha ya Meyiwa, mtu ambaye alikuwa kivutio kikubwa kimichezo.

Mazishi ya mwanamichezo mwingine shujaa wa Afrika Kusini, bingwa wa zamani wa dunia wa mbio za mita 800 Mbulaeni Mulaudzi, pia yatafanyika Jumamosi.

Mulaudzi aliuawa katika ajali ya gari kabla ya kifo cha Meyiwa.

Rais Zuma ameamuru bendera ya taifa ipepee nusu mlingoti siku ya Jumamosi ili kumuenzi mlinda mlango huyo wa timu ya taifa.

Mechi kati ya timu za Orlando Pirates na Kaiser Chiefs katika ligi ya Afrika Kusini imeahirishwa baada ya kifo cha Meyiwa.

Senzo Meyiwa alikuwa nahodha na mlinda mlango wa timu ya Afrika Kusini, Bafana Bafana.

Mamlaka ya soka nchini humo wametangaza mchezo wa timu ya taifa ya Afrika Kusini wa kufuzu fainali za kombe la mataifa ya Afrika dhidi ya Sudan ifanyike Durban.

Polisi wamesema Ijumaa kuwa mtuhumiwa wa mauaji ya Meyiwa alitambuliwa katika gwaride la utambuzi.

Mtuhumiwa huyo, Zanokuhle Mbatha, mwenye umri wa miaka 25, anakabiliwa na mashitaka ya mauaji na ujambazi wa kutumia silaha na anatarajiwa kufikishwa tena mbele ya mahakama Novemba 11.Polisi wametangaza zawadi kwa mtu atakayewezesha kupatikana kwa taarifa zaidi kuhusu shambulio hilo ili kuwanasa watuhumiwa wengine.

Meyiwa alipigwa risasi akiwa nyumbani kwa mchumba wake huko kusini mashariki ya jiji la Johannesburg Jumapili iliyopita

Mwanamke akibubujikwa na machozi wakati wa sherehe ya kuuaga mwili wa mpendwa wao Meyiwa.

Wasichana 6000 Mtwara kunufaika mradi wa 'Hakuna Wasichoweza'

Wasuichana kama hawa watanufaika na mradi huo wa Hakuna Wasichoweza unaofanywa baina ya T-MARC, USAID na VODACOM FOPUNDATION

Meneja Uhusiano na Mawasiliano wa T-MARC, Maurice Chirimi akizungumza na wanahabari katika shughuli zake ndani ya T MARC hivi karibuni.

JUMLA ya wasichana 6,000 mkoani Mtwara walio umri wa Balehe wapo katika nafasi nzuri ya kujikinga na mimba za umri mdogo zinazowasababishia kuacha shule pamoja na kujikinga na maambukizi ya Virusi vya Ukimwi.          
Akizungumza na MICHARAZO jijini Dar es Salaam jana, Meneja Uhusiano na Mawasiliano wa T-Marc Tanzania, Maurice Chirimi alisema mafanikio hayo yametokana na mradi unaojulikiana kama ‘Hakuna Wasichoweza’ unaotekelezwa na T-Marc kwa ufadhili wa Shirika la Misaada la Marekani (USAID) na Kampuni ya mawasiliano ya Vodacom.
Chirimi alisema kuwa, mradi huo ulianza mwaka 2013 ambapo USAID kwa kushirikiana na Vodacom kupitia mfuko wake wa kusaidia jamii (Vodacom Foundation waliwapa nguvu ili kufanikisha mradi huo.
Alifafanua kuwa, kupitia mradi huo, T-MARC imefanikisha kutoa mafunzo kwa wasichana walio mashuleni na wasi mashuleni ikiwa na lenga la kuwapatia elimu pamoja na kuwapatia pedi wasichana wanatoka katika familia maskini kwa ajili ya kujihifadhi wakati wakiwa hedhi.
Aliongeza mafunzo pamoja na pedi za bure zimewafikia wasichana 5,232 waliopo katika shule 24 za msingi na wengine 552 wasiokuwepo mashuleni katika kata 17 mkoani Mtwara.
“Mafunzo ya namna na kujihifadhi wakati wakiwa hedhi pamoja na afya ya uzazi yanafanyika chini ya uwezeshaji wa walimu waliopewa mafunzo na wauguzi wa jadi. Kitini cha kufundishia juu ya masuala haya kimeweza kuandaliwa na T-Marc kwa kushirikiana Taasisi ya Elimu Tanzania kupitia mradi huu wa ‘Hakuna Wasichoweza’,” alifafanua
Alisema kupitia mafanikio yaliyopatikana kwenye awamu ya kwanza ya mradi, T-MARC kwa msaada wa dola za Kimarekani 166,000 itaupanua mradi na kuwafikia wasichana wengine 4,200 katika shule mpya 10 na kuongeza shirika lake litawapatia mafunzo walimu wengine 20 kwa ajili ya kuwafundisha na kuwaelekeza wasichana
Kwa upande wake, Mkuu wa kitengo cha Mawasiliano na Uhusiano wa Vodacom Rosalynn Mworia alisema Vodacom Foundation ikitambua mchango wa mwanamke katika jamii inayomzunguka kwani ukimwelimisha mwanamke ni sawasawa na kuelimisha jamii.
Alisema mara nyingi ukosefu wa elimu sahihi juu ya afya ya uzazi umekuwa ukiwafanya wasichana kuanza kuacha kuhudhuria vipindi vyao mashuleni yote hayo pia ni kwa kukosa nguo za kujihifadhi wakiwa katika siku za hedhi na kuwafanya watoto kuanza ngono wakiwa katika umri mdogo bila kujua madhara yake jambo ambalo huwasababishia mimba na kuwafanya washindwe kutimiza ndoto zao za kielimu.

