Golden Bush wachekelea kutoa mmoja timu ya taifa

UONGOZI wa timu ya Golden Bush umesema umefurashwa na kitendo cha mmoja wa wachezaji wake wa timu ya vijana ya Golden Bush FC inayoshiriki Ligi Daraja la Tatu Wilaya ya Kinondoni, Ayoub Lipati kuteuliwa kwenye timu ya Taifa ya Maboresho iliyotangazwa na TFF.
Lipati ambaye ni mashambuliaji ni mmoja wa wachezaji 36 walioteuliwa na jopo maalum la makocha 40 waliokuwa na kazi ya kusaka wachezaji kwa ajili ya kuboresha timu ya taifa, Taifa Stars katika kuelekea kwenye Fainali za Afrika 2015.
Mlezi wa klabu hiyo, Onesmo Waziri 'Ticotico' aliiambia MICHARAZO kuwa Golden Bush umejisikia faraja uteuzi wa Lipati kutokana na ukweli timu yao ndiyo kwanza ina miaka miwili tangu kuundwa kwake.
"Tumefurahia sana kufanikiwa kutoa mchezaji mmoja katika kikosi cha wachezaji 36 walioteuliwa na jopo maalum la kusaka vipaji kwa ajili ya maboresho ya Taifa Stars," alisema Ticotico.
Ticotico alisema imani yake Lipati atakuwa balozi mwema wa Golden Bush katika kikosi kinachotarajiwa kuingia kambini mjini Tukuyu Mbeya mapema mwezi ujao.

Yabainika asilimia 25 ya wanawake Bongo hurukwa 'Ukuta'

 

WAKATI kasi ya wanawake wenye maambukizi ya Virusi vya Ukimwi ikiongezeka, imebainika kuwa asilimia 26.5 ya wanawake nchini Tanzania wanafanya mapenzi kinyume na maumbile. 

Mfumo wa uzazi unaharibika; Watafiti wanabainisha kuwa kitendo hicho licha ya ukweli hakifai kwa vile kinaharibu mfumo wa uzaz.

Pia kina athari kubwa mno kwa mwanadamu, mojawapo ni ikiwemo uwezekano mkubwa wa wahusika kuambukizana virusi vya Ukimwi kwa vile hakuna vilainishi, hivyo kusababisha michubuko ambayo ndio njia kuu ya kuambukiza vijidudu hivyo.

 Mtafiti Mwanasayansi, Irene Mremi kutoka Taasisi ya Taifa ya Utafiti wa Magonjwa ya Binadamu nchini Tanzania (NIMR) alitoa ripoti hiyo hivi karibuni hapa jijini Dar Es Salaam.

Mremi akiwa na jopo la watafiti kutoka NIMR anasema kuwa wanawake hao wamesema chanzo kikubwa kinachowapelekea kufanya ngono kinyume na maumbile ni kujipatia kipato zaidi na Kuogopa kupata Mimba.

Vilevile alizitaja sababu nyingine za wanawake kufanya mapenzi kwa njia hiyo ni kulinda usichana wao na baadhi ya mila na tamaduni za baadhi ya makabila.

Sampuli za utafiti Utafiti huo ulikusanya sampuli kutoka katika mikoa ya Dar es salaam, hasa maeneo ya Kinondoni, Tanga, Makete na Siha. Mremi anasema “Utafiti wetu uliwahusisha wasichana na wanawake wa rika kuanzia miaka 15 na kuendelea na kada tofauti katika jamii kama wanafunzi, wafanyakazi, wahudumu wa bar, wauguzi, makahaba na akina mama wa nyumbani Katika maeneo hayo watu 903 walijitokeza wakiwepo pia wanaume ambao walihusishwa katika utafiti huo.

Imani potofu kwa wanaume Wanaume waliohojiwa wamesema wanafanya kwa ajili ya kupata raha tu na imani ya kuwa huko hakuna maaambukizi ya VVU, kitu ambacho ni uongo, kwani huko ndiko kwenye kuchangia ukimwi kwa haraka zaidi kuliko sehemu nyingine yoyote.

Credit:E.Shiratu

Hizi ndizo mechi za lala salama za VPL

MACHI 26, 2014

Yanga v/s Tanzania Prisons- Taifa, Dar

Mgambo Shooting v/s Azam Fc- Mkwakwani, Tanga

MACHI 29, 2014

Ashant United v/s JKT Oljoro- Chamazi, Dar

MACHI 30, 2014

Mbeya City v/s Tanzania Prisons- Sokoine, Mbeya

Kagera Sugar v/s Ruvu Shooting- Kaitaba, Bukoba

Mtibwa Sugar v/s Coastal Union- Manungu, Morogoro

JKT Ruvu v/s Rhino Rangers- Chamazi, Dar

Azam Fc v/s Simba- Taifa, Dar

Mgambo v/s Yanga- Mkwakwani, Tanga

APRILI 5, 2014

Kagera Sugar v/s Simba- Kaitaba, Bukoba

Ashanti United v/s Mbeya City- Chamazi, Dar

APRILI 6, 2014

Coastal Union v/s Mgambo Shooting-Mkwakwani, Tanga

JKT Oljoro v/s Tanzania Prisons- Sheikh Amri Abeid, Arusha

Rhino Rangers v/s Mtibwa Sugar- Ali Hassan Mwinyi, Tabora

Ruvu Shooting v/s Azam Fc- Mabatini, Pwani

Yanga v/s JKT Ruvu- Taifa, Dar

APRILI 9, 2014

Yanga v/s Kagera Sugar- Taifa, Dar

APRILI 12, 2014

Mtibwa Sugar v/s Ruvu Shooting- Manungu, Morogoro

Coastal Union v/s JKT Ruvu- Mkwakwani, Tanga

Tanzania Prisons v/s Rhino Rangera- Sokoine, Mbeya

APRILI 13, 2014

Mgambo Shooting v/s Kagera Sugar- Mkwakwani, Tanga

Simba v/s Ashant United- Taifa, Dar

Mbeya City v/s Azam Fc- Sokoine, Mbeya

JKT Oljoro v/s Yanga- Sheikh Amri Abeid, Arusha

APRILI 19, 2014

Rhino Rangers v/s Ruvu Shooting- Ali Hassan Mwinyi, Tabora

Mbeya City v/s Mgambo Shooting- Sokoine, Mbeya

Tanzania Prisons v/s Ashant United- Jamhuri, Morogoro

JKT Ruvu v/s Azam Fc- Chamazi, Dar

JKT Oljoro v/s Mtibwa Sugar- Sheikh Amri Abeid, Arusha

Coastal Union v/s Kagera Sugar- Mkwakwani, Tanga

Yanga v/s Simba- Taifa, Dar

Tevez azidi kuipaisha Juve Italia, Milan yadroo

Tevez akichuana na mchezaji wa Catania usiku wa jana kwenye Seria A

Akishangilia bao lao

MABINGWA watetezi wa Ligi Kuu ya Italia, Juventus imeendelea kutakata kwa kupata ushindi mwembamba ugenini dhidi ya Catania shukrani za pekee ziende kwa Carlos Teves aliyefunga bao hilo la pekee katika dakika ya 59.
Ushindi huo wa Juve umewafanya wafikishe jumla ya pointi 78 baada ya kucheza mechi 29 wakiiacha mbali Roma inayoshuka dimbani  kesho kuumana na Torino ikiwa na pointi zake 64.
Bao alilofunga Tevez nytota wa zamani wa Aston Villa, Manchester Utd na Manchester City, limemfanya afikishe jumla ya mabao 16 katika ligi hiyo na kulingana na nyota wa Torino, Ciro Immobile.
Katika mechi nyingine zilizochezwa usiku wa jana Napoli ilikubali kipigo kwenye uwanja wake wa nyumbani toka kwa Fiorentina, nazo timu za Lazio na AC Milan zikitoshana nguvu kwa kufunga bao 1-1, wanyeji wakijifunga kabla ya kusawazisha katika kipindi cha pili.
Kipute cha pili kinatarajiwa kuendea tena kesho kwa pambano la Roma itakayoikaribisha Torino, kabla ya keshokutwa Chievo kuumana na Bologna, Cagliari dhidi ya Hellas Verona, huku Genoa itaikaribisha Lazio na  Atalanta itaumana na Livorno.
Siku hiyo ya Jumatano pia kutakuw ana mechi nyingine ya kukata na shoka kati ya Fiorentina itakayoikaribisha Ac Milan, huku  Catania itaumana na Napoli, wakati  Juventus watakuwa nyumbani kuwakaribisha Parma na Sassuolo itakuwa mwenyeji wa Sampdoria.
Alhamis kutakuwa na pambano moja tu litakalowakutanisha Inter Milan ambayo jana ilichezea kichapo itakayoumana na Udinese.