Barcelona yapigwa kidude nyumbani na Celta Virgo

Wachezaji wa Celta Vigo wakishangilia bao pekee dhidi ya Barca

Neymar licha ya kukukuruka kutaka kuendeleza rekodi ya mabao Barca alikwama jana kwa Celta Vigo

Messi akisikitika baada ya kukosa bao

BAO pekee lililofungwa dakika ya 55 na Joaquín Larrivey wa Celta Virgo lilitosha kuizamisha Barceona ikiwa nyumbani kwao katika pambano la La Liga lililochezwa uwanja wa Camp Nou.
Barcelona ikiwa na kikosi chake kamili walishindwa kuhimili vishindo vya wageni wao na kulala huku nyota wake Luis Suarez, Lionel Messi na Neymar wakikosa mabao mengi ya wazi wakiwa lango la wpainzani wao ambao ushindi huo nui wa kwanza kwao kenye uwanja wa Camp Nou.
Kocha Luis Enrique amekuwa akitumia mfumo wa kuwachezesha kwa pamoja washambuliaji hao watatu kwa imani ya kuifanya timu yake itishe, lakini bado mfumo huo haujazaa matunda kwani wiki iliyopita walikumbana na kipigo cha mabao 3-1 kwa Real madrid katika pambano la El Classico mjini Madrid.

Kwa kipigo hicho imeifanya Barcelona kuporomoka hadi nafasi ya tatu ikiachia usukani wa ligi mikononi mwa wapinzani wao Real Madrid yenye pointi 24 na mabingwa watetezi Atletico Madrid waliopo wa pili na pointi 23, moja zaidi ya ilizonazo wakali hao wa 'Cataluna',
Barca wana hatihati ya kuporomoka zaidi iwapo Sevilla itakayokuwa ugenini leo itashinda mechi yake dhidi ya Athletic Bilbao kwani zinalinda pointi 22, ila wenzao wana mchezo mmoja mkononi ambao unachezwa leo ambapo kama itashinda itakwea hadi kileleni ikiiengua Real Madrid.

Celta Vigo scored with one of only four attempts on target to win the match

Brazil striker Neymar could not add to his record of 11 goals in all competitions for Barcelona this season

Barcelona's Lionel Messi remains on 250 La Liga goals, one behind Telmo Zarra's all-time record

Real Madrid yapiga mtu 4-0, Atletico yatakata pia

Benzema akiwajibika

Ronaldo akipongezwa na wenzake

CHRISTIANO Ronaldo ameendeleza rekodi yake ya mabao baada ya usiku huu kuifungia timu yake ya Real Madrid bao moja wakati wakipata ushindi wa mabao 4-0 ugenini dhidi ya Granada.
Ronaldo alifunga bao lake la 17 katika mechi 10 na kutimiza mabao 23 katika mechi 12 za michuano yote ya msimu huu mpaka sasa 9 katika dakika ya pili ya mchezo kabla ya James Rodriguez kufunga mengine mawili na Karim Benzema kumaliza udhia na kuipa madrid ushindi huo mnono.
Majirani na wapinzani wa jadi wa Real, Atletico Madrid wakiwa nyumbani walipata ushindi wa mabao 4-2 dhidi ya Cordoba.
Mabao ya washindi yalifungwa na Delgado Pacheco aliyejifunga dakika ya 43 kabla ya wageni kusawazisha kupitia kwa Ghilas dakika ya 53 na Griezmann kuongezea wenyeji bao dakika tano baadaye na Mario Mandzukic kufunga bao la tatu na Raul Garcia kuhitimisha bao la nne kabla ya Ghilas kufunga bao la pili la Cordoba.
Hivi Barcelona wapo uwanja wa nyumbani kuumana na Celta Virgo na matokeo bao 0-0.