Barca yaizima Rea kwao, Messi apiga hat trick

Messi akishangilia moja ya mabao yake matatu alipoiangamiza Real Madrid

Real Madrid wakishangilia moja ya mabao yao

KLABU ya Real Madrid usiku wa kuamkia leo imechezea kichapo cha mabao 4-3 toka kwa wapinzani wa jadi Barcelona na kutoa baraka kwa mahasimu wao wa jiji la Madrid, Atletico Madrid kukikalia jumla kiti cha uongozi wa Ligi Kuu ya Hispania.
Mshambuliaji nyota wa Argentina, Lionel Messi alidhihirisha yeye ni bora baada ya kufunga hat trick kwenye pambano hilo lililochezwa uwanja wa Santiago Bernabeu, mjini Madrid.
Wageni walianza kuandika bao dakika ya saba kupitia kwa Andres Iniesta kabla ya Mfaransa,  Karim Benzema kusawazisha bao hilo dakika ya 20 na kuongeza jingine la pili dakika ya 24.
Dakika tatu kabla ya mapumziko Messi aliisawazishia bao na timu hizo kwenda mapumziko zikiwa zimefungana mabao 2-2.
Kipindi kilipoanza iliwachukua wenyeji dakika 10 kuandika bao la tatu kupitia kwa Cristiano Ronaldo aliyefunga kwa mkwaju wa penati.
Hata hivyo Lionel Messi alisawazisha hilo dakika ya 65 kwa mkwaju wa penati pia kabla ya kuongeza jingine dakika tano kabla ya pambano hilo kumalizika na kukamilisha hat trick yake na kuipa ushindi wa mabao 4-3 timu yake ya Barcelona.
Ushindi huo umeifanya Barcelona imeendelea kubakia nafasi ya tatu kwa kufikisha pointi 69, moja zaidi ya wapinzani wao Real Madrid na Atletico Madrid waliopo kileleni kwa uwiano wa mabao ya kufunga na kufungwa na matokeo baina yao wawili hao waliopo juu.
Ligi hiyo inatarajiwa kuendelea tena kesho Jumanne hadi Ijumaa kwa mechi ambazo zitaendelea kutoa taswira ya ubingwa wa nchi hiyi.
Jumanne;
Almería vs Real Sociedad
Málaga  vs  Espanyol
Jumatano:
Elche vs Athletic Club
Barcelona vs Celta de Vigo
Rayo Vallecano vs Osasuna
Alhamis:
Atlético Madrid vs Granada
Sevilla vs Real Madrid
Getafe vs  Villarreal
Real Sociedad  vs Real Valladolid
Ijumaa:
Levante vs Real Betis
Almería vs Valencia

TP Mazembe yafa ugenini, Mbwana kama kawa

MABINGWA wa zamani wa Afrika, TP Mazembe jana wamekumbana na kipigo cha mabao 2-1 katika pambano lao la mkondo wa kwanza wa hatia ya 16 Bora dhidi ya we nyeji wao, Sewe ya Ivory Coast.
Mshambuliaji wa kimataifa wa Tanzania, Mbwana Samatta aliifungia timu yake bao la kufitia machozi baada ya wenyeji kujipatia mabao yake kupitia kwa Roger Assale  katika dakika ya 38 kaba la kuongeza jingine kwa mkwaju wa penati  dakika ya 82 kupitia  Christian Kouame.
Hata hivyo wenyeji wakiamini wameisulubu Tp Mazembe kwa mabao mawili kavu, mtokea benchi Mbwana Samatta aliifunga bao la kufutia machozi ambalo linaweza kuwa msaada kwa vijana hao wa Lubumbashi kwa mechi ya mkondo wa pili wikiendi hii.
Samatta tegemeo la Taifa Stars na Mchezaji Bora wa Mazembe kwa msimu uliopita alifunga bao hilo dakika mbili kabla ya kumalizika kwa pambano hilo.
Katika mechi nyingine za michuano hiyo ya Mabingwa Afrika, Horoya AC ya Guine ilikubali kichapo cha bao 1-0 kwa CS Sfaxien ya Tunisia, huku Cotonsport ya Cameroon ikidonyolewa kidude kimoja na ES Sétif ya Algeria wakiwa ugenini mjini Algers.
Katika michuano ya Kombe la Shirikisho, CS Constatine ya Algeria imeizabua ASEC Memosa ya Ivory Coast kwa bao 1-0.

Atletico yaibutua Betis, yaiengua Real kileleni kwa muda

Atletico Madrid wakishangilia moja ya mabao yao

IKIWA imesalia kama saa moja na ushei kabla ya mahasimu wa Ligi Kuu ya Hispania, Real Madrid na  Barcelona kupepetana katika pambano lao la El Clasico, Atletico Madrid imekalia uongozi kwa muda baada ya hivi punde kutoka kuifua Real Betis ikiwa kwao kwa mabao 2-0 na kuiengua Real.
Atletico imefikisha pointi 70 sawa na Real Madrid lakini imekwea kileleni kwa uwiano wa mechi baina yao huku uwiano wa mabao Real wakiwa zaidi ya wapinzani wao hao wa jiji moja la Madrid.
Mabvao yaliyozidi kuwapa tumaini la kuwa mabingwa kwa vijana hao wa Diego Simon yaliwekwa kimiani na Gabi katika dakika 58 kwa pasi ya Turan kabla ya Diego Costa kuongeza la pili dakika sita baadaye akimalizia kazi ya Koke.
Katika mchezo huo wenyeji walijikuta wakicheza pungufu baada ya mchezaji wake mmoja Rodriguez kuonyeshwa kadi ya pili ya njano na kufuatiwa na nyekundu katika kipindi cha kwanza.
Hivi sasa uwanjani zipo timu za  Valencia inayoikaribisha Villarreal kabla ya Real Madrid na Barca kuonyesha kazi uwanja wa Santiago Bernabeu ambapo taswira ya ubingwa kwa timu hizo mbili kubwa itafahamika.

Aston Villa yafa nyumbani yagongwa 4-1 kwa Stoke City

Peter Crouch akifunga bao lake dhidi ya Aston Villa

Peter Odemwingie

TIMU ya soka ya Aston Villa imeshindwa kutamba nyumbani baada ya kufumuliwa mabao 4-1 na Stoke City katika mechi ya Ligi Kuu ya England iliyomalizika hivi punde.
Villa ikiyoiduwaza Chelsea wiki iliyopita kwa kuilaza bao 1-0, ilikuwa ya kwanza kupata bao katika dakika ya tano tu ya mchezo kupitia kwa Christian Benteke akimalizia kazi ya Delph.
Hata hivyo wageni walirejesha bao hilo katika dakika ya 22 kupitia Peter Odemwingie aliyemaliza kazi ya mshambuliaji ngongoti, Peter Crouch, ambaye dakika nne baadaye aliipatia Stoke bao la tatu na dakika atatu kabla ya mapumziko N'Zonzi alifunga bao la nne.
Stoke iliongeza bao la nne lililoifanya iiporomoshe Villa katika nafasi ya 10 na kuikalia wao wakibadilishana na wapinzani wao hao wanaowapokea nafasi ya 11 kutokana na kufikisha pointi 37, lilifungwa dakika ya  90 na Cameron.

AS Vita yaifyatua Kaizer Chiefs 3-0

KLABU YA AS Vita ya DR Congo imeifumua Kaizer Chiefs ya Afrika Kusini kwa mabao 3-0 katika mechi za 16 Bora Ligi ya Mabingwa Afrika, huku AC Leopards ya Kongo ikilazimishwa sare nyumbani na Al Hilal ya Sudan.
mabao yote ya Vita katika pambano hilo yalifungwa na Firmin Ndombe Mubele na kuiweka katika nafasi nzuri timu yake ya kufuzu robo fainali ya michuano hiyo iwapo itakomaa kwenye mechi ya marudiano wiki ijayo nchini Afrika Kusini.
Katika michuano ya Kombe la Shirikisho, Zesco ya Zambia ikiwa ugenini nchini Ghana imechezea kichapo cha mabao 2-0 toka kwa wenyeji wao Medeama, huku Ismailia ya Misri na Petro du Luanda ya Angola zikishindwa kutambiana kwa kutoka suluhu.
Nayo timu ya Warri Woriors ya Nigeria imelazimishwa sare tasa na Bizertin ya Tunisia katika pambano jingine la mkondo wa kwanza wa Kombe la Shirikisho.
Mechi nyingine za ratiba ya mkondo wa kwanza zinaendelea kuchezwa kwa sasa ukiwamo pambano la TP Mazembe dhidi ya wenyeji wao Sewe Sports ya Ivory Coast.

Inter Milan yapigwa nyumbani, Sampdoria yaua Italia

 
MABINGWA wa zamani wa Ulaya, Inter Milan licha ya kucheza nyumbani, imejikuta ikikong'otwa na Atalanta kwa mabao 2-1katika mfululizo wa Ligi Kuu ya Seria A.
Milan watakuwa wanamuota Giacomo Bonaventura, aliyefunga mabao yote katika kila kipindi na kuipa ushindi timu yake ugenini.
Bonaventura alianza kuwashutua wenyeji kwa kufunga bao la kuongoza katika dakika ya 35 kabla ya Inter Milan kuchomoa dakika moja baadaye kupiyia kwa Mauro Icardi na kwenda mapumziko wakiwa nguvu sawa.
Kipindi cha pili timu zote zilishambuliana kwa zamu na hasa baada ya kufanya mabadiliko ya wachezaji na wageni wakajiandikia bao lao la pili katika dakika ya 90 lililofungwa tena na Bonaventura.
Katika mechi nyingine za ligi hiyo, Parma ikiwa nyumbani ililazimishwa sare ya 1-1 na Genoa, Bologna ikaifumua Cagliari kwenye uwanja wao wa nyumbani na Sampdoria  ikautumia vyema uwanja wake wa nyumbani kwa kuisambaratisha Hellas Verona kwa mabao 5-0 na Udinese ikiwa nyumbani ikapata ushindi wa bao 1-0 dhidi ya Sassuolo.
Baadaye watetezi Juventus watakuwa ugenini kuumana na Catania, Napoli itapepetana na Fiorentina na Lazio wataumana na AC Milan ambao msimu huu wamekuwa wakipepesuka katika ligi hiyo.