Yanga yazamishwa Kaitaba, Simba bado sana

Simba walioendeleza sare zao katika ligi

Yanga waliolala Kaitaba

JKT Ruvu walioshindwa kulicheza gwaride la Polisi Moro

WAKATI klabu ya Simba ikiendeleza wimbo lake la sare, watani zao Yanga wamezamishwa kwenye uwanja wa Kaitaba mjini Bukoba kwa kulazwa bao 1-0 na Kagera Sugar, huku maafande wa JKT Ruvu wakilala uwanja wa Chamazi ikiwa ni wiki moja tangu wavunje rekodi ya kuwa timu ya kwanza kuifunga Azam.
Simba ikiwa kwenye uwanja wa Jamhuri ililazimishwa sare ya 1-1 na Mtibwa Sugar na kuendeleza rekodi yao ya kutoshinda katika michezo 12.
Simba walikuwa wa kwanza kupata bao kupitia kwa Joseph Owino, Nahodha wa vijana wa Msimbazi, kabla ya wenyeji kuchomoa bao kupitia kwa Mussa Hassan Mgosi, huku beki wa zamani wa Yanga, David Luhende akikosa penati ambayo ingeweza kuisaidia Mtibwa kuibuka na ushindi.
Mjini Bukoba, Yanga ikiwa na furaha ya kushinda 3-0 dhidi yha Stand United, ilijikuta ikichezea kichapo cha bao 1-0 mbele ya Kagera Sugar huku nahodha wake, Nadir Haroub Cannavaro akilimwa kadi nyekundu kwa mchezo mbaya dhidi ya mfungaji wa bao pekee la wenyeji, Paul Ngwai.
Kipigo hicho kimepokewa kwa masikitiko na kocha Marcio Maximo aliyelallamikia wachezaji wa Kagera kujaingusha na mwamuzi kutokuwa makini katika mchezo huo mbali na kulalamikia ubovu wa uwanja wa Kaitaba ambao umekuwa ukiisumbua Yanga kila mara kwa kuchezea kichapo.
Katika pambano jingine lililochezwa uwanja wa Chamazi, JKT Ruvu ilizimwa na maafande wenzao wa Polisi baada ya kulala mabao 2-1.
Mabao ya washindi yaliwekwa kimiani na nyota wa zamani wa Simba na Taifa Stars, Danny Mrwanda aliyefunga yote mawili na lile la wenyeji waliokuwa wametoka kushinda mechi mbili mfululizo likiweka wavuni na Jaffar Kisoki kabla ya Polisi kusawazisha na kuata la ushindi.
Ligi hiyo inatarajiwa kuendelea kesho kwa pambano moja tu kati ya Mgambo JKT itakayokuwa wenyeji wa Mbeya City.

Chelsea, Arsenal, Southampton zaua England

Sanchez akishangilia moja ya mabao yake mawili leo

Oscar akiifungia Chelsea bao la kwanza

Wanyama akiwa na wachezaji wenzake wakishangilia bao lake pekee la mapema lililotokana na shuti kali la umbali kama mita 40 na kuipa Soputhampton ushindi wa bao1-0 ugenini

VINARA wa Ligi Kuu ya England imezidi kujiimarisha kileleni mwa ligi hiyo baada ya kuizamisha QPR kwa mabao 2-1 na Arsenal kuifanyia mauaji Burnley kwa kuinyuka mabao 3-0.

Chelsea ikiwa uwanja wa nyumbani wa Stanford Bridge ilipata mabao yake kupitia kwa Oscar dakika ya 32 na mkwaju wa penati ya dakika ya 75 kupitia Eden Hazard na bao la wageni lilifungwa na Carlie Austin. Ushindi huo umeifanya Chelsea kufikisha mechi ya 10 ila kupoteza katika ligi hiyo.

Katika mechi nyingine Arsenal ilipata ushindi nyumbani wa mabao 3-0 dhidi ya Burnley kupitia mabao mawili ya Alexis Sanchez na jingine la Alex Oxlade-Chamberlain.

Nayo timu ya Southampton imeendeleza wimbi lake la ushindi na kuifukuza Chelsea ikiwa nafasi ya pili baada ya kupata ushindi ugenini dhidi ya Hully City bao pekee likifungwa na Vincent Wanyama.