Jahazi la Ashanti Utd lazidi kuzama, yapigwa 2-0

* Mgambo JKT yakomaa Mkwakwani

Ashanti waliyonyukwa 2-0 na Ruvu Shooting

Mgambo waliokomaa Mkwakwani na kutoka sare ya Mtibwa Sugar

Ruvu Shooting walioinyoa Ashanti Utd

TIMU ya soka ya Ruvu Shooting imeutumia vyema uwanja wake wa nyumbani baada ya kuifumua Ashanti Utd kwa mabao 2-0 katika mfululizo wa Ligi Kuu Tanzania Bara, huku Mgambo JKT ikibanwa nyumbani na Mtibwa Sugar kwenye uwanja wa Mkwakwani-Tanga.
Elias Maguli ambaye alikuwa hajafunga bao lolote tangu duru la pili lianze alifunga bao la kwanza katika dakika ya sita na kuongeza jingine katika dakika ya 63.
Hata hivyo Ruvu iliyokuwa kwenye uwanja wa Mabatini-Mlandizi walijikuta wakicheza pungufu baada ya mchezaji wao Ali Kani kutolewa kwa kadi nyekundu.
Ushindi huo umeifanya Ruvu kufikisha jumla ya pointi 31 na kushika nafasi ya sita pointi moja dhidi ya Kagera Sugar wanaokamata nafasi ya tano.
Katika mechi ya Mkwakwani, Mgambo na Mtibwa zilitoka sare ya 1-1 katika pambano linalodaiwa lilikuwa kali.
Wenyeji walitanguliwa kufungwa bao na Vincent Barnabas kabla ya kuchomoa baadaye kupitia kwa Peter Malianzi na kufanya mchezo huo kuisha kwa sare ya 1-1 na timu zote kuambulia pointi moja kila moja.
Katika pambano hilo mshambuliaji nyota wa Mgambo, Fully Maganga aliwaweka roho juu mabeki wa Mtibwa kwa muda mrefu wa pambano hilo licha ya kwamba hakufanikiwa kufunga bao kwa kukosa bahati siku ya leo.

Timu ya Babi yafufuka Malaysia yashinda 1-0

BAADA ya kupoteza mechi tatu mfululizo hatimaye timu anayoichezea kiungo mshambuliaji wa kimataifa wa Tanzania, Abdi Kassim 'babi' ya UiTM imeona mwezi baada ya kupata ushindi wa bao 1-0 ugenini dhidi ya 'vibonde' wa Ligi Kuu ya Malaysia, PBAPP.
Ushindi huo uliopatikana kwenye uwanja wa Bandaraya katika mji wa Penang, umeifanya UiTM kufikisha pointi saba baada ya kucheza mechi saba, ikishinda mechi mbili na kutoka sare moja na kupoteza mechi nyingine tatu na kushika nafasi ya 10 kati ya timu 12 zinazoshiriki ligi hiyo.
UiTM iliyoingia mkataba wa mwaka mmoja na nyota huyo wa zamani wa Yanga, Mtibwa Sugar, Azam, KMKM na Taifa Stars, itashuka tena dimbani kesho Jumatatu kwa kuumana na Felda United itakayoialika kwenye uwanja wao wa Mini UiTM uliopo mji wa Shah Alam.

Spurs yaizamisha Southampton yaipumulia Arsenal

Eriksen akitupia bao lake la pili kimiani dhidi ya Southampton leo

Eriksen akishangilia baada ya kufunga

MSHAMBULIAJI Christian Eriksen leo ameibuka kuwa shujaa wa Tottenham Hotspur baada ya kuhusika na mabao matatu yaliyoizamisha Southampton katika pambano la Ligi Kuu ya England lililochezwa jioni hii.
Mdenish huyo alifunga mabao mawili katika kila kipindi na kutengeneza jingine lililopachikwa wavuni na katika dakika za 'jioni' na Gylfi Sigurdsson na kuipa ushindi murua wa mabao 3-2 Spurs ikiwa kwenye uwnaja wake wa nyumbani.
Eriksen alifunga bao la kwanza katika dakika ya 31 kabla ya kuongeza jingine dakika moja baada ya kuanza kipindi cha pili.
Hata hivyo wageni ndiyo waliokuwa wa kwanza kupata bao katika dakika ya 16 lililofungwa na Jay Rodriguez kabla ya Adam Lallana kuongeza la pili dakika ya 28 na kuwapa wasiwasi wenyeji kwamba huenda wakalala tena nyumbani kama mechi zao kadhaa zilizopita.
Hata hivyo Eriksen alifufua matumaini kwa bao la dakika 31 na kuifanya Spurs kwenda mapumziko wakiwa nyuma kwa mabao 2-1.
Kwa ushindi huo Spurs imerejea kwenye nafasi ya tano iliyokuwa imeteremshwa na Everton iliyoishinda Swansea City jana kwa mabao 3-2 kwa kufikisha pointi 56, sita pungufu na ilizonazo mahasimu wao Arsenal waliopo nafasi ya tanoi baada ya jana kukumbana na kipigo cha paka mwizi mbele ya Chelsea.
Ligi hiyo inatarajiwa kuendelea muda mfupi baadaye kwa pambano kati ya Astin Villa dhidi ya Stoke City na Jumanne kushuhudia michezoi mingine ukiwamo wa Manchester City dhidi na Manchester United.

Simba yapigwa kidude na Coastal, Azam haishikiki

Mshambuliaji wa Simba, Ramadhani Singano 'Messi' akijaribu kumtoka mchezaji wa Coastal katika mechi yao ya leoi (Picha kwa hisani ya Bin Zubeiry

WEKUNDU wa Msimbazi, Simba wamejikuta wakiangukia pua mbele ya 'ndugu' zao kutoka Tanga, Coastal Union kwa kudunguliwa bao 1-0 na kuwafanya wapoteze matumaini ya kuendelea kuwepo kwenye mbio za ubingwa wa Ligi Kuu Tanzania Bara msimu huu.
Simba, inayonolewa na kocha Zdrakov Logarusic, ilikumbana na kipigo hicho cha kushtukiza kwenye uwanja wa Taifa, jijini Dar es Salaam.
Bao pekee la mchezo ambao Coastal waliamua kuchezesha wachezaji wengi vijana badala ya wazoefu waliozoeleka, liliwekwa kimiani na beki Hamad Juma katika dakika ya 45 kwa shuti lililomshinda kipa Ivo Mapunda aliyerejea baada ya kuwa nje baada ya kupatwa na msiba wa baba yake mzazi.
Simba pamoja na kucharuka ili kutaka kurejesha bao hilo ilijikuta ikishindwa kumtungia kipa Fikirini Suleiman, aliyekuwa makini kwa dakika zote 90.
Ushindi huo wa Coastal Union umekuja baada ya 'Wazee hao wa Oman'  kutoka kupokea kipigo cha aibu cha mabao 4-0 toka kwa Azam na kujengeka hisia kwamba kuna hujuma iliyofanywa ndani ya kikosi hicho na ndicho kinachoelezwa kimemfanya kocha Yusuph Chipo kufanya mabadiliko katika kikosi chake kilichoivaa Simba.
Katika mechi nyingine, Azam imeendelea kuonyesha dhamira yao ya kutwaa ubingwa msimu baada ya kuinyuka Oljoro JKT kwa bao 1-0, bao lililofungwa na John Bocco 'Adebayor' katika dakika ya 71.
Mechi hiyo ilichezwa kwenye uwanja wa Chamazi, nje kidogo ya jiji la Dar es Salaam na kuifanya Azam kufikisha pointi 47 nne zaidi na ilizonazo Yanga ambayo haya hivyo ina mchezo mmoja mkononi.
Kwa kuinyuka Simba, mabingwa hao wa Tanzania wamefikisha pointi 29, huku Simba wakisaliwa na pointi 36 wakisalia nafasi ya nne.

Dk Kigwangwala anusurika kufa kwa risasi

kupitia ukurasa wake wa Facebook Hamisi kaandika "Nimenusurika kuuawa muda si mrefu. Mungu mkubwa. Askari kwenye gari ananiambia na bahati yako nimekukosa, nililenga kichwa....kijana mmoja alikaa mbele yangu amepigwa risasi kwenye paji la uso, sijui kama amenusurika! Vijana wamenilinda kwa ujasiri bila hofu. Leo askari wamenikamata kwa staha. Siwezi kukubali kamwe dhulma ya mabepari dhidi ya wanyonge! Niliwaahidi na niliapa kuwatetea..."