Everton ikiwa nyumbani iling'ang'aniwa na Swansea City na kutoka suluhu bila ya kufungana, huku West Brom wakipata ushindi mwembemba ugenini wa bao 1-0 dhidi ya Leicester City, huku West Ham United ikiwa ugenini ililazlmisha sare ya 2-2 dhidi ya Stoke City.

Ndanda yaizamisha Azam, Ruvu yafa Tanga

Azam

Ndanda Fc

BAO pekee lililofungwa na mchezaji wa zamani wa Toto Africans na African Lyon, Jacob Massawe lilitosha kuipa ushindi wa kwanza Ndanda ikiwa uwanja wake wa nyumbani kwa kuilaza mabingwa watetezi wa Ligi Kuu Tanzania Bara, Azam kwa bao 1-0.
Kipigo hicho ni cha pili mfululizo kwa Azam baada ya mechi iliyopita mabingwa hao kufungwa bao 1-0 na JKT Ruvu na kuwaacha 'Matajiri' hao kusalia na pointi zao 10 baada ya kucheza mechi 7.
Ushindi huo umeipa faraja wenyeji Ndanda ambao walikuwa hawajapa ushindi wowote kwenye uwanja wa nyumbani baada ya kufungfwa mechi mbili mfululizo na Ruvu Shooting na Mgambo Fc.
Katika mechi nyingine Prisons-Mbeya ikiwa ugenini mjini Shinyanga ililazimisha sare ya bao 1-1 dhidi ya Stand United.
Prisons walianza kuandika bao mapema kupitia kwa Ibrahim Mamba kabla ya wenyeji kusawazisha kupitia kwa Heri Mohammed.
Nayo timu ya Ruvu Shooting wamejikuta wakizimwa wimbi lake la ushindi baada ya kukubali kichapo cha bao 1-0 dhidi ya Coastal Union.
Bao pekee la Wagosi wa Kaya liliwekwa kimiani na Itubu Imbem dakika ya 54,
Stand Utd-Heri Mohammed
Prisons-Ibrajim Mamba

Newcastle yaendeleza maajabu, yaizamisha Liverpool

Mario Balotelli akichezwa vibaya na mchezaji wa Newcastle Un ited leo

BAO pekee lililowekwa kimiani na Ayonze Perez limeifanya Newcastle United kuendeleza maajabu baada ya jioni ya leo kuilaza Liverpool bao 1-0.

Perez alifunga bao hilo dakika ya 73 na kuifanya timu hiyo ya Newcastle imepata ushindi wa tatu mfululizo baada ya kuinyuka Spurs na kisha kuivua taji la Capital One League, Manchester City.

Kipigo hicho kimezidi kuiweka pabaya Liverpool ambayo imeshindwa kuonyesha makali yake kama ilivyokuwa msimu uliopita ilipoonekana kama ingetwaa taji la Ligi ya England kabla ya kuzidiwa na Man City.

SINEMA YA TFF V NDUMBARO YAENDELEA

Jamal Malinzi Rais wa TFF

“OKTOBA 31 mwaka huu kupitia vyombo vya habari Wakili Damas Ndumbaro alitoa shutuma mbalimbali dhidi ya Shirikisho la Mpira wa Miguu Tanzania (TFF). Tunapenda kuuleza umma wa Watanzania yafuatayo;

1.Hukumu dhidi ya Wakili Ndumbaro ilitolewa na chombo halali kwa mujibu wa Katiba ya TFF. Hivyo, TFF inatoa tahadhari kwa wanafamilia wa mpira wa miguu kutomhusisha Wakili Ndumbaro katika masuala ya mpira wa miguu katika kipindi hiki anachotumikia adhabu.
2.Hadi sasa TFF haijapokea rufani yoyote kutoka kwa Wakili Ndumbaro. Hii ni kwa kuwa kupitia barua yake kwa TFF aliagiza asikabidhiwe nyaraka yoyote kutoka TFF hadi Oktoba 30 mwaka huu, hivyo hukumu ya Kamati ya Nidhamu dhidi yake alikabidhiwa Oktoba 30 mwaka huu. Alichokifanya Wakili Ndumbaro ni kuleta TFF barua ya kusudio la kukata rufani.
3.Tuhuma za ubadhirifu wa TFF zilizotolewa na Wakili Ndumbaro si za kweli. TFF inatafakari hatua za kisheria na kikanuni za kuchukua dhidi ya tuhuma hizi.
4.Mkataba wa TFF na TBL:
TFF inapenda kuwahakikishia wadau wa mpira wa miguu kuwa hakuna ubadhirifu wa aina yoyote katika matumizi ya fedha za mkataba wa TFF/TBL. TFF ingependa itoe kwa umma ufafanuzi wa vipengele vya mkataba huo na jinsi unavyoendeshwa lakini masharti ya mkataba huo (confidentiality clause) yanatuzuia kufanya hivyo.
Rais wa TFF, Jamal Malinzi alikutana na klabu za Ligi Kuu na kuzielekeza zikae na kujadili kanuni za Ligi, kisha zipendekeze maboresho ili yajadiliwe katika kikao kijacho cha Kamati ya Utendaji.
TFF inapenda kuchukue fursa hii kusisitiza umuhimu wa kufuata mifumo tuliyojiwekea katika kutatua matatizo/kero zetu mbalimbali, utulivu ni muhimu katika kuendeleza mpira wa miguu,”.
(IMETOLEWA NA MKURUGENZI WA MASHINDANO WA TFF, BONIFACE WAMBURA MGOYO)