Mourinho adai PSG wna furaha kukutana nao

 
KOCHA asiyeisha vituko na anayependa kucheza na akili za wapinzani wake, Jose Mourinho wa Chelsea amedai anaamini PSG wana furaha kubwa ya kupangiwa kukutana nao kwenye mechi ya Robo Fainali ya Ligi ya Mabingwa Ulaya.
Mabingwa hao wa Ligue 1 nchini Ufaransa, ilipangwa Ijumaa kukutana na Chelsea katika mechi ya mkondo huo wa 8 Bora na itaanzia nyumbani April 2 kabla ya kuwafuata 'the Blues' kwenye uwanja wao wa Stanford Bridge siku sita baadaye.
Akizungumza mara baada ya pambano lao la jana la Ligi Kuu ya England dhidi ya Arsenal na kuibuka na ushindi wa kishindo wa mabao 6-0, Mourinho alisema wapinzani wao hao wa Ufaransa ni wazuri na imani mechi yao itakuwa ngumu wakikutana mwezi ujao.

Kocha Man City atabiri nne zitakazotwaa taji EPL

 
MENEJA wa klabu ya Manchester City,  Manuel Pellegrini amesema ubingwa wa Ligi Kuu ya England kwa sasa unaweza kunyakuliwa na timu nne za ligi hiyo.
Pellegrini amesema ukiondoa timu yake na Chelsea inayoongoza msimamo wa ligi hiyo  nyingine zenye nafasi ya kutwaa taji hilo ni Liverpool na Arsenal ambayo jana ilichezea kipigo cha aibu toka kwa Chelsea.
Kocha huyo anayekabiliwa na pambano dhidi ya mahasimu wao wa Manchester, Mashetani Wekundi siku ya Jumanne alisema kwa mwenendo wa Liverpool na hata Arsenal bado zina nafasi licha ya wengi kuzipa nafasi Manchester City au Chelsea kubeba taji hilo msimu huu.
Chelsea inaoongoza msimamo ikiwa na pointi 69 wakati Liverpool inafuatia ikiwa na pointi 65 kisha City yenye pointi sita pungufu dhidi ya vinara hao, ingaw aina michezo mitatu mkononi ikiwa imecheza mechi 28 na Chelsea 3-1.

Thomas Mourice arudi nyumbani kujipanga upya kimataifa

Thomas Mourice (wa pili toka kushoto) akiwa na wachezaji wenzake wa Bandari Kenya enzi akiichezea klabu hiyo

MSHAMBULIAJI nyota wa zamani wa Moro Utd na Yanga, Thomas Mourice amerejea nyumbani baada ya kumaliza mkataba wake na klabu ya Bandari-Kenya, huku akisema anafanya mipango ya kuondoka tena kwenda kucheza soka la kulipwa nje ya nchi.
Akizungumza na MICHARAZO, Mourice aliyewahi kucheza pia katika Ligi Kuu ya Zanzibar, alisema badala ya kuongeza mkataba na klabu yake ya Bandari inayoshiriki Ligi Kuu ya Kenya ameona ni bora aje nyumbani kupumzika kabla ya kujipanga tena kutoka nje ya nchi.
"Nimerejea hivi karfibuni baada ya kumaliza mkataba na Bandari-Kenya, napumzika kidogo kabla ya kuondoka tena kwenda kucheza soka la kulipwa," alisema Mourice.
Mfumania nyavu huyo mahiri, alisema bado hajawa na uhakika ataelekea wapi safari katika mipango yake ya kucheza soka la kulipwa, lakini alidokeza huenda akaibukia Arabuni au barani Ulaya.
"Mimi kokote naweza kwenda kucheza, lakini katika mipango yangu huenda nikaenda Arabuni au Ulaya kulingana na wakala wangu anayeendelea kunisakia timu wakati napumziko hapa nyumbani," alisema.
Mshambuliaji huyo alijiunga na Bandari misimi mitatu iliyopita pamoja na wachezaji wenzake wa Kitanzania akiwamo Mohammed Banka aliyerejea na kujiunga Asdhanti Utd, Meshack Abel na David Naftal wanaoendelea kucheza mpaka sasa na kuisaidia kumaliza nafasi ya 6 msimu uliopita katika ligi ya nchi hiyo ambayo bingwa wake alikuwa Gor Mahia.

Wawili wauwawa Kanisani

 
VITENDO vinavyoonyesha binadamu hana ujanja mbele ya shetani vimeendelea baada ya leo jumapili tarehe 23/3 watu kadhaa ambao wanasadikika kuwa ni magaidi wamevamia kanisa moja linalojulikana kwa jina la Joy Jesus Church huko Mombasa na kuanza kupiga risasi kanisani hapo.
Mashuhuda wa tukio hilo wanasema baada ya watu hao kutekeleza tukio hilo walikimbia kwa miguu kuelekea pasipo julikana.
Afisa wa polisi wa eneo hilo amesema hadi sasa wamefariki watu wawili na wengine kumi wamepata majeraha ya risasi nakukimbizwa hospitali.
Kikundi cha Al Shabaab kiliwahi kuhusishwa na tukio kama hili huko Nairobi lakini hivi sasa limetokea Mombasa.
Maafisa wa polisi wamesema wanaendelea kufanya uchunguzi wa kuwakamata watu hao japokuwa hadi sasa bado hawajapata tetesi yoyote juu ya watuhumiwa hao

Golden Bush ilivyopepetana na timu ya Wizara ya Afya leo Sinza

Golden Bush Veterani 'Wazee wa Dozi' wakijipanga kabla ya kuanza kwa 'game'

Jamani mnaonaje hawa jamaa tuwapige nane? Golden Bush Veterani

Timu ya Wizara ya Afya na Ustawi wa Jamii wakijifua kabla ya kuanza kwa mchezo

Tusipopasha vyema hawa jamaa wanaweza kututia aibu! Afya Fc wakipasha

Mwamuzi Othman Kazi akitetea na mchezaji wa Wizara ya Afya

Waambie wenzenu mjipange hawa jamaa wanapiga nyingi ooh! Refa Kazi akiagana na mchezaji wa Afya FC

 

Kipa wa Golden Bush, Machota akidaka mpiga ulioelekezwa langoni mwake na Afya FC

Hapa kazi tu, msitutanie nyie!

Said Kokoo akipitwa na mchezaji wa Afya Fc huku wachezaji wenzake wakitafakari namna ya kuupata mpira

Wisdom Ndhlovu wa Golden Bush akiuwahi mpira karibu na lango lake

Chupuchupu Golden Bush watunguliwe baada ya mpira wa kona kutoka nje

 

Said Kokoo (26) akitafuta mbinu za kumnyang'anya mpira Ally wa timu ya Wizara ya Afya

Beki wa pembeni wa Golden Bush, Majaliwa akimiliki mpira huku akinyemelewa na mchezaji wa Afya FC

Mimi ndiyo Majaliwa Mwaigaga bana!

Kama Ronaldo vile!

Wazir Mahadh (10) akionyesha vitu vyake

Shomari (9) wa Golden Bush aliyefunga bao pekee la mchezo baina yao na timu ya Wizara ya Afya akichuana kuwania mpira

Sijui nimtoke vipi? Mchezaji wa Afya Fc akitafakari mbele ya Majaliwa

Mchezaji wa Afya Fc Ally akitafuta mbinu za kumtoka beki wa Golden Bush

 

 

Patashikla langoni mwa Golden Bush

Kipa Machota akionyesha ujuzi wake, huku akifuatwa na mchezaji wa Afya na Majaliwa (17) anayecheza wote timu ya Golden Bush akiwa tayari kutoa msaada

Bonge la 'Mido' Makocha Mayay wa Golden Bush akionyesha 'maujuzi' yake

 

Saidi Kokoo akimtoka mchezaji wa Afya Fc

Peke yetu jamani tutulie, Mandieta, Kokoo na Ticotico wa Golden Bush

Heka heka langoni mwa Golden Bush

Tupozeni makoo tukawafanyie wapinzani! Wachezaji wa Golden Bush wakiwa mapumziko

Dah! Hivi tulikuwa tunacheza na Simba, Yanga au Golden Bush Afya Fc wakiwa wamepumzika

Kocha wa timu ya Afya, Wille (kulia) akiongea na wachezaji wake wakati wa mapumziko

Jamani mbona mnawachelewesha? Kocha Madaraka Suleiman 'Mzee wa Kiminyio' (kushoto) akiongea na wachezaji wake wa Golden Bush huku Herry Morris naye akiwa pembeni ( aliyesimama jezi ya njano)

 

 

Makocha Herry Morris na Madaraka Seleman wakitetea na wachezaji wao

Jamani hili jua la leo kama kiama! Marefa wa pambano hilo wakitetea wakati wa mapumziko.

Hekaheka langoni mwa timu ya Afya Fc

Salum Swedi 'Kussi' akionyesha makali yake

Oyaa jikaze mtoto wa kiume! Kipa wa Afya akiwa chini baada ya kuumia huku mwamuzi Othman Kazi akimjulia hali

Kazi imeisha! Othman Kazi akitoka uwanjani baada ya kumaliza pambano la Golden Bush Veterani dhidi ya timu ya Wizara ya Afya ambapo Golden walishinda bao 1-0.