Rasmi sasa! Rooney kuivaa Man City kesho

Rooney na Lampard

IMETHIBITISHWA kuwa nahodha wa Man United, Wayne Rooney ataanza mechi ya kesho Jumapili dhidi ya Man City katika pambano la watani wa jadi wa jiji la Manchester.

Rooney amemaliza adhabu ya kadi nyekundu na imethibitika kuwa yupo fiti kwa pambano hilo, ingawa mkali mwingine Radamel Falcao hatacheza kwa sasa bado yu majeruhi.

Man Utd ikimkosa Falcon wenzao Man City watakaokuwa nyumbani uwanja wa Etihad watawakosa David Silva, Frank Lampard na Yaya Toure walio majeruhi, lakini samir Nasir atakuwapo dimbani.

Timu hizo zinakutana kesho katika pambano la Ligi Kuu ya England sambamba na mechi nyingine ya Aston Villa dhidi ya Spurs huku matokeo baina yao yakisomeka hivi:

2013-14 - Utd 0-3 City, City 4-1 Utd

2012-13 - Utd 1-2 City, City 2-3 Utd 

2011-12 - City 1-0 Utd, City 2-3 Utd (FA Cup), Utd 1-6 City

2010-11 - City 1-0 Utd (FA Cup), Utd 2-1 City, City 0-0 Utd,

2009-10 - City 0-1 Utd, Utd 3-1 City (FA Cup), City 2-1 Utd (League Cup), Utd 4-3 City

Kiemba, Chanongo wakacha 'Kitimoto' Msimbazi, Kisiga naye...!

Kiemba akichuana na Coutinho wakatia wa pambano la Simba na Yanga hivi karibuni

Haruna Chanongo (kushoto)

Shabaan Kisiga

WACHEZAJI Amri Kiemba na Haroun Chanongo wameshindwa kutokea kwenye kikao cha Kamati ya Nidhamu ya Simba SC kilichokua kifanyike jana ili kujitetea kutokana na kupewa adhabu ya kusimamishwa kusikojulikana huku wakiwa hawataoa udhuru wowote kama Shaaban Kisiga waliyesimamiwa naye.
Rais wa Simba SC, Evans Elieza Aveva alisema kuwa Kiemba na Chanongo hawakutokea licha ya kutakiwa kufanya hivyo na wala hawajatoa taarifa yoyote, huku Kisiga akitoa udhuru.
“Tuliwaagiza wafike makao makuu ya klabu Saa 4:00 asubuhi (jana), lakini hadi saa 6:00 mchana walikuwa hawajafika na hawakutoa taarifa yoyote, kwa hivyo ikabidi Wajumbe wa Kamati ya Nidhamu watawanyike,”alisema.
Hata hivyo, Aveva alisema baadaye Kisiga alipiga simu kujieleza kwamba amekwama kwenye foleni na waakamuambia hana sababu ya kufika tena, kwa sababu kikao kimeahirishwa.
Alipoulizwa ni hatua gani watachukuliwa wachezaji hao, Aveva alisema; “Kwanza Kamati ya Nidhamu ilete ripoti ya maandishi kwa Kamati ya Utendaji juu ya kikao chao, baada ya hapo Kamati ya Utendaji itatoa uamuzi,”alisema.
Watatu hao, Shaaban Kisiga ‘Malone’, Amri Kiemba na Haroun Chanongo waliondolewa kwenye kambi ya Simba SC mapema wiki hii kwa sababu mbalimbali.
Kisiga alirejeshwa Dar es Salaam kutoka Mbeya kwa tuhuma za kutoa majibu ya kifedhuli kwa uongozi kabla ya mchezo na Prisons Jumamosi, wakati Kiemba na Chanongo wanatuhumiwa kucheza kwa kiwango cha chini.